Amúx 3:11 - Tupanaarü Ore

¹¹ Rü nüma ya Cori ya Tupana rü ñanagürü ta: —Wüxi i to i nachixü̃ane rü tá pemaxã narüxuanü. Rü norü churaragü rü tá pechixü̃anegu nachocu. Rü tá perü ĩanexü̃ ínachomaeguãchi. Rü ngẽma perü poxü̃chica rü tá nagu napogüe. Rü yima ãẽ̱xgacüpatagü rü tá nanadeãcu —ñanagürü.

Amúx 3:11 Iomraidhean Croise

Naanearü ügüchiga 34:27

Rü yéma nangugü ta ga yema togü ga Acóbu nanegü. Rü naétüwa nachopetü ga yema yuexü̃, rü nanade ga guxü̃ma ga yemaxü̃gü ga guma ĩanewa yexmagüxü̃. Rü yemaacü nayangutanüxẽẽgü ga yema Dínaxü̃ ngupetüxü̃. Rü nayagagü ga guxü̃ma ga carnérugü rü wocagü rü búrugü ga guma ĩanewa rü yema naanewa yexmagüxü̃.

Norü taxre ga popera ga ãẽ̱xgacügüchiga 15:19

Rü wüxi ga ngunexü̃gu rü nüma ga Púx ga Achíriaanearü ãẽ̱xgacü rü Iraéanegu nachocu. Rü yexguma ga Menaéü̃ rü 33,000 quíru ga diẽru nüxna naxã nax yemaacü Púx naétüwa üxü̃ca̱x rü naporaxẽẽãxü̃ca̱x nax ãẽ̱xgacü yixĩxü̃.

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.

Norü taxre ga to ga popera ga ãẽ̱xgacügüchiga ümatüxü̃ 36:19

Rü guma Tupanapata ga taxü̃ne rü nayagugü. Rü yema Yerucharéü̃arü poxeguxü̃ rü nagu napogüe. Rü guma ãẽ̱xgacüpatagü ínanagu. Rü guxü̃ma ga ta̱xacü ga tatanüxü̃ ga guma ĩanewa yexmaxü̃ rü nagu napogüe.

Yox 20:21

Rü guxü̃ma i ta̱xacü i nüxü̃́ ngúchaü̃xü̃ rü nügüaxü̃́ nanangexmaxẽẽchaü̃. Rü ngẽmaca̱x taguma nataãxẽ namaxã i ngẽma nüxü̃́ ngẽxmaxü̃.

Amúx 2:5

Rü ngẽmaca̱x tá üxümaxã chayagu i Yudáane. Rü ngẽma üxüema tá nixĩ i yima Yerucharéü̃arü ãẽ̱xgacüpatagü iguxü̃ —ñanagürü ga Cori ya Tupana.

Amúx 3:10

Rü ngẽma duü̃xü̃gü rü tama naãẽxü̃ nacua̱xgüéga nax mexü̃ naxügüxü̃. Rü napatagü ya mexẽchínegu nananu ga yema namáetagüãcüma naxca̱x nangĩ̱xgüxü̃ —ñanagürü ya Cori ya Tupana.

Amúx 3:15

Rü nagu tá chapogü ya yima perü gáuanexü̃patagü rü yima perü naianexü̃patagü. Rü tá nagu chapogü ya yima pepatagü ya marfíxmaxã nga̱xãẽne rü yima pepatagü ya itaxü̃ne —ñanagürü ya Cori ya Tupana.

Amúx 6:14

Rü ngẽmaca̱x, Pa Iraétanüxü̃x, rü choma ya Cori ya Tupana ya Guxãétüwa Ngẽxmacü rü pemaxã nüxü̃ chixu rü ñachagürü: —Choma rü tá petanüwa chanamugü i wüxi i nachixü̃anecüã̱xgü i poraãcü chixri tá pemaxã icuáxü̃. Rü nórtewaama rü yima ĩane ya Lebó Amáwa tá inanaxügüe rü ñu̱xmata natü i Arabáwa nangugü i súrwaama —ñanagürü ya Cori ya Tupana.

Amúx 6:8

Rü nüma ya Cori ya Tupana rü nügüégagu nanaxuegu. Rü Cori ya Tupana ya Guxãétüwa Ngẽxmacü rü nüxü̃ nixu rü ñanagürü: —Choma rü naxchi chaxai nax nügü yacua̱xüü̃güxü̃ i ngẽma Acóbuarü duü̃xü̃gü. Rü tama namaxã chataãxẽ ya yima norü ãẽ̱xgacüpatagü ya mexẽchine. Rü norü uanügüme̱xẽwa tá chanangexmagüxẽxẽ ya yima norü ĩane namaxã i guxü̃ma i ngẽma nawa ngẽxmaxü̃ —ñanagürü.