Amúx 1:6 - Tupanaarü Ore

⁶ Rü Cori ya Tupana rü ñanagürü ta: —Ngẽma Gáchacüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma ga Gáchacüã̱xgü rü ínanayauxü̃ ga wüxi ga ĩaneãcu ga duü̃xü̃gü, rü ñu̱xũchi Edóü̃cüã̱xgüxü̃ tümamaxã nayataxegü norü puracütanüxü̃ruxü̃.

Amúx 1:6 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 28:18

Rü yexgumarüxü̃ ta ga Firitéugü rü tóxnamana ga Yudáanewa nanadeãcu ga guma ĩanegü ga doxonexü̃wa yexmagüne rü guma ĩanegü ga Négueanewa yexmagüne. Rü nanapuxü̃ ga ĩanegü ga Bex-chemé, rü Ayaróü̃, rü Guederóx. Rü ñu̱xũchi nanapuxü̃gü ta ga ĩanegü ga Chocó rü Tiná, rü Guimchó namaxã ga norü ĩanexacüchigü. Rü ñu̱xũchi nawa namaxẽ.

Yeremía 47:1

Ñaa nixĩ i Cori ya Tupanaarü ore ga norü orearü uruxü̃ ga Yeremíamaxã nüxü̃ yaxuxü̃ nachiga ga Firitéugü, naxü̃pa nax Equítuanearü ãẽ̱xgacü ga Faraóü̃ Gáchaca̱x íyagoõchixü̃.

Echequié 35:5

Rü cuma rü guxü̃guma Iraétanüxü̃arü uanü quixĩ. Rü yexguma norü pecadugügagu chanapoxcueyane, rü cuma rü cuyoxnie nax naxca̱x ícuyagoõchixü̃.

Joel 3:4

¿Rü ta̱xacü ẽ̱xna nixĩ i chomaxã penaxwa̱xegüxü̃ i pemax, Pa Tírucüã̱xgü, rü Chidóü̃cüã̱xgü, rü Firitéugü? ¿Ẽ̱xna chomaxã pegü pedaixchaü̃? ¿Ẽ̱xna penaxwa̱xe nax ta̱xacü pexü̃́ chaxütanüxü̃? Choma rü paxatáma poxcu pexca̱x íchanguxẽxẽ.

Joel 3:6

Rü yáxü̃wama penagagü ga yema Yudáanecüã̱xgü rü Yerucharéü̃cüã̱xgü, rü ñu̱xũchi puracütanüxü̃xü̃ Griégugüxü̃ namaxã petaxegü.

Amúx 1:11

Rü Cori ya Tupana rü ñanagürü ta: —Yema Edóü̃cüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü yema natanüxü̃ ga Iraétanüxü̃we nangegü taramaxã rü tama nüxü̃́ nangechaxü̃tümüxü̃güãcüma nanadaiama. Yerü poraãcü namaxã nanue rü tama namaxã narüngüxmügü.

Amúx 1:3

Rü Cori ya Tupana rü nüxü̃ nixu rü ñanagürü: —Ngẽma Damácucüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chapoxcuexü̃, yerü nüma rü nanadai ga chorü duü̃xü̃gü ga Garaáxcüã̱xgü ñoma fierumena̱xãmaxã ta̱xacü ipoxü̃rüxü̃.

Amúx 1:7

Rü ngẽmaca̱x tá üxümaxã chayagu i Gáchaarü poxeguxü̃gü. Rü ngẽma üxüema tá nixĩ i norü ãẽ̱xgacüpatagü ixaexẽẽxü̃.

Amúx 1:9

Rü nüma ya Cori ya Tupana rü ñanagürü ta: —Ngẽma Tírucüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma ga yema Tírucüã̱xgü rü woo nügümaxã nanaxuegu nax nügü tá nangü̃xẽẽgüxü̃, natürü nüma i Tírucüã̱xgü rü Edóü̃cüã̱xgüxü̃ tümamaxã nataxegüama ga ñuxre ga ĩaneãcugü ga guxema tümamaxã inaxügagüchiréxe

Abdía 1:11

Rü yexguma yema Iraétanüxü̃arü uanügüarü churaragü Yerucharéü̃arü poxeguxü̃arü ĩã̱xgu pogüegu, rü nachocuxgu nax nadeaxü̃ca̱x ga norü yemaxü̃gü, rü pemax, Pa Edóü̃cüã̱xgüx, rü yéma nüxü̃ perüdaunümare. Rü yexguma norü uanügü nügümaxã yatoyegu ga yema Iraétanüxü̃arü yemaxü̃gü ga nadexü̃ rü pema rü ta yema uanügütanüwa peyexmagü.

Chacaría 9:5

Rü ngẽxguma ngẽmaxü̃ nadaugügu ya yima ĩane ya Acharóü̃cüã̱xgü rü tá naba̱i̱xãchie. Rü yima ĩane ya Gáchacüã̱xgü rü tá poraãcü ngúxü̃ ningegü. Rü ngẽma duü̃xü̃gü i Ecróü̃cüã̱xgü rü poraãcü tá nanaxĩ̱xãchiãẽgü. Rü yima ĩane ya Gácha rü tá nangearü ãẽ̱xgacüã̱x rü yima ĩane ya Acharóü̃ rü tá nangearü duü̃xü̃güã̱x.

Ngechuchuarü ngúexü̃gü ga yamugüxü̃arü puracüchiga 8:26

Rü yemawena, rü Tupanaarü orearü ngeruxü̃ ga daxũcüã̱x rü Ferípemaxã nüxü̃ nixu, rü ñanagürü: —¡Paxa inaxũãchi rü súrwaama naxũ nawa i ngẽma nama i Yerucharéü̃wa ne daxü̃ rü Gáchawa iyarügoxü̃! —ñanagürü. Rü ngẽma nixĩ i nama i chianexü̃wa dapetüxü̃ i ngextá taxúema íxãpataxü̃wa.

1 Chamué 6:17

Rü yema 5 ga taixnachicüna̱xãgü ga úirunaxca̱x ga Firitéugü Cori ya Tupanana naxuaxü̃güxü̃ norü ngüxmüxẽẽruxü̃, rü yema rü guma ĩanegü ga Adúx, rü Gácha, rü Acharóü̃, rü Gáx, rü Ecróü̃arü ãmaregü nixĩ.