Amúx 5:3 - Tupanaarü Ore

³ Rü nüma ya Cori ya Tupana rü Iraétanüxü̃xü̃ ñanagürü: —Rü ngẽxguma wüxi ya ĩane rü 1,000 i yatü daiwa namugügu rü 100 ica tátama nixĩ i maxẽxü̃ woeguxü̃. Rü ngẽxguma wüxi ya ĩane rü 100 ngéma mugügu rü 10 ica tátama nixĩ i woeguxü̃ —ñanagürü.

Amúx 5:3 Iomraidhean Croise

Wiyaegü 144:14

Rü tórü wocagü nixãxacügü rü mea nabue i naxacügü. Rü tórü ĩanemaxü̃güwa rü taxúema ãũcümaxü̃gagu aita taxü.

Ichaía 1:9

Ega ngẽxguma Cori ya Tupana ya Guxãétüwa Ngẽxmacü taxũchima ñuxre i yixema nua tüxü̃ yaxügüxẽẽgu, rü Yerucharéü̃ rü Chodómarüxü̃ rü Gomórarüxü̃ nixĩ.

Ichaía 10:22

Pa Iraétanüxü̃x, woo curü duü̃xü̃gü rü namuxũchi ñoma naxnecüchicute̱xe i márpechinüwa ngẽxmacürüxü̃, rü ngẽmatanüwa rü noxre tátama nixĩ i Tupanaca̱x woeguxü̃. Rü ngẽma poxcu rü marü naxuegu nagagu i ngẽma chixexü̃ i pexüxü̃.

Ichaía 6:13

Rü woo chi 100 tanüwa rü 10 i duü̃xü̃gü íyaxüxgu nawa ya yima ĩane rü ngẽma rü tá ta nadai ñoma wüxi i nai i daxüchixü̃rüxü̃. Natürü ñoma wüxi i naixchimewa ngexwaca̱xü̃xü̃ i nane rüxüamaxü̃rüxü̃ tá nixĩ i ngẽma Iraétanüxü̃. Erü noxretama tá ínayaxü, rü ngẽmatanüwa tá ne naxĩ i duü̃xü̃gü i aixcüma chauga ĩnüexü̃ —ñanagürü ga Tupana.

Echequié 12:16

Natürü tá íchayaxüxẽxẽ i ñuxre i Yerucharéü̃arü duü̃xü̃gü nax tama daigu nayuexü̃ca̱x, rü tama taiyamaxã, rü tama da̱xaweanegümaxã nayuexü̃ca̱x nax ngẽmaãcü ngẽma nachixü̃anegü i nawa nagagüxü̃wa nüxü̃ yacua̱xãchiexü̃ca̱x nax ngẽma norü chixexü̃gügagu yixĩxü̃ i napoxcuexü̃ rü ngẽmaãcü nüxü̃ nacua̱xgüxü̃ca̱x nax choma chixĩxü̃ ya Cori ya Tupana —ñanagürü.

Amúx 6:9

Rü ngẽxguma wüxi ya ĩpatawa rü 10 i yatü íyaxüxgu rü ngẽma 10 rü tá nayue.

Romanos 9:27

Rü Iraétanüxü̃chiga rü ta nidexa ga Tupanaarü orearü uruxü̃ ga Ichaía rü ñanagürü: “Rü woo namuxũchichire̱x i Yudíugü yimá naxnücü ya márpechinüwa yimácürüxü̃, natürü noxre tátama nixĩ i aixcüma nayauxgüxü̃ i maxü̃ i taguma gúxü̃. Rü paxa tá ínangu ya tórü Cori nax napoxcueãxü̃ca̱x i guxü̃ma i ngẽma tama noxrü ixĩgüxü̃”, ñanagürü ga Ichaía.

Wenaxarü naxümatü ga Tupanaarü mugü 28:62

Rü cumax, Pa Iraéx, ga cutanüxü̃ ga noxri ñoma ẽxtagü i daxũwa ngẽxmagüxü̃rüxü̃ muxũchixü̃, rü wüxi i natücumü i íxraxü̃xü̃ tá nixĩ. Rü ngẽma tá nangupetü namaxã i cutanüxü̃ erü tama Cori ya curü Tupanaga cuxĩnü.

Wenaxarü naxümatü ga Tupanaarü mugü 28:63

Rü yexgumarüxü̃ nax Cori ya Tupana cutanüxü̃maxã taãẽxü̃ ga noxri rü mexü̃ naxca̱x naxüxü̃ rü yamuxẽẽãxü̃, rü ngẽxgumarüxü̃ ta norü taãxẽ tá nixĩ nax iyanaxoxẽẽãxü̃. Rü tá nawa ínanawoxü̃ i ngẽma naane i nawa tá nangẽxmagüxü̃.

Wenaxarü naxümatü ga Tupanaarü mugü 4:27

Rü nüma ya Cori ya Tupana rü guxü̃ma i nachixü̃anegügu tá pexü̃ nawoone. Rü noxretátama i pema tá nixĩ i ngẽma nachixü̃anegüwa peyaxüxgüxü̃.