Amúx 2:11 - Tupanaarü Ore

¹¹ Rü pemax, Pa Iraétanüxü̃x, rü taxuacüma ipeyacu̱x nax petanüwa nüxü̃ chaxunetaxü̃ ga chorü orearü uruü̃gü rü chaugüca̱x chanade ga ñuxre ga perü ngextü̱xücügü nax Nacharéugü i tama bínu yaxaxgüxü̃ yixĩgüxü̃ca̱x —ñanagürü ya Cori ya Tupana.

Amúx 2:11 Iomraidhean Croise

Nüxíraxü̃xü̃ ga popera ga ãẽ̱xgacügüchiga 17:1

Rü nüma ga Tupanaarü orearü uruxü̃ ga Ería, ga Garaáxanewa yexmane ga ĩane ga Tibécüã̱x, rü Acáxü̃ ñanagürü: —Yimá nüxü̃́ chapuracücü ya Cori ya Iraéanecüã̱xgüarü Tupanaégagu cumaxã nüxü̃ chixu, rü doma taunecügu rü tagutáma napu rü bai tá i cherena nax rünguxü̃ ñu̱xmatáta choma wena nüxü̃ chixu —ñanagürü.

Nüxíraxü̃xü̃ ga popera ga ãẽ̱xgacügüchiga 18:4

Rü nüma ga Adía nixĩ ga naétüwa nachogüxü̃ ga 100 ga Tupanaarü orearü uruü̃gü ga yexguma Acáx naxma̱x ga Yechabé nadaixchaü̃gu. Rü nüma ga Adía rü taxretücumü ga 50 gu nayatoye rü ñu̱xũchi taxre ga ãxmaxü̃gu nayacu̱xgü rü yéma nayaxüwemüaxü̃.

Nüxíraxü̃xü̃ ga popera ga ãẽ̱xgacügüchiga 19:16

¡Rü ngẽxgumawena rü chíxü̃maxã nabaeru ya Yeú ya Nimchí nane, nax Iraéanecüã̱xgüarü ãẽ̱xgacü nax yixĩxü̃ca̱x! ¡Rü ngẽxgumarüxü̃ ta chíxü̃maxã nabaeru ya Erichéu ya Chapáx nane ya Abé-meurácüã̱x nax cuchicüxü chorü orearü uruxü̃ nax yixĩxü̃ca̱x!

Nüxíraxü̃xü̃ ga popera ga ãẽ̱xgacügüchiga 20:13

Rü yexgumayane rü wüxi ga Tupanaarü orearü uruxü̃ rü Acáx ga Iraéanearü ãẽ̱xgacüxü̃tawa nangu rü ñanagürü: —Nüma ya Cori ya Tupana rü cumaxã nüxü̃ nixu rü ñanagürü: “Woo nüxü̃ cudau i ngẽma muxũchixü̃ i curü uanügü natürü i choma rü ñomatama i ngunexü̃ rü tá cuxme̱xgu chanayixẽxẽ nax ngẽmawa nüxü̃ cucuáxü̃ca̱x nax chaxicatama Tupana chixĩxü̃” —ñanagürü.

Nüxíraxü̃xü̃ ga popera ga ãẽ̱xgacügüchiga 20:35

Rü yemawena rü wüxi ga yatü ga Tupanaarü orearü uruü̃gütanüxü̃ ixĩxü̃ rü namücüxü̃ ñanagürü: —Tupana rü nanaxwa̱xe nax choxü̃ cuyapi̱xẽẽxü̃. ¡Rü ngẽmaca̱x choxü̃ yapi̱xẽxẽ! —ñanagürü. Natürü ga gumá namücü rü tama nayapi̱xẽẽchaü̃.

Nüxíraxü̃xü̃ ga popera ga ãẽ̱xgacügüchiga 20:41

Natürü nüma ga gumá orearü uruxü̃ rü napaxaãxẽ nax íyawẽãxü̃ ga norü na̱i̱xchametüruxü̃. Rü nüma ga Iraéarü ãẽ̱xgacü rü nüxü̃ nicua̱xãchi nax wüxi ga orearü uruxü̃ yixĩxü̃.

Nüxíraxü̃xü̃ ga popera ga ãẽ̱xgacügüchiga 22:8

Rü nüma ga Iraéanecüã̱xarü ãẽ̱xgacü ga Acáx rü Yochapáxü̃ nangãxü̃ rü ñanagürü: —Ngü̃, nangẽxma nixĩ ya wüxi nax tüxü̃́ Tupanana nacaxacü, rü nüma nixĩ ya Micaía ya Imrá nane. Natürü naxchi chaxai erü taguma ta̱xacürü mexü̃xü̃ chomaxã nixu, rü guxü̃guma chixemarexü̃xicatama nixu —ñanagürü. Natürü nüma ga Yochapáx rü nanangãxü̃ rü ñanagürü: —¡Taxṹ i ngẽma ñacuxü̃! —ñanagürü.

Norü taxre ga popera ga ãẽ̱xgacügüchiga 17:13

Rü yema nixĩ ga norü orearü uruü̃güwa marü Iraétanüxü̃maxã nüxü̃ yaxuxü̃ ga Cori ya Tupana nax nüxü̃ naxoexü̃ca̱x ga yema chixexü̃ ga nacümagü, rü nüma ya Tupana nanaxwa̱xexü̃ãcüma nax yanguxẽẽgüãxü̃ca̱x ga yema mugü rü ngu̱xẽẽtaegü ga norü o̱xigüna naxãxü̃ ga norü orearü uruü̃güwa.

Norü taxre ga popera ga ãẽ̱xgacügüchiga 6:1

Rü wüxi ga ngunexü̃gu ga yema Tupanaarü orearü uruü̃gü rü Erichéuxü̃ ñanagürügü: —Dücax, ñaa nachica i nawa tomaxã cungexmaxü̃ rü toxca̱x naxíanexü̃chi.

Norü taxre ga to ga popera ga ãẽ̱xgacügüchiga ümatüxü̃ 36:15

Rü nüma ga Cori ya Iraétanüxü̃arü o̱xigüarü Tupana rü guxü̃guma yéma nanamugü ga norü orearü uruü̃gü nax yaxucu̱xẽgüãxü̃ca̱x, yerü nüma ga Tupana rü nüxü̃́ nangechaü̃tümüxü̃gü ga norü duü̃xü̃gü rü nüxü̃ nangechaü̃ ga guma napata ga nawa nayexmane.

Yeremía 11:21

Rü yema Anatócüã̱x ga duü̃xü̃gü ga naxca̱x daugüxü̃ nax choxü̃ yama̱xgüxü̃, rü choxna nanachu̱xgü nax tama Cori ya Tupanaégagu chidexaxü̃ca̱x nax yemaacü tama choxü̃ yama̱xgüxü̃ca̱x.

Yeremía 2:31

Rü pemax i ñomaü̃cüxü maxẽxü̃ i duü̃xü̃gü ¡ẽcü iperüxĩnüe i chorü ore! Pa Iraétanüxü̃x ¿pexca̱x rü ñoma wüxi i naane i paanexü̃rüxü̃ chixĩ? ¿Pexca̱x rü ñoma wüxi i naane i waanexü̃rüxü̃ chixĩ? Pa Chorü Duü̃xü̃güx ¿ta̱xacüca̱x ñaperügügü choxü̃: “Tomagü rü taxúeme̱xẽwa tangexmagü rü marü tagutáma cuxca̱x tawoegu”, ñaperügügü?

Yeremía 2:5

Rü nüma ya Cori ya Tupana rü ñanagürü pexü̃: —¿Ta̱xacü rü chixexü̃ chowa nüxü̃ nadaugü ga perü o̱xigü rü yemaca̱x choxna yaxĩgachixü̃ rü nawe naxĩxü̃ ga tupananetachicüna̱xãgü ga ngearü maxü̃ã̱xgüxü̃? Rü yemagagu taxuwama nügü namexẽẽgü.

Yeremía 26:11

Rü yexguma ga yema chacherdótegü rü orearü uruü̃gü, rü ãẽ̱xgacügüxü̃ rü ñu̱xũchi guxü̃ma ga duü̃xü̃güxü̃ ñanagürügü: —Ñaa yatü rü name nax yu namaxã pexueguxü̃, erü daa ĩanechiga chixri nidexa. Pemax rü pechi̱xemaxã nüxü̃ pexĩnüe —ñanagürügü.

Yeremía 7:25

Rü yexguma Equítuanewa íchanagaxü̃gucürüwa ñu̱xmata ñoma i ngunexü̃wa nangu rü pexca̱x ngéma chanamugüecha i muxü̃ma i chorü duü̃xü̃gü i orearü uruü̃gü.

Auxexü̃chiga 4:7

Rü yema Yerucharéü̃arü ãẽ̱xgacügü, rü ñoma gauxü̃te̱xerüxü̃ nichoxochi ga noxri, rü lechiarü yexera nachoxochi ga naxcha̱xmüxü̃. Rü corálarü yexera nadau ga naxü̃negü. Rü nachametügü rü ñoma chafírurüxü̃ nimexẽchi.

Miquéa 2:6

Rü pemax, Pa Orearü Uruü̃günetax, rü ñaperügügü: —Tama torü me nixĩ i tomaxã nua nüxü̃ cuyarüxu i ngẽma ore i ãũcümaxü̃chiga. Erü ngẽma guxchaxü̃ i nüxü̃ quixuxü̃ rü tagutáma towa nangu —ñaperügügü.

Ngechuchuarü ngúexü̃gü ga yamugüxü̃arü puracüchiga 4:18

Rü wenaxarü Pedruca̱x rü Cuáü̃ca̱x nacagü, rü nüxna naxãga nax tama Ngechuchuégaxü̃ yaxugüxü̃ca̱x, rü bai i texéxü̃ nax nangúexẽẽxü̃ca̱x i nachiga.

Ngechuchuarü ngúexü̃gü ga yamugüxü̃arü puracüchiga 5:28

—Marü poraãcü pexna tanachu̱xu nax tama ngẽma Ngechuchuégamaxã pengúexẽẽtaexü̃ca̱x. Natürü i pema rü guxü̃ne ya Yerucharéü̃cüã̱xü̃ namaxã pengúexẽxẽ i Ngechuchuchiga, rü ñu̱xũchi toxna penaxuxchaü̃ nax togagu nayuxü̃ ga yema Ngechuchu —ñanagürü.

Ngechuchuarü ngúexü̃gü ga yamugüxü̃arü puracüchiga 7:51

Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Wenaxarü naxümatü ga Tupanaarü mugü 18:18

Rü choma rü tá ngẽma Iraétanüxü̃tanüwa chanango̱xẽxẽ ya wüxi ya curüxü̃ orearü uruxü̃. Rü nüma rü wüxi ya natanüxü̃ ixĩxcü tá nixĩ. Rü nüma rü tá mea duü̃xü̃gümaxã nüxü̃ nixu i ngẽma choma namaxã nüxü̃ chixuxü̃, rü tá namaxã nüxü̃ nixu i ngẽma choma chanamuxü̃.

1 Chamué 3:20

Rü Dáü̃wa inaxügü, rü ñu̱xmata Bechébawa nangu rü guxü̃ma ga Iraéanecüã̱x nüxü̃ nacua̱xgü nax aixcüma Tupanaarü orearü uruxü̃ yixĩxü̃ ga Chamué.