Amúx 1:8 - Tupanaarü Ore

⁸ Rü tá chayama̱x ya ĩane ya Adúxarü ãẽ̱xgacü, rü ngẽxgumarüxü̃ tá ta chayama̱x ya ĩane ya Acharóü̃arü ãẽ̱xgacü. Rü guxü̃ i chorü poramaxã tá ichayanaxoxẽxẽ ya yima Ecróü̃. Rü taxuxü̃táma i Firitéu íchayaxüxẽxẽ nax chanadaixü̃ —ñanagürü ya Cori ya Tupana.

Amúx 1:8 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 26:6

Rü nüma ga Uchía rü Firitéugümaxã nügü nadai. Rü nayawa̱xgüxẽxẽ ga ĩane ga Gáxarü poxeguxü̃, rü ĩane ga Yaníaarü poxeguxü̃, rü ĩane ga Adúxarü poxeguxü̃. Rü yemawena rü Firitéugüarü ĩane ga Adúxarü naanegu nanaxü ga ñuxre ga ĩanegü.

Ichaía 1:25

Rü tá wena pexna chanacuaixca rü tá ichayanaxoxẽxẽ i guxü̃ma i ngẽma chixexü̃gü i petanüwa ngẽxmagüxü̃. Rü ngẽmaãcü tá pexü̃́ íchanapi i guxü̃ma i perü ãũãchixü̃.

Ichaía 20:1

Rü wüxi ga ngunexü̃gu rü nüma ga Chargóü̃ ga Achíriaanearü ãẽ̱xgacü rü inanamuãchi ga wüxi ga norü churaragüeru i poraxü̃ nax ĩane ga Adúxwa naxũxü̃ca̱x. Rü nüma ga yema churaragüeru rü naxca̱x ínayagoõchi rü nayapu ga guma ĩane.

Yeremía 47:1

Ñaa nixĩ i Cori ya Tupanaarü ore ga norü orearü uruxü̃ ga Yeremíamaxã nüxü̃ yaxuxü̃ nachiga ga Firitéugü, naxü̃pa nax Equítuanearü ãẽ̱xgacü ga Faraóü̃ Gáchaca̱x íyagoõchixü̃.

Echequié 25:16

Rü ngẽmagagu i choma ya Cori ya Tupana rü tá chanapoxcue i ngẽma Firitéugü. Rü tá chanadaixichi i ngẽma Queretéugü. Rü ngẽma íyaxügüxü̃ i márpechinüwa ngẽxmagüxü̃ rü tá chayanaxoxẽxẽ.

Joel 3:4

¿Rü ta̱xacü ẽ̱xna nixĩ i chomaxã penaxwa̱xegüxü̃ i pemax, Pa Tírucüã̱xgü, rü Chidóü̃cüã̱xgü, rü Firitéugü? ¿Ẽ̱xna chomaxã pegü pedaixchaü̃? ¿Ẽ̱xna penaxwa̱xe nax ta̱xacü pexü̃́ chaxütanüxü̃? Choma rü paxatáma poxcu pexca̱x íchanguxẽxẽ.

Amúx 1:7

Rü ngẽmaca̱x tá üxümaxã chayagu i Gáchaarü poxeguxü̃gü. Rü ngẽma üxüema tá nixĩ i norü ãẽ̱xgacüpatagü ixaexẽẽxü̃.

Amúx 3:9

¡Rü Adúxarü ãẽ̱xgacüpatagüwa, rü Equítuanearü ãẽ̱xgacüpatagüwa penaxunagü i ñaa chorü ore i ñaxü̃: “Rü yima ma̱xpǘnegü ya ĩane ya Chamária nagu üxü̃newa pexĩ! ¡Rü nüxü̃ peda̱u̱x i ngẽma guxchaxü̃gü ya yima ĩanewa ngẽxmaxü̃ rü ngẽma dai i ngéma ngẽxmaxü̃!”

Abdía 1:18

Rü ngẽma Acóbutaagü rü Yúchetaagü rü ñoma üxü rü üxüemarüxü̃ tá nixĩgü. Rü ngẽma Echaútaagü rü ñoma maxẽ ya pacürüxü̃ tá nixĩgü, rü tá ínanagu. Rü taxũtáma i Echaútaxa namaxü̃. Rü choma ya Cori ya Tupana rü marü ngẽmaãcü namaxã chanaxuegu —ñanagürü.

Chacaría 13:7

Rü Cori ya Tupana ya Guxãxétüwa Ngẽxmacü rü ñanagürü: —¡Pa Tara i Taxrewa Ãmaguxü̃x, rü naxca̱x ixũ i chorü carnéruarü dauruxü̃ rü ngẽma chorü ngü̃xẽẽruxü̃! ¡Rü yama̱x ya yima carnéruarü dauruxü̃ nax nawoonexü̃ca̱x i carnérugü! Rü choma rü tá chanadai i ngẽma carnéruxacügü.

Chacaría 9:5

Rü ngẽxguma ngẽmaxü̃ nadaugügu ya yima ĩane ya Acharóü̃cüã̱xgü rü tá naba̱i̱xãchie. Rü yima ĩane ya Gáchacüã̱xgü rü tá poraãcü ngúxü̃ ningegü. Rü ngẽma duü̃xü̃gü i Ecróü̃cüã̱xgü rü poraãcü tá nanaxĩ̱xãchiãẽgü. Rü yima ĩane ya Gácha rü tá nangearü ãẽ̱xgacüã̱x rü yima ĩane ya Acharóü̃ rü tá nangearü duü̃xü̃güã̱x.

Chacaría 9:6

Rü ĩane ya Adúxwa rü tá naguxü̃raü̃marexü̃ i duü̃xü̃gü nawa namaxẽ. Rü ngẽmaãcü tá chanaxãnexẽxẽ ya yima norü ĩane ya nügü namaxã yacua̱xüü̃güne i Firitéugü.

1 Chamué 6:17

Rü yema 5 ga taixnachicüna̱xãgü ga úirunaxca̱x ga Firitéugü Cori ya Tupanana naxuaxü̃güxü̃ norü ngüxmüxẽẽruxü̃, rü yema rü guma ĩanegü ga Adúx, rü Gácha, rü Acharóü̃, rü Gáx, rü Ecróü̃arü ãmaregü nixĩ.