Amúx 8:5 - Tupanaarü Ore

⁵ Rü pegüna pecagü rü ñaperügügü: “¿Ñuxgu tá nangupetüxü̃ i ngẽma ngexwacaxü̃cü ya tauemacüarü peta nax ngẽmaãcü wena namaxã itaxegüxü̃ca̱x ya tórü trigugü? ¿Rü ñuxgu tá nangupetüxü̃ i ngẽma ngü̃xchigaarü ngunexü̃ nax wena namaxã itaxegüxü̃ca̱x ya tórü trigugü?” ñaperügügü. Rü pema rü chixecü ya yáruxü̃wa ipenayá i perü trigugü. Rü íxraxü̃ i ngugüruxü̃wa penangugü i ngẽma trigu Rü naétü nagu perüxĩnüe nax penatatanüxẽẽxü̃ i perü trigugü.

Amúx 8:5 Iomraidhean Croise

Norü taxre ga popera ga ãẽ̱xgacügüchiga 4:23

Rü ngĩte ngĩxna naca rü ñanagürü ngĩxü̃: —¿Ta̱xacürüxü̃ ícuyadau i ñu̱xmax? Ñu̱xma rü tama ngexwaca nangóxü̃ ya tauemacüchiga nixĩ rü tama ngü̃xchigaarü ngunexü̃ nixĩ —ñanagürü. Rü ngĩma inangãxü̃ rü ngĩgürügü nüxü̃: —¡Taxṹ i cuxoegaxãẽxü̃! —ngĩgürügü.

Ínachoxü̃xü̃chiga 31:13

—¡Namaxã idexa i ngẽma Iraétanüxü̃ rü ñacurügü tá nüxü̃!: “Rü name nixĩ i perüngü̃gü nagu i ngẽma ngunexü̃ i choxrü ixĩxü̃. Erü ngẽma nixĩ i cua̱xruxü̃ i guxü̃gutáma yigümaxã ixüxü̃ nax ngẽmaãcü guxãma i pema nüxü̃ pecuáxü̃ca̱x nax choma yixĩxü̃ i pexü̃ chadexü̃.

Ucu̱xẽgüchiga 11:1

Nüma ya Cori ya Tupana rü nüxü̃ naxo i ngẽma yáruxü̃ i tama ngugügu nayáxü̃, natürü namaxã nataãxẽ i ngẽma yáruxü̃ i aixcüma mea ngugügu nayáxü̃.

Ucu̱xẽgüchiga 16:11

Ngẽxguma texé tümaarü yáruü̃wa rüe̱xna tümaarü ngugüxü̃wa tangĩ̱xgu, rü Tupana tá tüxü̃ napoxcu. Erü guxü̃ma i ngẽma yáruü̃gü rü ngugüruü̃gü, rü Tupana nixĩ ya nango̱xẽẽcü.

Ucu̱xẽgüchiga 20:23

Nüma ya Cori ya Tupana, rü tama tümamaxã nataãxẽ ya yíxema yáruü̃netamaxã puracüxe. Rü tama norü me nixĩ i ngẽma yáruü̃gü i tama aixcüma ngugügu yaxü̃.

Ichaía 1:13

Rü tama chanaxwa̱xe i ãmaregü i taxuwama mexü̃ cha̱u̱xca̱x nua pena, erü choma rü marü tama yáxna namaxã chaxĩnü i ngẽma naema i perü ãmaregü ípeguxü̃. Rü pemax rü duü̃xü̃güna pexu nax penaxüchigaxü̃ca̱x ya tauemacü ya ngexwaca ngócü rü ñu̱xũchi ngü̃xchigaarü ngunexü̃. Natürü choma rü tama namaxã chataãxẽ i duü̃xü̃gü i chixexü̃gu maxẽxü̃güarü petagü.

Ichaía 58:13

Rü tama name i pepuracüe rü petaxegü i ngü̃xchigaarü ngunexü̃gu. Rü ngẽma chanaxwa̱xexü̃ nixĩ nax pexca̱x rü wüxi i ngunexü̃ i üünexü̃ nax yixĩxü̃ rü wüxi i ngunexü̃ i nagu petaãẽxü̃ nax yixĩxü̃. Rü ngẽma ngunexü̃ rü cha̱u̱xca̱xica tá ípenaxüxüchi. Rü ngẽxguma ngẽmaãcü penaxü̱xgu, rü tama ngẽma ngunexü̃gu pepuracüegu rü tama petaxegügu rü tama dexagü i taxuwama mexü̃maxã pidexagügu, rü ngẽxguma i choma i perü Tupana rü tá pexü̃ chataãẽxẽxẽ. Rü tá pexna chanaxã i ñaa naane ga perü o̱xi ga Acóbumaxã nüxü̃ chixuxü̃ rü tá pexü̃ charüngü̃xẽẽxü̃ nax ñaa nachixü̃anemaxã ipecu̱axgüxü̃ —ñanagürü ga Tupana. Rü Cori ya Tupanatama nixĩ i ngẽma ñaxü̃.

Ochéa 12:7

Rü Tupana rü Iraétanüxü̃xü̃ ñanarügü: —Pemax rü taxetanüxü̃ i womüxẽẽwa̱xegüxü̃ pixĩgü. Rü ngẽmaca̱x yimá perü yáruxü̃ ya tama mecümaxã nüxü̃́ pengĩ̱x i duü̃xü̃gü.

Ochéa 12:8

Rü nagu perüxĩnüe nax ngẽmaãcü pimuarü diẽruã̱xü̃chi, rü taxúetama pexü̃ cuáxü̃ nax naxca̱x pengĩ́ãcüma pexü̃́ nangẽxmaxü̃ i perü ngẽmaxü̃gü.

Lebítanüxü̃arü puracüchiga 19:36

Rü name nax ngẽma curü yáruxü̃ rü ngẽma curü ngugüruxü̃ rü aixcümama namexü̃. Rü choma nixĩ ya perü Cori ya Tupana ga Equítuanewa pexü̃ íchanguxü̃xẽẽxü̃.

Chacaría 5:6

Rü yexguma ga choma rü nüxna chaca rü ñacharügü: —¿Ta̱xacü nixĩ i ngẽma? —ñacharügü. Rü yexguma ga nüma rü choxü̃ nangãxü̃ rü ñanagürü: —Ngẽma nüxü̃ cudauxü̃ i pexchi i taxü̃ rü tríguarü nguruxü̃ nixĩ, rü ngẽmamaxã nixĩ ya Tupana inangugüaxü̃ i norü pecadugü i ngẽma duü̃xü̃gü i ñoma i naanewa maxẽxü̃ —ñanagürü.

Chacaría 5:8

Rü yexguma nüma ga yema Tupanaarü orearü ngeruxü̃ i daxũcüã̱x rü choxü̃ ñanagürü: —Ngẽma nge rü ngẽma pecaduchiga nixĩ —ñanagürü. Rü yexguma ga yema nge rü íixũxũchaü̃, natürü nüma ga yema Tupanaarü orearü ngeruxü̃ rü ngĩxü̃ nimucuchiama rü ngĩxü̃ narüngataxü̃ namaxã ga yema naxã́taxü̃ ga plomunaxca̱x.

Maraquía 1:13

Rü pema rü ñaperügügü: “Marü tipae nax tanaxüechaxü̃ i ngẽma puracü”, ñaperügügü. Rü ngẽmaca̱x choxü̃ pexoe. Rü ngẽmaétüwa rü pema rü nagu perüxĩnüe nax namaxã chataãẽxü̃ i ngẽma naxü̃na i naxca̱x pengĩ́xü̃ rü woca i chixri ixũxü̃ rüe̱xna ida̱xawexü̃ i choxü̃ namaxã pexãmareã́xü̃.

Iraétanüxü̃arü muxchiga 10:10

Rü name i peyacue ya yima cornétagü nagu i ngẽma ngunexü̃gü i petaãẽgüxü̃ rü penaxüchigagüxü̃ ya ngexwaca ixücucü ya tauemacü. Rü ngẽxgumarüxü̃ tá ta peyacue i ngẽxguma choxna penaxãxgu i perü ãmaregü i ngüxmüxẽẽruü̃gü i cha̱u̱xca̱x piguxü̃. Rü ngẽmaãcü i choma rü tá pexna chacua̱xãchi. Rü Choma nixĩ i Cori ya perü Tupana chixĩxü̃ —ñanagürü.

Colosenses 2:16

Rü ñu̱xma rü taxuca̱xma tü̱xcüü̃ pexü̃ nixugüe i ngẽma Yudíugü naxca̱x i ngẽma õna i pengõ̱xgüxü̃ rü ngẽma axexü̃ i pixaxgüxü̃. Rü taxuca̱xma tü̱xcüü̃ pexü̃ nixugüe nachiga i ngẽma petaarü ngunexü̃gü i nümagü nagu naxauregüxü̃, rü yimá tauemacügü ya ngexwacaxü̃cü i nagu naxauregüxü̃, rü ngẽma ngü̃xchigaarü ngunexü̃gü i nagu naxauregüxü̃.

1 Chamué 20:5

Dabí nanangãxü̃ rü ñanagürü: —Dücax, moxü̃ tá nixĩ i ngexwacaxü̃cü ya tauemacüarü petachiga, rü guxü̃guma ngẽma petaca̱x ãẽ̱xgacümaxã ícharüto nax chachibüxü̃. ¡Natürü choxü̃ ínamuxũchi nax naanegu chayarücúxü̃ca̱x ñu̱xmata pa̱xmaacüarü yáuanecü! Rü ngẽxguma tá curü papa cha̱u̱xca̱x ícaxgu, ¡rü tümamaxã nüxü̃ ixu nax marü cuxna chacaxü̃ nax chorü ĩane ya Beréü̃wa chaxũxü̃ erü guxü̃ma i chautanüxü̃ rü ngéma nanaxüchigagü nax yaguãxü̃ i ãmare i taunecüarü gu̱xgu!