Norü taxre ga popera ga Timutéuca̱x naxümatüxü̃ ga Pauru 2:7 - Tupanaarü Ore

⁷ ¡Rü nagu rüxĩnü i ñaa cumaxã nüxü̃ chixuxü̃! Erü nüma ya Cori ya Ngechuchu rü tá cuxü̃ nüxü̃ nacua̱xẽxẽ i guxü̃ma i ngẽma cumaxã nüxü̃ chixuxü̃.

Norü taxre ga popera ga Timutéuca̱x naxümatüxü̃ ga Pauru 2:7 Iomraidhean Croise

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:12

Rü nüma ya Cori ya Tupana rü marü cuxna nanaxã i ĩnü i mexü̃ rü curü cua̱x. Rü ngẽxguma nüma cuxü̃ yangucuchixẽẽgu nax Iraétanüxü̃arü ãẽ̱xgacü quixĩxü̃ ¡rü yanguxẽxẽ i ngẽma norü mugü ya Cori ya curü Tupana!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:19

Rü ngẽxgumarüxü̃ ta ya yimá chaune ya Charomóü̃ ¡rü nüxna naxã i wüxi i naãxẽ i cugu rüxĩnüxü̃ nax ngẽmaãcü mea nagu namaxü̃xü̃ca̱x i ngẽma curü mugü rü curü ucu̱xẽgü rü cucümagü, rü ngẽmaãcü naxüaxü̃ca̱x ya yima cupata ya taxü̃ne ya naxca̱x chananutaque̱xene i ngẽmaxü̃gü! —ñanagürü ga Dabí.

Wiyaegü 119:125

Rü aixcüma curü duü̃xü̃ chixĩ, rü ngẽmaca̱x chanaxwa̱xe i chauãẽxü̃ choxü̃ cucua̱xẽxẽ erü nüxü̃ chacuáxchaü̃ i curü mugü.

Wiyaegü 119:144

Erü ngẽma curü mugü rü guxü̃guma name. ¡Rü choxna naxã i cua̱x nax ngẽmaãcü nagu chamaxü̃xü̃ca̱x i ngẽma curü mugü! -19-

Wiyaegü 119:73

Rü cumatama nixĩ ga choxü̃ cungo̱xẽẽxü̃ rü maxü̃ choxna cuxãxü̃. Rü ngẽmaca̱x chanaxwa̱xe nax choxna cunaxãxü̃ i cua̱x nax choxü̃́ natauxchaxü̃ca̱x nax naxca̱x changúxü̃ i curü mugü.

Wiyaegü 64:9

Rü ngẽxguma ngẽmaxü̃ nadaugügu i duü̃xü̃gü rü tá Tupanaxü̃ namuü̃e. Rü tá nüxü̃ nixugügü i ngẽma Tupana üxü̃ rü tá nüxü̃ nicua̱xãchitanü nax ta̱xacüchiga yixĩxü̃.

Ucu̱xẽgüchiga 24:32

Rü yexguma yemaxü̃ chada̱u̱xgu, rü chaugüãẽgu namaxã changuxü̃ ga yema nüxü̃ chadauxü̃. Rü yema rü wüxi ga chorü cua̱xruxü̃ nixĩ.

Ichaía 1:3

Rü ngẽma woca rü norü yoraxü̃ nacua̱x, rü ngẽma búru rü nüxü̃ nacua̱x i norü chibüchica i norü yora naxca̱x üxü̃, natürü ngẽma chorü duü̃xü̃gü i Iraétanüxü̃ rü tama choxü̃ nacua̱xgü rü tama naãẽxü̃ nicua̱x —ñanagürü ya Tupana.

Ichaía 28:26

Rü Tupana nixĩ ya cua̱x nüxna ãcü nax ñuxãcü tá natoexü̃.

Ichaía 5:12

Rü perü õnagü i taxü̃wa rü árpamaxã, rü árpaxacügümaxã rü tutugümaxã, rü wowerugümaxã pepaxetagü rü ñu̱xũchi perü bínu rü nata. Natürü pema rü tama nüxna pecua̱xãchie i ngẽma mexü̃gü i pexca̱x naxüxü̃ ya Cori ya Tupana, rü tama norü puracügu perüxĩnüe.

Danié 1:17

Rü yema ãgümücü ga ngextü̱xüxü̃gü, rü Tupana rü cua̱x nüxna naxã nax nüxü̃ nacua̱xgüxü̃ca̱x ga naguxü̃raü̃xü̃ ga cua̱x ga poperagu ümatüxü̃. Rü nüma ga Tupana rü naétü Daniéxü̃ narüngü̃xẽxẽ nax nüxü̃ nacuáxü̃ca̱x nax ta̱xacüchiga yixĩxü̃ ega texé ngo̱xetügu rüe̱xna ãnegügu.

Ore i mexü̃ ga Luca ümatüxü̃ 21:15

Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.

Ore i mexü̃ ga Luca ümatüxü̃ 24:45

Rü yemaacü namaxã nanango̱xẽxẽ ga Tupanaarü ore ga ümatüxü̃.

Ore i mexü̃ ga Luca ümatüxü̃ 9:44

—¡Mea iperüxĩnüe i ñaa pemaxã nüxü̃ chixuxü̃! ¡Rü taxṹ i nüxü̃ ipeyarüngümaexü̃! Rü Tupana Nane ya duü̃xü̃xü̃ ixĩcü, rü tá duü̃xü̃güme̱xẽgu nangu̱xẽẽãxü̃ —ñanagürü.

Ore i mexü̃ ga Cuáü̃ ümatüxü̃ 14:26

Natürü Chaunatü rü tá chauégagu núma nanamu i Naãxẽ ya Üünexü̃ nax pexü̃ nangü̃xẽẽxü̃ca̱x. Rü nüma i Naãxẽ ya Üünexü̃ tá pexü̃ nangúexẽxẽ i guxü̃ma, rü tá nüxna pexü̃ nacua̱xãchixẽxẽ i guxü̃ma i ore ga pemaxã nüxü̃ chixuxü̃.

Ore i mexü̃ ga Cuáü̃ ümatüxü̃ 16:13

Rü ngẽxguma núma naxũxgu i Tupanaãxẽ ya Üünexü̃ i aixcüma ixĩxü̃, rü nüma tá pexü̃ nangúexẽxẽ i guxü̃ma i ore i aixcüma ixĩxü̃. Erü nüma rü tama nüechama tá nidexa, natürü ngẽma ore i Chaunatüxü̃tawa rü chauxü̃tawa nüxü̃ naxĩnüxü̃ tá nixĩ i nüxü̃ yaxuxü̃. Rü tá pexü̃ nüxü̃ nacua̱xẽxẽ i guxü̃ma i ta̱xacü i yixcüra tá ngupetüxü̃.

1 Corintios 12:8

Rü Naãxẽ ya Üünexü̃ rü tümaxü̃ nanaxã i tauxcha nax ucu̱xẽxü̃ tacuáxü̃ca̱x. Rü ngẽmatama Naãxẽ ya Üünexü̃ rü toguxeaxü̃́ nanatauxchaxẽxẽ nax nüxü̃ tacuáxü̃ nax mea tangúexẽẽtaexü̃ i Tupanaarü ore.

Wenaxarü naxümatü ga Tupanaarü mugü 32:29

Rü ngẽxguma chi duü̃xü̃gü i naãẽxü̃ icuáxü̃ yixĩgügu rü chi nügüãẽgu mea naxĩnüegu, rü chi nüxü̃ nacua̱xgü nax ta̱xacü yixĩxü̃ i ngẽma yixcüra tá naxca̱x ínguxü̃.

Wenaxarü naxümatü ga Tupanaarü mugü 4:39

Rü ngẽmaca̱x mea pegüãẽgu namaxã penguxü̃ nax daxũguxü̃ i naanewa rü ñoma i naanewa rü nüma i Cori rü Tupana yixĩxü̃, rü nataxuxü̃ma i to i naxrüxü̃ ixĩxü̃.

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.

Colosenses 1:9

Rü ngẽmaca̱x i toma ga noxritama pexü̃ tacuáchigagu, rü taguma nüxü̃ tarüchau nax pexca̱x tayumüxẽgüxü̃. Rü guxü̃guma Tupanana naxca̱x tacagü nax mea pexü̃ nüxü̃ nacua̱xẽẽxü̃ca̱x i ngẽma norü ngúchaü̃ nax penaxüxü̃. Rü ngẽxgumarüxü̃ ta nüxna naxca̱x taca nax pexna naxããxü̃ca̱x i naguxü̃raü̃xü̃ i cua̱x i Naãxẽ ya Üünexü̃wa ne ũxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:15

¡Mea naxü i guxü̃ma i ngẽma cumaxã nüxü̃ chixuxü̃, nax ngẽmaãcü guxü̃ i duü̃xü̃gü nüxü̃ daugüxü̃ca̱x nax guxü̃ i ngunexü̃gu yexeraãcü mea Tupanaca̱x nax cumaxü̃xü̃!

Norü taxre ga popera ga Timutéuca̱x naxümatüxü̃ ga Pauru 2:6

Rü yíxema naanewa puracüxe rü name nixĩ i tüxíra tanabuxu i tümanetüarü o.

Norü taxre ga popera ga Timutéuca̱x naxümatüxü̃ ga Pauru 2:8

¡Rü nüxna nacua̱xãchi ya Ngechuchu ya Cristu ya Dabítanüxü̃ ga yuwa írüdacü! Rü yimáchiga nixĩ i ngẽma ore i mexü̃ i duü̃xü̃gümaxã nüxü̃ chixuxü̃.

Popera ga Yudíugü ga yaxõgüxü̃ca̱x ümatüxü̃ 12:3

Rü name nixĩ i nagu perüxĩnüe ga yema Ngechuchuxü̃ ngupetüxü̃ rü ñuxãcü yáxna namaxã nax naxĩnüxü̃ ga yema naxchi aiexü̃ ga pecaduã̱xgüxü̃ ga ngúxü̃ nüxü̃ ingexẽẽgüxü̃. Rü ngẽmaca̱x i pema i ñu̱xma rü tama name nax nüxü̃ perüchauexü̃ rü nüxü̃ perüxoexü̃ nax nüxü̃́ peyaxõgüxü̃.

Popera ga Yudíugü ga yaxõgüxü̃ca̱x ümatüxü̃ 13:7

Rü name nixĩ i nüxna pecua̱xãchie ga gumá perü Tupanaarü orearü uruü̃gü ga noxri pemaxã icua̱xgücü rü pemaxã nüxü̃ ixugücü ga Tupanaarü ore. Rü name nixĩ i nagu perüxĩnüe nax ñuxãcü mea pepe̱xewa namaxẽxü̃ rü ñuxãcü mea yaxõgüãcüma nayuexü̃. Rü name nax nüxü̃ peyadauxü̃güxü̃ nawa i norü õ rü mea naxrüxü̃ pemaxẽxü̃.

Popera ga Yudíugü ga yaxõgüxü̃ca̱x ümatüxü̃ 3:1

Rü ñu̱xma Pa Chauenexẽgü ya Tupanape̱xewa Üünegüxe, rü pexü̃ nixĩ ya Tupana i nadexü̃ nax norü duü̃xü̃gü pixĩgüxü̃ca̱x. Rü ngẽmaca̱x name nixĩ i mea nagu perüxĩnüe ya Ngechuchu ya Cristu ya Tupana núma namucü. Rü nüma ya Ngechuchu nixĩ i tórü chogüruxü̃ i Tupanape̱xewa tüxü̃ ixüünexẽẽcü. Rü yimáaxü̃́ nixĩ i yaxõgüxü̃.

Popera ga Yudíugü ga yaxõgüxü̃ca̱x ümatüxü̃ 7:4

Rü ñu̱xma rü name nixĩ i nagu perüxĩnüe nax ñuxãcü aixcüma ãẽ̱xgacü ya tacü yixĩxü̃ ga Melquichedéx. Yerü nũxcümaü̃cü ga tórü o̱xi ga Abráü̃ rü Melquichedéxna nanaxã ga yema diésmu ga Tupanana üxü̃ natanüwa ga yema yemaxü̃gü ga daigu yema ãẽ̱xgacügüna napuxü̃xü̃. Rü ngẽmawa nüxü̃ tacua̱x nax Tupanape̱xewa tórü o̱xi ga Abraáü̃arü yexeracü yixĩxü̃ ga Melquichedéx.

Popera ga Chantiágu ümatüxü̃ 1:5

Ngẽxguma chi petanüwa wüxíe tüxü̃́ nataxuxgu i tümaarü cua̱x, rü name nixĩ i Tupanana taca. Rü nüma rü norü ngúchaü̃maxã tá mea guxãna nanaxã rü taxũtáma tümamaxã naxaxü.

Popera ga Chantiágu ümatüxü̃ 3:15

Erü ngẽma nax ixãũxãchiwa̱xegüxü̃ rü duü̃xü̃güchi nax ixaiexü̃ rü togüarü yexera yigü nax ixĩgüxẽẽchaü̃xü̃, rü tama Tupanawa ne naxũ, natürü ñoma i naanearü ĩnüwa rü ngo̱xo i Chatanáwa nixĩ i ne naxũxü̃.

Popera ga Chantiágu ümatüxü̃ 3:17

Natürü guxãma ya yíxema aixcüma tüxü̃́ nangẽxmagüxe i ngẽma cua̱x i Tupanawa ne ũxü̃, rü taxuxü̃ma i chixexü̃ taxü, rü tama tanuewa̱xe, rü timecüma, rü itarüxĩnüe i ucu̱xẽgü, rü tangechaxü̃tümüxü̃wa̱xegü, rü duü̃xü̃güétüwa tachogü, rü tixaixcümagü, rü mexü̃ taxügü.

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.