Amúx 3:9 - Tupanaarü Ore

⁹ ¡Rü Adúxarü ãẽ̱xgacüpatagüwa, rü Equítuanearü ãẽ̱xgacüpatagüwa penaxunagü i ñaa chorü ore i ñaxü̃: “Rü yima ma̱xpǘnegü ya ĩane ya Chamária nagu üxü̃newa pexĩ! ¡Rü nüxü̃ peda̱u̱x i ngẽma guxchaxü̃gü ya yima ĩanewa ngẽxmaxü̃ rü ngẽma dai i ngéma ngẽxmaxü̃!”

Amúx 3:9 Iomraidhean Croise

2 Chamué 1:20

¡Taxṹ i Gáxwa nüxü̃ peyarüxuxü̃, rü taxṹ i Acharóü̃arü ĩanearü namagüwa nüxü̃ peyarüxuxü̃ nax tama nataãẽgüxü̃ca̱x i ngẽma ngexü̃gü i Firitéugü, rü tama taãẽmaxã nayunagütanüxü̃ca̱x i ngẽma ngexü̃gü i tama Tupanaaxü̃́ yaxõgüxü̃!

Ucu̱xẽgüchiga 1:13

Rü tá tüxü̃́ nangẽxma i guxü̃ma i mexü̃gü, rü tá tayapaxẽxẽ ya tachiü̃gü namaxã i ngẽma naxca̱x ingĩ̱xgüxü̃.

Ucu̱xẽgüchiga 11:16

Ngẽma nge i mecümacü rü duü̃xü̃gü ngĩxü̃ nicua̱xüü̃gü, natürü ngẽma yatü i naxca̱x dauxü̃ nax nadiẽruã́xü̃, rü diẽru nixĩ i nayaxuxü̃.

Ngu̱xẽẽtaeruü̃arü ore 4:1

Rü yemawena rü nüxü̃ chadau nax ñoma i naanewa naxrüxü̃ i duü̃xẽgümaxã chixri icua̱xgüxü̃. Rü tüxü̃ chadau nax taxauxexü̃ ga guxema duü̃xẽgü ga chixri tümamaxã inacua̱xgüxe, rü taxúema tüxü̃ rüngü̃xẽẽxü̃ nax tataãẽgüxü̃ca̱x. Rü ngẽma duü̃xü̃gü i chixri tümamaxã icua̱xgüxü̃ rü poraãcü chixri tümamaxã nachopetü rü taxúema texé tüxü̃ tarüngü̃xẽxẽ.

Yeremía 31:5

Rü Chamáriaanearü ngüchitaeruxü̃gügu tá wena úbamaxã petoegü. Rü yíxema úba itogüxe rü taãẽãcü tá tanangõ̱xgü i tümaarü úbagü.

Yeremía 46:14

Rü ñanagürü: —¡Penaxunagü i Equítuanewa rü ĩanegü ga Midóxwa, rü Tafnéxwa, rü Ménfiwa, rü ñaperügügü! ¡Pexuãxẽ rü ípemexẽxẽgü! Erü perü uanü i taramaxã daiwa ĩxü̃, rü poraãcü nanadai i duü̃xü̃gü i perü ĩanegüarü ngaicamana ngẽxmagünewa.

Yeremía 50:2

Rü ñanagürü i ngẽma ore: —¡Guxü̃ma i ngẽma togü i nachixü̃anecüã̱xmaxã nüxü̃ ixu i ñaa ore nax mea nüxü̃ nacua̱xgüxü̃ca̱x! ¡Rü nawe̱xnagü i ngẽma orearü cua̱xruxü̃ ya wonera! ¡Rü taxṹ i peyacúxü̃ i ngẽma ore! ¡Rü ñapegügü: “Babirónia rü marü norü uanügüme̱xẽgu nangu! Rü ngẽma norü uanügü rü nüxü̃ nacugüe i Babiróniaanearü tupananeta i Béx. Rü ngẽma tupananeta i Mardúx rü poraãcü namuü̃. Rü ngẽma uanügü rü nüxü̃ nacugüe i guxü̃ma i Babiróniaanearü tupananetachicüna̱xãgü i ñu̱xma ãũcümaxü̃wa ngẽxmagüxü̃.

Echequié 36:8

Natürü i pema, Pa Iraéanearü Ma̱xpǘnegüx, rü pewa tá narüxügü i muxü̃ma i nanetügü i taxü̃ i muarü oṍxü̃ naxca̱x i chorü duü̃xü̃gü i Iraétanüxü̃ i paxa tá pexca̱x woeguxü̃.

Echequié 37:22

Rü Iraéanearü mápü̱xanexü̃wa rü wüxitama i nachixü̃ane tá chayaxĩxẽxẽ, rü wüxi tátama nixĩ i norü ãẽ̱xgacü. Rü marü taxũtáma taxre i nachixü̃anegü nixĩ, rü taxũtáma taxre i ãẽ̱xgacügü namaxã inacua̱x.

Ochéa 7:1

Rü Tupana rü ñanagürü: —Chomax, rü yexguma chanamexẽẽgu ga chorü duü̃xü̃gü ga Iraéanecüã̱xgü rü mea nango̱x ga Efraíü̃tanüxü̃arü chixexü̃ rü Chamáriaarü duü̃xü̃güarü pecadugü. Erü guxü̃ma i nümagü rü nidorae rü duü̃xü̃güxü̃ nawomüxẽxẽ. Rü ñoma ngĩ́ta̱xagüxü̃rüxü̃ ĩpatagügu nachocu nax nangĩ̱xgüxü̃ca̱x. Rü ĩanearü namagüwa duü̃xẽgüna nanapuxü̃ i tümaarü ngẽmaxü̃gü.

Amúx 1:8

Rü tá chayama̱x ya ĩane ya Adúxarü ãẽ̱xgacü, rü ngẽxgumarüxü̃ tá ta chayama̱x ya ĩane ya Acharóü̃arü ãẽ̱xgacü. Rü guxü̃ i chorü poramaxã tá ichayanaxoxẽxẽ ya yima Ecróü̃. Rü taxuxü̃táma i Firitéu íchayaxüxẽxẽ nax chanadaixü̃ —ñanagürü ya Cori ya Tupana.

Amúx 4:1

¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.

Amúx 5:11

Rü pemax, Pa Ãẽ̱xgacügüx, rü chixri tümamaxã ipecua̱x ya yíxema ingearü diẽruã́xẽ. Rü naétü tüxna peca nax tümaarü trigumaxã pexü̃́ tanaxütanüxü̃ca̱x naxca̱x nax penamexẽẽgüxü̃ i tümaarü guxchagü. Rü ngẽmaca̱x i pema rü taxũtáma nawa pemaxẽ ya yima ĩpatagü ya nutagümaxã pexüxü̃ne, rü bai tá peyaxagüxü̃ ya yimá bínu i peanegu petogüxü̃ i úbagüwaxü̃cü.

Amúx 6:1

—¡Pegümaxã pengechaxü̃gü, Pa Chióü̃cüã̱x! Pema rü perü ĩanena perüyoü̃ rü petaãxẽgü erü nagu perüxĩnüe rü taxuxü̃táma pexü̃ nangupetü. Rü ngẽxgumarüxü̃ ta ¡pegümaxã pengechaxü̃gü i pema i Chamáriaarü ĩanena rüyoü̃xẽ! Pema rü nagu perüxĩnüe nax naporaxü̃ ya yima ĩane rü ngẽmaca̱x taxuxü̃táma pexü̃ nangupetü. Rü pema i Iraéanecüã̱x rü ngẽma ĩanearü ãẽ̱xgacügüaxü̃́ peyaxõ erü nagu perüxĩnüe rü tá pexü̃ ínapoxü̃gü.

Amúx 6:3

Pema rü tama nagu perüxĩnüe i ngẽma ngunexü̃ i nagu tá poxcu pexca̱x ínguxü̃. Natürü ngẽma perü chixexü̃gü rü nayangaicaxẽxẽ i ngẽma ngunexü̃ i nagu tá pexü̃ nada̱i̱xü̃ i perü uanügü.

Amúx 8:6

Rü ngẽma ngearü diẽruã̱xgüxü̃ rü penaxwa̱xe nax pexü̃ nügümaxã nataxegüxü̃ nax ngẽmaãcü naxütanügüãxü̃ca̱x i ngẽma diẽru i pexü̃́ nangetanügüxü̃ woo taxre i chapatu nangetanügügu. Rü woo ngẽma trigucha̱xmügü rü namaxã petaxegü —ñanagürü

1 Chamué 5:1

Rü yexguma marü yapugüãgu ga yema baú ga Tupanaarü mugüchixü̃, rü nüma ga Firitéugü rü ĩane ga Ebéü̃-échewa nanayauxgü rü norü ĩane ga Adúxwa nanangegü.