Amúx 5:1 - Tupanaarü Ore

¹ Nüma ya Cori ya Tupana rü ñanagürü: —¡Pa Iraétanüxü̃x, nüxü̃ pexĩnüe i ñaa chorü ore! ¡Rü nüxü̃ pexĩnüe i ñaa poraãcü changechaü̃ãcüma pemaxã nüxü̃ chixuxü̃!

Amúx 5:1 Iomraidhean Croise

Yeremía 18:13

Rü ngẽmaca̱x ya Cori ya Tupana rü ñanagürü: “¡Ẽcü ngẽma to i nachixü̃anecüã̱xgüna pecagü, rü aixcüma nüxü̃ naxĩnüe i nangexgumaraxü̃xü̃ i chixexü̃! ¡Rü ngẽma Iraétanüxü̃ i duü̃xü̃gü rü taxüchixü̃ i chixexü̃ naxügü!

Yeremía 7:29

¡Pa Yerucharéü̃cüã̱xgü, pegü ípeyoeyaegü, rü ípenawogü! ¡Rü ñu̱xũchi ínachianexü̃wa i ngüchitaeruxü̃güwa wüxi i ngechaü̃arü wiyaegu peyawiyaegü! Erü Cori ya Tupana rü pemaxã nanu, rü pexü̃ ínawogü, rü pexü̃ naxo.

Yeremía 9:10

Rü duü̃xü̃gü rü yima ma̱xpǘnegüca̱x rü wocachitaü̃güca̱x naxaxu rü ningü̃necüü, erü nixae rü marü taxúema ngéma taxüpetü. Rü marü taxuxü̃ma i wocagaxü̃ taxĩnü. Rü werigü rü naeü̃gü i idüraexü̃ rü nibuxmü.

Yeremía 9:17

Rü Cori ya Tupana ya Guxãétüwa Ngẽxmacü rü ñanagürü: —¡Iperüxĩnüe! ¡Rü naxca̱x peyacagü i ngẽma ngexü̃gü i nüxü̃ cua̱xgüxü̃ nax mea naxauxexü̃! —ñanagürü.

Yeremía 9:20

Pa Ngexü̃güx, ¡iperüxĩnüe i ngẽma Cori ya Tupanaarü ore, rü iperüxĩnüe i ngẽma nüxü̃ yaxuxü̃! ¡Rü penangúexẽxẽ i pexacügü nax naxauxexü̃! ¡Rü ngẽxgumarüxü̃ ta pemücügüxü̃ pengúexẽxẽ nax ñaãcü ngechaü̃ãcü naxauxexü̃!

Yeremía 9:9

Rü ngẽmaca̱x i choma rü tá chanapoxcue i ngẽma duü̃xü̃gü naxca̱x i ngẽma chixexü̃ i chope̱xewa naxügüxü̃. Erü ngẽma poxcu nixĩ i nüxna üxü̃ naxca̱x i norü chixexü̃. Rü choma ya Cori ya Tupana rü chanaxuegu nax aixcüma tá chanaxüxü̃ i ngẽma” —ñanagürü.

Echequié 19:1

Rü cumax, Pa Echequiéx, rü Iraétanüxü̃arü ãẽ̱xgacügüchiga nagu nawiyae i ñaa ngechaü̃arü wiyae:

Echequié 19:14

Rü ngẽma nachacüügüwa rü ninai ya wüxi ya üxü, rü ngẽma ngexwaca rüxügüxü̃ i nachacüügü rü nixae wüxigu norü omaxã. Rü marü nataxuma ga nachacüügü ga iporaxü̃ nax ãẽ̱xgacügüarü naixmena̱xãwa nangugüxü̃. Rü ngẽma nixĩ i wüxi i ngechaü̃arü wiyae, rü name nixĩ i nagu pewiyaegü i ngẽxguma ngechaü̃ ínguxgu.

Echequié 26:17

Rü ngẽxguma rü tá ñaa yuetaarü wiyaegu cuchiga nawiyaegü: “Pa Ĩane ya Tírux, cuma rü curü duü̃xü̃gümaxã wüxi ya ĩane ya poraxüchichiréne quixĩ. Rü guxü̃ma i ñaa naanewa rü cuxü̃ nacua̱xgü rü curü duü̃xü̃gümaxã cunamuü̃xẽxẽ i nachixü̃anegü. ¿Natürü i ñu̱xmax rü ta̱xacü cuxü̃ nangupetü nax ñaa márcutüwa cutauxchicaxü̃?

Echequié 28:12

—Cumax, Pa Yatüx, ¡Tíruarü ãẽ̱xgacüca̱x nagu nawiyae i ñaa yuetaarü wiyae, rü ñacuxü̃ tá nüxü̃! “Rü ñanagürü ya Cori ya Tupana cuxü̃: ‘Cumax, Pa Ãẽ̱xgacüx, rü duü̃xü̃güpe̱xewa rü cumexẽchi, rü nüxü̃ cucua̱xüchi, rü meama cungã̱xãxẽ.

Echequié 32:16

Rü ngẽma nixĩ i wüxi i ngechaü̃arü wiyae. Rü ngẽmaãcü tá nixĩ i namexü̃ nax nawiyaegüxü̃ i ngẽma togü i nachixü̃anegüarü ngexü̃gü i ngẽxguma Equítuaneca̱x rü ngẽma muxũchixü̃ i norü duü̃xü̃güca̱x naxauxegu. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Echequié 32:2

—Pa Yatüx, ¡nagu nawiyae i ñaa ngechaü̃arü wiyae i Equítuanearü ãẽ̱xgacü i Faraóü̃gu ixuxü̃ rü ñaxü̃! “Cumax, Pa Equítuanearü Ãẽ̱xgacü i Faraóü̃x, rü ñoma wüxi i leóü̃rüxü̃ quixĩ natanüwa i ngẽma togü i nachixü̃anegü. Rü cuma rü ñoma coya i taxü̃ i taxtü i Níruwa icháuxacüüxü̃rüxü̃ quixĩ. Rü cuparacutümaxã quichauxacüxü rü ícunabuxchixü i ngẽma dexá rü cunayuapexẽxẽ i ngẽma taxtü.

Amúx 3:1

Pa Iraétanüxü̃x ¡nüxü̃ pexĩnüe i ngẽma Cori ya Tupana nüxü̃ ixuxü̃ i pechiga i guxãma i pema nax Equítuanewa pexü̃ ínagaxü̃xü̃!

Amúx 4:1

¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.

Amúx 5:16

Rü ñanagürü ya Cori ya Tupana ya Guxãétüwa Ngẽxmacü: —Ngẽxguma tá ngéma chaxũxgu nax chayapoxcuexü̃ca̱x i ngẽma duü̃xü̃gü i chixexü̃gu maxẽxü̃ rü guxü̃ ya ĩanegüarü plazagüwa rü duü̃xü̃gü tá naxauxe. Rü namagüwa rü duü̃xü̃gü rü tá nixaixcha erü poraãcü nüxü̃́ nangu̱x. Rü tá tümaca̱x nangema ya yíxema naanewa puracüexe. Rü ngẽxgumarüxü̃ tá ta naxca̱x nangema i ngẽma auxewa diẽru ngĩxü̃ yauxgüxü̃. Rü guxü̃ma i úbanecügüwa rü tá naxauxe i duü̃xü̃gü i ngẽxguma petanüwa chaxũxgu nax pexü̃ chapoxcuexü̃ca̱x —ñanagürü ya Cori ya Tupana.

Amúx 8:14

Rü ngẽma duü̃xü̃gü i Chamáriaarü tupananetagüaxü̃́ yaxõgüxü̃, rü tá inayayitanü rü tagutáma ínarüdagü. Rü ngẽxgumarüxü̃ tá ta namaxã nangupetü i ngẽma Dáü̃tanüxü̃ i norü tupananetagüaxü̃́ yaxõgüxü̃ rü ngẽma Bechébacüã̱xgü i norü tupananetagüaxü̃́ yaxõgüxü̃” —ñanagürü.

Miquéa 2:4

Rü ngẽma ngunexü̃gu rü perü uanügü i pexü̃ igagüxü̃ rü ngechaü̃arü wiyaegu tá pexca̱x nawiyaegü. Rü pexü̃ nacugüãcüma tá ñaãcü nawiyaegü: “Aixcümaxü̃chi taxuwama time. Rü yíxema i Cori ya Tupanaarü duü̃xü̃gü rü togü i duü̃xü̃güme̱xẽwa tangexmagü rü taxúema taétüwa tachogü. Rü ngẽma taanegü rü nügü nayanugü i ngẽma tüxü̃ igagüxü̃”, ngẽmaãcü tá nawiyaegü —ñanagürü ya Tupana.