Amúx 9:5 - Tupanaarü Ore

⁵ Rü yimá Cori ya Tupana ya Guxãétüwa Ngẽxmacü rü ngẽxguma ñoma i naanexü̃ yangógügu rü tá inagü i ngẽma waixü̃mü, rü tá naxauxe i guxü̃ma i duü̃xü̃gü i nawa maxẽxü̃. Rü ñaa naane rü tá naxĩnagüxü̃ rü ínarüxĩĩxü̃ ñoma taxtü i Níruarü yuape ya tacürüxü̃.

Amúx 9:5 Iomraidhean Croise

Wiyaegü 104:32

Rü ñoma i naane rü nidu̱xru i ngẽxguma nüma nüxü̃ nadawenügu. Rü ngẽxguma yima ma̱xpǘnegüxü̃ yangógügu rü nicaixquegü.

Wiyaegü 144:5

Pa Corix ¡yawãxna i daxũguxü̃ i naane rü ñoma i naanegu írüxĩ! ¡Rü nüxü̃ ingógü ya ma̱xpǘnegü nax yana̱i̱xgüxü̃ca̱x rü yacaixquegüxü̃ca̱x!

Wiyaegü 32:6

Rü ngẽmaca̱x i guxü̃ma i duü̃xü̃gü i aixcüma yaxõgüxü̃ rü ngẽxguma guxchaxü̃wa nangẽxmagu rü tá cumaxã nüxü̃ nixu i ngẽma norü guxchaxü̃gü. Rü woo muxũchixü̃ i guxchaxü̃gü nüxna ngaicamagu rü taxũxü̃táma nüxna nangu.

Wiyaegü 46:6

Rü ngẽma nachixü̃anegü rü nügümaxã nanue rü nügü naxãxũnegü. Natürü ngẽxguma Tupana idexagu rü ngẽma ãẽ̱xgacügü rü nidu̱xrue rü ngẽma waixü̃mü rü inachaxichi.

Wiyaegü 97:5

Rü nape̱xewa ya Cori ya ñoma i naanearü yora ixĩcü rü yima ma̱xpǘnegü rü inadexgü ñoma werarüxü̃.

Ichaía 64:1

¡Ẽcü ínangegü i ngẽma caixanexü̃ i dauxü̃wa ngẽxmaxü̃, Pa Tupanax, rü ngéma írüxĩ! Rü yima ma̱xpǘnegü rü tá naxĩã̱xãchitanü i ngẽxguma cungo̱xgu.

Yeremía 12:4

¿Rü ñuxgura tá ta iyanaxoxü̃ nax yapagüanexü̃, rü nayuexü̃ i maxẽgü i naanewa rüxügüxü̃? Rü naeü̃gü, rü werigü rü niyueetanü nagagu i ngẽma chixexü̃ i ñaa nachixü̃anecüã̱xgü ügüxü̃. Rü nümagü nagu naxĩnüegu rü tama nüxü̃ cudau i ngẽma chixexü̃ i naxügüxü̃ —ñanagürü ga Yeremía.

Ochéa 4:3

Rü ngẽmaca̱x i ñaa nachixü̃ane rü poraãcü ngechaü̃ nüxü̃́ nangu̱x rü naanegüwa rü taxuxü̃ma narüxü. Rü duü̃xü̃gü rü nida̱xawee rü nayue, rü ngẽxgumarüxü̃ ta i ngẽma naeü̃gü i naixnecücüã̱x rü werigü rü choxnigü i márcüã̱x rü nigúetanü.

Amúx 8:8

Rü ngẽmaca̱x i ñoma i naane rü tá nixĩã̱xcüxü rü norü duü̃xü̃gü rü tá naxauxe. Rü ñaa naane rü tá naxĩnagüxü̃ rü ínarüxĩĩxü̃ ñoma taxtü i Níruarü yuape ya tacürüxü̃

Naúü̃ 1:5

Rü yima ma̱xpǘnegü rü na̱xcha̱xwa nidu̱xrugü rü nape̱xewa inagü. Rü guxü̃ma i ñoma i naane rü guxü̃ma i duü̃xü̃gü i nawa maxẽxü̃ rü nape̱xewa niyoyogü norü muü̃maxã.

Naúü̃ 1:6

¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.

Abacú 3:10

Rü ngẽxguma cuxü̃ nadaugügu ya ma̱xpǘnegü rü nidu̱xruxe. Rü dauxü̃guxü̃ i naanewa rü tacü ya pucü narüngu. Rü ngẽma már i mátamaxü̃ rü poraãcü naxãũgaãchi namaxã ya norü yuape ya tacü.

Ore i mexü̃ ga Matéu ümatüxü̃ 7:27

Rü pucü ga tacü ínangu, rü narübaigü ga natügü, rü tacü ga buanecügü nixũũchi rü nagu nanguema ga gumá ĩ, rü niwa̱xtaü̃. Rü yexma nayarüxo ga guma ĩ”, ñanagürü ga Ngechuchu.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.