Amúx 6:11 - Tupanaarü Ore

¹¹ Erü nüma ya Cori ya Tupana rü tá nanamu nax yima ĩpatagü ya itaxü̃negu rü ĩpatagü ya íxranegu napogüexü̃. Rü guxü̃netáma ya ĩpatagü rü tá nachitaxü̃xica ínayaxügü.

Amúx 6:11 Iomraidhean Croise

Norü taxre ga popera ga ãẽ̱xgacügüchiga 25:9

Rü nayagu ga guma Tupanapata ga taxü̃ne rü ãẽ̱xgacüpata rü napatagü ga yema ãẽ̱xgacügü ixĩgüxü̃. Rü yemaacü ínanagu ga guxü̃nema ga ĩpatagü ga guma ĩanewa yexmagüne.

Wiyaegü 105:16

Rü nüma ga Tupana rü yema naanewa nanangebüanexẽxẽ rü yemaca̱x ínangu ga taxü̃ ga taiya.

Wiyaegü 105:31

Rü Tupana rü nanamu ga muxũchixü̃ ga murenügü rü naxchigü. Rü guxü̃ma ga Equítuane rü namaxã nanapá.

Wiyaegü 105:34

Rü Tupana naxca̱x naca ga muxũchixü̃ ga munügü. Rü taxucürüwa texé tayaxugü ga norü mu.

Ngu̱xẽẽtaeruü̃arü ore 10:18

Rü ngẽma oxü̃ rü düxwa napata naétügu narüngauemü. Rü ngẽma taguma ta̱xacü üxü̃ rü guxü̃nema ya napata naétügu nangu.

Ichaía 13:3

Rü choma ya Cori ya Tupana rü naxca̱x chaca i ngẽma nüxü̃ chaxunetaxü̃ i chorü churaragü i tama muü̃exü̃. Rü chanamu i ngẽma churaragü nax nadaiaxü̃ca̱x i ngẽma Babiróniacüã̱x rü ngẽmaãcü nataãẽgüxü̃ca̱x i ngẽxguma nüxü̃ chanaporamaexẽẽgügu —ñanagürü ga Tupana.

Ichaía 55:11

Rü ngẽxgumarüxü̃ ta nixĩ i ngẽma chorü ore i cha̱u̱a̱xwa ixũxũxü̃. Rü taxũtáma ngẽmaãcümare cha̱u̱xca̱x nataegu. Rü ngẽma chorü oregagu rü tá ningu rü tá naxü i ngẽma choma chanaxwa̱xexü̃ rü ngẽma nüxü̃ chixuxü̃.

Ochéa 13:16

Rü choma rü tá chanapoxcue i ngẽma Chamáriacüã̱xgü erü tama chauga naxĩnüe. Rü norü uanügü rü tá taramaxã nanadai. Rü yíxema buxegü rü tá waixü̃mügu tüxü̃ nichi̱xgü. Rü yíxema ngexegü ya itacharaü̃güxe rü tá tüxü̃ nachuxnagü —ñanagürü.

Amúx 3:15

Rü nagu tá chapogü ya yima perü gáuanexü̃patagü rü yima perü naianexü̃patagü. Rü tá nagu chapogü ya yima pepatagü ya marfíxmaxã nga̱xãẽne rü yima pepatagü ya itaxü̃ne —ñanagürü ya Cori ya Tupana.

Amúx 5:11

Rü pemax, Pa Ãẽ̱xgacügüx, rü chixri tümamaxã ipecua̱x ya yíxema ingearü diẽruã́xẽ. Rü naétü tüxna peca nax tümaarü trigumaxã pexü̃́ tanaxütanüxü̃ca̱x naxca̱x nax penamexẽẽgüxü̃ i tümaarü guxchagü. Rü ngẽmaca̱x i pema rü taxũtáma nawa pemaxẽ ya yima ĩpatagü ya nutagümaxã pexüxü̃ne, rü bai tá peyaxagüxü̃ ya yimá bínu i peanegu petogüxü̃ i úbagüwaxü̃cü.

Amúx 6:8

Rü nüma ya Cori ya Tupana rü nügüégagu nanaxuegu. Rü Cori ya Tupana ya Guxãétüwa Ngẽxmacü rü nüxü̃ nixu rü ñanagürü: —Choma rü naxchi chaxai nax nügü yacua̱xüü̃güxü̃ i ngẽma Acóbuarü duü̃xü̃gü. Rü tama namaxã chataãxẽ ya yima norü ãẽ̱xgacüpatagü ya mexẽchine. Rü norü uanügüme̱xẽwa tá chanangexmagüxẽxẽ ya yima norü ĩane namaxã i guxü̃ma i ngẽma nawa ngẽxmaxü̃ —ñanagürü.

Amúx 9:1

Nüxü̃ chadau ga Cori ya Tupana. Rü nüma rü ngẽma tupananetagüarü ãmarearü guruü̃xü̃tagu nachi, rü ñanagürü choxü̃: —¡Daa tupananetapataarü caxtagüerugu napogü nax duü̃xü̃güétü nangutaü̃xü̃ca̱x rü ngẽxma nayuexü̃ca̱x! Rü ngẽma maxẽxü̃ rü woo nabuxmügu rü norü uanügü tá taramaxã nanadai. Rü ngẽmaãcü taxuxü̃táma niña.

Amúx 9:9

Rü tá chanamu nax nawooneãxü̃ca̱x i ngẽma Iraétanüxü̃ i chixexü̃gu maxẽxü̃ ngẽxgumarüxü̃ i trigu i norü papetüxü̃wa ipapetüxü̃ nax ínayixü̃ca̱x i ngẽma norü üxaxü̃. Natürü yima mexü̃ne ya napüxüchire rü taxunetáma waixü̃mügu nangu.

Naúü̃ 1:14

Rü Cori ya Tupana rü Nínibearü ãẽ̱xgacüxü̃ ñanagürü: —Cuma rü taxũtáma cuxü̃́ nangema i cutaagü i nüxí cuchicüxü ãẽ̱xgacü ixĩgüxü̃. Rü yima curü tupaucawa ngẽxmagüxü̃ i curü tupananetachicüna̱xãgü rü tá nagu chipogügü. Rü ngẽxma tátama cuxü̃ chata̱x, erü cuma rü wüxi i duü̃xü̃ i chixexü̃arü üruxü̃ quixĩ —ñanagürü.

Chacaría 14:2

¡Rü dücax! Pa Yerucharéü̃cüã̱xgüx, rü ngẽma ngunexü̃gu rü nüma ya Cori ya Tupana rü tá guxü̃ i nachixü̃anecüã̱xgüxü̃ nangutaque̱xexẽxẽ nax pemaxã nügü nada̱i̱xü̃ca̱x. Rü nagu tá nachocu ya yima perü ĩane, rü wüxichigü ya ĩpatagü rü tá nanadeãcu. Rü ngea̱xgü rü tá tüxü̃ ínayauxü̃ rü tá tümamaxã namaxẽ. Rü ngãxü̃ i petanüxü̃ rü tá nayagagü. Rü ngẽma norü to i ngãxü̃xica tá ngéma nayaxügü.

Maraquía 1:4

Rü ngẽxguma ngẽma Edóü̃cüã̱x i Echaú nataagü rü woo ñagügu: —Yixemagü rü marüchire̱x itarüxogü, natürü wena tá ítanadaxẽẽãma i tachixü̃ane —ñagügu, natürü nüma ya Cori ya Tupana ya Guxãétüwa Ngẽxmacü rü ñaãcü tá nanangãxü̃ rü ñanagürü: —Woo penamexẽẽgu i ngẽma pechixü̃ane, natürü choma rü tá wena ichanaxoxẽxẽ. Rü ngẽma perü naane rü Chixexü̃ i Nachixü̃anemaxã, tá nanaxugü i duü̃xü̃gü. Rü Duü̃xü̃gü ya Tupana Namaxã Nuxü̃maxã tá pexü̃ naxugü.

Ore i mexü̃ ga Luca ümatüxü̃ 19:44

Rü tá nagu napogüe ya perü ĩane, rü tá pexü̃ nadai. Rü taxucütama ya nuta ngextá nügüxétü nanugüxüra i perü ĩanearü poxeguxü̃tápü̱x. Rü ngẽmaãcü tá pexü̃ naxüpetü, yerü tama nüxü̃ pecua̱xgüchaü̃ ga yexguma Tupana pexü̃ íyada̱u̱xgu —ñanagürü.