Amúx 9:13 - Tupanaarü Ore

¹³ Rü ñanagürü ta: —Rü ngẽma ngunexü̃gügu rü poraãcü tá nixo i perü trigu. Rü ngẽxguma taxũta yagúegu nax penabuxuxü̃ i perü trigu rü ngẽma perü naane rü marü táxarü name nax wena nagu petoexü̃. Rü ngẽxguma taxũta yagúegu nax penabuxuxü̃ i perü úbagü rü ngẽma perü naane rü marü íname nax perü trigu nagu petoxü̃. Rü guxü̃nema ya yima ma̱xpǘnegüwa rü ngüchitaeruxü̃güwa rü tá nata i perü bínu ñoma dexárüxü̃.

Amúx 9:13 Iomraidhean Croise

Naanearü ügüchiga 49:11

Rü nüma ya Yudá rü úbanegu nanangãxü̃ i norü búru, rü úbachacüxü i rümemaexü̃gu nanangãxü̃ i norü búruxacü. Rü bínuwa naya̱u̱xchiru. Rü úbatüü̃wa nixĩ ga naya̱u̱xãxü̃ i norü gáuxü̃chiru.

Wiyaegü 97:5

Rü nape̱xewa ya Cori ya ñoma i naanearü yora ixĩcü rü yima ma̱xpǘnegü rü inadexgü ñoma werarüxü̃.

Ichaía 16:10

Rü marü tama nüxü̃ taxĩnüe i duü̃xü̃gü i naanewa tagatanüxü̃ norü taãẽmaxã. Rü yema úbanecügüwa rü marü tama nüxü̃ taxĩnüe i duü̃xü̃gü i norü taãẽmaxã wiyaegüxü̃, rü taxuxü̃ma tadau i duü̃xü̃gü i úba i ñúxcharaxü̃ rü ínayo̱xpetüxü̃ nax bínu ínaxüãxü̃. Rü guxü̃ma i ngẽma duü̃xü̃güarü taãxẽ rü marü inayacua̱x.

Ichaía 55:13

Rü ngẽma tuxugü írüxügüchiréxü̃wa rü tá narüxügü i pinugü. Rü ngẽma naxcugü írüxügüchiréxü̃wa rü tá narüxügü i nanetügü i yixixü̃ i mirtu. Rü guxü̃ma i ñoma i naanewa ngẽxmagüxü̃ rü tá Tupanaxü̃ nicua̱xüü̃gü rü ngẽmaãcü i duü̃xü̃gü rü tá nüxü̃ nacua̱xgü nax Tupana rü guxü̃guma nangẽxmaechaxü̃ —ñanagürü ya Tupana.

Echequié 28:26

Rü ngéma rü tá taãẽãcüma namaxẽ rü taxúetama tanachixewegü. Rü tá naxüpatagü rü úbamaxã tá natoegü. Rü choma rü tá chanapoxcue i guxü̃ma i ngẽma nachixü̃anegü i nüxna ngaicamagüxü̃ i guxchaxü̃ naxca̱x ínguxẽẽxü̃. Rü ngẽmaãcü i ngẽma duü̃xü̃gü rü tá nüxü̃ nacua̱xgü nax choma yixĩxü̃ i Iraétanüxü̃arü Cori ya Tupana chixĩxü̃” —ñanagürü ga Tupana.

Echequié 36:35

Rü ngẽxguma i ngẽma duü̃xü̃gü rü tá ñanagürügü: “Ngẽma naane ga taxuxü̃ma i ta̱xacü nawa rüxügüxü̃ rü ñu̱xma rü ñoma Edéü̃arü naanerüxü̃ nixĩ. Rü guma ĩanegü ga nagu napogüegüne rü ñu̱xma rü ínipoxegugü rü duü̃xü̃gü rü nawa namaxẽ.

Joel 2:24

Rü ngẽmaãcü tá mea pexü̃́ nixo i trigu rü poraãcü tá nata ya perü bínu rü chíxü̃.

Joel 3:18

Rü ngẽma ngunexü̃gu rü yima ma̱xpǘnegüwa tá nangẽxma ya tacü ya bínu rü lechi ñoma dexárüxü̃. Rü Yudáanearü natügüwa rü tá nata i norü dexá. Rü yima chopata ya taxü̃newa rü tá nichuxchu i wüxi i dexá i tá Chitíü̃arü doxonexü̃wa yawaianexẽẽxü̃.

Joel 3:20

Rü ngẽmaca̱x i choma rü tümaca̱x chanu rü tá chanadai i ngẽma Equítuanecüã̱xgü rü Edóü̃anecüã̱xgü, rü taxũtáma namaxã chixãũxãchi i ngẽma chorü duü̃xü̃güxü̃ daixü̃. Natürü ngẽma Yudáane rü yima Yerucharéü̃arü ĩane rü guxü̃gutáma duü̃xü̃gü nawa namaxẽ. Rü choma ya Cori ya Tupana rü nawa tá chamaxü̃ ya yima ma̱xpǘne ya Chióü̃ ya Yerucharéü̃wa ngẽxmane —ñanagürü ga Cori ya Tupana.

Lebítanüxü̃arü puracüchiga 26:5

Rü ngẽma tríguarü buxu rü tá úbaarü buxuwa nangu, rü ngẽma úbaarü buxu rü tá toearü ngunexü̃wa nangu. Rü paũmaxã tá pixãwemü ñu̱xmata mea pingãxpütüwegü. Rü taxuxü̃táma i ta̱xacü pexü̃ nachixewe i pechixü̃anewa.

Amúx 9:5

Rü yimá Cori ya Tupana ya Guxãétüwa Ngẽxmacü rü ngẽxguma ñoma i naanexü̃ yangógügu rü tá inagü i ngẽma waixü̃mü, rü tá naxauxe i guxü̃ma i duü̃xü̃gü i nawa maxẽxü̃. Rü ñaa naane rü tá naxĩnagüxü̃ rü ínarüxĩĩxü̃ ñoma taxtü i Níruarü yuape ya tacürüxü̃.

Ore i mexü̃ ga Cuáü̃ ümatüxü̃ 4:35

Rü pema rü ñaperügügü: “Ãgümücü ya tauemacü nataxu nax yabuxgǘxü̃ i trigu”, ñaperügügü. Natürü i choma rü ñacharügü pexü̃: “¡Dücax i nanetügüarü o erü marü nidau rü marü nawa nangu nax yabuxgǘxü̃!”

Ãẽ̱xgacügü ga guxchaxü̃güarü mexẽxẽruü̃gü 5:5

Rü cupe̱xewa, Pa Torü Cori Pa Iraétanüxü̃arü Tupanax, rü nidu̱xrugü ya ma̱xpǘnegü, rü nidu̱xru ya yima ma̱xpǘne ya Chinaí.