Amúx 2:10 - Tupanaarü Ore

¹⁰ Rü choma nixĩ ga Equítuanewa pexü̃ íchagaxü̃xü̃, rü 40 ga taunecü ínachianexü̃gu pexü̃ chigagü nax pexna chanaxãxü̃ca̱x ga Amoréutanüxü̃arü naane.

Amúx 2:10 Iomraidhean Croise

Neemía 9:21

Rü 40 ga taunecü õna nüxna cuxã ga yema chianexü̃wa. Rü taguma ta̱xacü nüxü̃́ nataxu, rü bai ga nax yangauxchiruxü̃ rü bai ga nax nachaecutüxü̃.

Wiyaegü 95:10

Rü 40 ga taunecü namaxã chanu ga yema duü̃xü̃gü rü ñachagürü: “Ñaa duü̃xü̃gü rü tama choxü̃́ inaxĩnüechaü̃ i chorü ucu̱xẽgü, rü ngẽma nümatama nagu naxĩnüexü̃gu naxĩ”, ñachagürü.

Ínachoxü̃xü̃chiga 12:51

Rü yematama ngunexü̃gu rü nüma ga Cori ya Tupana rü nügütanüxü̃maxãchigü Equítuanewa ínanamuxü̃ ga Iraétanüxü̃.

Ínachoxü̃xü̃chiga 20:2

—Choma nixĩ i curü Tupana ga Equítuanewa cuxü̃ íchanguxuchixẽẽxü̃ naxme̱xwa ga Equítuanecüã̱xgü ga puracü cuétü nugüxü̃.

Ínachoxü̃xü̃chiga 3:8

Rü ngẽmaca̱x nixĩ i ñu̱xma ícharüxĩxü̃ nax Equítuanecüã̱xme̱xẽwa íchananguxü̃xẽẽxü̃ca̱x i ngẽma chorü duü̃xü̃gü. Rü ngẽma naane i nawa tá chanagagüxü̃, rü wüxi i naane i taxü̃ rü mexü̃ nixĩ. Rü ngéma rü meama narüxügü i naguxü̃raü̃xü̃ i nanetügü. Rü õna taguma nataxu. Rü ngẽma naanegu nixĩ i naxãchiü̃güxü̃ i Canaáü̃tanüxü̃ rü Itítanüxü̃, rü Amoréutanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Yeremía 2:6

Rü nüma ga perü o̱xigü rü marü tama chaugu narüxĩnüe rü nüxü̃ inarüngümae nax choma ya Cori ya Tupana yixĩxü̃ ga Equítuanewa íchanguxü̃xẽẽxü̃. Rü nüxü̃ inarüngümae nax choma yixĩxü̃ ga íchayagagüxü̃ nagu ga yema naane ga chianexü̃ ga taxuxü̃ma i nanetü nawa rüxüxü̃. Rü yema ínamáxpü̱xanexü̃wa ga ínangearü dexáã́xü̃wa chanagagü ga ínaxãũcümaxü̃wa rü taxúema nagu ãchiü̃xü̃wa, rü taxúema ixüpetüxü̃wa.

Echequié 20:10

Rü choma rü Equítuanewa íchanagaxü̃ rü ínachianexü̃gu chayagagü.

Amúx 3:1

Pa Iraétanüxü̃x ¡nüxü̃ pexĩnüe i ngẽma Cori ya Tupana nüxü̃ ixuxü̃ i pechiga i guxãma i pema nax Equítuanewa pexü̃ ínagaxü̃xü̃!

Amúx 9:7

Rü nüma ya Cori ya Tupana rü ñanagürü: —Pa Iraétanüxü̃x, chope̱xewa rü pewüxigumare namaxã i ngẽma Etiopíaanecüã̱xgü. Rü yema nax Equítuanewa pexü̃ íchagaxü̃rüxü̃ nixĩ ga Crétawa íchanagaxü̃xü̃ ga Firitéugü, rü Quíruwa íchanagaxü̃xü̃ ga Araméutanüxü̃ —ñanagürü.

Miquéa 6:4

Rü choma nixĩ ga Equítuanewa pexü̃ íchagaxü̃xü̃ rü yema duü̃xü̃güme̱xẽwa pexü̃ íchanguxü̃xẽẽxü̃. Rü choma nixĩ ga petanüwa chamugüxü̃ ga Moiché, rü Aróü̃, rü María nax pemaxã inacua̱xgüxü̃ca̱x.

Iraétanüxü̃arü muxchiga 13:32

Rü yexguma ga yema togü ga Caréxmücügü rü yema Iraétanüxü̃maxã nüxü̃ nixugüe nax nachixexü̃ ga yema naane rü ñanagürügü: —Rü ngẽma nachixü̃ane i nawa ngugütaewa ne taxĩxü̃ rü tama mexü̃ nixĩ. Rü ngẽma naane ga tayangugüxü̃ rü nachu̱xu rü ngẽmagagu muxü̃ma i ngẽma naanegu ãchiü̃güxü̃ i duü̃xü̃gü rü nayue. Rü ñu̱xũchi guxü̃ma ga yatüxü̃gü ga yéma nüxü̃ tadauxü̃ rü nitaxüchi.

Iraétanüxü̃arü muxchiga 21:25

Rü yemaacü ga Iraétanüxü̃ rü Amoréutanüxü̃arü ĩanegu nachocu. Rü guma ĩane ga nagu nachocune rü Ebóü̃ nixĩ rü ñu̱xũchi guma ĩanexacügü ga íxragüne ga norü ngaicamawa yexmagüne. Rü gumawa nayexmagü̃.

Iraétanüxü̃arü muxchiga 32:13

Rü yemaacü ga Cori ya Tupana rü yema Iraétanüxü̃maxã nanu, rü 40 ga taunecü chianexü̃wa nanayexmagüxẽxẽ, ñu̱xmata taxuxü̃ma i maxü̃xü̃ íyaxü ga yema Cori ya Tupanape̱xewa chixexü̃ ügüxü̃.

Ngechuchuarü ngúexü̃gü ga yamugüxü̃arü puracüchiga 13:18

Rü chianexü̃wa tüxü̃ nagagü. Rü yéma 40 ga taunecü Tupana yáxna namaxã naxĩnü ga tümacüma ga chixexü̃ ga guxema tórü o̱xigü.

Ngechuchuarü ngúexü̃gü ga yamugüxü̃arü puracüchiga 7:42

Rü yemaca̱x ga Tupana rü nüxna nixũgachi ga yema duü̃xü̃gü. Rü ínanawogü nax woramacurixü̃, rü üa̱xcüxü̃ rü tauemacüxü̃ yacua̱xüü̃güxü̃ca̱x. Yerü yemaacü Tupanaarü orearü uruü̃güarü poperagu naxümatü, rü ñanagürü: “Pemax, Pa Iraétanüxü̃, ¿Cha̱u̱xca̱x yixĩxü̃ ga penadaixü̃ ga carnérugü ga yexguma 40 ga taunecü chianexü̃wa peyexmagügu?

Wenaxarü naxümatü ga Tupanaarü mugü 1:39

Rü woo pema rü nagu perüxĩnüe nax ngẽma perü uanügü tá pexna tüxü̃ puxü̃güxü̃ ya yíxema pexma̱xgü rü pexacügü, natürü yíxema pexacügü ya tauta tümaãẽxü̃ icuáxe tá tixĩ i nawa ngugüxe i ngẽma naane. Rü choma tá nixĩ i nüxna chanaxãxü̃ i ngẽma naane nax ngẽmaãcü namaxã inacua̱xgüxü̃ca̱x.

Wenaxarü naxümatü ga Tupanaarü mugü 2:7

Rü yimá Cori ya perü Tupana rü pexü̃ narüngü̃xẽxẽ nawa ga guxü̃ma ga yema pexüxü̃. Rü gumá 40 ga taunecü rü pemaxã nayexma rü pexna nadau ga yexguma yema taxüchixü̃ ga chianexü̃gu pexĩxgu. Rü taxuxü̃ma pexü̃́ nataxu ga yexguma.

Yochué 13:4

Rü súrwaama nangẽxma ta i Cananéugüarü naane i íyaxüxü̃ nax penapuxü̃xü̃ca̱x. Rü Chidóü̃tanüxü̃arü ĩane ga Mexárawa inaxügü rü nida ñu̱xmata Aféxwa nangu i Amoréutanüxü̃arü üyeanewa.

Yochué 24:8

Rü yemawena nixĩ ga pexü̃ chichocuxẽẽxü̃ nawa ga yema naane ga Amoréutanüxü̃ nawa yexmagüxü̃ ga natü ga Yudáü̃arü tocutüwa. Rü nüma ga Amoréutanüxü̃ rü pemaxã nügü nadai, natürü ga choma rü pexü̃ charüngü̃xẽẽxü̃ nax nüxü̃ perüporamaegüxü̃ca̱x rü pexme̱xẽgu nayi̱xixü̃ca̱x. Rü yemaacü penayaxu ga yema naane.