Amúx 5:11 - Tupanaarü Ore

¹¹ Rü pemax, Pa Ãẽ̱xgacügüx, rü chixri tümamaxã ipecua̱x ya yíxema ingearü diẽruã́xẽ. Rü naétü tüxna peca nax tümaarü trigumaxã pexü̃́ tanaxütanüxü̃ca̱x naxca̱x nax penamexẽẽgüxü̃ i tümaarü guxchagü. Rü ngẽmaca̱x i pema rü taxũtáma nawa pemaxẽ ya yima ĩpatagü ya nutagümaxã pexüxü̃ne, rü bai tá peyaxagüxü̃ ya yimá bínu i peanegu petogüxü̃ i úbagüwaxü̃cü.

Amúx 5:11 Iomraidhean Croise

Yox 20:19

Rü duü̃xẽgü ya ingearü diẽruã̱xgüxe tüxü̃ napuracüexẽxẽ, rü ñu̱xũchi ngéma tüxü̃ nawogümare. Rü ĩpatagü ya tama nüma ínaxüxü̃ne rü noxrüxü̃ nayaxĩgüxẽxẽ.

Ichaía 16:10

Rü marü tama nüxü̃ taxĩnüe i duü̃xü̃gü i naanewa tagatanüxü̃ norü taãẽmaxã. Rü yema úbanecügüwa rü marü tama nüxü̃ taxĩnüe i duü̃xü̃gü i norü taãẽmaxã wiyaegüxü̃, rü taxuxü̃ma tadau i duü̃xü̃gü i úba i ñúxcharaxü̃ rü ínayo̱xpetüxü̃ nax bínu ínaxüãxü̃. Rü guxü̃ma i ngẽma duü̃xü̃güarü taãxẽ rü marü inayacua̱x.

Echequié 26:12

Rü ngẽma norü churaragü rü tá nanadegü rü naxca̱x nangĩ̱xgü i curü ngẽmaxü̃gü i namaxã cutaxexü̃. Rü tá nayawa̱xgüxẽxẽ i ngẽma curü poxeguxü̃tápü̱xgü. Rü ngẽxgumarüxü̃ tá ta nayawa̱xgüxẽxẽ ya yima cupatagü ya imexẽchine. Rü ngẽmawena rü tá márwa nanawoü̃gü ya yima nutagü rü norü omütagü rü woo ngẽma natüchigü.

Echequié 34:21

Rü pemax i ngüexü̃ i poraexü̃ rü ípenawoxü̃ i ngẽma turaexü̃. Rü ípenacaixü̃ i ngẽma turaexü̃ nax ngẽmaãcü naxĩgüxü̃ca̱x.

Ochéa 9:2

Rü ngẽmaca̱x, Pa Iraéanecüã̱xgüx, rü nataxutama i perü trigugü rü perü bínu. Rü ngẽma ngexwaca̱xü̃xü̃ i perü bínu rü taxũtáma ningu.

Amúx 2:6

Rü ñanagürü ya Cori ya Tupana: —Pema i Iraétanüxü̃ rü poraãcü chixexü̃ pexügü. Rü tümamaxã petaxe ya yíxema taxuxü̃ma i chixexü̃ üchiréxe. Rü ngẽxgumarüxü̃ ta wüxi i chapatutanüxexpü̱x tümamaxã petaxe ya yíxema ngearü diẽruã́xẽ. Rü ngẽmaca̱x taxũtáma íchayachaxãchi nax pexü̃ chapoxcuxü̃, Pa Iraétanüxü̃x.

Amúx 2:7

Rü chixri namaxã pecua̱xgü i ngẽma chixeparagüxü̃. Rü tama tümaétüwa pidexagü ya yíxema taxuxü̃ma tüxü̃́ ngẽxmagüxe. Rü ngẽma papa rü ngẽma nane rü wüxitama i ngexü̃maxã namaxẽ. Rü ngẽmaãcü penaxãũãchixẽxẽ i chauéga i üünexü̃.

Amúx 3:15

Rü nagu tá chapogü ya yima perü gáuanexü̃patagü rü yima perü naianexü̃patagü. Rü tá nagu chapogü ya yima pepatagü ya marfíxmaxã nga̱xãẽne rü yima pepatagü ya itaxü̃ne —ñanagürü ya Cori ya Tupana.

Amúx 3:9

¡Rü Adúxarü ãẽ̱xgacüpatagüwa, rü Equítuanearü ãẽ̱xgacüpatagüwa penaxunagü i ñaa chorü ore i ñaxü̃: “Rü yima ma̱xpǘnegü ya ĩane ya Chamária nagu üxü̃newa pexĩ! ¡Rü nüxü̃ peda̱u̱x i ngẽma guxchaxü̃gü ya yima ĩanewa ngẽxmaxü̃ rü ngẽma dai i ngéma ngẽxmaxü̃!”

Amúx 4:1

¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.

Amúx 6:11

Erü nüma ya Cori ya Tupana rü tá nanamu nax yima ĩpatagü ya itaxü̃negu rü ĩpatagü ya íxranegu napogüexü̃. Rü guxü̃netáma ya ĩpatagü rü tá nachitaxü̃xica ínayaxügü.

Amúx 6:12

¿Rü nüxü̃́ natauxchaxü̃ nax nutapütawa dauxü̃ naxĩgüxü̃ i cowarugü? ¿Ẽ̱xna natauxchaxü̃ i márwa nax naxaimüaneãxü̃ i wocagü? Natürü i pema rü ngẽma mugü i duü̃xü̃güarü ngü̃xẽẽruxü̃ ixĩxü̃ rü dairuxü̃ peyanguxuchixẽxẽ. Rü ngẽma aixcüma mexü̃ rü pema rü guxchaxü̃xü̃ peyanguxuchixẽxẽ.

Amúx 8:4

Rü Cori ya Tupana rü ñanagürü: —¡Nüxü̃ pexĩnüe i pemax nax chixri tümamaxã pixĩgüxü̃ ya yíxema taxuxü̃ma tüxü̃́ ngẽxmagüxe rü tüxü̃ pedaixü̃ ya yíxema ingearü diẽruã̱xgüxe i ñaa nachixü̃anewa ngẽxmagüxe!

Amúx 9:14

Rü choma rü tá wena nachixü̃aneca̱x chanawoeguxẽxẽ i ngẽma chorü duü̃xü̃gü i Iraétanüxü̃. Rü nümagü rü tá nayamexẽxẽ ya yima norü ĩanegü ga nagu nüxü̃́ napogüene rü yimawa tá namaxẽ. Rü tá norü úbanecü naxügü rü ngẽma úbatüxü̃ i bínuwa tá naxaxegü. Rü nanetümaxã tá natoegü rü ngẽmaarü o tá nangõ̱xgü.

Miquéa 1:6

Rü ngẽmaca̱x i nüma ya Cori ya Tupana rü ñanagürü: “Yima ĩane ya Chamária rü tá nagu chapogü rü naxtapü̱xgüarü nutagü rü tá nügüétü nayi. Rü ngẽma nachica ga yima ĩane rü úbanecügüxü̃ tá nananguxuchi. Rü yima nutagü ya namaxã ínapoxegune ya yima ĩane, rü tá doxonexü̃gu nawoonemare. Rü ngẽmaãcü tá nango̱x ya yima nutagü ya naxtapü̱xarü ügü.

Miquéa 2:2

Rü nüxü̃́ nangúchaü̃gü i toguxearü naanegü, rü nügüxü̃́ nanayauxgü. Rü nüxü̃́ nangúchaü̃gü i toguxepatagü rü tüxna nanayauxgü. Rü chixri nanaxütanü rü ngẽmaãcü tüxna nayapu ya tümapata. Rü ngẽmaãcü tangepata rü tangeane ya yíxema norü yora tümaãcügümaxã.

Miquéa 6:15

Rü tá petoe, natürü taxũtáma penabuxu i norü o. Rü tá penawaxi i ngẽma oribugü, natürü taxũtáma pexca̱x nixĩ i norü chíxü̃. Rü tá penama̱i̱xtüxü̃ i ngẽma úbagü, natürü taxũtáma peyaxaxgü i norü bínu.

Chofonía 1:13

Rü ngẽmaca̱x i norü uanügü rü tá nüxna nanapuxü̃ i norü ngẽmaxü̃gü. Rü yima napatagü rü tá nagu napogüe. Rü tá naxüpatagü, natürü taxũtáma nümagü nawa namaxẽ. Rü tá úba inatogü, natürü taxũtáma nüma norü bínu nixaxgü —ñanagürü ya Tupana.

Aguéu 1:6

Rü pema rü muxü̃ma i penetü petogü natürü noxretama i norü o pibuxgü. Pechibüe natürü tama pexü̃́ ningu, rü pexaxegü natürü pita̱xawaeama. Rü pegü pidüxgü natürü taguma penaiwe. Rü yíxema puracüxe rü tanayauxtanü i tümaarü puracü natürü paxãma tüxü̃́ nagu. Rü ñoma choca irügáuxü̃gu tananúcuxü̃rüxü̃ nixĩ.

Maraquía 1:4

Rü ngẽxguma ngẽma Edóü̃cüã̱x i Echaú nataagü rü woo ñagügu: —Yixemagü rü marüchire̱x itarüxogü, natürü wena tá ítanadaxẽẽãma i tachixü̃ane —ñagügu, natürü nüma ya Cori ya Tupana ya Guxãétüwa Ngẽxmacü rü ñaãcü tá nanangãxü̃ rü ñanagürü: —Woo penamexẽẽgu i ngẽma pechixü̃ane, natürü choma rü tá wena ichanaxoxẽxẽ. Rü ngẽma perü naane rü Chixexü̃ i Nachixü̃anemaxã, tá nanaxugü i duü̃xü̃gü. Rü Duü̃xü̃gü ya Tupana Namaxã Nuxü̃maxã tá pexü̃ naxugü.

Wenaxarü naxümatü ga Tupanaarü mugü 28:30

Rü wüxi i ngecümaxã tá nüxü̃ quixu nax ngĩmaxã cuxãma̱xchaü̃xü̃, natürü to i yatü tá ngĩmaxã ínape. Rü cuma rü cupata tá cuxü, natürü tagutáma cuma nagu cupe. Rü wüxi i naane tá úbamaxã cuto, natürü tagutáma norü oxü̃ cungõ̱xneta.

Popera ga Chantiágu ümatüxü̃ 2:6

Natürü pema rü penaxãnexẽxẽ rü nüxü̃ pexo i ngẽma ngearü diẽruã̱xgüxü̃. ¿Taux ẽ̱xna ngẽma diẽruã̱xgüxü̃ yixĩxü̃ i chixri pemaxã icua̱xgüxü̃ rü ãẽ̱xgacügüpe̱xewa pexü̃ itúxü̃ rü íyaxuaxü̃güxü̃?