Amúx 9:8 - Tupanaarü Ore

⁸ Rü nüma ya Cori ya Tupana rü nüxü̃ nadawenü i ñaa Iraétanüxü̃ i chixexü̃gu imaxẽxü̃ rü ngẽmaca̱x ñanagürü: —Choma rü ñaa naanewa tá ichayanaxoxẽxẽ i ngẽma Acóbutanüxü̃. Natürü taxũtáma ichayanaxoxẽẽxü̃chi. Rü choma ya Cori ya Tupana nüxü̃ chixu i ngẽma.

Amúx 9:8 Iomraidhean Croise

Naanearü ügüchiga 6:7

Rü poraãcü nangechaü̃ãcüma ñanagürü: —Tá ichayanaxoxẽxẽ i ngẽma duü̃xü̃gü i chango̱xẽẽxü̃, rü ngẽxgumarüxü̃ tá ta ichayanaxoxẽxẽ i ngẽma naxü̃nagü, rü naeü̃gü, rü ngẽma naeü̃gü i waixü̃müanegu nügü itúgüxü̃, rü naeü̃gü i ixãxpe̱xatüxü̃ erü choxü̃́ nangu̱x nax chanango̱xẽẽxü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 13:34

Rü yema Yeruboáü̃ üxü̃gagu nixĩ ga chixexü̃gu nayixü̃ ga nataagü rü yanaxoxü̃ ga guxü̃ma.

Ucu̱xẽgüchiga 15:3

Nüma ya Cori ya Tupana, rü guxü̃wama nangẽxma rü tüxü̃ nangugü ya yíxema mea maxẽxe, rü nanangugü ta i ngẽma chixexü̃gu maxẽxü̃.

Ucu̱xẽgüchiga 5:21

Nüma ya Cori ya Tupana rü nüxü̃ nacua̱x i nacüma i wüxichigü i duü̃xü̃, rü meama nüxü̃ nadau i guxü̃ma i ngẽma naxüxü̃.

Yeremía 30:11

Rü choma ya Cori ya Tupana rü ñachagürü: “Choma rü pemaxã changexma nax pexü̃ íchanguxü̃xẽxẽxü̃ca̱x naxme̱xwa i perü uanügü. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma pexna üxü̃ i poxcumaxã tá pexü̃ chapoxcue. Rü taxũtáma nüxü̃ chaxüpetümare nax pexü̃ chapoxcuexü̃” —ñanagürü.

Yeremía 44:27

Erü choma rü marü íchame nax pexca̱x íchananguxẽẽxü̃ i taxü̃ i guxchaxü̃gü, rü tama i ta̱xacürü mexü̃gü. Rü guxü̃ma i Yudátanüxü̃ i ñu̱xma Equítuanewa maxẽxü̃ rü aixcüma tá nayue nagu i dai rüe̱xna nagu i taiya, rü ngẽmaãcü tá nagu̱x i guxü̃ma.

Yeremía 46:28

Rü choma ya Cori ya Tupana rü ñachagürü pexü̃: ¡Taxṹ i pemuü̃exü̃́, Pa Chorü Duü̃ i Acóbutaagüx! Erü choma rü petanüwa tá changexma. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma perü chixexü̃gagu tá pexü̃ chaxucu̱xẽ. Rü taxũtáma nüxü̃ chaxüpetümare nax pexü̃ chapoxcuexü̃ —ñanagürü.

Yeremía 5:10

Rü ngẽmaca̱x chanangexrü nax norü uanügü chocuxü̃ca̱x rü nadaiaxü̃ca̱x ñoma úbanecü nada̱i̱xü̃rüxü̃, woo tama guxü̃ nadaixgu. Rü marü name nax nabüü̃chacüüãxü̃ erü ngẽma úbanecü rü marü tama choxrü nixĩ.

Ochéa 1:4

Rü ñu̱xũchi ga nüma ga Cori ya Tupana rü ñanagürü Ochéaxü̃: —Yimá cune rü Yereé tá nixĩ i naéga. Erü paxaxüchitáma chanapoxcue i ngẽma nataagü ya yimá ãẽ̱xgacü ya Yeú naxca̱x ga yema taxü̃ ga máeta ga naxüxü̃ nawa ga guma ĩane ga Yereé. Rü ngẽma Iraéanecüã̱xgü rü ngẽxma tá chayacua̱xẽxẽ nax nügümaxãtama inacua̱xgüechaxü̃.

Ochéa 1:6

Rü yexguma ga ngĩma ga Góme rü wena ixãxacü, rü nange ga ngĩxacü. Rü nüma ga Cori ya Tupana rü Ochéaxü̃ ñanagürü: —Ngẽma ngĩéga i ngẽma cuxacü rü Lo-ruáma tá nixĩ. Erü ñu̱xmawena rü marü taxũtáma choxü̃́ nangechaü̃tümüxü̃gü i Iraéanecüã̱xgü. Rü marü taxũtáma nüxü̃́ nüxü̃ icharüngüma i ngẽma norü chixexü̃gü.

Joel 2:32

Natürü guxãma ya texé ya aixcüma Tupanaga ĩnüxe rü taxũtáma tapoxcue. Erü yima ma̱xpǘne ya Chióü̃ ya Yerucharéü̃wa ngẽxmanewa tá nango̱x ya yimá Maxẽxẽxẽruxü̃ yema Cori ya Tupana pemaxã inaxunetaxü̃rüxü̃. Rü yíxema nüma tüxü̃ nidexechixe rü taxũtáma tapoxcue.

Amúx 3:12

Rü nüma ya Cori ya Tupana rü ñanagürü ta: —Ñoma wüxi i carnéruarü dauruxü̃ i leóü̃a̱xwa taxre ya carnéruparagü rü carnéruchinüpe̱xe itúxuchixü̃rüxü̃ tá nixĩ nax yabuxmüxü̃ i ngẽma Iraétanüxü̃ i Chamáriawa ngẽxmagüxü̃ i ñu̱xma taãẽãcüma norü pechica i mexẽchixü̃cüwagu cagüxü̃ —ñanagürü.

Amúx 7:17

Natürü i ñu̱xma rü ñaa nixĩ i ngẽma ore i Cori ya Tupana cumaxã nüxü̃ ixuxü̃, rü ñanagürü: “Cuxma̱x rü daa ĩanewa tátama ngexü̃ i ngeãẽxü̃ tixĩ. Rü ngẽma cunegü i iyatüxü̃ rü ñu̱xũchi yíxema cuxacügü ya ingexe rü taramaxã tá tüxü̃ nadai. Rü ngẽma cuanegü rü ngẽma uanügü rü sortéuãcüma tá nügü nayanu. Rü cuma rü duü̃xü̃gü i tama Tupanaxü̃ cua̱xgüxü̃arü nachixü̃anegu tá cuyayu. Rü norü uanügü i ngẽma Iraétanüxü̃ rü Iraéanearü yáxü̃wa tá nanagagü” —ñanagürü ya Cori ya Tupana.

Amúx 9:10

Rü chorü duü̃xü̃gütanüwa rü taragu tá nayue i guxü̃táma i ngẽma i chixexü̃gu maxẽxü̃ rü ñagüxü̃: “Rü taxuxü̃táma tüxü̃ nangupetü i ngẽma ãũcümaxü̃ rü taxũtáma tawa nangu”, ñagüxü̃ —ñanagürü.

Amúx 9:4

Rü ngẽxguma norü uanügü nachixü̃anegüwa nagagügu, rü choma rü tá ngémacüã̱xü̃ chamu nax taramaxã nadaiaxü̃ca̱x. Choma rü guxü̃gutáma poxcumaxã nüxü̃ chadawenü rü tama ta̱xacürü mexü̃maxã —ñanagürü.

Wenaxarü naxümatü ga Tupanaarü mugü 6:15

Erü yimá perü Cori ya Tupana ya petanüwa ngẽxmacü rü nüxü̃́ pechu̱xu rü ngürüãchi pemaxã nanuxgu rü noxtacüma pexü̃ nadai rü pexü̃ nayarüxoxẽxẽ.