Amúx 4:13 - Tupanaarü Ore

¹³ Rü choma rü Cori ya Tupana ya Guxãétüwa Ngẽxmacü nixĩ i chauéga. Rü choma nixĩ i ma̱xpǘnegü rü buanecü chango̱xẽẽxü̃. Rü choma nixĩ i yatüxü̃ nüxü̃ chacua̱xẽẽxü̃ i ngẽma nagu charüxĩnüxü̃. Rü choma nixĩ i waanexü̃xü̃ chayanguxuchixẽẽxü̃ i ngóonexü̃. Rü choma nixĩ i ñoma i naanearü máxpü̱xanexü̃gu chixũgüxü̃. Rü Cori ya Tupana ya Guxãétüwa Ngẽxmacü nixĩ i chauéga.

Amúx 4:13 Iomraidhean Croise

Yox 9:7

Rü nüma nixĩ i namuaxü̃ ya üa̱xcü nax tama inabaxixü̃ca̱x rü ñu̱xũchi ẽxtagü nax tama yana̱i̱xgüxü̃ca̱x.

Wiyaegü 135:7

Rü nüma rü guxü̃wama i ñoma i naanewa nayachü̱xüxãchixẽxẽ ya cherena. Rü nanayauneanecüüxẽxẽ nax ngẽmawa nüxü̃ icuáxü̃ca̱x nax napuxchaü̃xü̃. Rü ngẽma ngextá namaxã ínanguxü̃xü̃wa ya buanecü rü inanamuãchi.

Wiyaegü 139:2

Rü cuma nüxü̃ cucua̱x i guxü̃ma i ngẽma chaxüxü̃. Rü woo curü yáxü̃wa changexmagu rü nüxü̃ cucua̱xama i ngẽma nagu charüxĩnüxü̃.

Wiyaegü 147:18

Natürü yixcüama ínananguxẽxẽ ya buanecü ya naicü. Rü yimá buanecü rü inanadexẽxẽ i ngẽma gáuxü̃. Rü ngẽxguma i ngẽma dexá rü iniya̱x.

Wiyaegü 65:6

Rü cuma rü curü poramaxã cunango̱xẽxẽ ya yima ma̱xpǘnegü. Rü yemaacü icunawe̱x i curü pora.

Ínachoxü̃xü̃chiga 10:22

Rü nüma ga Moiché rü nawe̱xnagüchacüxü rü poraãcü nawaane ga guxü̃ma ga Equítuanewa.

Ínachoxü̃xü̃chiga 14:20

Rü yemaacü ga yema caixanexü̃ rü Equítuanecüã̱xgü rü Iraétanüxü̃arü ngaxü̃wa nixüãchi. Rü yema Equítuanecüã̱xgüca̱x rü nanaxẽanexẽxẽ natürü Iraétanüxü̃ca̱x rü nanangóonexẽxẽ. Rü yemaca̱x nixĩ ga Equítuanecüã̱xgü ga taxucürüwama Iraétanüxü̃xü̃ iyangaugüxü̃ ga yema chütaxü̃gu.

Ichaía 40:12

¿Rü texé ya tümachacume̱xẽmaxã inanguxe i már arü dexá, rüe̱xna tümatanüme̱xẽgümaxã nangugüxe i daxũguxü̃ i naanearü ta? ¿Rü texé wüxi i nguruü̃gu tanagücu i ñoma i naanearü waixü̃müte̱xe? ¿Rü texé yáruü̃wa tanayá ya guxü̃nema ya ma̱xpǘnegü?

Ichaía 45:7

Rü choma nixĩ ga chanango̱xẽẽxü̃ ga ngóonexü̃ rü waanexü̃. Rü choma nixĩ i íchananguxẽẽxü̃ i mexü̃ rü guxchaxü̃. Rü chomatama ya Tupana nixĩ i chanaxüxü̃ i guxü̃ma i ngẽma —ñanagürü.

Ichaía 48:2

Pema rü nüxü̃ pixu nax yima ĩane ya üünene ya Yerucharéü̃wa pemaxẽxü̃ rü Iraéarü Tupana ya Guxãétüwa Ngẽxmacüarü duü̃xü̃gü pixĩgüxü̃, rü ngẽmaãcü pegü ípepoxü̃.

Ichaía 5:30

Rü ngẽxguma nawa nanguxgu i ngẽma ngunexü̃ rü norü taga i ngẽma nachixü̃anearü churaragü i Iraétanüxü̃ca̱x íyaxüãchixü rü ñoma már arü yuapegarüxü̃ tá nixĩ. Rü ngẽxguma texé nüxü̃ dawenügu i ñoma i naane rü tá nüxü̃ tadau nax nawaanexü̃, rü caixanexü̃ i waemaxü̃ rü tá nanatüpechita ya üa̱xcü.

Yeremía 10:13

Rü ngẽxguma yadexaxgu rü dauxü̃wa nayacuxcuxẽxẽ ya pucü. Rü ñoma i naane íyacuáxü̃wa ngẽxmagüxü̃ i caixanexü̃gü rü ínanangu̱xẽxẽ. Rü pucügu rü ãẽmacügümaxã nanangóonexẽxẽ. Rü ngẽma ngextá namaxã ínanguxü̃xü̃wa rü inanamuãchi ya buanecü.

Yeremía 10:16

Natürü nüma ya yima Acóbuarü Tupana ya naxücü i guxü̃ma i ñu̱xma ngẽxmagüxü̃ rü namaxü̃. Rü ngẽmaãcü tama namaxã nawüxigu i ngẽma naxchicüna̱xãgümare. Rü nüma ya Cori ya Tupana nixĩ i Iraétanüxü̃xü̃ naxunetaxü̃ nax norü duü̃xü̃gü yixĩgüxü̃ca̱x.

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Yeremía 46:18

Rü choma ya ãẽ̱xgacü ya Cori ya Tupana ya Guxãétüwa Ngẽxmacü rü chauégagu ichaxuneta rü ñachagürü: “Ngẽma uanü i tá pexca̱x íyaxüãchixü̃ rü ñoma ma̱xpǘne ya Tabóx ya naigü ya ma̱xpǘnexü̃ rümáchanemaenerüxü̃ tá nixĩ. Rü ñoma ma̱xpǘne ya Carméru i márpechinüwa máchanenerüxü̃ tá nixĩ i ngẽma uanü i tá pexca̱x ínguxü̃.

Yeremía 51:16

Rü duruanexü̃maxã nanapuxẽxẽ ya pucü. Rü nüma rü yáxü̃wa nanaxĩnagüxẽxẽ i caixanexü̃gü. Rü pucüétüwa nayaba̱i̱xbe̱xẽxẽ ya ãẽmacügü. Rü ngẽma namaxã ínanguxü̃xü̃wa ne nanaxũxẽxẽ ya buanecü.

Yeremía 51:19

Natürü nüma ya Acóbutanüxü̃arü Tupana rü tama ngẽma naxchicüna̱xãgürüxü̃ nixĩ. Erü nüma ya Tupana nixĩ i naxüaxü̃ ga ñoma ga naane rü guxü̃ma i nawa ngẽxmagüxü̃. Rü nüma nüxü̃ naxuneta i ngẽma Iraétanüxü̃ nax norü duü̃xü̃gü yixĩgüxü̃ca̱x. Rü nümax, rü Cori ya Tupana ya Guxãétüwa Ngẽxmacü nixĩ i naéga.

Danié 2:28

Natürü nangẽxma ya wüxi ya Tupana i daxũguxü̃ i naanewa ya nüxü̃ cuácü i ẽxü̃guxü̃ i ore, Pa Ãẽ̱xgacüx, rü nüma nixĩ i cuxü̃ nüxü̃ nacua̱xẽẽxü̃ i ngẽma tá yixcüra ngupetüxü̃. Rü tá cumaxã nüxü̃ chixu, Pa Ãẽ̱xgacüx, ga yema nüxü̃ cudauxü̃ ga cunegüwa ga yexguma cupegu.

Danié 2:30

Rü ngẽxgumarüxü̃ ta ya Tupana rü cha̱u̱xca̱x nanango̱xẽxẽ ga yematama cuma nagu cuxãnegüxü̃. Natürü tama ngẽma togüarü yexera nüxü̃ charücua̱xmaexü̃ca̱x nixĩ i choxü̃ nüxü̃ nacua̱xẽẽxü̃ i ngẽma. Rü cha̱u̱xca̱x nanango̱xẽxẽ nax cumaxã nüxü̃ chixuxü̃ca̱x nax ta̱xacüchiga yixĩxü̃ ga yema cunegü nax ngẽmaãcü cuma rü ta nüxü̃ cucuáxü̃ca̱x.

Ochéa 12:6

¡Pa Iraétanüxü̃x, Tupanaca̱x pewoegu! ¡Rü aixcüma nüxü̃ pengechaü̃gü rü nüxü̃́xicatama peyaxõgü!

Amúx 3:13

Rü Cori ya Tupana ya Guxãétüwa Ngẽxmacü rü ñanagürü: —¡Iperüxĩnüe i pemax! ¡Rü Acóbutanüxü̃maxã nüxü̃ pixu! Rü ngẽma ngunexü̃ i nagu Iraétanüxü̃na norü chixexü̃güca̱x nüxna chacaxgu, rü tá nagu chapogü i ngẽma norü tupananetagüarü ãmarearü guruü̃gü i Betéwa ngẽxmagüxü̃. Rü nagu tá chapogü i ngẽma ãmarearü guruü̃chata̱xcuregü rü waixü̃müanegu tá nayi.

Amúx 5:27

Rü ngẽmaca̱x i choma rü ĩane ya Damácuarü yáxü̃wa tá pexü̃ chawogü. Rü choma ya Cori ya Tupana ya Guxãétüwa Ngẽxmacü nixĩ i ngẽma ñachaxü̃. Rü ngẽma nixĩ i chauéga —ñanagürü.

Amúx 5:8

Rü nüma ya Cori ya Tupana nixĩ ga naxüxü̃ i ngẽma ẽxtagütücumü i Préyadegu ãégaxü̃ rü ngẽma ẽxtagütücumü i Orióü̃gu ãégaxü̃. Rü ngẽxguma nachütagu rü nüma ínanangu̱xẽxẽ i ngóonexü̃. Rü ngẽxguma nangóonegu rü nüma rü ínanangu̱xẽxẽ i chütaxü̃. Rü nüma nixĩ i caixanexü̃xü̃ yanguxuchixẽẽãxü̃ i már arü dexá nax dauxü̃ naxĩxü̃ca̱x rü ñu̱xũchi ñoma i naanegu nax napuxẽẽãxü̃ca̱x. Rü naéga rü Cori ya Tupana nixĩ.

Amúx 6:8

Rü nüma ya Cori ya Tupana rü nügüégagu nanaxuegu. Rü Cori ya Tupana ya Guxãétüwa Ngẽxmacü rü nüxü̃ nixu rü ñanagürü: —Choma rü naxchi chaxai nax nügü yacua̱xüü̃güxü̃ i ngẽma Acóbuarü duü̃xü̃gü. Rü tama namaxã chataãxẽ ya yima norü ãẽ̱xgacüpatagü ya mexẽchine. Rü norü uanügüme̱xẽwa tá chanangexmagüxẽxẽ ya yima norü ĩane namaxã i guxü̃ma i ngẽma nawa ngẽxmaxü̃ —ñanagürü.

Amúx 8:9

Rü choma i Cori ya Tupana rü pemaxã nüxü̃ chixu rü ñachagürü: “Rü ngẽma ngunexü̃gu rü tá tocuchigu chayaxoxẽxẽ ya üa̱xcü. Rü woo ngunecü rü tá chanawaanexẽxẽ i ñoma i naane.

Amúx 9:6

Rü nüma ya Cori ya Tupana rü dauxü̃guxü̃ i naanegu nanaxü ya napata ya mexẽchine. Rü nanaxü i ngẽma ngo̱xmaanexü̃ i yáuxü̃ i ñoma i naaneétüwa ngẽxmaxü̃. Rü nüma rü dauxü̃ nanaxĩxẽxẽ i már arü dexá rü ñu̱xũchi ñoma i naanegu nanapuxẽxẽ. Rü Cori ya Tupana nixĩ i naéga.

Miquéa 1:3

Rü nüma ya Cori ya Tupana rü tá ngẽma ínangexmaxü̃wa ínaxũxũ, rü ma̱xpǘneétügu yaxũãcüma tá nua naxũ.

Abacú 3:19

Erü nüma ya Cori ya Tupana rü pora choxna naxã, rü ñoma wüxi i cowü i poraxü̃rüxü̃ choxü̃ naporaxẽxẽ. Rü wüxi ya ma̱xpǘneétüwa tá choxü̃ naga rü ngéma tá choxna nadau nax taxuxü̃ma choxü̃ naxüpetüxü̃ca̱x.

Chacaría 12:1

Ñaa nixĩ i Cori ya Tupanaarü ore nachiga i Iraétanüxü̃. Rü nüma ya Cori ya Tupana nixĩ i nango̱xẽẽãxü̃ i daxũguxü̃ i naane rü naxüaxü̃ i ngẽma ñoma i naane nagu üxü̃ rü yatüna maxü̃ naxãxü̃, rü ñanagürü:

Ore i mexü̃ ga Matéu ümatüxü̃ 9:4

Natürü ga Ngechuchu rü nüxü̃ nacua̱xama ga yema naãẽwa nagu naxĩnüexü̃. Rü yemaca̱x ñanagürü nüxü̃: —¿Tü̱xcüü̃ chixexü̃gu perüxĩnüe?

Ore i mexü̃ ga Cuáü̃ ümatüxü̃ 2:25

Rü yemaca̱x ga nüma rü taxuca̱xma texé namaxã nüxü̃ tixu nax ta̱xacügu naxĩnüexü̃ ga yema duü̃xü̃gü. Yerü nümatama marü nüxü̃ nacua̱x nax ta̱xacügu naxĩnüexü̃ ga naãxẽwa ga wüxichigü.

Ore i mexü̃ ga Cuáü̃ ümatüxü̃ 3:8

Yimá buanecü rü ínanaxwa̱xexü̃wa nabu. Rü nüxü̃ cuxĩnü i naga, natürü tama nüxü̃ cucua̱x nax ngextáama ne naxũxü̃ rü ngextáama nax naxũxü̃. Rü ngẽxgumarüxü̃ ta tixĩgü ya guxãma ya yíxema Naãxẽ ya Üünexü̃wa nayaxúxe i maxü̃ i ngexwaca̱xü̃xü̃ —ñanagürü.

Wenaxarü naxümatü ga Tupanaarü mugü 32:13

Rü pexü̃ naporaexẽxẽ nax máxpü̱xanexü̃gu pexü̃ nagagüxü̃. Rü nanetügü ga nüechama yema naanewa rüxügüxü̃arü omaxã pexü̃ nixüwemü. Rü wüxi ga nutapütawa berure pexca̱x nichuruxẽxẽ, rü nuta ga taipütacüwa pexca̱x ínanagoxü̃chíüxẽxẽ ga chíxü̃.

Wenaxarü naxümatü ga Tupanaarü mugü 33:29

¡Pa Iraétanüxü̃x, petaãxẽgü! Pema rü taxúema pemaxã tawüxigu erü nümatama ya Cori ya Tupana nixĩ i pexü̃ ínapoxü̃xü̃, rü pexü̃ nangü̃xẽẽxü̃. Rü nüma nixĩ i perü tara i namaxã perü uanügüxü̃ pedaixü̃. Rü perü uanügü rü pepe̱xegu tá nacaxã́pü̱xügü. Rü pema rü tá penaxãnexẽxẽ rü penapu̱xcuchigüama —ñanagürü ga Moiché.