Amúx 2:2 - Tupanaarü Ore

² Rü ngẽmaca̱x tá üxümaxã chayagu i Moáane. Rü ngẽma üxüema tá nixĩ i yima norü ãẽ̱xgacü ya Querióxpatagüwa nguxü̃. Rü ngẽxguma yacuegügu ya cornéta rü duü̃xü̃gü tagaãcü nixáicha nax nügü nada̱i̱xü̃, rü ngẽma Moátanüxü̃ rü ngẽxma tá nayue.

Amúx 2:2 Iomraidhean Croise

Ichaía 9:5

Rü ngẽma botagü i churaragü nagu icuaixgüxü̃ rü ñu̱xũchi ngẽma naxchirugü i nagümaxã iducharaxü̃ rü üxüwa tá ínagugü, rü ngẽxma tá nixae rü inayarüxogü.

Yeremía 48:24

rü Querióx, rü Bochrá, rü guxü̃nema ya yima naigü ya Moáanearü ĩanegü ya ngaicamagüne rü yáxü̃gugüne.

Yeremía 48:34

Rü ngẽma duü̃xü̃gü i Ebóü̃cüã̱x rü ngúxü̃ ningẽgü rü aita naxügü. Rü ngẽma naga nax aita naxügüxü̃ rü Eraréwa, rü Yaáchawa nangu. Rü Chóawa inaxügü rü ñu̱xmata Oronaíü̃wa rü Égrax-cherichíyawa nüxü̃ taxĩnüe nax aita naxügüxü̃, erü Nimríü̃arü natüxacügü rü marü nipagü.

Yeremía 48:41

Rü Moáanearü ĩanegü rü norü poxeguruü̃gü rü ngẽma uanügüme̱xẽgu tá nayi. Rü ngẽma ngunexü̃gu rü Moáanearü churaragü rü tá norü muü̃maxã nidu̱xrue ñoma wüxi i ngexe i íxraxacüxchaü̃xü̃rüxü̃.

Yeremía 48:45

Rü ñuxre i Moáanecüã̱xgü i marü turaexü̃ rü tá ĩane ya Ebóü̃ca̱x nibuxmü nax ngẽxma yanacu̱xgüxü̃ca̱x. Natürü yima ĩane ya ãẽ̱xgacü ya Chióü̃arü ĩane ya Ebóü̃ rü nixa. Rü ngẽma üxüema rü nixũchigü rü nayaxaxẽxẽ ya Moáanearü ma̱xpǘnegü rü nacatügü i ngẽma duü̃xü̃gü i Tupanamaxã nuexü̃.

Echequié 25:8

Rü choma ya Cori ya Tupana rü ñacharügü: —Pemax i Moátanüxü̃ rü Cheícüã̱xgü rü nagu perüxĩnüegu nax ngẽma Yudátanüxü̃ rü chope̱xewa rü guxü̃ma i ngẽma togü i nachixü̃anegüarü duü̃xü̃gürüxü̃ nixĩgü.

Amúx 1:14

Rü ngẽmaca̱x tá üxümaxã chayagu i Rabáarü poxeguxü̃gü. Rü wüxi i ngunexü̃ i nagu yaduruanexü̃ rü nagu nawaanexü̃ rü ngẽxguma nügü ínadaiyane tá nixĩ i üxüemamaxã íchanaguxü̃ ya yima norü ãẽ̱xgacüpatagü.

Amúx 1:4

Rü ngẽmaca̱x i ngẽma Damácuarü ãẽ̱xgacü ya Achaé rü tá chayagu ya napata. Rü ngẽmatama üxüemamaxã rü tá nixae ya napatagü i ãẽ̱xgacü i Achaé nane i Ben-adáxü̃.