Amúx 9:6 - Tupanaarü Ore

⁶ Rü nüma ya Cori ya Tupana rü dauxü̃guxü̃ i naanegu nanaxü ya napata ya mexẽchine. Rü nanaxü i ngẽma ngo̱xmaanexü̃ i yáuxü̃ i ñoma i naaneétüwa ngẽxmaxü̃. Rü nüma rü dauxü̃ nanaxĩxẽxẽ i már arü dexá rü ñu̱xũchi ñoma i naanegu nanapuxẽxẽ. Rü Cori ya Tupana nixĩ i naéga.

Amúx 9:6 Iomraidhean Croise

Naanearü ügüchiga 2:1

Rü yemaacü ningu i ngẽma daxũwa ngẽxmagüxü̃ rü ñoma i naane rü guxü̃ma i nawa ngẽxmagüxü̃.

Wiyaegü 104:13

Rü cuma rü yea dauxü̃wa ícungexmaxü̃wa cunamu ya pucü nax ma̱xpǘneétügügu napuxü̃ca̱x. Rü yimá pucümaxã cuyawaimüanexẽxẽ i ñoma i naane.

Wiyaegü 104:3

Rü dexáétüwa cungexma rü ngẽxma dauxü̃gu cuxãchiü̃. Rü ngẽma caixanexü̃ rü cuwexü̃xü̃ cuyaxĩxẽxẽ. Rü yimá buanecü nixĩ ya nagu quixũcü.

Yeremía 5:22

Rü choma ya Cori ya Tupana rü pexna chaca rü ñachagürü: ‘¿Tama ẽ̱xna choxü̃ pemuü̃e? ¿Tama ẽ̱xna chope̱xewa pidu̱xrue?’ Choma rü chanango̱xẽxẽ ya naxnecü nax márxü̃ yatoxyepe̱xexü̃ca̱x. Rü ngẽma toxyepe̱xewa rü taxucürüwama naxüpetü i már. Rü woo poraãcü nayuapegu rü natagagu rü taxucürüwama naxüpetü nawa i ngẽma toxyepe̱xe.

Amúx 4:13

Rü choma rü Cori ya Tupana ya Guxãétüwa Ngẽxmacü nixĩ i chauéga. Rü choma nixĩ i ma̱xpǘnegü rü buanecü chango̱xẽẽxü̃. Rü choma nixĩ i yatüxü̃ nüxü̃ chacua̱xẽẽxü̃ i ngẽma nagu charüxĩnüxü̃. Rü choma nixĩ i waanexü̃xü̃ chayanguxuchixẽẽxü̃ i ngóonexü̃. Rü choma nixĩ i ñoma i naanearü máxpü̱xanexü̃gu chixũgüxü̃. Rü Cori ya Tupana ya Guxãétüwa Ngẽxmacü nixĩ i chauéga.

Amúx 5:8

Rü nüma ya Cori ya Tupana nixĩ ga naxüxü̃ i ngẽma ẽxtagütücumü i Préyadegu ãégaxü̃ rü ngẽma ẽxtagütücumü i Orióü̃gu ãégaxü̃. Rü ngẽxguma nachütagu rü nüma ínanangu̱xẽxẽ i ngóonexü̃. Rü ngẽxguma nangóonegu rü nüma rü ínanangu̱xẽxẽ i chütaxü̃. Rü nüma nixĩ i caixanexü̃xü̃ yanguxuchixẽẽãxü̃ i már arü dexá nax dauxü̃ naxĩxü̃ca̱x rü ñu̱xũchi ñoma i naanegu nax napuxẽẽãxü̃ca̱x. Rü naéga rü Cori ya Tupana nixĩ.