Amúx 9:9 - Tupanaarü Ore

⁹ Rü tá chanamu nax nawooneãxü̃ca̱x i ngẽma Iraétanüxü̃ i chixexü̃gu maxẽxü̃ ngẽxgumarüxü̃ i trigu i norü papetüxü̃wa ipapetüxü̃ nax ínayixü̃ca̱x i ngẽma norü üxaxü̃. Natürü yima mexü̃ne ya napüxüchire rü taxunetáma waixü̃mügu nangu.

Amúx 9:9 Iomraidhean Croise

Ichaía 27:12

Rü ngẽma ngunexü̃ i Cori ya Tupana nagu yadexechixü̃ i Iraétanüxü̃, rü natü i Eufrátewa tá inanaxügü ñu̱xmatata Equítuarü natügu yacuáx nax nanutaque̱xeãxü̃ i Iraétanüxü̃ ñoma trigu wüxipü̱xüchigü naxchirena inuxü̃xü̃rüxü̃.

Ichaía 28:28

Rü ngẽxguma trigu ipu̱xgu, rü tama poraãcü tanapu̱x nax tama yapuexü̃ca̱x. Rü ngẽxgumarüxü̃ ta i ngẽxguma ãchicuxü̃maxã napu̱xgu ya triguchire rü tama poraãcü tanapu̱x erü tama tanaxwa̱xe nax ngẽma nachicupüta yapuexẽẽxü̃.

Ichaía 30:28

Rü ngẽma norü ngü̃ãcüxü rü ñoma wüxi i natü irübaixü̃ i guxü̃wama inanguanexẽẽxü̃rüxü̃ nixĩ. Rü ngẽma nachixü̃anegü i tama naga ĩnüexü̃, rü nüma ya Tupana rü tá guxchaxü̃ naxca̱x ínanguxẽxẽ nax ngẽmaãcü nüxü̃ nacua̱xgüxü̃ca̱x nax natüxü̃wa nangẽxmagüxü̃. Rü tá namaxã inacua̱x i norü uanügü nax ngẽmaãcü ínatüexü̃ca̱x.

Yeremía 31:36

—Ngẽxguma chi wüxi i ngunexü̃ ngẽma Iraétanüxü̃ tama naga naxĩnüegu i ngẽma mugü ga nüxna chaxãxü̃, rü ngẽma ngunexü̃gu rü marü taxũtáma chorü duü̃xü̃gü nixĩgü. Rü chomatama ya Cori ya Tupana nixĩ i nüxü̃ chixuxü̃ i ngẽma.

Yeremía 46:28

Rü choma ya Cori ya Tupana rü ñachagürü pexü̃: ¡Taxṹ i pemuü̃exü̃́, Pa Chorü Duü̃ i Acóbutaagüx! Erü choma rü petanüwa tá changexma. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma perü chixexü̃gagu tá pexü̃ chaxucu̱xẽ. Rü taxũtáma nüxü̃ chaxüpetümare nax pexü̃ chapoxcuexü̃ —ñanagürü.

Yeremía 49:36

Rü Eráü̃arü duü̃xü̃güca̱x tá íchanangugüxẽxẽ i norü uanügü i ñoma buanecügü ya guxü̃cüwawa ne ĩcürüxü̃. Rü ngẽmaãcü guxü̃ i nachixü̃anegügu tá chanawoonexẽxẽ i ngẽma Eráü̃tanüxü̃. Rü ngẽmaãcü guxü̃ i nachixü̃anegu tá nawoonemare.

Echequié 20:38

Rü ngẽma nachixü̃ane i ñu̱xma nawa pemaxẽxü̃wa tá pexü̃ íchagaxü̃, natürü ngẽma tama chauga ĩnüexü̃ rü tá íchananuxü̃ rü taxũtáma Iraéarü naaneca̱x nawoegu. Rü ngẽxguma i pema rü tá nüxü̃ picua̱xãchie nax choma ya Cori chixĩxü̃ i perü Tupana —ñachagürü.

Echequié 36:19

Rü yema norü poxcu ga naxca̱x íchanguxẽẽxü̃ nagagu ga yema chixexü̃ ga naxügüxü̃, rü yemaca̱x nixĩ nax togü ga nachixü̃anegügu chanawoonexü̃.

Echequié 39:28

Rü choma nixĩ ga togü ga nachixü̃anegüwa chamugüxü̃ ga yema Iraétanüxü̃ nax yexma napoxcuexü̃ca̱x. Rü chomatátama nixĩ i wena norü naaneca̱x chanawoeguẽẽxü̃. Rü taxúexü̃táma togü i nachixü̃anewa tüxü̃ chayaxüxẽxẽ. Rü ngẽxguma i ngẽma Iraétanüxü̃ rü tá nüxü̃ nicua̱xãchitanü nax choma yixĩxü̃ i norü Cori ya Tupana.

Echequié 5:10

Curü duü̃xü̃gütanüwa, Pa Yerucharéü̃x, rü tá nangẽxma i duü̃xü̃gü i nanegüxü̃ tátama ngõ̱xgüxü̃, rü nanegü i nanatügüxü̃ tátama ngõ̱xgüxü̃. Rü cuxü̃ tá chapoxcu, Pa Yerucharéü̃x, rü ngẽma duü̃xü̃gü i maxẽxü̃ i íyaxügüxü̃ rü guxü̃ i naanegu tá chanawoone.

Echequié 5:12

Rü wüxi i norü tomaepü̱xtücumü i curü duü̃xü̃gü rü da̱xaweanemaxã rü taiyamaxã tá cugu nayue, Pa Yerucharéü̃x. Rü ngẽma to i tomaepü̱xtücumü rü cucüwagu tá norü uanügü nanadai. Rü ngẽma to i tomaepü̱xtücumü i íyaxügüxü̃ rü guxü̃ i naanegu tá chanawoone. Rü choma rü tá ngẽma duü̃xü̃güweama chixũchigü namaxã i wüxi i tara i cho̱xme̱xgu tá chingexü̃.

Lebítanüxü̃arü puracüchiga 26:33

Rü pema rü togü i nachixü̃anegu tá pexü̃ chawoone. Rü chorü taramaxã tá pewe chingẽchigü. Rü ngẽma pechixü̃ane rü tá chianexü̃xü̃ chayaxĩxẽxẽ. Rü perü ĩanegü rü nachitaxü̃xica tá ínayaxügü.

Ore i mexü̃ ga Luca ümatüxü̃ 22:31

Rü Pedruxü̃ ñanagürü ta ga Cori ga Ngechuchu: —Pa Chimóü̃x, Pa Chimóü̃x, Chataná rü Tupanana naca nax ñoma triguxü̃ idüagüxü̃rüxü̃ pemaxã yixĩxü̃ca̱x.

Wenaxarü naxümatü ga Tupanaarü mugü 28:64

Rü nüma ya Cori ya Tupana rü togü i nachixü̃anegü i yáxü̃wa ngẽxmagüxü̃gu tá nanawoone. Rü ngẽma nachixü̃anegüwa rü tá nüxü̃ nicua̱xü̃gü i tupananetagü i nainaxca̱x rü nutanaxca̱x ga woo cuma rü woo curü o̱xigü taguma nüxü̃ cua̱xgüxü̃.