Amúx 7:4 - Tupanaarü Ore

⁴ Rü ñaa nixĩ ga yema Cori ya Tupana choxü̃ wéxü̃. Rü nüxü̃ chadau nax ñoma ga naanewa namuaxü̃ ga wüxi ga üxüema ga ãũcümaxü̃ nax yemamaxã napoxcueãxü̃ca̱x ga duü̃xü̃gü. Rü yema üxüema rü nayachexẽxẽ ga yema már, rü ñu̱xũchi duü̃xü̃güarü naanegü ínagu.

Amúx 7:4 Iomraidhean Croise

Ichaía 27:4

Rü tama nixĩ i Iraétanüxü̃maxã chanuxü̃, natürü ngẽxguma nangẽxmagügu i tama chauga ĩnüexü̃, rü choma rü tá ichayanaxoxẽxẽ ñoma tuxu rü natüane iguxü̃rüxü̃.

Yeremía 4:4

Pa Yudáanecüã̱xgüx rü Pa Yerucharéü̃cüã̱xgüx, ngẽma chixexü̃ i perü maxü̃wa ngẽxmaxü̃ ¡rü pegüwa nüxü̃ pexoó nax tama ngẽma perü chixexü̃gagu pexna nanguxü̃ca̱x i chorü nu, ñoma üxüema inaixü̃ i taxucürüwama texe ixoxẽẽxü̃rüxü̃! —ñanagürü.

Echequié 21:3

¡Rü Iraéanemaxã nüxü̃ ixu i ñaa chorü ore! “Choma rü curü uanü chaugü chixĩxẽxẽ. Rü tá chanayaxu i chorü tara rü tá chanadai i ngẽma chixexü̃arü üruü̃gü rü woo ngẽma mexü̃ ügüxü̃.

Joel 1:19

Rü cuxna chaca, Pa Corix, erü yima maxẽgü i ngextá taxúema íxãpataxü̃wa rüxügücü, rü ñu̱xũchi ngẽma naigü i naanewa rüxügüxü̃ rü üxüxü̃ ínanagu.

Joel 2:30

Rü daxũwa rü tá chanango̱xẽxẽ i ta̱xacü i taguma texé nüxü̃ dauxü̃. Rü ñoma i naanewa rü tá poraãcü nagü inaba. Rü tá nixa ya ĩanegü. Rü ngéma rü tá taxü̃ i caxixü̃ naxĩnagüema.

Lebítanüxü̃arü puracüchiga 10:2

Rü yemaca̱x Tupanawa ínaxũxũ ga üxüema ga ínaguxü̃. Rü yemaacü Tupanape̱xegu nayue.

Amúx 1:4

Rü ngẽmaca̱x i ngẽma Damácuarü ãẽ̱xgacü ya Achaé rü tá chayagu ya napata. Rü ngẽmatama üxüemamaxã rü tá nixae ya napatagü i ãẽ̱xgacü i Achaé nane i Ben-adáxü̃.

Amúx 1:7

Rü ngẽmaca̱x tá üxümaxã chayagu i Gáchaarü poxeguxü̃gü. Rü ngẽma üxüema tá nixĩ i norü ãẽ̱xgacüpatagü ixaexẽẽxü̃.

Amúx 2:5

Rü ngẽmaca̱x tá üxümaxã chayagu i Yudáane. Rü ngẽma üxüema tá nixĩ i yima Yerucharéü̃arü ãẽ̱xgacüpatagü iguxü̃ —ñanagürü ga Cori ya Tupana.

Amúx 4:11

Rü wüxi ga taxü̃ ga guxchaxü̃ pexca̱x íchanguxẽxẽ yema Chodómaca̱x rü Gomóraca̱x íchanguxẽẽxü̃rüxü̃. Rü pema rü ñoma nai i üxüwa ixaxü̃ rü nawa íyaxuchixü̃rüxü̃ pixĩgü. Natürü ga pema rü tama cha̱u̱xca̱x pewoegu —ñanagürü ya Cori ya Tupana.

Amúx 5:6

¡Cori ya Tupanaca̱x pewoegu rü tá pemaxẽ! Rü ngẽxguma taxũtáma naxca̱x pewoeguxgu, rü nüma rü tá Iraéanewa nanamu ya üxü. Rü Betéarü ĩanewa rü nataxutama nax texé yaxoxẽẽxü̃.

Amúx 7:1

Ñaa nixĩ ga yema Cori ya Tupana choxü̃ wéxü̃. Rü nawena nax ãẽ̱xgacüca̱x nabuxgüãxü̃ ga nanetüarü o rü yexwacax naxügügu ga maxẽ rü nüxü̃ chadau ga Cori ya Tupana nax munügü ínangugüxẽẽxü̃.

Amúx 7:7

Rü ñu̱xũchi ñaa ta nixĩ ga Cori ya Tupana choxü̃ wéxü̃. Rü nüma ga Cori ya Tupana rü wüxi ga ĩxtapü̱xcüwagu nachi. Rü nanange ga wüxi ga ĩxtapü̱xarü ngugüruxü̃ ga nawa nüxü̃ icuáxü̃ nax mea ínatoxü̃.

Miquéa 1:4

Rü yima nawa yangachigüne ya ma̱xpǘnegü rü tá nadexe ñoma wera i guxü̃rüxü̃, rü tá narüpüxtegü ñoma dexá i poraü̃chiüxü̃ ngategü üxü̃rüxü̃. Rü ngẽmaãcü tá nixĩ i ngẽxguma núma naxũxgu ya Tupana.

Naúü̃ 1:6

¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.

Iraétanüxü̃arü muxchiga 16:35

Rü ñu̱xũchi nüma ga Cori ya Tupana rü üxüema yéma namu, rü ínanagu ga yema 250 ga yatügü ga norü pumarate̱xe Cori ya Tupanaca̱x yéma igugüxü̃.

Wenaxarü naxümatü ga Tupanaarü mugü 32:22

Rü ngẽma chorü nu rü ñoma üxüxemarüxü̃ niyaura. Rü ngẽma üxüema rü woo naanearü aixepewa nangu nax yayauraxü̃. Rü tá nixa i ñoma i naane rü guxü̃ma i nanetüarü o i nawa ngẽxmagüxü̃. Rü woo yima ma̱xpü̃́negü rü tá niyaurapǘnegü.

Popera ga Yudíugü ga yaxõgüxü̃ca̱x ümatüxü̃ 1:7

Rü yexguma norü orearü ngeruü̃gü ga daxũcüã̱xchiga yadexaxgu ga Tupana, rü ñanagürü: “Choma rü chanamu i ngẽma chorü orearü ngeruü̃gü. Rü ñoma buanecürüxü̃ rü ñoma üxüemarüxü̃ chayaxĩgüxẽxẽ nax naxügüã̱xü̃ca̱x i chorü ngúchaü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:1

Rü yemawena ga choma ga Cuáü̃ rü ichadauwenü rü nüxü̃ chadau ga wüxi ga ĩã̱x ga iwãxnaxü̃ ga daxũguxü̃ ga naanewa. Rü yema naga ga nacornétagaraü̃xü̃ ga noxri nüxü̃ chaxĩnüxü̃ ga chomaxã idexaxü̃, rü ñanagürü choxü̃: “¡Nuxã naxĩnagü! Rü tá cuxü̃ nüxü̃ chadauxẽxẽ i ngẽma yixcüra tá ngupetüxü̃”, ñanagürü.