Norü taxre ga popera ga Timutéuca̱x naxümatüxü̃ ga Pauru 2:20 - Tupanaarü Ore

²⁰ Wüxi i duü̃xü̃ i diẽruã̱xü̃chixü̃ rü napatawa nangẽxma i poratu i úirunaxca̱x rü diẽrumünaxca̱x. Rü nangẽxma ta i poratu i nainaxca̱x rü waixü̃münaxca̱x. Rü ngẽma poratu i úirunaxca̱x rü diẽrumünaxca̱x rü mexü̃ i norü õnaca̱x nixĩ. Natürü ngẽma poratu i nainaxca̱x rü waixü̃münaxca̱x rü guxchirechixü̃ nixĩ.

Norü taxre ga popera ga Timutéuca̱x naxümatüxü̃ ga Pauru 2:20 Iomraidhean Croise

Édra 1:6

Rü yema Iraétanüxü̃ ga tama Yerucharéü̃ca̱x woeguchaü̃xü̃, rü yema woeguxü̃xü̃ narüngü̃xẽẽgü diẽrumaxã, rü úirumaxã, rü wocagümaxã rü norü yemaxü̃gü ga tatanüxü̃maxã. Rü naétü nüxna nanaxãgü ga ãmaregü Tupanapata ga taxü̃neca̱x.

Édra 6:5

Rü Tupanapata ga taxü̃nearü yemaxü̃gü i úirunaxca̱x rü diẽrumünaxca̱x ga Nabucudonochó Tupanapata ga taxü̃newa dexü̃, rü tanaxwa̱xe i Yerucharéü̃ca̱x tanawoeguxẽxẽ rü nagu tayanu ya yima Tupanapata ya taxü̃ne ya wena tá üxü̃ne, erü woetama ngẽma nixĩ i nachica” —ñanagürü ga yema Chíruarü poperawa.

Ínachoxü̃xü̃chiga 27:3

Rü guxü̃ma i norü ngẽmaxü̃gü i ngẽma ãmarearü guruxü̃ rü tá bróũchenaxca̱x nixĩgü. Rü ngẽma norü tanimacapáü̃gü rü ngẽma norü paragü, rü norü nagüpáü̃gü, rü ngẽma namachiarü choxruü̃gü, rü ngẽma Ãxwepáü̃gü rü bróũchenaxca̱x tá nixĩgü.

Auxexü̃chiga 4:2

Rü ngẽma Chióü̃arü duü̃xü̃gü i ñoma úiru i mexẽchixü̃rüxü̃ ãtanüxü̃, rü ñu̱xma rü taxuwama name naxrüxü̃ ya yima buetaregü ya waixü̃münaxca̱x i wüxi i üwechiruxü̃ üxcü.

Danié 5:2

Rü yema bínumaxã nax nangãxü̃xü̃ ga ãẽ̱xgacü ga Berchachá rü norü duü̃xü̃güxü̃ namu nax yanuxü̃ãxü̃ca̱x ga yema naxpáü̃gü ga úirunaxca̱x rü diẽrumünaxca̱x ga nanatü ga Nabucudonochó Yerucharéü̃wa yexmane ga Tupanapata ga taxü̃newa ne naxü̃. Rü nayanuxũ ga yema naxpáü̃gü ga üünexü̃ rü nawa naxaxegü ga ãẽ̱xgacü rü naxma̱xgü rü naxma̱xabagü rü guxü̃ma ga yema chibüwa yéma ĩxü̃.

Ore i mexü̃ ga Cuáü̃ ümatüxü̃ 8:49

Rü Ngechuchu nanangãxü̃, rü ñanagürü nüxü̃: —Chowa rü nataxuma i ngo̱xo. Rü ngẽma chaxüxü̃ nixĩ nax Chaunatüxü̃ chicua̱xüxü̃xü̃, natürü i pema rü chixri chauchiga pidexagü.

Romanos 9:20

Natürü Pa Yatüx, ¿texé quixĩ i cumax rü ngẽmaca̱x ngẽmaãcü Tupanaxü̃ cuyaxũgaxü̃? ¿Cuxca̱x rüe̱xna wüxi i tü̃xü̃ i waixü̃müwa üxü̃ rü namexü̃ i ngẽma norü üruü̃maxã nax ñaxü̃? “¿Rü tü̱xcüü̃ ngẽmaãcü choxü̃ cuxü nax ngẽmaãcü chixĩxü̃ca̱x i ñu̱xmax?” ñaxü̃.

1 Corintios 3:9

Rü toma rü wüxigu Tupanaaxü̃́ tapuracüe. Rü ngẽmaãcü nixĩ i perü maxü̃wa napuracüxü̃ ya Tupana nax nüma nanaxwa̱xexü̃ãcüma noxrü pixĩgüxü̃ca̱x.

2 Corintios 4:7

Rü ñu̱xma nax Ngechuchu ya Cristuxü̃ icuáxü̃, rü ngẽma cua̱x rü taxü̃ne i mairaxü̃naxca̱xwa nangẽxma, nax nangóxü̃ca̱x nax Tupanawa ne naxũxü̃ i ngẽma pora i tüxü̃́ ngẽxmaxü̃ rü tama i tawa.

Efesios 2:22

Rü ngẽmaãcü i pemax nax Cristuarü pixĩgüxü̃, rü wüxigu wüxichigü i pemax rü Tupanapata i Naãxẽ ya Üünexü̃ nawa maxü̃ne pixĩgü.

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.