Norü taxre ga popera ga Timutéuca̱x naxümatüxü̃ ga Pauru 4:21 - Tupanaarü Ore

²¹ Rü naxü̃pa i gáuanexü̃ rü chanaxwa̱xe i nua cuxũ. Rü cuxü̃ narümoxẽgü i Eubúru, rü Pudénte, rü Línu, rü Cáuria, rü guxü̃ma i taenexẽgü i yaxõgüxü̃.

Norü taxre ga popera ga Timutéuca̱x naxümatüxü̃ ga Pauru 4:21 Iomraidhean Croise

Ore i mexü̃ ga Luca ümatüxü̃ 12:58

Rü ngẽxguma chi wüxíe wüxi i ngetanüca̱x cuxü̃ íxuaxü̃gu rü ãẽ̱xgacüxü̃tawa cuxü̃ tagaxgu, rü name nixĩ i namawatama tüxü̃ icurüngüxmüxẽxẽ nax tama ãẽ̱xgacüpe̱xewa cuxü̃ tagaxü̃ca̱x. Erü wüxicana nax ãẽ̱xgacüxü̃tawa cunguxü̃ rü ãẽ̱xgacü tá purichíagüna cuxü̃ namu. Rü purichíagü tá cuxü̃ napoxcu.

1 Corintios 16:20

Rü guxü̃ma i taenexẽgü i núma ngẽxmagüxü̃ rü moxẽ pexca̱x ngéma namu. Rü chanaxwa̱xe i wüxichigü i pemax rü pegü pengechaü̃güãcüma pegü perümoxẽgü.

2 Corintios 13:13

Rü guxü̃ma i taenexẽgü i yaxõgüxü̃ rü pexü̃ narümoxẽgü.

Filipenses 4:22

Rü ngẽxgumarüxü̃ ta pexü̃ narümoxẽgü i guxü̃ma i ngẽma yaxõgüxü̃ i núma ngẽxmagüxü̃. Rü ngẽma yexera pexü̃ rümoxẽgüxü̃ nixĩ i taenexẽgü i Rómaarü ãẽ̱xgacüpatawa puracüexü̃.

Norü taxre ga popera ga Timutéuca̱x naxümatüxü̃ ga Pauru 1:4

Choma rü nüxna chacua̱xãchi nax poraãcü cha̱u̱xca̱x cungechaü̃xü̃ rü cha̱u̱xca̱x cuxaxuxü̃ ga yexguma cuxna íchixũxgu. Rü wenaxarü cuxü̃ chadauxchaü̃ nax aixcüma chataãẽxü̃ca̱x.

Norü taxre ga popera ga Timutéuca̱x naxümatüxü̃ ga Pauru 4:13

Ngẽxguma nua cuxũxgu ¡rü nua nange i chorü gáuxü̃chiru i ĩane ya Tróawa chatáxü̃ ga Cárpupatawa! Rü chanaxwa̱xe i nua cunana i chorü poperagü. Rü guxü̃arü yexera chanaxwa̱xe nax nua cunanaxü̃ i ngẽma Tupanaarü ore i naxcha̱xmüü̃gu ümatüxü̃.

Norü taxre ga popera ga Timutéuca̱x naxümatüxü̃ ga Pauru 4:9

Cumaxã nüxü̃ chixu rü chanaxwa̱xe i paxa nua cuxũ, rü choxü̃ ícuyadau.

Popera ga Títoca̱x naxümatüxü̃ ga Pauru 3:12

Rü ngẽxguma cuxü̃tawa chanamuxgu i Artéma rü ẽ̱xna Tíquicu, rü chanaxwa̱xe i paxa Nicaporíchiuwa cuxũ nax choxü̃ ícuyadauxü̃ca̱x. Erü ngéma tá nixĩ i chanangupetüxẽẽxü̃ ya yimá tauemacügü ya nagu nagáuanecü.

Norü taxre ga popera ga Cuáü̃ ümatüxü̃ 1:13

Rü ngẽma nua natanüwa changexmaxü̃ i yaxõgüxü̃ i peenexẽgü ixĩgüxü̃ ya Tupana dexü̃, rü pexü̃ narümoxẽgü.

Norü tomaepü̱x ga popera ga Cuáü̃ ümatüxü̃ 1:14

Erü choma rü nagu charüxĩnü nax paxa tá cuxü̃ íchayadauxü̃, rü ngẽxguma rü mea tá cumaxã chidexa.