Amúx 8:14 - Tupanaarü Ore

¹⁴ Rü ngẽma duü̃xü̃gü i Chamáriaarü tupananetagüaxü̃́ yaxõgüxü̃, rü tá inayayitanü rü tagutáma ínarüdagü. Rü ngẽxgumarüxü̃ tá ta namaxã nangupetü i ngẽma Dáü̃tanüxü̃ i norü tupananetagüaxü̃́ yaxõgüxü̃ rü ngẽma Bechébacüã̱xgü i norü tupananetagüaxü̃́ yaxõgüxü̃” —ñanagürü.

Amúx 8:14 Iomraidhean Croise

Nüxíraxü̃xü̃ ga popera ga ãẽ̱xgacügüchiga 12:32

Rü ñu̱xũchi guma 8 ga tauemacüarü 15 gu nanaxü ga wüxi ga peta naxca̱x ga norü tupananetagü. Yema peta naxüchigagügu rü Yudáanewa naxügüxü̃rüxü̃ nanaxügü. Rü nümatama ga Yeruboáü̃ nixĩ ga ínaguaxü̃ ga woca nawa ga yema ãmarearü guruxü̃ ga ĩane ga Betégu naxüxü̃. Rü yema wocachicüna̱xã ga úirunaxca̱x ga nümatama naxüxü̃pe̱xegu naxü̃nagü nadai rü naxca̱x ínanagu. Rü nanaxüarü chacherdóteã̱xgü ga yema ãmarechicagü ga nüma ínaxüxüxü̃ nax nawa norü tupananetaxü̃ yacua̱xüü̃güxü̃ca̱x.

Nüxíraxü̃xü̃ ga popera ga ãẽ̱xgacügüchiga 14:16

Rü nüma ya Cori ya Tupana rü to i nachixü̃aneme̱xẽgu tá nananguxẽxẽ i Iraéane nagagu ga yema pecadugü ga Yeruboáü̃ üxü̃ rü yema pecadugü ga Iraétanüxü̃xü̃ naxüxẽẽxü̃ —ñanagürü.

Norü taxre ga popera ga ãẽ̱xgacügüchiga 10:29

Natürü nüma ga Yeú rü tama nüxü̃ narüxo ga yema chixexü̃ ga Nabáx nane ga Yeruboáü̃ üxü̃ ga yexguma Iraéanecüã̱xgüxü̃ chixexü̃gu nayixẽẽgu. Yerü nüma ga Yeú rü nayadaxẽẽãma nax nüxü̃ yacua̱xüü̃xü̃ ga yema úirunaxca̱x ga wocaxacüchicüna̱xãgü ga Dáü̃wa rü Betéwa yexmagüxü̃.

Norü taxre ga to ga popera ga ãẽ̱xgacügüchiga ümatüxü̃ 36:16

Natürü nümagü ga yema duü̃xü̃gü rü nüxü̃ nacugüeama ga yema Tupanaarü orearü uruü̃gü rü tama nüxü̃́ inarüxĩnüechaü̃ ga yema namaxã nüxü̃ yaxugüxü̃ rü nagu nidauxcüraxü̃gü. Rü yemaca̱x ga nüma ga Tupana rü düxwa namaxã nanu ga yema norü duü̃xü̃gü rü taxúema Tupanaxü̃ ítayachaxãchixẽxẽ.

Wiyaegü 140:10

¡Rü naétügu nayixẽxẽ i curü poxcu ñoma ã́xwe ya inaicürüxü̃! ¡Rü wüxi i ãxmaxü̃ i taguma nawa ínachoxü̃xü̃gu nawocu!

Wiyaegü 36:12

Dücax, ngẽxma nayayitanü i ngẽma chixexü̃arü üruü̃gü. Nayayitanü rü marü taxucürüwa inachigü.

Ucu̱xẽgüchiga 24:16

Erü tüma ya yíxema duü̃xẽ ya mexü̃gu maxü̃́xe rü woo 7 e̱xpü̱xcüna itayanguxgu, rü 7 e̱xpü̱xcüna tá ítarüdaama. Natürü ngẽma duü̃xü̃gü i chixexü̃gu maxẽxü̃, rü ngẽma norü chixexü̃gu tá inayarütauxe. -28-

Ucu̱xẽgüchiga 29:1

Texé ya tama nayaxúxe i ucu̱xẽ, rü paxa tá guxchaxü̃ tümaca̱x ínangu, rü taxúetama tümaétüwa tachogü.

Ichaía 24:20

Rü ñoma i naane rü wüxi i ngãxü̃xü̃rüxü̃ tá nichü̱xacüxü, rü ñoma wüxi ya ĩpata ya chixri ipugüparanerüxü̃ tá nixĩã̱xcüxü. Erü norü duü̃xü̃güarü chixexü̃ rü poraãcü nataxüchi rü ngẽmaca̱x i ñoma i naane rü tá inayangu rü tagutáma wena ínarüda.

Ichaía 43:17

Rü nüma ga Tupana rü Iraétanüxü̃we nanangegüxẽxẽ ga yema Equítuanecüã̱xgüarü churaragü namaxã ga norü cowarugü rü carugü ga daiwexü̃ ixĩgüne. Rü yexma márgu nanayixẽxẽ, rü yexma nayue, rü ñoma wüxi i omü ixoxü̃rüxü̃ nixĩgü.

Yeremía 25:27

Rü ñu̱xũchi Cori ya Tupana rü choxü̃ ñanagürü: —Pa Yeremíax, ¡namaxã nüxü̃ ixugü nax choma i Cori ya Tupana ya Guxãétüwa Ngẽxmacü ga Iraétanüxü̃arü Tupana ixĩcü, rü chanamu nax yaxaxgüãxü̃ca̱x rü nawa nangãxẽxü̃ca̱x rü nügü naxoxgüexü̃ca̱x rü waixü̃müanegu yayixü̃ca̱x nax ngẽmaãcü taguma ngéma inachigüxü̃ca̱x, nagagu i ngẽma dai i naxca̱x tá íchanguxẽẽxü̃.

Yeremía 51:64

¡Rü ñu̱xũchi rü ñacurügü tá: “Ngẽmaãcü tá nixĩ i nanguxü̃ ya Babirónia. Rü tagutáma wena ínarüda nawa i norü guxchaxü̃gü i Cori ya Tupana tá naxca̱x ngéma mugüxü̃”, ñacurügü tá! —ñanagürü ga Yeremía. Rü ngẽxma nixĩ i yaguxü̃ i Yeremíaarü ore.

Ochéa 10:5

Rü ñu̱xma i ngẽma Chamáriaanecüã̱x i duü̃xü̃gü rü nidu̱xrue, rü naxauxe naxca̱x i ngẽma wocaxacüchicüna̱xã i Bex-abéü̃wa rütaxuxü̃. Rü naxca̱x nangechaü̃gü i duü̃xü̃gü rü ngẽma chacherdótegü erü marü narütaxu ga yema namaxã nataãẽgüxü̃.

Ochéa 13:16

Rü choma rü tá chanapoxcue i ngẽma Chamáriacüã̱xgü erü tama chauga naxĩnüe. Rü norü uanügü rü tá taramaxã nanadai. Rü yíxema buxegü rü tá waixü̃mügu tüxü̃ nichi̱xgü. Rü yíxema ngexegü ya itacharaü̃güxe rü tá tüxü̃ nachuxnagü —ñanagürü.

Ochéa 13:2

Rü pema rü ñu̱xma rü ta pecadu nixüetanüama. Rü ngẽma duü̃xü̃gü i naxchicüna̱xãarü üxü̃ cua̱xgüxü̃ namugü nax diẽrumüwa naxügüãxü̃ca̱x i wocachicüna̱xãgü. Rü nümagü i ngẽma naxchicüna̱xãarü üwa puracüexü̃ rü nümagü nanaxwa̱xegüxü̃ãcü nanaxügü. Rü ngẽma tupananetagüca̱x buxe tüxü̃ nigugü rü nüxü̃ nachúxgü ga yema wocaxacüchicüna̱xãgü.

Ochéa 4:15

Pa Iraéanecüã̱xgüx, pema rü woo nüxü̃ picua̱xüü̃güamagu i ngẽma tupananetagü, natürü tama chanaxwa̱xe nax ngẽma Yudáanecüã̱xgü rü ta nagu naxĩxü̃ i ngẽma nacümagü i chixexü̃. ¡Rü taxṹ i nüxü̃ picua̱xüü̃güxü̃ i ngẽma naxchicüna̱xãgü i Guirigáwa rü Bex-abéü̃wa ngẽxmagüxü̃! ¡Rü taxṹ i chauégagu ipexunetaxü̃!

Amúx 5:1

Nüma ya Cori ya Tupana rü ñanagürü: —¡Pa Iraétanüxü̃x, nüxü̃ pexĩnüe i ñaa chorü ore! ¡Rü nüxü̃ pexĩnüe i ñaa poraãcü changechaü̃ãcüma pemaxã nüxü̃ chixuxü̃!

Amúx 5:2

Rü ngẽma Iraéane ga noxri mexẽchixü̃ rü marü chixexü̃gu nangu rü taxucürüwa ínarüda. Rü chixexü̃wa nangẽxma rü marü tataxuma nax texé ínadaxẽẽxü̃ rü namexẽẽxü̃ —ñanagürü.

Amúx 5:5

¡Rü taxṹ i Betéarü tupananetachicüna̱xãca̱x peyadauxü̃! ¡Rü taxṹ i Guirigáwa pexĩxü̃! ¡Rü taxṹ i Bechébagu pichocuxü̃! Erü ngẽma Guirigácüã̱xgü rü to i naanewa tá nagagü, rü yima Beté rü tá nagu napogüe —ñanagürü.

Miquéa 1:5

¿Rü tü̱xcüü̃ pexü̃ nixugü? Rü pexü̃ nixugü erü nüma nüxü̃ nacua̱x i ngẽma chixexü̃ i pexüxü̃ rü tama naga nax pexĩnüexü̃ i pema i Acóbutaagü i Iraéanecüã̱x i Chamáriaarü ĩanewa ngẽxmagüxe. Rü ngẽxgumarüxü̃ ta nüxü̃ nacua̱x nax pema i Yudáanecüãx rü Yerucharéü̃wa tupananetachicüna̱xãgüxü̃ picua̱xüü̃güxü̃.

Chofonía 1:5

Rü tá chanadai i ngẽma duü̃xü̃gü i napataétügu ĩgüxü̃ nax ngéma nüxü̃ yacua̱xüü̃güxü̃ca̱x ya üa̱xcü rü tauemacü rü woramacurigü. Rü ngẽxgumarüxü̃ tá ta chanadai i ngẽma choxü̃ icua̱xüü̃güxü̃ rü naétü norü tupananeta i Mircóü̃xü̃ icua̱xüü̃güxü̃

Ngechuchuarü ngúexü̃gü ga yamugüxü̃arü puracüchiga 18:25

Rü nüma ga Apóru rü mea nüxü̃ nacua̱x ga Cuáü̃ ga baiü̃ẽẽruü̃arü ngu̱xẽẽtae ga Cori ga Ngechuchuchiga. Rü nataãẽãcüma nidexa rü norü ngúchaü̃maxã nanangúexẽxẽ ga Ngechuchuchiga. Natürü Cuáü̃arü baiü̃ẽẽchigaxicatama nixĩ ga nüxü̃ nacuáxü̃.

Ngechuchuarü ngúexü̃gü ga yamugüxü̃arü puracüchiga 19:23

Rü yexgumaü̃cüxü ga Epéchiuwa rü nanue ga duü̃xü̃gü nachigagu ga Cori ya Tupanaarü ore.

Ngechuchuarü ngúexü̃gü ga yamugüxü̃arü puracüchiga 19:9

Natürü nayexma ga ñuxre ga duü̃xü̃gü ga tama nüxü̃ cua̱xgüchaü̃xü̃ rü tama yaxõgüchaü̃xü̃. Rü nümagü inanaxügüe nax yema muxü̃ma ga duü̃xü̃güpe̱xewa chixexü̃ yaxugüexü̃ nachigagu ga Cori ya Ngechuchu. Rü yemaca̱x ga Pauru rü nüxna nixũgachi, rü tóxnamana nanagagü ga yema yaxõgüxü̃ nawa ga wüxi ga ngutaque̱xepataxü̃ ga Tiránuarü ngúepataü̃ ga naéga. Rü guxü̃ ga ngunexü̃gu namaxã nüxü̃ nixuchiga ga ore i mexü̃.

Ngechuchuarü ngúexü̃gü ga yamugüxü̃arü puracüchiga 24:14

Natürü ngẽma ñu̱xma cumaxã nüxü̃ chixuxü̃ nixĩ nax chorü o̱xigüarü Tupanaaxü̃́ chapuracüxü̃ yema Ngechuchu ya Cristu toxü̃ muxü̃ãcü. Rü ngẽma nixĩ i nüma i Yudíugü nüxü̃ ixugügu nax tomare i ore yixĩxü̃. Rü choma rü nüxü̃́ chayaxõ i guxü̃ma i ngẽma mugü ga Moiché ümatüxü̃ rü guxü̃ma i Tupanaarü ore ga nũxcümaü̃güxü̃ ga norü orearü uruü̃gü ümatügüxü̃.

Wenaxarü naxümatü ga Tupanaarü mugü 33:11

Rü cuxna chaca, Pa Cori Pa Tupanax nax taãẽxãcü cunayaxuxü̃ i ngẽma puracü i cuxca̱x naxügüxü̃ i ngẽma Lebítanüxü̃. ¡Rü yanaxoxẽxẽ i norü uanügü nax ngẽmaãcü tama wena naxca̱x íyaxü̃ãchixü̃ca̱x i ngẽma naxchi aiexü̃! —ñanagürü.

Wenaxarü naxümatü ga Tupanaarü mugü 9:21

Rü yemawena rü chanayaxu ga yema wocaxacüchicüna̱xã ga pema pexüxü̃ rü namaxã chixexü̃ pexügüxü̃ rü üxüétüwa chayata̱xcuchi. Rü yemawena rü chanawaxi ñu̱xmata naxãte̱xemare rü ñu̱xũchi yema dexá ga ma̱xpǘnewa rüyaexü̃wa chayagüete̱xe.