Amúx 5:2 - Tupanaarü Ore

² Rü ngẽma Iraéane ga noxri mexẽchixü̃ rü marü chixexü̃gu nangu rü taxucürüwa ínarüda. Rü chixexü̃wa nangẽxma rü marü tataxuma nax texé ínadaxẽẽxü̃ rü namexẽẽxü̃ —ñanagürü.

Amúx 5:2 Iomraidhean Croise

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.

Norü taxre ga popera ga ãẽ̱xgacügüchiga 17:16

Rü nüxü̃ narüxoe ga guxü̃ma ga norü Cori ya Tupanaarü mugü. Rü yemaca̱x nügüca̱x nanaxügü ga taxre ga wocaxacüchicüna̱xãgü ga úirunaxca̱x, rü nanaxügü ta ga tupananeta ga Acheráchicüna̱xãx. Rü naétü nüxü̃ nicua̱xüü̃gü ga üa̱xcü rü tauemacü rü woramacurigü rü ñu̱xũchi Baáchicüna̱xã rü ta.

Ichaía 14:21

¡Rü pegü ípemexẽxẽgü nax penada̱i̱xü̃ca̱x i ngẽma nanegü nagagu ga yema máeta ga nanatügü ga Babiróniaanearü ãẽ̱xgacügü üxü̃! Rü nümagü tá nixĩ i naxütanügüãxü̃ ga yema nanatügü üxü̃. Rü nümagü rü taxũtáma nüxí ñoma i naanemaxã inacua̱xgü rü guxü̃wama nügüégagu ĩanegü nixügüetanü —ñaperügügü tá.

Ichaía 24:20

Rü ñoma i naane rü wüxi i ngãxü̃xü̃rüxü̃ tá nichü̱xacüxü, rü ñoma wüxi ya ĩpata ya chixri ipugüparanerüxü̃ tá nixĩã̱xcüxü. Erü norü duü̃xü̃güarü chixexü̃ rü poraãcü nataxüchi rü ngẽmaca̱x i ñoma i naane rü tá inayangu rü tagutáma wena ínarüda.

Ichaía 3:8

Rü yima ĩane ya Yerucharéü̃ rü marü nanguxuchi rü Yudáanewa rü duü̃xü̃güchicaxica ínayaxü, erü duü̃xü̃gü rü chixri Cori ya Tupanachiga nidexagü rü nanaxügü i ta̱xacü i tama namaxã nataãẽxü̃, rü ngẽmaãcü tama naga naxĩnüe.

Ichaía 37:22

Rü ñaagü nixĩ i ngẽma ore ya Cori ya Tupana nüxü̃ ixuxü̃ nachiga i ngẽma Achíriaanearü ãẽ̱xgacü: “Dücax, Pa Chenáquerix, rü yima Tupanaarü ĩane ya Chióü̃arü duü̃xü̃gü rü ñoma wüxi i pacü cuxü̃ cugüxü̃rüxü̃ tá cuxü̃ nacugüe. Rü ngẽxguma nüxna quixũgachigu rü ngẽma Yerucharéü̃cüã̱xgü rü tá nanexáerugüãcüma cugu nidauxcüraxü̃gü.

Ichaía 43:17

Rü nüma ga Tupana rü Iraétanüxü̃we nanangegüxẽxẽ ga yema Equítuanecüã̱xgüarü churaragü namaxã ga norü cowarugü rü carugü ga daiwexü̃ ixĩgüne. Rü yexma márgu nanayixẽxẽ, rü yexma nayue, rü ñoma wüxi i omü ixoxü̃rüxü̃ nixĩgü.

Yeremía 14:17

¡Rü cumax, Pa Yeremíax, rü duü̃xü̃gümaxã nüxü̃ ixu i ñaa ore rü ñanagürü nüxü̃! “Choma rü taguma íchayachaxãchi nax ngunecü rü chütacü chaxaxuxü̃ nagagu i ngẽma taxü̃ i ãũcümaxü̃ i tá chorü duü̃xü̃güxü̃ ngupetüxü̃. Erü ngẽma guxchaxü̃ i tá nüxü̃ ngupetüxü̃ rü nataxüchi.

Yeremía 18:13

Rü ngẽmaca̱x ya Cori ya Tupana rü ñanagürü: “¡Ẽcü ngẽma to i nachixü̃anecüã̱xgüna pecagü, rü aixcüma nüxü̃ naxĩnüe i nangexgumaraxü̃xü̃ i chixexü̃! ¡Rü ngẽma Iraétanüxü̃ i duü̃xü̃gü rü taxüchixü̃ i chixexü̃ naxügü!

Yeremía 2:27

Rü pemax, Pa Iraétanüxü̃x, rü wüxi ya nai rü ñaperügügü nüxü̃: “Cuma nixĩ i tonatü quixĩxü̃”, ñaperügügü nüxü̃. Rü wüxi ya nuta rü ñaperügügü nüxü̃: “Cuma nixĩ i toé”, ñaperügügü nüxü̃. Natürü i choma rü choxna pexãgüca̱xwexmare rü tama choxü̃ perüdaunüchaü̃. Natürü ngẽxguma ãũcümaxü̃wa pengẽxmagügu rü cha̱u̱xca̱x peca rü ñaperügügü: “¡Paxa nua naxũ nax toxü̃ curüngü̃xẽẽxü̃ca̱x!” ñaperügügü.

Yeremía 31:4

Pa Iraétanüxü̃x, choma rü tá wena íchanadaxẽxẽ i pechixü̃ane, rü tá pexü̃ charüngü̃xẽẽxü̃ nax wena naxügüxü̃ca̱x i perü ĩanegü. Rü pema rü paü̃derumaxã tá taãẽxãcü ípixüãchitanüxü̃.

Yeremía 4:20

Rü nüxü̃ taxĩnüchiga nax ngẽma uanügü rü guxü̃wama naporamaegüxü̃ i tachixü̃anewa. Rü yima tórü ĩanegü rü nachitaxü̃xica íyaxügüxü̃. Rü ngürüãchi changepata erü marü nagu napogüe ya yima chopatagü ya naxchirunaxca̱x.

Yeremía 50:32

Pa Duü̃xü̃gü nax Pegü Íperüporaexü̃ rü Chomaxã Penuexü̃x, rü tá peyarüpucutügümare rü ngẽxma peyayi, rü taxúetama i texé pexü̃ itachigüxẽxẽ. Rü tá nawa chanangixichi ya guxü̃nema ya perü ĩanegü rü ngẽma üxüema rü tá nayagu i guxü̃ma i perü ĩanecüwawa —ñanagürü.

Yeremía 51:64

¡Rü ñu̱xũchi rü ñacurügü tá: “Ngẽmaãcü tá nixĩ i nanguxü̃ ya Babirónia. Rü tagutáma wena ínarüda nawa i norü guxchaxü̃gü i Cori ya Tupana tá naxca̱x ngéma mugüxü̃”, ñacurügü tá! —ñanagürü ga Yeremía. Rü ngẽxma nixĩ i yaguxü̃ i Yeremíaarü ore.

Yeremía 8:4

Cori ya Tupana rü Yeremíaxü̃ ñanagürü: —Cuma Pa Yeremíax, ¡chauégagu duü̃xü̃gümaxã nüxü̃ ixu i ñaa ore! “Rü ngẽxguma wüxíe iyanguxgu, rü wena itachi. Rü ngẽxguma namana ítaxücugu, rü tügü tataegu naxca̱x i nama i noxri nagu tixũxü̃.

Yeremía 9:21

—Ngẽma yu rü tapatagüwa nangu, rü tórü ãẽ̱xgacügüpatawa nangu. Rü ngẽma uanügü rü namagügu tüxü̃ nadai ya buxegü, rü ñu̱xũchi plázagügu nanadai i ngextü̱xüxü̃gü.

Yeremía 9:9

Rü ngẽmaca̱x i choma rü tá chanapoxcue i ngẽma duü̃xü̃gü naxca̱x i ngẽma chixexü̃ i chope̱xewa naxügüxü̃. Erü ngẽma poxcu nixĩ i nüxna üxü̃ naxca̱x i norü chixexü̃. Rü choma ya Cori ya Tupana rü chanaxuegu nax aixcüma tá chanaxüxü̃ i ngẽma” —ñanagürü.

Auxexü̃chiga 2:13

¿Rü ta̱xacügu tá cuxü̃ changu rüe̱xna ta̱xacümaxã yixĩxü̃ i cuwüxiguxü̃, Pa Mexẽchine ya Ĩane ya Yerucharéü̃x? ¿Rü ta̱xacürü cua̱xruxü̃ tá cuxü̃ chawe̱x nax cuxü̃ chataãẽxẽẽxü̃ca̱x, Pa Ĩane ya Mexẽchine ya Chióü̃x? Rü yema chixexü̃ ga cuxü̃ ngupetüxü̃ rü nataxüchi ñoma már i taxüchixü̃rüxü̃. ¿Rü texé tá cuxca̱x tayataanexẽxẽ nawa i ngẽma ngúxü̃ i quingexü̃?

Ochéa 14:1

Pa Iraéanecüã̱xgüx, pema nax perü chixexü̃gagu guxchaxü̃gu peyixü̃x ¡rü naxca̱x pewoegu ya Cori ya perü Tupana!

Ochéa 6:2

Rü ngẽmaãcü paxa tá inayanaxoxẽxẽ i ngẽma ngúxü̃ i ingegüxü̃ rü tá tüxü̃ ínarüdagüxẽxẽ nax mea nape̱xewa imaxẽxü̃ca̱x.

Amúx 8:14

Rü ngẽma duü̃xü̃gü i Chamáriaarü tupananetagüaxü̃́ yaxõgüxü̃, rü tá inayayitanü rü tagutáma ínarüdagü. Rü ngẽxgumarüxü̃ tá ta namaxã nangupetü i ngẽma Dáü̃tanüxü̃ i norü tupananetagüaxü̃́ yaxõgüxü̃ rü ngẽma Bechébacüã̱xgü i norü tupananetagüaxü̃́ yaxõgüxü̃” —ñanagürü.

Amúx 9:11

Rü Cori ya Tupana rü ñanagürü: —Pa Iraétanüxü̃x, yexguma ãẽ̱xgacü ga Dabí pechixü̃anemaxã icua̱xgu, rü naporaxüchi. Natürü i ñu̱xma rü pechixü̃ane rü ñoma wüxi ya ĩpata ya rüngutaxü̃nerüxü̃ nixĩ. Natürü tá nawa nangu i ngunexü̃ nax wena íchanadaxẽẽxü̃ i pechixü̃ane nax noxrirüxü̃ wena naporaxü̃ca̱x.