Amúx 5:8 - Tupanaarü Ore

⁸ Rü nüma ya Cori ya Tupana nixĩ ga naxüxü̃ i ngẽma ẽxtagütücumü i Préyadegu ãégaxü̃ rü ngẽma ẽxtagütücumü i Orióü̃gu ãégaxü̃. Rü ngẽxguma nachütagu rü nüma ínanangu̱xẽxẽ i ngóonexü̃. Rü ngẽxguma nangóonegu rü nüma rü ínanangu̱xẽxẽ i chütaxü̃. Rü nüma nixĩ i caixanexü̃xü̃ yanguxuchixẽẽãxü̃ i már arü dexá nax dauxü̃ naxĩxü̃ca̱x rü ñu̱xũchi ñoma i naanegu nax napuxẽẽãxü̃ca̱x. Rü naéga rü Cori ya Tupana nixĩ.

Amúx 5:8 Iomraidhean Croise

Yox 12:22

Rü nanango̱xẽxẽ i ngẽma ẽxü̃guxü̃ i meama icúxü̃. Rü ngóxü̃wa nanange i ngẽma ẽanexü̃wa ngẽxmagüxü̃.

Yox 37:13

Rü guxü̃ma i ngẽmawa Tupana tüxü̃ nüxü̃ nadauxẽxẽ i norü pora. Rü tacü ya buanecü rü pucü núma namu nax namaxã duü̃xü̃güxü̃ yanawe̱xãchixẽẽxü̃ca̱x. Rü yimáwatama tüxü̃ nanawe̱x nax nüxü̃́ ingechaü̃tümüxü̃güxü̃.

Yox 38:34

¿Ẽ̱xna cuma yixĩxü̃ i nüxü̃ cucuáxü̃ nax cunamuxü̃ i ngẽma caixanexü̃gü nax poraãcü napuxü̃ca̱x?

Yox 9:9

Rü nüma nixĩ ga naxüaxü̃ ga yimá ẽxtagütücumü i Ócha i Taxü̃gu ãégaxü̃ rü yimá ẽxtagütücumü i Orióü̃gu ãégaxü̃ rü yimá ẽxtagütücumü i Préyadegu ãégaxü̃, rü ñu̱xũchi yimá ẽxtagütücumü i súrwaama ngẽxmagüxü̃.

Wiyaegü 104:20

Rü cuma rü cunaxẽanexẽxẽ i ngẽxguma nachütagu. Rü ngẽxguma i ngẽma naeü̃gü rü naixnecüwa ínachoxü̃.

Wiyaegü 105:28

Rü nüma ga Tupana rü guxü̃wama ga Equítuanewa ínananguxẽxẽ ga ẽanexü̃. Natürü yema Equítuanecüã̱xgü rü tama naga naxĩnüe.

Ichaía 42:16

Rü ngẽma ngexetügüxü̃ rü tá chanagagü nawa i namagü i taguma nüxü̃ nacua̱xgüxü̃ rü taguma nagu naxĩxü̃. Rü ngẽma waanexü̃ i nawa namaxẽ rü tá ngóonexü̃xü̃ chayaxĩxẽxẽ. Rü ngẽma naane i chixri i weanexü̃ rü tá mea ichanawe̱xãchianexẽxẽ. Rü guxü̃ma i ngẽma rü tá chanaxü erü tama nüxna chixũgachi i chorü duü̃xü̃gü i Iraétanüxü̃.

Ichaía 59:10

Rü yixema rü ñoma ngexetügüxü̃ i ĩxtapü̱xgu idaugüetanüxü̃rüxü̃ tixĩgü. Rü ngunecü rü ñoma chütacü ixĩxgurüxü̃ ta̱xacügu tayayi. Rü woo nax imaxẽxü̃, natürü ñoma iyuexü̃rüxü̃ tixĩgü.

Yeremía 16:21

Rü nüma ga Cori ya Tupana rü Yeremíaxü̃ nangãxü̃ rü ñanagürü: —Ngẽmaca̱x i choma rü noxtacüma tá ngẽma duü̃xü̃güxü̃ chanawe̱x i chorü pora. Rü ngẽmaãcü tá nüxü̃ nacua̱xgü nax choma chixĩxü̃ ya Cori ya Tupana —ñanagürü.

Yeremía 33:2

—Choma ya Cori ya Tupana ga nango̱xẽẽcü i ñaa naane, rü nachicagu naxücü nax tama ngéma yaxũgachixü̃ca̱x, rü choma nixĩ i cuxü̃ ñachaxü̃:

Amúx 4:13

Rü choma rü Cori ya Tupana ya Guxãétüwa Ngẽxmacü nixĩ i chauéga. Rü choma nixĩ i ma̱xpǘnegü rü buanecü chango̱xẽẽxü̃. Rü choma nixĩ i yatüxü̃ nüxü̃ chacua̱xẽẽxü̃ i ngẽma nagu charüxĩnüxü̃. Rü choma nixĩ i waanexü̃xü̃ chayanguxuchixẽẽxü̃ i ngóonexü̃. Rü choma nixĩ i ñoma i naanearü máxpü̱xanexü̃gu chixũgüxü̃. Rü Cori ya Tupana ya Guxãétüwa Ngẽxmacü nixĩ i chauéga.

Amúx 8:9

Rü choma i Cori ya Tupana rü pemaxã nüxü̃ chixu rü ñachagürü: “Rü ngẽma ngunexü̃gu rü tá tocuchigu chayaxoxẽxẽ ya üa̱xcü. Rü woo ngunecü rü tá chanawaanexẽxẽ i ñoma i naane.

Amúx 9:6

Rü nüma ya Cori ya Tupana rü dauxü̃guxü̃ i naanegu nanaxü ya napata ya mexẽchine. Rü nanaxü i ngẽma ngo̱xmaanexü̃ i yáuxü̃ i ñoma i naaneétüwa ngẽxmaxü̃. Rü nüma rü dauxü̃ nanaxĩxẽxẽ i már arü dexá rü ñu̱xũchi ñoma i naanegu nanapuxẽxẽ. Rü Cori ya Tupana nixĩ i naéga.