Amúx 7:16 - Tupanaarü Ore

¹⁶ Rü ngẽmaca̱x ¡írüxĩnü i ngẽma Cori ya Tupanaarü ore! Rü cuma rü ñacurügü choxü̃: “¡Taxṹ i Tupanaégagu poxcu namaxã cuxuegu i ngẽma Iraétanüxü̃, rü bai i ta̱xacürü chixexü̃xü̃ quixu nachiga i ngẽma Ichaátaagü!” ñacurügü.

Amúx 7:16 Iomraidhean Croise

Nüxíraxü̃xü̃ ga popera ga ãẽ̱xgacügüchiga 13:1

Rü yexguma Betéwa Yeruboáü̃ pumarate̱xe íguyane nawa ga ãmaregüarü guruxü̃, rü yéma nangu ga wüxi ga orearü uruxü̃ ga Yudáanewa ne ũxü̃ ga Cori ya Tupana yéma Yeruboáü̃xü̃tawa muxü̃.

Nüxíraxü̃xü̃ ga popera ga ãẽ̱xgacügüchiga 22:19

Rü nüma ga Micaía rü nanangãxü̃ rü ñanagürü: —Chanaxwa̱xe i icurüxĩnü i ñaa to i norü ore ya Tupana. Rü nüxü̃ chadau ga Tupana ya norü tochicaxü̃wa rütocü, rü guxü̃ma i daxũcüã̱x i orearü ngeruxü̃ i naxü̃tagu chigüxü̃ ga norü tügünecüwawa rü norü to̱xwecüwawa.

Norü taxre ga popera ga ãẽ̱xgacügüchiga 14:24

Natürü guxü̃ma ga yema Tupanape̱xewa naxüxü̃ rü nachixe. Yerü tama nüxna nixũgachi ga yema chixexü̃ ga Yeruboáü̃ ga Nabáx nane üxü̃ ga Iraécüã̱xgüxü̃ nagu nayixẽẽxü̃.

Ichaía 30:10

Rü ngẽmaca̱x yíxema ngo̱xetügüexü̃ ñanagürügü: —¡Marütama nax pengo̱xetügüxü̃! —ñanagürügü. Rü yíxema orearü uruü̃güxü̃ rü ñanagürügü: —¡Taxṹ i tomaxã nüxü̃ pixuxü̃ i ngẽma Tupana pexü̃ wéxü̃ woo aixcüma namexgu! ¡Rü dexagü i toõẽwa mexü̃xü̃ tomaxã pixu rü taxṹ i toxna peyañaxẽẽxü̃ i ngẽma torü taãẽgü! —ñanagürügü.

Echequié 16:35

Rü ngẽmaca̱x, Pa Nge i Ngeãẽcüx, ¡irüxĩnü i ñaa chorü ore! Rü choma ya Cori ya Tupana rü cumaxã nüxü̃ chixu rü ñachagürü: ‘Cuma, Pa Yerucharẽü̃x, rü tama ãneãcüma cugü ícucuxuchi nax cungeãẽxü̃ca̱x namaxã i curü yatügü rü curü tupananetachicüna̱xãgü ga ichixexü̃. Rü cunadai ga cuxacügü ga ãmarexü̃ icumugüxü̃.

Echequié 20:46

—Cuma, Pa Yatüx, ¡súrguama nadawenü rü ngẽma naanemaxã nüxü̃ ixu i curü ore! ¡Rü chauégagu poxcu namaxã naxuegu i ngẽma Négueanearü naixnecü i súrwaama ngẽxmaxü̃!

Echequié 21:2

—Pa Yatüx, ¡Yerucharéü̃guama nadawenü rü naxunagü i chopataarü poxcu! ¡Rü chauégagu naxunagü i Iraéanearü poxcu!

Amúx 2:12

Rü ñanagürü ta: —Natürü ga pema rü penamu ga yema Nacharéugü nax bínu yaxaxgüãxü̃ca̱x. Rü yema chorü orearü uruü̃gü rü nüxna penachu̱xu nax chorü orexü̃ yaxugüexü̃.

Amúx 7:13

Rü tama chanaxwa̱xe i nua Betéwa nüxü̃ quixuxü̃ i ngẽma ore. Erü nua nixĩ i nangẽxmaxü̃ i ñaa nachixü̃anearü ãẽ̱xgacüarü ãmarearü guruxü̃. Rü ñu̱xũchi nua nixĩ i nangẽxmaxü̃ i ñaa nachixü̃anearü tupauca ya taxü̃ne —ñanagürü.

Miquéa 2:6

Rü pemax, Pa Orearü Uruü̃günetax, rü ñaperügügü: —Tama torü me nixĩ i tomaxã nua nüxü̃ cuyarüxu i ngẽma ore i ãũcümaxü̃chiga. Erü ngẽma guxchaxü̃ i nüxü̃ quixuxü̃ rü tagutáma towa nangu —ñaperügügü.

Wenaxarü naxümatü ga Tupanaarü mugü 32:2

Rü chorü ngu̱xẽẽtae rü ñoma pucürüxü̃ tá mea petanüwa nangu. Rü chorü ore rü ñoma cherena i maxẽétügu nguxü̃rüxü̃ tá nixĩ. Rü tacü ya pucü ya nanetügüétügu ngucürüxü̃ tá nixĩ.

1 Chamué 15:16

Rü nüma ga Chamué rü Chaúxü̃ ñanagürü: —¡Dücax, irüxĩnü i ngẽma ngewa̱x chütacü Tupana chomaxã nüxü̃ ixuxü̃! —ñanagürü. Rü nüma ga Chaú rü ínaca rü ñanagürü: —¿Ñuxũ ñaxü̃ cuxü̃? —ñanagürü.