Amúx 8:12 - Tupanaarü Ore

¹² Rü tá nu ne nanaxĩ i duü̃xü̃gü nax naxca̱x nadaugüxü̃ i Cori ya Tupanaarü ore. Rü Már ya Ngearü Maxü̃ã́xü̃wa tá inanaxügüe rü ñu̱xmata Már i Mediteráneuwa nangugü. Rü ngéma rü nórtewa tá naxĩ rü ñu̱xmata éstewa tá nangugü nax naxca̱x nadaugüxü̃ i Cori ya Tupanaarü ore, natürü taxũtáma nüxü̃ inayangaugü.

Amúx 8:12 Iomraidhean Croise

Ucu̱xẽgüchiga 1:28

Rü ngẽma ngunexü̃gu rü tá choxna pecagü, natürü taxũtáma pexü̃ changãxü̃, rü tá cha̱u̱xca̱x pedaugü, natürü taxũtáma choxü̃ ipeyangau.

Ucu̱xẽgüchiga 14:6

Ngẽma tama naãẽxü̃ cuáxü̃, rü naxca̱x nadau nax cua̱xwa nanguxü̃, natürü taguma nawa nangu. Natürü yíxema tümaãẽxü̃ cuáxe rü tüxü̃́ natauxcha nax cua̱xwa tanguxü̃.

Ucu̱xẽgüchiga 29:18

Wüxi ya ĩane i ngextá duü̃xü̃gü tama Tupanaga ínaxĩnüexü̃wa, rü taxuxü̃ma mea inixũ. Natürü ngextá Tupanaga íxĩnüexü̃wa rü mexü̃gu ínamaxẽ i duü̃xü̃gü.

Echequié 20:3

—Cuma, Pa Yatüx, ¡namaxã idexa i ngẽma Iraétanüxü̃arü ãẽ̱xgacügü rü namaxã nüxü̃ ixu i chorü ore i ñaxü̃! “¿Ẽ̱xna pema rü nua pexĩ nax choxna peyacagüxü̃ca̱x? Natürü i choma ya Cori ya Tupana rü chauégagu pemaxã nüxü̃ chixu nax tama chanaxwa̱xexü̃ nax choxna peyacagüxü̃”.

Echequié 20:31

Rü pemax rü ñu̱xma rü ta ngẽma tupananetachicüna̱xãgüca̱x peyagu i perü ãmaregü rü peyagu i penegü. Rü ngẽmaãcü ngẽma naxchicüna̱xãgümaxã pegü pixãũãchiama. ¿Rü ngẽmaãcü chitama, Pa Iraétanüxü̃x, i penaxwaxexü̃ nax choxna peyacagüxü̃? Rü choma ya Cori ya Tupana rü chauégagu pemaxã nüxü̃ chixu rü tama chanaxwa̱xe nax choxna peyacagüxü̃.

Danié 12:4

¡Natürü i cumax, Pa Daniéx, rü cuxicatama nüxü̃ nacua̱x i ngẽma ore i cumaxã nüxü̃ chixuxü̃! ¡Rü ñu̱xũchi nañaxtachipe̱xe i ngẽma popera ñu̱xmatáta nawa nangu i ngẽma ngunexü̃ i nagu yacuáxü̃ i ngẽma guxchaxü̃gü! Rü muxü̃tama i duü̃xü̃gü rü guxü̃wama tá naxca̱x nadaugü i cua̱x nax ngẽmaãcü yexera nüxü̃ nacua̱xgüxü̃ca̱x i ngẽma tá ngupetüxü̃ —ñanagürü.

Ochéa 5:6

Natürü wüxi i ngunexü̃gu rü tá Cori ya Tupanaca̱x nadaugü rü naxca̱x tá nanadai rü nayagu i ãmaregü i wocagü rü carnérugü. Natürü taxũtáma nüxü̃ inayangaugü erü nüma ya Tupana rü marü nüxna nixũgachi.

Ore i mexü̃ ga Matéu ümatüxü̃ 12:30

Rü yíxema tama choxü̃ ngechaü̃xe rü chauxchi taxai. Rü yíxema tama choxü̃ rüngü̃xexẽ́xẽ nax Tupanaca̱x tananutaque̱xexü̃ i duü̃xü̃gü rü cha̱u̱xchawa tanangianexẽxẽ.

1 Chamué 3:1

Rü nüma ga ngextü̱xücü ga Chamué rü Cori ya Tupanaaxü̃́ napuracü yema Erí namuxü̃ãcüma. Rü yexguma ga Tupana rü ñuxguacürica texémaxã nidexa. Rü ñuxguacürica texéca̱x nanango̱xẽxẽ ga ẽxü̃guxü̃.