Amúx 4:7 - Tupanaarü Ore

⁷ Rü nüma ya Cori ya Tupana rü ñanagürü: —Choma rü tomaepü̱x ga tauemacü pexcha̱xwa íchayachaxãchixẽxẽ ga pucü naxü̃pa nax peyabuxgüxü̃ ga penetügü. Rü wüxi ga ĩanewa rü chanapuxẽxẽ rü nai ya ĩanewa rü tama. Rü wüxi ga naanewa rü napu rü to ga naanewa rü nipamare yerü nataxuma ga dexá.

Amúx 4:7 Iomraidhean Croise

Ínachoxü̃xü̃chiga 10:22

Rü nüma ga Moiché rü nawe̱xnagüchacüxü rü poraãcü nawaane ga guxü̃ma ga Equítuanewa.

Ínachoxü̃xü̃chiga 10:23

Rü tomaepü̱x ga ngunexü̃ rü taxúema tümamücüxü̃ tadau, rü taxúema tümachicawa tixũgachi. Natürü yema Iraétanüxü̃patagüwa rü guxü̃wama nangóone.

Ínachoxü̃xü̃chiga 8:22

Natürü ngẽxguma petanüwa ngẽma ínguxgux, rü Gochéü̃anewa i chorü duü̃xü̃gü íxãchiü̃güxü̃wa rü taxũtáma ngẽmaãcü nangupetü. Erü ngéma rü bai tá i wüxi i mu̱xcü ingexmaxü̃ nax ngẽmaãcü nüxü̃ cucuáxü̃ca̱x nax choma ya Cori ya Tupana rü aixcüma naanearü yora chixĩxü̃.

Ínachoxü̃xü̃chiga 9:26

Rü woo nax yema ngupetüxü̃ ga Equítuanewa, natürü yema Iraétanüxü̃ nawa yexmagüxü̃ ga naane ga Gochéü̃wa rü taxuxü̃ma ga gáuxü̃pütagü yexma nayi rü bai ga wüxi.

Ínachoxü̃xü̃chiga 9:4

Natürü ya Cori ya Tupana rü taxũtáma guxãxü̃newa nananguxẽxẽ i ngẽma da̱xaweane, erü ngẽma Equítuanecüã̱xarü naxü̃nagüxica tátama nayue, natürü ngẽma Iraétanüxü̃arü naxü̃nagü rü taxũtáma nayue’ ” —ñanagürü.

Ichaía 5:6

Rü ñu̱xũchi tá íchanata̱x i ngẽma úbanecü. Rü taxúetama tayayoatü rü taxúetama tanangĩxcanecü rü ngẽmaãcü tá chuxchuxü̃gü rü chixexü̃ i natüane nanecüwa narüxügü. Rü tá nüxna chaxãga i caixanexü̃ nax tama nanecügu napuxü̃ca̱x —ñanagürü ya Tupana.

Yeremía 14:22

Pa Cori ya Tupana, nataxuma i tupananetachicüna̱xã i cuxrüxü̃ nüxü̃ cuáxü̃ nax napuxẽẽãxü̃. Rü taxucürüwa i dauxü̃guxü̃ i naane nüechamatama nanapuxẽxẽ. Rü cuma nixĩ i ícunanguxẽẽxü̃ ya pucü, rü cuma nixĩ i cunaxüxü̃ i guxü̃ma i ta̱xacü i ngẽxmaxü̃. Rü cuma nixĩ i aixcüma torü Tupana quixĩxü̃. Rü ngẽmaca̱x nixĩ i cuxü̃tawa ítayanguxẽẽxü̃ i curü ngü̃xẽxẽ —ñanagürü ga Yeremía.

Yeremía 14:3

Rü ngẽma diẽruã̱xgüxü̃ rü norü puracütanüxü̃xü̃ dexáwa namugü. Rü nümagü i ngẽma norü puracütanüxü̃ rü puchugüwa dexáwa naxĩ. Natürü ngẽma puchugüwa rü taxuxü̃ma i dexáxü̃ inayangaugü. Rü ingeãcuxü̃ i norü tü̃xü̃gümaxã nawoegu. Rü ngẽmaca̱x naxoegaãẽgü rü norü ãnemaxã nügü nidüxchiwegü.

Yeremía 14:4

Rü yíxema naanewa puracüexe rü taxoegaãẽgü rü ãnemaxã tügü tidüxchíwegü, erü taguma napu, rü ngẽmaca̱x nipagüane.

Yeremía 3:3

Rü ngẽmaca̱x ngẽxguma primaberawa nanguxgu nax petoegüxü̃ rü nataxutama ya pucü. Erü pema rü ñoma wüxi i ngexü̃ i naxü̃nemaxã taxexü̃rüxü̃ãcü pemaxẽ. Rü name i naxca̱x pexãnee i ngẽma chixexü̃ i pexüxü̃.

Joel 2:23

¡Rü petaãxẽgü, Pa Chióü̃cüã̱xgü! ¡Rü namaxã petaãẽgü ya Cori ya Tupana! Yerü pexca̱x nanapuxẽxẽ ga yexguma meama nawa nanguxgu nax mucüca̱x napuxẽẽãxü̃ rü taunecüca̱x napuxẽẽãxü̃ yema noxri mea napuxẽẽã̱xgurüxü̃.

Chacaría 14:17

Rü ngẽxguma chi ngexü̃rüüxü̃ i nachixü̃ane i ñoma i naanewa ngẽxmagüxü̃ tama Cori ya Tupana ya Guxãxétüwa Ngẽxmacüarü cua̱xüü̃wa naxũxgu i Yerucharéü̃wa, rü Tupana rü taxũtáma norü naanegu nanapuxẽxẽ.

Ore i mexü̃ ga Cuáü̃ ümatüxü̃ 4:35

Rü pema rü ñaperügügü: “Ãgümücü ya tauemacü nataxu nax yabuxgǘxü̃ i trigu”, ñaperügügü. Natürü i choma rü ñacharügü pexü̃: “¡Dücax i nanetügüarü o erü marü nidau rü marü nawa nangu nax yabuxgǘxü̃!”

1 Corintios 4:7

Rü ñu̱xma rü cuxna chaca, ¿rü texé tixĩ ya yíxema togüarü yexera cuxü̃ ixĩxexẽ́xẽ? Rü guxü̃ma i ngẽma cuxü̃́ ngẽxmaxü̃ rü Tupana nixĩ ya cuxna naxãcü. Rü ñu̱xma nax Tupana cuxna naxãxü̃ i ngẽma cuxü̃́ ngẽxmaxü̃ ¿rü tü̱xcüü̃ cugü quicua̱xüxü̃ ñoma cumatama cugüna cunaxãxü̃rüxü̃?

Wenaxarü naxümatü ga Tupanaarü mugü 11:17

Erü ngẽxguma tá nüxna pixĩgachigu, rü nüma ya Cori ya Tupana rü tá pemaxã nanu rü taxũtáma pexca̱x nanapuxẽxẽ. Rü ngẽma naane rü taxuxü̃táma nawa narüxü, rü pema rü tá paxaxüchi nagu peyue i ngẽma naane i mexü̃ i Cori ya Tupana tá pexna ãxü̃.

Popera ga Chantiágu ümatüxü̃ 5:17

Tupanaarü orearü uruxü̃ ga Ería nixĩ ga wüxi ga yatü ga taxrüxü̃ ixĩcü. Natürü yexguma nüma aixcüma yaxõõcüma nayumüxẽgu nax tama napuxü̃ca̱x, rü tomaepü̱x ga taunecüarü ngãxü̃gu rü tama napu ga yema naanewa.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:6

Rü ngẽma taxre i orearü uruü̃gü rü nüxü̃́ nangẽxma i pora nax íyachaxãchixü̃ca̱x ya pucü nax tama napuxü̃ca̱x i guxü̃ma i ngẽma 1,260 i ngunexü̃gü i nagu Tupanaarü orexü̃ yaxugüxü̃. Rü ngẽxgumarüxü̃ ta nüxü̃́ nangẽxma i pora nax nagüxü̃ yaxĩxẽẽgüãxü̃ca̱x i dexá. Rü ngẽxgumarüxü̃ ta nüxü̃́ nangẽxma i pora nax ñoma i naanewa namugüãxü̃ca̱x i naguxü̃raü̃xü̃ i guxchaxü̃gü nax ngẽmaãcü ngúxü̃ duü̃xü̃güxü̃ yangexẽẽgüxü̃ca̱x i ngẽxguma ngẽma taxre naxwa̱xegügu.