Amúx 9:2 - Tupanaarü Ore

² Rü woo waixü̃müarü ãxmaxü̃gu yacu̱xgügu rü ngéma tá íchanawoxü̃ama. Rü woo ma̱xpǘnetape̱xegu naxĩgügu rü ngéma rü tá íchanaxĩgüxẽxẽama.

Amúx 9:2 Iomraidhean Croise

Yox 20:6

Rü woo chi ngẽma yatü rü nügü ínata̱xgu ñu̱xmata caixanexü̃wa nanguxgu i nachiga, natürü ngẽma yatü rü ñoma naü̃rüxü̃ tá inayarüxomare, rü namücügü rü taxũtáma nüxü̃ nacua̱xgü nax ngexta nangẽxmaxü̃.

Yox 22:13

¿Ñuxãcü i cuma i nagu curüxĩnüxü̃ nax Tupana tama nüxü̃ nacuáxü̃ i ngẽma cuxüxü̃, rü ngẽma pamüxü̃ i caixanexü̃gagu taxucürüwa cuxü̃ nangugüarü maxü̃ã́xü̃? ¿Rü ñuxãcü nüxü̃ quixuxü̃ nax Tupana tama cuxü̃ dauxü̃? Erü nüma rü guxü̃wama naxũ i dauxü̃wa.

Yox 24:23

Rü ñu̱xma ya Tupana rü taxu ñanagürümare, natürü nüxü̃ nadau i guxü̃ma i ta̱xacü i naxüxü̃ i ngẽma duü̃xü̃ i chixexü̃gu maxü̃xü̃.

Yox 26:6

Rü Tupanape̱xewa rü nataxuma i ta̱xacü icúxü̃ rü woo ngẽma yuexü̃arü naxmaxü̃gü rü Tupanape̱xewa rü ínangegü.

Yox 34:22

Rü nataxuma i ta̱xacü i waanexü̃ i Tupanacha̱xwa yadüxüxü̃ i wüxi i duü̃xü̃ i chixexü̃arü üruxü̃.

Ichaía 2:19

Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü waixü̃müarü ãxmaxü̃gu nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Yeremía 49:16

Cuma rü cugü quicua̱xüxü̃ namaxã i curü pora i namaxã cunamuü̃xẽxẽ i ngẽma togü i nachixü̃anegü. Rü nutagüarü ãxmaxü̃güwa pemaxẽ ya ma̱xpǘnegüarü ngüchitaeruxü̃güwa. Natürü woo ñoma ĩyürüxü̃ ngüchitaeruxü̃gügu pexü̃́ nangẽxmagügu i pechica, rü choma rü ngéma tá pexü̃ ícharüxĩgüxẽxẽama. Rü choma ya Cori ya Tupana nixĩ i ngẽma ñachaxü̃” —ñanagürü.

Yeremía 51:53

Rü woo Babirónia namáchanexẽẽãgu i norü ĩanearü poxeguxü̃tápü̱xgü ñu̱xmata dauxü̃wa nangu, natürü choma rü tá chanamu i norü uanügü nax yawa̱xgüxẽẽãxü̃ca̱x” —ñanagürü ya Cori ya Tupana.

Echequié 26:20

Rü ngẽma waixü̃mütüü̃wa tá cuxü̃ chamu, ngẽma nüxíra yuexü̃ íngẽxmagüxü̃wa. Rü waixü̃müarü aixepewaxüchi tá cuxü̃ changexmaxẽxẽ. Rü ngẽma rütauxexüchixü̃ nawa ngẽxmagüxü̃wa tá cuxü̃ changexmaxẽxẽ. Rü tagutáma wena cuwa namaxẽ i duü̃xü̃gü, rü tagutáma texé wena cuxü̃ ítarüdaxẽxẽ i ñoma i naanewa.

Echequié 31:14

‘Rü ñu̱xmacürüwa rü woo muxü̃ma i natügüxü̃tawa naxüxgu rü marü taxũtáma nangẽxma i to i nai i naxrüxü̃ máchanexü̃chixü̃. Rü woo yamecagu rü taxũtáma nangema i to i nai i natape̱xe caixanexü̃wa nguxü̃. Rü guxü̃táma nayue rü waixü̃mütüü̃wa naxĩ naxrüxü̃ i ngẽma marü naxmaxü̃wa ngẽxmagüxü̃’.

Abdía 1:4

Natürü woo ñoma ĩyürüxü̃ daxũwaxü̃chi pengẽxmagügu rü ma̱xpǘnetape̱xegu pexãchiü̃gu ñoma ĩyürüxü̃, rü ngéma tá pexü̃ charüyi̱xẽxẽ —ñanagürü ga Cori ya Tupana.

Ore i mexü̃ ga Luca ümatüxü̃ 10:18

Rü Ngechuchu rü ñanagürü nüxü̃: —Ngẽmáacü aixcüma nixĩ. Yerü nüxü̃ chadau ga Chataná ga daxũguxü̃ ga naanewa nax nanguxü̃ wüxi ga ãẽmacürüxü̃.