Amúx 8:1 - Tupanaarü Ore

^1-2 Ñaa nixĩ ga yema Cori ya Tupana choxü̃ wéxü̃. Rü nayexma ga wüxi ga pexchi ga ori̱x ga idauxü̃maxã ããcuxü̃. Rü nüma ya Cori ya Tupana rü choxna naca rü ñanagürü choxü̃: —¿Pa Amúx, ta̱xacü nixĩ i nüxü̃ cudauxü̃? —ñanagürü. Rü choma chanangãxü̃ rü ñachagürü nüxü̃: —Wüxi i pexchi i ori̱x i dauxüchixü̃maxã ããcuxü̃ —ñachagürü. Rü yexguma ga nüma ga Cori ya Tupana rü ñanagürü choxü̃: —Ngẽma chorü duü̃xü̃gü i Iraétanüxü̃ rü ñoma ori̱x i daxuchixü̃rüxü̃ nixĩgü. Rü marü nangupetüxüchiama i norü chixexü̃. Rü ngẽmaca̱x marü nawa nangu nax taxũtáma wena nüxü̃́ nüxü̃ charüngümaxü̃ i norü chixexü̃ —ñanagürü.

Amúx 8:1 Iomraidhean Croise

Yeremía 24:1

Babiróniaanecüã̱xarü ãẽ̱xgacü ga Nabucudonochó rü Babiróniaanewa nanaga ga Yudáanecüã̱xarü ãẽ̱xgacü ga Yeconía ga Yoaquíü̃ nane ixĩcü. Rü wüxigu namaxã yéma nanaga ga Yeconíaarü ngü̃xẽẽruü̃gü ga ãẽ̱xgacügü, rü yema puracütanüxü̃ ga ta̱xacüarü üruxü̃xü̃ icuáxü̃. Rü yemawena ga Tupana rü choxü̃ nüxü̃ nadauxẽxẽ ga taxre ga pexchi ga igumaxã ixããcucü ga Tupanapata ga taxü̃nepe̱xegu nucü.

Amúx 7:1

Ñaa nixĩ ga yema Cori ya Tupana choxü̃ wéxü̃. Rü nawena nax ãẽ̱xgacüca̱x nabuxgüãxü̃ ga nanetüarü o rü yexwacax naxügügu ga maxẽ rü nüxü̃ chadau ga Cori ya Tupana nax munügü ínangugüxẽẽxü̃.

Amúx 7:17

Natürü i ñu̱xma rü ñaa nixĩ i ngẽma ore i Cori ya Tupana cumaxã nüxü̃ ixuxü̃, rü ñanagürü: “Cuxma̱x rü daa ĩanewa tátama ngexü̃ i ngeãẽxü̃ tixĩ. Rü ngẽma cunegü i iyatüxü̃ rü ñu̱xũchi yíxema cuxacügü ya ingexe rü taramaxã tá tüxü̃ nadai. Rü ngẽma cuanegü rü ngẽma uanügü rü sortéuãcüma tá nügü nayanu. Rü cuma rü duü̃xü̃gü i tama Tupanaxü̃ cua̱xgüxü̃arü nachixü̃anegu tá cuyayu. Rü norü uanügü i ngẽma Iraétanüxü̃ rü Iraéanearü yáxü̃wa tá nanagagü” —ñanagürü ya Cori ya Tupana.

Amúx 7:4

Rü ñaa nixĩ ga yema Cori ya Tupana choxü̃ wéxü̃. Rü nüxü̃ chadau nax ñoma ga naanewa namuaxü̃ ga wüxi ga üxüema ga ãũcümaxü̃ nax yemamaxã napoxcueãxü̃ca̱x ga duü̃xü̃gü. Rü yema üxüema rü nayachexẽxẽ ga yema már, rü ñu̱xũchi duü̃xü̃güarü naanegü ínagu.

Amúx 7:7

Rü ñu̱xũchi ñaa ta nixĩ ga Cori ya Tupana choxü̃ wéxü̃. Rü nüma ga Cori ya Tupana rü wüxi ga ĩxtapü̱xcüwagu nachi. Rü nanange ga wüxi ga ĩxtapü̱xarü ngugüruxü̃ ga nawa nüxü̃ icuáxü̃ nax mea ínatoxü̃.