Norü taxre ga popera ga Timutéuca̱x naxümatüxü̃ ga Pauru 2:19 - Tupanaarü Ore

¹⁹ Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

Norü taxre ga popera ga Timutéuca̱x naxümatüxü̃ ga Pauru 2:19 Iomraidhean Croise

Yox 28:28

Rü Tupana rü duü̃xü̃güxü̃ ñanagürü: “Rü yíxema chauga ĩnüxe rü cua̱x tüxü̃́ nangẽxma. Rü yíxema nüxü̃ rüxoxe i chixexü̃gü rü aixcüma tümaãẽxü̃ tacua̱x”, ñanagürü ga Tupana —ñanagürü ga Yox.

Wiyaegü 1:6

Erü nüma ya Cori ya Tupana rü meama tüxna nadau ya yíxema aixcüma naga ĩnüexe, natürü ngẽma chixexü̃ i duü̃xü̃gü i tama naga ĩnüechaü̃xü̃ rü nagagutama poxcuwa naxĩ.

Wiyaegü 112:6

Rü yimá yatü rü taxũtáma nagu nayarüchixe. Rü duü̃xü̃gü rü guxü̃gutáma nüxna nacua̱xãchigü naxca̱x i ngẽma mexü̃ i naxüxü̃.

Wiyaegü 34:14

¡Rü nüxna ixũgachi i guxü̃ma i chixexü̃ rü mexü̃ naxü! ¡Rü naxca̱x nadau nax taxúemaxãma nax cuguxchaxü̃ã́xü̃! ¡Rü ngẽmaãcü mea namaxü̃!

Wiyaegü 37:18

Rü nüma ya Cori ya Tupana rü tüxna nadau ya yíxema mexü̃gu rüxĩnüexe. Rü tümaane rü guxü̃táma tümataagüwa naxüe.

Wiyaegü 97:10

Rü nüma ya Cori ya Tupana rü tüxü̃ nangechaü̃ ya yíxema nüxü̃ oxe i ngẽma chixexü̃. Rü tüxna nadau ya yíxema aixcüma naga ĩnüexe rü tüxü̃ ínapoxü̃ naxme̱xwa i ngẽma chixexü̃gu maxẽxü̃ i duü̃xü̃gü.

Ucu̱xẽgüchiga 10:25

Ngẽma yatü i chixexü̃gu maxü̃xü̃ rü tá inarütaxu i ngẽxguma naxca̱x ínanguxgu i guxchaxü̃gü i ñoma buanecü ya taxüchicürüxü̃ ixĩxü̃, natürü yimá yatü ya mea maxü̃cü, rü taguma inayangu i ngẽxguma guxchaxü̃ naxca̱x ínguxgu.

Ucu̱xẽgüchiga 3:7

¡Rü taxṹ i cugü nüxü̃ ícurücuáã̱xü̃xü̃! ¡Rü narümemae nixĩ nax Tupanaga cuxĩnüxü̃ rü nüxna quixũgachixü̃ i ngẽma chixexü̃!

Ichaía 14:32

¿Rü ta̱xacü rü oremaxã tá penangãxü̃ i ngẽma Firitéugüarü orearü ngeruü̃gü? ¡Rü namaxã nüxü̃ pixu nax Cori ya Tupana yixĩxü̃ i naxüxü̃ ya Chióü̃, rü nagu tá tayarücu̱xgü ya yíxema norü duü̃xẽgü ya ngúxü̃ ingegüxe! —ñanagürü.

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Ichaía 63:19

Rü ñu̱xma rü toma rü ñoma taguma tomaxã icucuáxü̃rüxü̃ tixĩgü. Rü ñoma taguma cuxü̃ tacuáxü̃rüxü̃ tixĩgü.

Ichaía 65:15

Rü ngẽma chorü duü̃xü̃gü rü peégamaxã tá nixĩ i togü i duü̃xü̃gümaxã chixexü̃ naxuegugüxü̃. Rü choma ya Cori ya Tupana ya Guxü̃étüwa Ngẽxmaxe rü tá pexü̃ chadai. Natürü ngẽma chorü duü̃xü̃güna tá chanaxã i wüxi i naéga i ngexwaca̱xü̃xü̃.

Echequié 9:4

Rü ñanagürü nüxü̃: —¡Ẽcü, nagu ixũãgüchigü ya daa ĩane ya Yerucharéü̃ rü yaxüégacatü i guxü̃ma i ngẽma duü̃xü̃gü i ñaa ĩanearü chixexü̃gagu ngechaü̃güxü̃ rü ngúxü̃ ingegüxü̃! —ñanagürü.

Naúü̃ 1:7

Rü nüma ya Cori ya Tupana rü namecüma. Rü ngẽxguma guxchaxü̃ ínguxgu rü nüma nixĩ i tüxna nadauxü̃. Rü nüma rü tüxü̃ ínapoxü̃ ya yíxema nüxü̃́ yaxõgüxe.

Aguéu 2:23

Natürü i cuma nax chorü duü̃ quixĩxü̃, Pa Chorobabé i Charatié Nanex, rü ngẽma ngunexü̃gu rü choma rü tá cuxna chadau ngẽma chorü ãnera i chauéga nawa ngẽxmaxü̃rüxü̃, yerü choma nixĩ ga cuxü̃ chaxunetaxü̃. Rü choma i Cori ya Tupana ya Guxãétüwa Ngẽxmacü nixĩ i cumaxã nüxü̃ chixuxü̃ i ngẽma” —ñanagürü.

Chacaría 3:9

Rü chomax rü Yochuépe̱xegu chanaxǘ ya wüxi ya nuta ya 7 i nacüwa nüxü̃́ ngẽxmacü. Rü chomatátama yima nutagu chanaxümatü i ore. Rü ñu̱xũchi i choma rü wüxitatama i ngunexü̃gu nüxna chanayaxu i norü pecadu i ñaa nachixü̃ane.

Iraétanüxü̃arü muxchiga 6:27

Rü guxü̃gutáma i ngẽxguma ngẽma ñagügu i chacherdótegü rü choma rü tá chayanguxẽxẽ i ngẽma chauégagu nüxü̃ yaxugüxü̃ —ñanagürü ga Tupana.

Ore i mexü̃ ga Matéu ümatüxü̃ 24:24

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽxguma nüxü̃́ natauxchagu, rü ngẽmamaxã tá tüxü̃ nawomüxẽẽgü rü woo ya yíxema duü̃xẽgü ya Tupana tüxü̃ dexe.

Ore i mexü̃ ga Matéu ümatüxü̃ 28:19

Rü ñu̱xma rü chanaxwa̱xe i guxü̃ i nachixü̃anewa pexĩ i guxü̃ i duü̃xü̃gütanüwa. ¡Rü chorü duü̃xü̃güxü̃ peyaxĩgüxẽxẽ̱x! ¡Rü ípenabaiü̃xẽxẽ chauégagu rü Chaunatüégagu rü Naãxẽ ya Üünexü̃égagu!

Ore i mexü̃ ga Matéu ümatüxü̃ 7:23

Natürü ngẽxguma i choma rü tá ñachagürü nüxü̃: ‘Taguma pexü̃ chacua̱x nax chorü duü̃xü̃gü pixĩgüxü̃. ¡Rü choxna pixĩgachi i pema i chixexü̃arü üruü̃gü!’ ñachagürü tá.

Ore i mexü̃ ga Matéu ümatüxü̃ 7:25

Rü pucü ga tacü ínangu, rü narübaigü ga natügü, rü nixũũchi ga tacü ga buanecügü rü gumá ĩgu nanguema. Natürü gumá ĩ rü tama niwa̱xtaü̃ yerü nutaétügu naxǘ.

Ore i mexü̃ ga Márcu ümatüxü̃ 12:16

Rü yéma naxü̃tawa ngĩxü̃ nangegü ga wüxitachinü ga diẽru. Rü Ngechuchu rü ñanagürü nüxü̃: —¿Texéchicüna̱xã rü texééga nixĩ i ngĩgu üxü̃? —ñanagürü. Rü nümagü nanangãxü̃gü, rü ñanagürügü: —Rómacüã̱x ya ãẽ̱xgacüchicüna̱xã nixĩ —ñanagürügü.

Ore i mexü̃ ga Márcu ümatüxü̃ 13:22

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽmaãcü, ega nüxü̃́ natauxchagu, rü tá tüxü̃ nawomüxẽẽgü woo ya yíxema duü̃xẽgü ya Tupanatama tüxü̃ dexe.

Ore i mexü̃ ga Luca ümatüxü̃ 13:27

Natürü nüma rü tá pexü̃ nangãxü̃ rü ñanagürü tá: “Marü pemaxã nüxü̃ chixu rü tama pexü̃ chacua̱x nax ngextácüã̱xgü pixĩgüxü̃. ¡Rü ípixĩ i nua chauxü̃tawa i guxãma i pemax, Pa Chixexü̃gu Maxẽxü̃x!” ñanagürü tá.

Ore i mexü̃ ga Luca ümatüxü̃ 6:48

Rü tüma rü wüxi ga yatü ga üpatacü rü yama̱xmaü̃cü ga norü caxta ñu̱xmata nutawa nangucürüxü̃ tixĩ. Rü yexguma nama̱xgu ga taxtü rü yabaixü̃gu ga napata, rü woo nax naporaü̃chíüxü̃, rü tama niwa̱xtaü̃, yerü meama inapugüarü caxtaã̱x ga guma ĩ.

Ore i mexü̃ ga Cuáü̃ ümatüxü̃ 10:14

Choma nixĩ i carnérugüarü dauruxü̃ ya mecü chixĩxü̃. Rü ngẽxgumarüxü̃ ya Chaunatü nax choxü̃ nacuáxü̃ rü choma rü Chaunatüxü̃ nax chacuáxü̃, rü ngẽxgumarüxü̃ ta nüxü̃ chacua̱x i chorü carnérugü, rü nümagü rü choxü̃ nacua̱xgü. Rü choma rü naxca̱x chayu i chorü carnérugü.

Ore i mexü̃ ga Cuáü̃ ümatüxü̃ 13:18

Rü tama guxãma i pechiga nixĩ i chidexaxü̃. Erü choma rü tüxü̃ chacua̱x rü texégü tixĩ ya yíxema tüxü̃ chidexechixe. Natürü tá ningu i ngẽma Tupanaarü ore i ümatüxü̃ i ñaxü̃: “Yíxema chomaxã chibüxe rü chomaxã tarüxuanü”, ñaxü̃.

Ore i mexü̃ ga Cuáü̃ ümatüxü̃ 3:33

Natürü ngẽxguma texé nüxü̃́ yaxõxgu i norü ore, rü tanango̱xẽxẽ nax aixcüma yixĩxü̃ i ngẽma Tupana nüxü̃ ixuxü̃.

Ngechuchuarü ngúexü̃gü ga yamugüxü̃arü puracüchiga 11:26

Rü yexguma nüxü̃ iyangauxgu, rü Antioquíawa nanaga. Rü wüxi ga taunecü wüxiwa yéma nayexmagü namaxã ga yema yaxõgüxü̃. Rü nanangúexẽxẽ ga muxũchixü̃ma ga duü̃xü̃gü. Rü Antioquíawa nixĩ ga inaxügüxü̃ nax Cristutanüxü̃maxã nax naxugüãxü̃ ga yema yaxõgüxü̃.

Ngechuchuarü ngúexü̃gü ga yamugüxü̃arü puracüchiga 15:17

Rü ngẽmaãcü tá nüxü̃ charüngü̃xẽxẽxü̃ nax ngẽma duü̃xü̃gü i tama Yudíugü ixĩgüxü̃ rü cha̱u̱xca̱x nadaugüxü̃ca̱x, wüxigu namaxã i chorü duü̃xü̃gü i Yudíugü i choma chadexü̃.

Ngechuchuarü ngúexü̃gü ga yamugüxü̃arü puracüchiga 9:14

Rü ñu̱xma rü chacherdótegüarü ãẽ̱xgacügüarü mumaxã núma naxũ nax ínayauxü̃ãxü̃ca̱x i guxü̃ma i duü̃xü̃gü i cuégagu yumüxẽgüxü̃ —ñanagürü.

Romanos 11:2

Rü nũxcümamatama Tupana Iraétanüxü̃maxã inaxuneta nax norü duü̃xü̃gü yixĩgüxü̃ca̱x, rü ñu̱xma rü tama Yudíugüxü̃ naxo. ¿Tama ẽ̱xna nüxü̃ pecua̱x nax ñuxũ ñaxü̃ ga Tupanaarü orearü uruxü̃ ga Ería? Rü Tupanaarü orewa nüxü̃ tadaugü rü Ería rü Tupanape̱xewa poraãcü yema Yudíugüxü̃ nixugü.

Romanos 12:9

Rü name nixĩ i aixcüma meama pegü pengechaü̃gü i wüxichigü. ¡Rü nüxü̃ pexo i guxü̃ma i ta̱xacü i chixexü̃ ixĩxü̃! ¡Rü nagu pexĩ i ngẽma aixcüma mexü̃ ixĩxü̃!

Romanos 15:20

Rü yemaacü chapuracü nax nüxü̃ chixuxü̃ca̱x i Tupanaarü ore i mexü̃ i ngextá taguma ñuxgu Cristuchigaxü̃ ínaxĩnüexü̃wa ga duü̃xü̃gü. Erü tama chanaxwa̱xe nax marü togü nüxü̃ íxuxü̃wa rü duü̃xü̃gü marü nüxü̃ ícuáxü̃wa nüxü̃ chixuxü̃ i ngẽma ore. Erü tama chanaxwa̱xe i chayoxnie i togüarü puracü.

Romanos 15:9

Rü yexgumarüxü̃ ta ga Cristu rü núma naxũ naxca̱x i ngẽma duü̃xü̃gü i tama Yudíugü ixĩgüxü̃ nax nümagü rü ta Tupanaxü̃ yacua̱xüü̃güxü̃ca̱x naxca̱x nax nüxü̃́ nangechaü̃tümüxü̃güxü̃. Rü yemachiga nixĩ ga yema Tupanaarü ore ga Dabí ümatüxü̃ ga ñaxü̃: “Rü ngẽmaca̱x guxü̃ i nachixü̃anecüã̱x i duü̃xü̃güpe̱xewa tá cuxü̃ chicua̱xüxü̃. Rü chorü wiyaemaxã rü tá cuégaxü̃ chicua̱xüxü̃”, ñaxü̃.

Romanos 8:28

Rü nüxü̃ tacua̱x rü tümaarü mexü̃ca̱x nixĩ ya Tupana ínangu̱xẽẽxü̃ i guxü̃ma i ngẽma tüxü̃ üpetüxü̃ ya yíxema nüxü̃ ngechaü̃güxe ga nüma nagu naxĩnüxü̃ca̱x tüxü̃ nadexe.

Romanos 9:11

Natürü yexguma tauta nabuegu rü taxuxü̃ma ga mexü̃ rü ẽ̱xna chixexü̃ naxüegu ga yema ngĩnegü, rü Rebécamaxã nidexa ga Tupana, rü ñanagürü: “Rü ngẽma nüxíra buxü̃ i cune, rü ngẽma wixweama buxü̃arü duü̃xü̃ tá nixĩ”, ñanagürü ngĩxü̃. Rü yema dexa rü namaxã nawüxigu i Tupanaarü ore i ümatüxü̃ i ñaxü̃: “Marü chanayaxu ya Acóbu, natürü nüxü̃ chaxo ya Echaú”, ñaxü̃. Rü yemaacü ga Tupana rü ngĩmaxã nanango̱xẽxẽ nax naxme̱xwa nangẽxmaxü̃ nax tüxü̃ nayaxuxü̃ ya yíxema woetama nüxü̃́ ngúchaü̃xẽ nax tümaca̱x naca̱xaxü̃, tama nagu naxĩnüãcüma i ta̱xacürü mexü̃ rü ẽ̱xna ta̱xacürü chixexü̃ nax taxüxü̃.

1 Corintios 8:3

Natürü ngẽxguma texé aixcüma Tupanaxü̃ ngechaü̃gu, rü Tupana rü tüxü̃ nacua̱x.

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

Gálatas 4:9

Natürü i ñu̱xma nax Tupanaxü̃ pecuáxü̃ rü nüma nax pexü̃ nacuáxü̃, rü ¿tü̱xcüü̃ wena naxca̱x pewoeguchaü̃ i ngẽma mugü i ñoma i naanemaxã icua̱xgüxü̃? ¿Rü tü̱xcüü̃ penaxwa̱xe nax wena natüü̃wa pegü pengẽxmagüxẽẽxü̃ i ngẽma mugü i tama aixcüma poraexü̃ i natüca̱xmamare ixĩgüxü̃?

Efesios 2:20

Pema rü ñoma wüxi ya ĩpata ya mexü̃nerüxü̃ pixĩgü. Rü yima ĩpata namaxã ixügüne nixĩ i norü ngu̱xẽẽtae ga yema ngúexü̃gü ga Tupana imugüxü̃ rü yema norü orearü uruü̃gü. Rü nüma ya Cristu nixĩ ya yimá nüxíraü̃cü ya nuta ga naétüwa inaxügücü ya yimá ĩpata.

Efesios 3:15

Rü nüma nixĩ i Tanatü yixĩxü̃ i guxãma i yixema nax norü duü̃xü̃gü ixĩgüxü̃ i ñoma i naanewa rü daxũguxü̃ i naanewa ngẽxmagüxü̃.

Efesios 4:30

¡Rü pexuãxẽgü nax tama penangechaü̃xẽẽxü̃ca̱x i Tupanaãxẽ ya Üünecü! Erü yimá nixĩ ya Tupana pexna namucü nax nüxü̃ pecuáxü̃ca̱x nax aixcüma norü duü̃xü̃gü pixĩgüxü̃ ñu̱xmatáta ngẽma ngunexü̃ i nagu pexca̱x núma naxũxü̃ ya Cristu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:19

Rü ngẽmaãcü tá nüxü̃́ nangẽxma i norü mexü̃gü i daxũguxü̃ i naanewa, rü tá nanayauxgü i maxü̃ i aixcüma ixĩxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 11:10

Rü nüma ga Abráü̃, rü woo ĩpata ga naxchirunaxca̱xmaxãmare yema naanegu naxãpata, natürü ínanangu̱xẽxẽ nax nawa tá nanguxü̃ ya yima ĩane ya taguma iyarüxoxü̃ne ya nüma ya Tupana norü ĩnümaxã daxũguxü̃ i naanewa naxüxü̃ne.

Norü taxre ga popera ga Pedru ümatüxü̃ 3:14

Rü ngẽmaca̱x, Pa Chauenexẽgü ya Pexü̃ Changechaü̃güxe, rü ñu̱xma nax ípenangu̱xẽẽxü̃ i ngẽma, rü name nixĩ i pora pexüe nax Tupanape̱xewa taxuwama nachixexü̃ca̱x i perü maxü̃ rü Tupanamaxã petaãẽgüxü̃ca̱x i ngẽxguma wena núma naxũxgu.

Nüxíraxü̃xü̃ ga popera ga Cuáü̃ ümatüxü̃ 2:19

Rü ngẽma Cristuarü uanügü rü tatanüwatama nangẽxmagüchire̱x, natürü tama aixcüma tatanüxü̃ nixĩgü, erü ngẽxguma chi tatanüxü̃ yixĩgügu rü tatanügu chitama narücho. Natürü marü tatanüwa ínachoxü̃ nax meama nangóxü̃ca̱x nax tama aixcüma tatanüxü̃ yixĩgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:8

Rü ngẽma ngo̱xo i nüxü̃ cudauxü̃, rü yema nixĩ ga nũxcüma maxü̃xü̃ natürü marü yuxü̃ rü ngẽma ãxmaxü̃ i taxuguma iyacuáxü̃wa ngẽxmaxü̃. Natürü tá ínaxũxũ nawa i ngẽma ãxmaxü̃ naxü̃pa nax ngẽma nachica i guxü̃gutáma nagu napoxcuxü̃wa naxũxü̃. Rü ngẽma ngo̱xomaxã tá naba̱i̱xãchiãẽgü i ngẽma duü̃xü̃gü i ñoma i naanewa maxẽxü̃ i noxritama naane ixügügu tama nawa ngo̱xégagüxü̃ i Tupanaarü popera i nagu naxümatüxü̃ i naéga i ngẽma maxü̃ nüxü̃ ngẽxmagüxü̃. Rü ngẽmaãcü i ngẽma duü̃xü̃gü i tama nawa ngo̱xégagüxü̃ i Tupanaarü popera rü tá naba̱i̱xãchie i ngẽxguma nüxü̃ nada̱u̱xgu i ngẽma ngo̱xo ga nũxcüma maxü̃xü̃ rü marü yuxü̃, natürü wena tá ínguxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:13

Choma nüxü̃ chacua̱x nax yima ĩane ya Chataná namaxã icuáxü̃newa nax cumaxü̃xü̃. Natürü woo ngẽxma nax cuxãchiü̃xü̃, rü tama choxna quixũgachi. Rü woo yexguma chorü orearü uruxü̃ ga mecü ga Antípaxü̃ yama̱xgügu nagu ga guma ĩane ga nawa Chataná duü̃xü̃gümaxã icuáxü̃ne, rü tama nüxü̃ curüxo nax choxü̃́ cuyaxõõmaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:14

Rü guma ĩanearü poxeguxü̃ rü 12 ga nuta ga taxüchicüétüwa inaxügü. Rü wüxichigü ga gumá 12 ga nutagüwa nango̱xéga ga yema 12 ga norü ngúexü̃gü ga gumá Carnéruxacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:4

Rü mea tá nachiwexüchixü̃ nadaugü, rü nacatügüwa tá nangẽxma i naéga.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:8

Rü ñanagürü i nümax: ‘Choma nüxü̃ chacua̱x i guxü̃ma i ngẽma cuxüxü̃. Rü cuxca̱x chayawãxna i wüxi ya ĩã̱x rü taxucürüwa texe cuxcha̱xwa tanawãta. Rü choma nüxü̃ chacua̱x nax tama cuporaxüchixü̃, natürü naga cuxĩnü i chorü ore, rü tama icuyacu̱x nax chorü duü̃xü̃ quixĩxü̃.