Amúx 6:6 - Tupanaarü Ore

⁶ Rü taxü̃ i pexpáxü̃wa peyaxaxgü ya bínu. Rü pumara i yixichixü̃maxã pegü peyixemagü. Natürü tama nagu perüxĩnüe i ngẽma pechixü̃ane nax chixexü̃gu nanguxü̃.

Amúx 6:6 Iomraidhean Croise

Naanearü ügüchiga 49:22

“Rü Yúche rü ñoma wüxi i nanetü i natüxanacüwa rüxüxü̃ i muarü oṍxü̃rüxü̃ nixĩ. Rü poxeguxü̃tápü̱xgü ĩgüchacüüxü̃rüxü̃ nixĩ.

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.

Ester 3:15

Rü yexgumatama inaxĩãchi ga yema poperaarü ngeruü̃gü ga ãẽ̱xgacü imuãchitanüxü̃. Rü guma ĩane ga Chúchawa rü ta duü̃xü̃güxü̃ nüxü̃ nacua̱xẽxẽ ga yema mu. Rü yoxni nüma ga ãẽ̱xgacü rü Amáü̃maxã mechawa narütogü rü naxaxegü. Rü yexgumayane ga duü̃xü̃gü ga ĩane ga Chúchacüã̱xgü rü nanaxĩ̱xãchiãẽgü.

Ichaía 28:1

Wüxi i ngechaü̃ tá nixĩ naxca̱x ya Chamária ya Efraíü̃anearü ĩane ya taxü̃ne ya namaxã nügü yacua̱xüü̃güne i ngẽma duü̃xü̃gü i ngãxẽxü̃. Yima ĩane ya Chamária ya metachinüxü̃ iyacuáxü̃arü ma̱xpǘnewa ngẽxmane, rü ñoma putüragü i mexü̃gü i paxãma rüñẽ̱xchacuxü̃rüxü̃ nixĩ, rü norü duü̃xü̃gü rü bínumaxã nangãxẽecha.

Ichaía 5:12

Rü perü õnagü i taxü̃wa rü árpamaxã, rü árpaxacügümaxã rü tutugümaxã, rü wowerugümaxã pepaxetagü rü ñu̱xũchi perü bínu rü nata. Natürü pema rü tama nüxna pecua̱xãchie i ngẽma mexü̃gü i pexca̱x naxüxü̃ ya Cori ya Tupana, rü tama norü puracügu perüxĩnüe.

Yeremía 30:7

Rü marü ningaica i ngẽma ngunexü̃ i ãũcümaxü̃chixü̃ i taguma nüxü̃ idauxü̃. Rü ngẽma ngunexü̃gu rü poraãcü tá ngúxü̃ ningẽgü i Iraétanüxü̃ i Acóbutanüxü̃ ixĩgüxü̃. Natürü i choma rü tá ngẽma ngúxü̃wa íchananguxü̃xẽxẽ.

Echequié 9:4

Rü ñanagürü nüxü̃: —¡Ẽcü, nagu ixũãgüchigü ya daa ĩane ya Yerucharéü̃ rü yaxüégacatü i guxü̃ma i ngẽma duü̃xü̃gü i ñaa ĩanearü chixexü̃gagu ngechaü̃güxü̃ rü ngúxü̃ ingegüxü̃! —ñanagürü.

Ochéa 3:1

Rü yexguma ga Cori ya Tupana rü wenaxarü chomaxã nidexa rü ñanagürü choxü̃: —¡Ngéma naxũ rü wenaxarü ngĩxca̱x yadau i wüxi i nge i cumücümaxã pexü̃, rü cugüxü̃tawa ngĩxü̃ naga rü ngĩxü̃ nangechaxü̃! Rü ngẽxgumarüxü̃ i choma ya Cori ya Tupana rü ngẽma Iraéanecüã̱xgüxü̃ changechaü̃ama woo i nümagü rü choxna nixĩgachi rü naxca̱x narümemae nax ngẽma tupananetachicüna̱xãgüwe naxĩxü̃ rü nangõ̱xgüãxü̃ i ngẽma maixcuraxü̃gü i namaxã nüxü̃ yacua̱xüü̃güxü̃ —ñanagürü ga Tupana.

Amúx 2:8

Rü ngexü̃rüüxü̃ i ãmarearü guruü̃cüwawa nagu pecagü i tümachirugü ya yixema pexü̃́ tangetanüxü̃ca̱x tüxna peyaxuxü̃. Rü penangõ̱x i ngẽma õnagü i tupananetachicüna̱xãgüxü̃ namaxã picua̱xüü̃güxü̃. Rü naxca̱x petaxe ya bínu ngĩmaxã i ngẽma diẽru i womüxẽẽãcüma duü̃xü̃güxü̃tawa ngĩxü̃ peyaucü nax perü tupananetagüpatawa peyaxaxgüxü̃ca̱x ya yima bínu.

Amúx 4:1

¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.

Ore i mexü̃ ga Cuáü̃ ümatüxü̃ 12:3

Rü yexguma ga María rü yéma inange ga 300 gramu nagu ga pumara ga nardo ga tatanüxü̃. Rü Ngechuchuxü̃ namaxã iyixcutü. Rü ñu̱xũchi ngĩyaemaxã íinapicutü. Rü guxü̃wama ga gumá ĩpata rü nayixmachĩã namaxã ga yema pumara.

Romanos 12:15

¡Rü wüxigu tümamaxã petaãxẽgü ya yíxema taãxẽgüxe! ¡Rü wüxigu tümamaxã pexauxe ya yíxema ngechaü̃güxe rü auxexe!

1 Corintios 12:26

Rü ngẽxguma chi wüxi i ngẽma taxünearü üye nüxü̃́ ngu̱xgu, rü guxü̃ma i ngẽma togü i natanüxü̃ rü ta nüxü̃́ nangu̱x. Rü ngẽxguma chi wüxi i ngẽma taxünearü üye taãẽgu, rü guxü̃ma i ngẽma togü i natanüxü̃ rü ta nataãxẽgü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:23

Rü ngẽma nax cungu̱xnecaxü̃ i ñuxguacü, rü name nixĩ i írarüwa bínune cuyaxaxü, rü tama i dexáxicatama.