Amúx 4:10 - Tupanaarü Ore

¹⁰ —Rü pexca̱x íchanangugüxẽxẽ ga naweane yema Equítuaneca̱x íchanguxẽẽgurüxü̃. Rü chanayexrü ga perü ngextü̱xücügü nax perü uanügü daigu nada̱i̱xü̃ca̱x. Rü chanayexrü nax perü uanügü yagagüxü̃ca̱x ga perü cowarugü. Rü yema pegü ípeda̱i̱xü̃wa pexü̃ chanapaxẽxẽ ga yema yuexü̃arü yixixü̃. Natürü ga pema rü tama cha̱u̱xca̱x pewoegu. Rü choma i Cori ya Tupana nixĩ i nüxü̃ chixuxü̃ i ngẽma.

Amúx 4:10 Iomraidhean Croise

Norü taxre ga popera ga ãẽ̱xgacügüchiga 10:32

Rü yexgumaü̃cüxü ga Cori ya Tupana rü ínanaxíraãchi ga Iraégüarü naane. Yerü Chíriaanearü ãẽ̱xgacü ga Achaé rü guxü̃ma ga Iraéanearü üyeanewa nixücu nax Iraéanecüã̱xgüxü̃ nayada̱i̱xü̃ca̱x.

Norü taxre ga popera ga ãẽ̱xgacügüchiga 13:3

Rü yemaca̱x ga Cori ya Tupana rü Iraéanecüã̱xgümaxã nanu. Rü Chíriaanearü ãẽ̱xgacü ga Achaéxaxü̃́ rü nane ga Ben-adáxaxü̃́ nanatauxchaxẽxẽ nax mucü ga taunecü Iraéanecüã̱xgüxü̃ naporamaegüxü̃ca̱x. Rü yemaacü Chíriaanearü ãẽ̱xgacügüme̱xẽwa nayexmagü.

Norü taxre ga popera ga ãẽ̱xgacügüchiga 13:7

Rü nüma ga Yoacá rü marü noxretama ga norü churaragü nüxü̃́ ínayaxü. Rü 50tama ga churaragü ga cowarugu ĩxü̃, rü 10tama ga carugü ga cowaru itúgüne rü 10,000tama ga churaragü ga nacutügu ĩmarexü̃ nüxü̃́ ínayaxü. Yerü nüma ga Achaé ga Chíriaanearü ãẽ̱xgacü rü muxü̃ma ga Yoacáarü churaragüxü̃ nadai rü yemaacü poraãcü inayanaxoxẽxẽ.

Norü taxre ga popera ga ãẽ̱xgacügüchiga 8:12

Rü Achaé nüxna naca rü nüxü̃ ñanagürü: —¿Ta̱xacüca̱x cuxaxu, Pa Chorü Corix? —ñanagürü. Rü Erichéu nanangãxü̃ rü nüxü̃ ñanagürü: —Erü nüxü̃ chacua̱x i ngẽma chixexü̃ i Iraéanecüã̱xgüca̱x tá ícunguxẽxẽxü̃. Erü yima norü ĩanegü ya ípoxegugüne rü tá ícunagu. Rü ngẽma norü ngextü̱xüxü̃gü rü taramaxã tá cunadai. Rü yíxema ibuxe rü nutagu tá tüxü̃ quichi̱xgüe rü ngẽmaãcü tá tüxü̃ cudai. Rü ñu̱xũchi yíxema ngexegü ya ixãxacüxe rü itacharaü̃güxe rü tá tüxü̃ cuwinapütüwegü —ñanagürü.

Ínachoxü̃xü̃chiga 10:27

Natürü nüma ga Cori ya Tupana rü tama nüxna nayanuxũ ga Faraóü̃ nax nügütama nataiãchiarü maxü̃ã̱xẽẽü̃ca̱x nax yemaacü tama yange̱xgüãxü̃ca̱x ga yema Iraétanüxü̃.

Ínachoxü̃xü̃chiga 10:3

Rü Moiché rü Aróü̃ rü Faraóü̃xü̃tawa naxĩ, rü ñanagürügü nüxü̃: —Cori ya Iraétanüxü̃arü Tupana rü cuxca̱x nua namuga rü ñanagürü cuxü̃: “¿Ñuxguratáta i nüxü̃ curüxoxü̃ nax choxna cugü quinuxuxü̃? ¡Rü yange̱xgü i chorü duü̃xü̃gü nax choxü̃ yanacua̱xüü̃güxü̃ca̱x!

Ínachoxü̃xü̃chiga 14:4

Natürü i choma rü tá Faraóü̃xü̃ íchanataiãchiarü maxü̃ã̱xẽxẽ rü nüma rü tá pewe nangẽ. Rü ngẽxguma i choma rü Faraóü̃pe̱xewa rü guxü̃ma i norü churaragüpe̱xewa tá ichanawe̱x i chorü pora nax ngẽmaãcü nüxü̃ yacua̱xãchitanüxü̃ca̱x i ngẽma Equítuanecüã̱xgü nax choma rü aixcüma Cori ya Tupana chixĩxü̃ —ñanagürü.

Ínachoxü̃xü̃chiga 15:26

Rü Tupana rü ñanagürü nüxü̃: —Ngẽxguma chi ipexĩnüegu i ngẽma pemaxã nüxü̃ chixuxü̃, rü penaxü̱xgu i ngẽma namaxã chataãẽxü̃, rü naga pexĩnüegu i ngẽma chorü ucu̱xẽgü, rü peyanguxẽẽ̱xgu i ngẽma mugü, rü taxuxü̃táma núma pexca̱x chanamu i ngẽma da̱xaweanegü ga Equítuanecüã̱xgüca̱x yéma chamuxü̃. Erü choma nixĩ i perü Cori ya Tupana i pexü̃ charümeexẽẽxü̃ chixĩxü̃ —ñanagürü.

Ínachoxü̃xü̃chiga 8:19

Rü yexguma ga yema yuüxü̃gü rü Faraóü̃xü̃ ñanagürügü: —Ñaa guxchaxü̃ rü aixcüma Tupanawa nixĩ i ne naxũxü̃ —ñanagürügü. Natürü ga nüma ga Faraóü̃ rü yema Cori ya Tupana nüxü̃ ixuxü̃rüxü̃ nanuama rü tama inaxĩnüchaü̃.

Ínachoxü̃xü̃chiga 9:12

Natürü nüma ga Cori ya Tupana rü nanayexrü ga Faraóü̃ nax nügütama nataiãchiarü maxü̃ã̱xẽẽxü̃ca̱x nax yemaacü tama Moichéga rü Aróü̃ga naxĩnüxü̃ca̱x, yema nüma ga Cori ya Tupana Moichémaxã nüxü̃ ixuxü̃rüxü̃.

Ínachoxü̃xü̃chiga 9:17

Natürü woo nax cuxü̃ chamaxẽẽxü̃, rü cuma rü tama icuxĩnüchaü̃ rü tama cuyange̱xgüchaü̃ i chorü duü̃xü̃gü.

Ichaía 34:3

Rü ngẽma yuexü̃ rü ngéma tá nawogümare. Rü ngẽma naxü̃negü rü tá nanayixanexẽẽgü. Rü nagü rü ma̱xpǘnegüwa tá narüyáü̃gü.

Ichaía 50:11

Natürü i pema rü toguama perüxĩnüe rü perütama omügü penanaixẽxẽ nax nagu pexĩxü̃ca̱x. Rü ngẽmaãcü Tupanaxü̃ pexo. Rü ngẽmaca̱x i nüma ya Tupana ya Guxãétüwa Ngẽxmacü rü tá pexü̃ napoxcue rü ngúxü̃ pexü̃ ningexẽxẽ —ñachagürü.

Ichaía 9:12

Rü éstewaama ne naxĩ i Chíriaanecüã̱xgü, rü oéstewaama ne naxĩ i Firitéutanüxü̃. Rü ñoma ta̱xacü i noxtacüma íga̱xaxü̃rüxü̃ tá Iraéanecüã̱xgüxü̃ nadai. Rü woo ngẽmaãcü napoxcueãxü̃ ya Cori ya Tupana, natürü tama Iraéanecüã̱xgümaxã inarüngü̃xmü. Rü yexeraãcü nayaxãxũnechigüama.

Ichaía 9:13

Natürü nüma i Iraétanüxü̃ rü tama yimá Tupana ya napoxcuecüca̱x nawoegu, rü tama naga naxĩnüechaü̃ ya yimá Tupana ya Guxãétüwa Ngẽxmacü ya poraxüchicü.

Ichaía 9:17

Rü nüma ya Cori ya Tupana rü ngẽmaca̱x tama namaxã nixauxãchi i ngextü̱xüxü̃gü, rü ñu̱xũchi tama nüxü̃́ tangechaü̃tümüxü̃ ya taxcutagü rü yutegüxe. Erü guxü̃ma i duü̃xü̃gü rü chixexü̃arü üruü̃gü nixĩgü rü naechitamare chixexü̃ i dexamaxã nidexagü. Rü guxü̃ma ga yema chixexü̃ ga naxügüxü̃gagu rü nüma ya Cori ya Tupana rü tama Iraéanecüã̱xgümaxã inarüngüxmü, rü yexeraãcü nayaxãxũnechigüama.

Yeremía 11:22

Rü nüma ya Cori ya Tupana ya Guxãétüwa Ngẽxmacüx rü ñanagürü nüxü̃: —Choma rü tá wüxi i guxchaxü̃ naxca̱x íchanguxẽxẽ. Rü guxü̃ma i norü ngextü̱xücügü rü daigu tá nayue, rü yíxema nanegü rü naxacügü rü taiyamaxã tá tayue.

Yeremía 15:3

Rü choma ya Cori ya Tupana rü nüxü̃ chixu rü ñachagürü: —Naxãgümücüraü̃xü̃ i poxcu tá pexca̱x íchanguxẽxẽ. Rü daigu tá pexü̃ nadai, rü airugü tá pexü̃ nitúgü, rü ngurucugü tá pexü̃ nangõ̱xgü, rü ñu̱xũchi naeü̃gü i idüraexü̃ tá pexü̃ nangõ̱xcu.

Yeremía 16:4

Rü da̱xaweanegü i ãũcümaxü̃maxã tá nayue, rü taxúetama naxca̱x taxauxe, rü bai tá texé inata̱xgüxü̃. Rü ñoma naü̃rüxü̃ tá waixü̃müanewa nawogümare. Rü daigu tá nayue, rü ñu̱xũchi taiyamaxã tá nayue. Rü ngẽma naxü̃negü rü ngurucugü rü naeü̃gü i idüraexü̃ tá nanangõ̱xgü —ñanagürü.

Yeremía 18:21

Rü ngẽmaca̱x i ñu̱xma rü cuxna naxca̱x chaca nax taiyamaxã rü taramaxã nayuexü̃ i nanegü rü naxacügü i ngẽma duü̃xü̃gü i chixexü̃ chomaxã ügüxü̃ rü ngẽma naxma̱xgü rü ngẽnegüxü̃ rü ngetegüxü̃ íyaxügüxü̃ rü ngẽma nategü rü da̱xaweanemaxã nayue rü ngẽma norü ngextü̱xügü rü daigu nayue.

Yeremía 48:15

Rü paxa tá ínangu i norü uanü i tá Moáanegu rü norü ĩanegügu pogüexü̃. Rü norü churaragü i rümemaexü̃ rü tá nayue. Rü choma i Ãẽ̱xgacü nixĩ i ngẽma ñachaxü̃. Rü Cori ya Tupana ya Guxü̃étüwa Ngẽxmacü nixĩ i chauéga.

Yeremía 49:26

Rü ngẽxguma norü ngunexü̃wa nanguxgu nax norü uanügü tá nada̱i̱xü̃, rü norü ngextü̱xücügü rü namawa tá ninuagümare rü guxü̃ma i ngẽma norü churaragü rü tá nayue. Rü choma ya Cori ya Tupana nixĩ i ngẽma ñachaxü̃.

Yeremía 5:3

Pa Corix, ngẽma naxca̱x cudauxü̃ nixĩ i duü̃xü̃gü i aixcüma cuga ĩnüexü̃. Natürü woo cunapoxcue, rü tama cuga naxĩnüechaü̃. Rü cunadai, natürü tama inaxĩnüechaü̃. Yerü nutaarü yexera nataiarü maxü̃ã̱xgü, rü tama nüxü̃ narüxoechaü̃ i nacüma i chixexü̃.

Yeremía 6:11

Pa Corix, choma rü ta curüxü̃ poraãcüxüchi namaxã chanu i ngẽma duü̃xü̃gü i tama cuga ĩnüechaü̃xü̃. Rü tama yáxna chaxĩnü nax namaxã chanuxü̃ —ñachagürü. Rü yexguma ga nüma ga Cori ya Tupana rü ñanagürü choxü̃: —¡Ẽcü namaxã nanu i ngẽma namawa ngẽxmagüxü̃ i buxü̃gü rü ngẽma ngextü̱xü̃gütücumügü i chixexü̃gu maxẽxü̃! Rü ngẽma uanügü rü tá tüxü̃ ínayauxü̃ ya yíxema iyatüxe tümama̱xmaxã. Rü ngẽxgumarüxü̃ ta, tá tüxü̃ ínayauxü̃ ya yíxema o̱xigü rü yaxguã̱xgü.

Yeremía 9:22

Rü tümaxü̃negü ya duü̃xẽgü rü ñoma naü̃rüxü̃ naanewa ninuamare ñoma trigu i ngẽma yachexexü̃we iyietanüxü̃ rü taxúema dexü̃rüxü̃ —ngẽmaãcü ngechaü̃ãcü naxauxe. Rü nümatama ya Cori ya Tupana nixĩ i nüxü̃ yaxuxü̃ i ngẽma ore.

Ochéa 11:5

Natürü i nümagü rü tama cha̱u̱xca̱x nawoeguchaü̃. Rü ngẽmaca̱x woo taxũtáma Equítuaneca̱x nawoegu natürü Achíriaaneme̱xẽwa tá nangẽxmagü, erü tama cha̱u̱xca̱x nawoeguchaü̃.

Joel 2:20

Rü tá pexna chayaxĩgachixẽxẽ i ngẽma munügü ga nórtewaama ne ĩxü̃, rü tá ngextá ínachianexü̃wa chanamugü. Rü ngẽma nape̱xegu ĩxü̃ rü nataxa i ngearü maxü̃ã́xü̃wa tá chanawoü̃. Rü ngẽma wixweama ügüxü̃ rü Már i Mediteráneuwa tá chanawoü̃. Rü ngẽxma tá niyixe rü tá ngéma nayixanegü. Rü ngẽmaãcü tá poraãcü pexü̃ charüngü̃xẽxẽxü̃ —ñanagürü ga Cori ya Tupana.

Lebítanüxü̃arü puracüchiga 26:25

Rü tá pexca̱x íchayaxüãchixẽxẽ i perü uanügü nax norü taramaxã pexü̃ nada̱i̱xü̃ca̱x, yerü tama naga pexĩnüe i ngẽma uneta ga pemaxã chaxüxü̃. Rü pema rü tá yima perü ĩanegü ya cu̱xchicaxü̃ruü̃ca̱x pibuxmü, natürü i choma rü tá ngéma pexca̱x chanamu i da̱xaweane. Rü ngẽmaãcü tá perü uanügüme̱xẽgu peyi.

Amúx 4:6

Rü choma nixĩ ga taiya pexca̱x íchanguxẽẽxü̃ ga guxü̃nema ga perü ĩanegüwa. Rü choma nixĩ ga pexü̃́ chanatauxẽẽxü̃ ga õna ga guxü̃nema ga perü ĩanexacügüwa. Natürü woo nax yema pexca̱x íchanguxẽẽxü̃ rü tama cha̱u̱xca̱x pewoegu. Rü choma ya Cori ya Tupana nixĩ i pemaxã nüxü̃ chixuxü̃ i ngẽma.

Amúx 8:3

Rü ñanagürü ta: —Ngẽma ngunexü̃gu rü ngẽma ãẽ̱xgacüpatawa taãẽãcü nax nawiyaegüxü̃ rü tá ngechaü̃xü̃ nananguxuchi. Erü ngẽma ngunexü̃gü rü muxü̃tama i duü̃xü̃gü nayue. Rü bexma tá düxétüguama ínanawoxü̃ i ngẽma yuexü̃ —ñanagürü ya Cori ya Tupana.

Aguéu 2:17

Rü yemaacü pexü̃ nangupetü yerü choma rü da̱xaweanegümaxã rü gáuxü̃pü̱xümaxã chanadai ga yema perü nanetügüarü o ga poraãcü naxca̱x pepuracüexü̃. Natürü ga pemax rü tama cha̱u̱xca̱x pewoegu ga yexguma. Rü choma ya Cori ya Tupana nixĩ i pemaxã nüxü̃ chixuxü̃ i ngẽma.

Wenaxarü naxümatü ga Tupanaarü mugü 28:21

Rü Cori ya Tupana rü da̱xaweane tá pexca̱x ínangu̱xẽxẽ rü ngẽma da̱xaweane rü tá ngẽxma pexü̃ nadai, rü tá pexü̃ inayarüxoxẽxẽ nawa i ngẽma nachixü̃ane i nawa tá pengẽxmagüxü̃.

Wenaxarü naxümatü ga Tupanaarü mugü 28:22

Rü pexca̱x tá ngéma nanamu i da̱xaweanegü i pexü̃ daixü̃, rü axü̃negü i poraxü̃ i tama paxa pexü̃ ngupetüxü̃, rü perü chaxünegü, rü naiane i tama namaxã peporaexü̃. Rü perü trigu i peanewa ngẽxmaxü̃ rü tá nipagü erü dexá rü tá nichegü rü ñu̱xũchi naweane rü norü da̱xaweane tá naxca̱x ínangugü. Rü ngẽma da̱xaweanegü rü tagutáma pexna nangupetü ñu̱xmatáta pexü̃ nadai.

Wenaxarü naxümatü ga Tupanaarü mugü 28:60

Rü Cori ya Tupana rü cuxca̱x tá ínanangu̱xẽxẽ ga yematama poxcugü ga Equítuanecüã̱xgüca̱x ínanguxẽẽxü̃ ga cuma namaxã cubaixãchixü̃. Rü ngẽma poxcugü tá nixĩ i guxü̃gutáma ngúxü̃ cuxü̃ ningexẽẽxü̃.

Wenaxarü naxümatü ga Tupanaarü mugü 7:15

Rü nüma ya Cori ya Tupana rü pexna tá nayaxũgachixẽxẽ i guxü̃ma i da̱xaweanegü, rü ngẽma ãũcümaxü̃ i da̱xaweanegü ga nüxü̃ pedaugüxü̃ ga Equítuaneca̱x ínanguxẽẽxü̃. Natürü guxü̃ma i perü uanügü rü ngẽma da̱xaweanegümaxã tá ngúxü̃ nüxü̃ ningexẽẽgü.