Norü taxre ga popera ga Timutéuca̱x naxümatüxü̃ ga Pauru 3:16 - Tupanaarü Ore

¹⁶ Rü guxü̃ma i ngẽma Tupanaarü ore i ümatüxü̃ rü nügüãẽwatama nanayaxu ga Tupana. Rü ngẽma ore rü name nax duü̃xü̃güxü̃ namaxã ingúexẽẽxü̃, rü namaxã yaxucu̱xẽgüxü̃ rü namaxã iyanawe̱xãchixẽẽgüxü̃, rü namaxã nangúexẽẽxü̃ nax mea Tupanape̱xewa namaxẽxü̃ca̱x.

Norü taxre ga popera ga Timutéuca̱x naxümatüxü̃ ga Pauru 3:16 Iomraidhean Croise

2 Chamué 23:2

—Tupanaãxẽ ya Üünecü rü chowa narüdexa rü norü ore rü chorü conüwa nangẽxma.

Neemía 9:20

Rü ñu̱xũchi naxca̱x yéma cunamu ga Cuãxẽ ya Üünecü nax yaxucu̱xẽgüãxü̃ca̱x. Rü taguma nüxü̃́ nataxu ga yema paũ ga maná ga naxca̱x yéma cumugüxü̃, rü ñu̱xũchi taguma nüxü̃́ nataxu ga yema dexá ga nüxna cuxãxü̃ nax yemaacü tama yata̱xawaexü̃ca̱x.

Wiyaegü 119:11

Rü chauãẽgu namaxã changuxü̃ i curü ore nax tama cupe̱xewa chixexü̃ chaxüxü̃ca̱x.

Wiyaegü 119:130

Rü ngẽxguma texé curü orexü̃ ixuxgu rü nango̱xẽẽgu rü yíxema nüxü̃ ĩnüexe rü tümaãẽxü̃ tüxü̃ nacua̱xẽxẽ woo taxuxü̃ma cuáxe tixĩgügu.

Wiyaegü 119:9

Pa Tupanax ¿rü ñuxãcü tá wüxi ya ngextü̱xücü inamexü̃ i norü maxü̃ i cupe̱xewa? Rü ngẽxguma curü ore naxwa̱xexü̃ãcüma namaxü̱̃xguxicatama.

Ucu̱xẽgüchiga 15:10

Yíxema nüxü̃ rüxoxe nax nagu tixũxü̃ i ngẽma mexü̃ i nacüma, rü Tupana tá düxwa tüxü̃ napoxcu. Rü yíxema tama nayaxúxe i ucu̱xẽ i mexü̃ rü tá tayu.

Ucu̱xẽgüchiga 15:31

Yíxema nayaxúxe i ucu̱xẽ i maxü̃ tüxna ãxü̃, rü tüxü̃́ nangẽxma i tümachica natanüwa i ngẽma cua̱x nüxü̃́ ngẽxmagüxü̃.

Ucu̱xẽgüchiga 6:23

Ngẽma mugü rü ngu̱xẽẽtaegü rü ñoma wüxi i omü i naixü̃rüxü̃ tá cuxca̱x nanangóonexẽxẽ. Rü ngẽma ucu̱xẽgü rü tá cuxü̃ inayarüwe̱xãchixẽxẽ nax nawe̱xguxü̃ca̱x i curü maxü̃.

Miquéa 2:7

¿Ẽ̱xna toma i Acóbutaagü nax tixĩgüxü̃ rü Tupana rü chixexü̃ tomaxã naxuegu? ¿Ẽ̱xna ya Tupana rü marü nüxü̃ narüxo nax yáxna tomaxã naxĩnüxü̃? ¿Rü ngẽmaãcü ẽ̱xna yixĩxü̃ i nacüma ya Tupana? ¿Tama ẽ̱xna i tüxü̃ nangü̃xẽxẽxü̃ i Tupanaarü ore ya yíxema aixcüma mea nagu maxẽxe?

Chofonía 3:2

Rü tama Cori ya Tupanaarü ucu̱xẽ cuyaxu rü tama curü me nixĩ nax cuxü̃ naxucu̱xẽxü̃. Rü tama Cori ya Tupanaaxü̃́ cuyaxõ rü tama nüxna cungaicamachaü̃.

Ore i mexü̃ ga Matéu ümatüxü̃ 13:52

Rü yexguma ga Ngechuchu rü ñanagürü nüxü̃: —Rü guxü̃ma i ngúexẽẽruxü̃ i Tupanaarü mugüwa ngu̱xẽẽtaexü̃ rü nanaxwa̱xe nax mea nüxü̃ nacuáxü̃ i ngẽma nũxcümaü̃xü̃ i Tupanaarü ore rü ñaa ngexwaca̱xü̃xü̃ i chorü ore, ngẽxgumarüxü̃ i wüxi i yatü i norü taxepatawa duü̃xü̃güca̱x inawéxü̃ i norü ngẽmaxü̃gü i ngexwacaxü̃güxü̃ rü norü ngẽmaxü̃gü i nũxcümaü̃güxü̃ —ñanagürü ga Ngechuchu.

Ore i mexü̃ ga Matéu ümatüxü̃ 21:42

Rü Ngechuchu rü ñanagürü nüxü̃: —¿Taguma ẽ̱xna nawa pengúe i Tupanaarü ore i ümatüxü̃? Erü ngẽmawa rü ñanagürü: “Yimá nuta ya ĩpataarü üruü̃gü nüxü̃ oecü rü ñu̱xma rü yimá nuta nixĩ ya nüxíra ixücuchicü nax namaxã inaxügüãxü̃ca̱x ya ĩpata. Rü tórü Cori ya Tupana nixĩ ga naxücü ga yema, rü ñu̱xma rü taxca̱x namexẽchi”, ñanagürü i ngẽma ore.

Ore i mexü̃ ga Matéu ümatüxü̃ 22:43

Rü yexguma ga Ngechuchu rü ñanagürü: —¿Tü̱xcüü̃ ga Dabí ga norü Corimaxã naxuaxü̃ ga Cristu ga yexguma Tupanaãxẽ ga Üünexü̃ Dabíxü̃ idexaxẽxẽgu? Yerü ga Dabí rü ñanagürü:

Ore i mexü̃ ga Matéu ümatüxü̃ 26:54

Natürü ngẽxguma chi ngẽma chaxüxgu, rü ¿ñuxãcü chi ningu i Tupanaarü ore i ümatüxü̃ i nüxü̃ ixuxü̃ nax choma rü tá chayuxü̃? —ñanagürü.

Ore i mexü̃ ga Matéu ümatüxü̃ 26:56

Natürü guxü̃ma i ñaa ñu̱xma ngupetüxü̃, rü ngẽmaãcü nangupetü nax yanguxü̃ca̱x i Tupanaarü ore ga nũxcümaü̃güxü̃ ga norü orearü uruü̃gü ümatügüxü̃ —ñanagürü. Rü yexguma ga guxü̃ma ga norü ngúexü̃gü rü nüxna nibuxmü. Rü nüxicatama yéma nanata̱xgü ga Ngechuchu.

Ore i mexü̃ ga Márcu ümatüxü̃ 12:24

Rü yexguma ga Ngechuchu rü nanangãxü̃, rü ñanagürü nüxü̃: —Pema rü ípetüe erü tama nüxü̃ pecua̱x i Tupanaarü ore i ümatüxü̃, rü tama nüxü̃ pecua̱x nax naporaxü̃ ya Tupana.

Ore i mexü̃ ga Márcu ümatüxü̃ 12:36

¿Rü ñuxãcü i ngẽmaãcü yadexagüxü̃? Yerü nümatama ga Dabí, rü yexguma Tupanaãxẽ ya Üünecü naãxẽwa idexaxgu rü ñanagürü: “Cori ya Tupana rü chorü Corixü̃ ñanagürü: ‘¡Nua chorü tügünecüwawa rüto ñu̱xmatáta nüxü̃ charüporamae i curü uanügü nax cuga naxĩnüexü̃ca̱x!’ ” ñanagürü ga yema orewa.

Ore i mexü̃ ga Cuáü̃ ümatüxü̃ 10:35

Rü ngẽmaãcü Tupanaarü orewa rü nüxü̃ nixu nax tupanagü tixĩgüxü̃ ya guxãma ya yíxema nayauxgüxe i norü ore. Rü nüxü̃ tacua̱x rü taxucürüwama texé itayanaxoxẽxẽ i ngẽma Tupanaarü ore i ümatüxü̃wa nüxü̃ yaxuxü̃.

Ore i mexü̃ ga Cuáü̃ ümatüxü̃ 3:20

Guxãma ya yíxema chixexü̃ ügüxe rü naxchi taxaixe i ngóonexü̃. Rü tama nüxna tangaicamagüchaü̃ erü tama tanaxwa̱xe nax nangóxü̃ i ngẽma chixexü̃ i ítaxügüxü̃.

Ngechuchuarü ngúexü̃gü ga yamugüxü̃arü puracüchiga 1:16

—Pa Chomücügüx, marü ningu ga yema Tupanaãxẽ ya Üünecü nũxcüma Dabíxü̃ muxü̃ nax naxümatüaxü̃ca̱x nachiga ga Yúda ga namaarü cua̱xruxü̃ ixĩxü̃ naxca̱x ga yema duü̃xü̃gü ga Ngechuchuxü̃ iyauxgüxü̃.

Ngechuchuarü ngúexü̃gü ga yamugüxü̃arü puracüchiga 18:25

Rü nüma ga Apóru rü mea nüxü̃ nacua̱x ga Cuáü̃ ga baiü̃ẽẽruü̃arü ngu̱xẽẽtae ga Cori ga Ngechuchuchiga. Rü nataãẽãcüma nidexa rü norü ngúchaü̃maxã nanangúexẽxẽ ga Ngechuchuchiga. Natürü Cuáü̃arü baiü̃ẽẽchigaxicatama nixĩ ga nüxü̃ nacuáxü̃.

Ngechuchuarü ngúexü̃gü ga yamugüxü̃arü puracüchiga 20:20

Rü taguma íchayachaxãchi ga pemaxã nüxü̃ nax chixuxü̃ ga guxü̃ma ga yema ore ga perü mexü̃ca̱x ixĩxü̃. Rü guxü̃ ga duü̃xü̃güpe̱xewa, rü pepatagüwa rü ta pexü̃ changúexẽxẽ ga yema ore.

Ngechuchuarü ngúexü̃gü ga yamugüxü̃arü puracüchiga 20:27

Erü marü meama pemaxã nüxü̃ chixu i guxü̃ma i ngẽma Tupana pexü̃́ naxwa̱xexü̃, rü taxuxü̃ma ichicu̱x.

Ngechuchuarü ngúexü̃gü ga yamugüxü̃arü puracüchiga 28:25

Rü yexguma tama wüxigu naxĩnüegu ga yema duü̃xü̃gü, rü inanaxügü nax íyaxĩxü̃. Rü yemaca̱x ga Pauru rü ñanagürü nüxü̃: —Mea perü o̱xigümaxã nidexa ga Tupanaãxẽ ya Üünecü ga yexguma Ichaíaxü̃ yadexaxẽẽgu rü ñaxgu:

Romanos 15:4

Rü guxü̃ma ga yema nũxcüma ümatüxü̃ ga Tupanaarü orewa, rü naxümatü nax tüxü̃ nangu̱xẽẽxü̃ca̱x nax taguma nüxü̃ rüxoexü̃ ega woo ta̱xacürü guxchaxü̃ taxca̱x ínguxgu. Rü yema Tupanaarü ore rü naxümatü nax tüxü̃ nataãẽxẽẽxü̃ca̱x rü tüxü̃ nüxü̃ nacua̱xẽẽxü̃ca̱x nax aixcüma Tupanaarü ixĩgüxü̃.

Romanos 2:20

Rü pema nagu perüxĩnüe rü nüxü̃ pecua̱x nax penaxucu̱xẽxü̃ i ngẽma togü i duü̃xü̃gü i tama Tupanaxü̃ cua̱xgüxü̃ rü penangúexẽẽxü̃ i ngẽma duü̃xü̃gü i ngexwaca yaxõgüxü̃. Rü ngẽmaãcü nagu perüxĩnüe erü Tupanaarü mugüwa pengúe rü ngẽmaca̱x meama nüxü̃ pecua̱x i ta̱xacü nixĩ i mexü̃ rü ta̱xacü nixĩ i ore i aixcüma ixĩxü̃.

Romanos 3:2

Rü poraãcüxüchima tüxü̃́ name nax Yudíugü ixĩgüxü̃. Yerü nüma ga Tupana rü tüxnaxíra nixĩ ga naxããxü̃ ga norü ore.

Romanos 4:23

Rü tama Abraáü̃chigaxicatama nixĩ ga naxümatüxü̃ ga Tupanaarü ore ga ñaxü̃: “Tupana rü nüxü̃ nixu nax nape̱xewa namexü̃ ga Abraáü̃, yerü nüxü̃ nadau nax aixcüma nüxü̃́ nax yaxõõxü̃”, ñaxü̃.

1 Corintios 12:7

Rü Naãxẽ ya Üünexü̃ rü wüxíewachigü nanango̱xẽxẽ i Tupanaarü pora nax ngẽmaãcü guxãarü ngü̃xẽẽruxü̃ yixĩxü̃ca̱x.

Gálatas 3:8

Rü Tupanaarü ore i ümatüxü̃wa rü nüxü̃ nixu nax Tupanape̱xewa yamexü̃ i ngẽma duü̃xü̃gü i yaxõgüxü̃ i woo tama Yudíugü ixĩgüxü̃. Rü yemaca̱x ga Tupana rü Abraáü̃maxã nüxü̃ nixu ga ñaa ore i mexü̃ i ñaxü̃: “Rü cugagu tá nüxü̃ charüngü̃xẽxẽxü̃ i guxü̃ma i nachixü̃anecüã̱x i duü̃xü̃gü”, ñaxü̃.

Wenaxarü naxümatü ga Tupanaarü mugü 29:29

Rü nangẽxma i ta̱xacü i tama nüxü̃ icuáxü̃ i yixema, rü Cori ya Tupanaxicatama nixĩ ya nüxü̃ cuácü. Natürü nangẽxma i ta̱xacü marü tüxü̃ rü taxacügüxü̃ nüxü̃ nacua̱xẽẽxü̃ nax guxü̃gutáma nagu imaxẽxü̃ca̱x i guxü̃ma i ngẽma ucu̱xẽgü i ñaa mugüwa ngẽxmagüxü̃ —ñanagürü ga Moiché.

Wenaxarü naxümatü ga Tupanaarü mugü 4:36

Nüma rü daxũguxü̃ i naanewa pemaxã nidexa nax ngẽmaãcü pexü̃ yaxucu̱xẽgüxü̃ca̱x, rü ñoma i naanewa rü pexü̃ nanawe̱x ga taxü̃ ga norü üxüema, rü yema üxüemaarü ngãxü̃wa pemaxã nidexa.

Norü taxre ga popera ga Timutéuca̱x naxümatüxü̃ ga Pauru 2:25

Rü wüxi i Tupanaarü puracütanüxü̃ rü name nax yáxna namaxã naxĩnüãcüma mea nayaxucu̱xẽgüãxü̃ i ngẽma duü̃xü̃gü i tama irüxĩnüechaü̃xü̃. Rü name i ínanangu̱xẽxẽ nax Tupana nüxü̃ rüngü̃xẽẽgüxü̃ i ngẽma duü̃xü̃gü nax naxca̱x nawoeguxü̃ca̱x rü nüxü̃ nacua̱xãchitanüxü̃ca̱x i ngẽma ore i aixcüma ixĩxü̃.

Popera ga Yudíugü ga yaxõgüxü̃ca̱x ümatüxü̃ 11:1

Rü tórü õgagu nixĩ i nüxü̃ icuáxü̃ nax aixcüma tá nayauxgüxü̃ i ngẽma írüngu̱xẽẽgüxü̃. Rü ngẽma tórü õgagu nixĩ i nüxü̃ icuáxü̃ nax yixcüra tá nangóxü̃ i ngẽma ñu̱xma tauta nüxü̃ idauxü̃.

Popera ga Yudíugü ga yaxõgüxü̃ca̱x ümatüxü̃ 3:7

Rü ngẽmaca̱x Tupanaarü ore i ümatüxü̃wa rü Naãxẽ ya Üünexü̃ rü ñanagürü: “Ñu̱xma nax nüxü̃ pexĩnüexü̃ i ngẽma Tupana pemaxã nüxü̃ ixuxü̃, rü tama name nax nüxü̃ pexoexü̃, yexgumarüxü̃ ga yema duü̃xü̃gü ga Tupanaxü̃ ügüxü̃ rü tama naga ĩnüexü̃ ga yexguma yema naane ga chianexü̃wa nayexmagügu”.

Popera ga Yudíugü ga yaxõgüxü̃ca̱x ümatüxü̃ 4:12

Erü Tupanaarü ore rü namaxü̃ rü naporaxüchi. Rü wüxi i tara i guxü̃cüwawa mea waixmaguxü̃arü yexera nixĩ nax natéxü̃. Erü ngẽma ore rü tawa nixücu ñu̱xmata taãẽwa nangu, rü ñu̱xmata nawa nangu i ngẽma wüxichigü nagu rüxĩnüxü̃. Rü ngẽmaãcü meama nanango̱xẽẽãma i guxü̃ma i ngẽma yixicatama nagu rüxĩnüxü̃ rü tüxü̃́ ngúchaü̃xü̃.