Norü taxre ga popera ga Timutéuca̱x naxümatüxü̃ ga Pauru 2:15 - Tupanaarü Ore

¹⁵ ¡Rü mea naxü i Tupanaarü puracü nax cumaxã nataãẽxü̃ca̱x i ngẽxguma nape̱xewa cunguxgux rü ngẽmaãcü taxuca̱xma cuxãnexü̃ca̱x i ngẽxguma nüma cuxna nacaxgu naxca̱x i curü puracü! Rü ngẽmaca̱x name i aixcüma mea namaxã cungúexẽẽtae i ngẽma ore i mexü̃ i aixcüma ixĩxü̃.

Norü taxre ga popera ga Timutéuca̱x naxümatüxü̃ ga Pauru 2:15 Iomraidhean Croise

Ore i mexü̃ ga Matéu ümatüxü̃ 13:52

Rü yexguma ga Ngechuchu rü ñanagürü nüxü̃: —Rü guxü̃ma i ngúexẽẽruxü̃ i Tupanaarü mugüwa ngu̱xẽẽtaexü̃ rü nanaxwa̱xe nax mea nüxü̃ nacuáxü̃ i ngẽma nũxcümaü̃xü̃ i Tupanaarü ore rü ñaa ngexwaca̱xü̃xü̃ i chorü ore, ngẽxgumarüxü̃ i wüxi i yatü i norü taxepatawa duü̃xü̃güca̱x inawéxü̃ i norü ngẽmaxü̃gü i ngexwacaxü̃güxü̃ rü norü ngẽmaxü̃gü i nũxcümaü̃güxü̃ —ñanagürü ga Ngechuchu.

Ore i mexü̃ ga Márcu ümatüxü̃ 4:33

Rü Ngechuchu rü yemaacü nanangúexẽxẽ ga muxü̃ma ga cua̱xruü̃gü ga ñaarüxü̃ ixĩgüxü̃ ñu̱xmata nüxü̃ yacua̱xãchitanü ga duü̃xü̃gü nax ta̱xacüchiga yixĩgüxü̃.

Ore i mexü̃ ga Luca ümatüxü̃ 12:42

Rü ñanagürü ga Cori ga Ngechuchu: —¿Rü texé tixĩxü̃ ya yíxema tümaarü coriarü duü̃xẽ ya mea yanguxexẽ́xẽ i tümaarü puracü rü mea tümaãẽxü̃ cuáxe rü tümaarü cori tüxna ãgaxe nax mea nüxna tadauxü̃ca̱x i norü duü̃xü̃gü rü mea oragu tanachibüexẽẽxü̃ca̱x?

Ngechuchuarü ngúexü̃gü ga yamugüxü̃arü puracüchiga 2:22

Rü ñanagürü ta ga Pedru: —Pa Duü̃xü̃gü Pa Iraétanüxü̃x, ¡iperüxĩnüe i ñaa ore! Rü pema rü meama nüxü̃ pecua̱x rü Ngechuchu ga Nacharétucüã̱x rü gumá nixĩ ga Tupana pepe̱xewa pora nüxna ãcü. Rü nüma ga Tupana rü nüxü̃ nanaxüxẽxẽ ga muxü̃ma ga mexü̃gü ga cua̱xruü̃gü. Rü pema rü meama nüxü̃ pecua̱x i ngẽma.

Ngechuchuarü ngúexü̃gü ga yamugüxü̃arü puracüchiga 20:27

Erü marü meama pemaxã nüxü̃ chixu i guxü̃ma i ngẽma Tupana pexü̃́ naxwa̱xexü̃, rü taxuxü̃ma ichicu̱x.

Romanos 14:18

Rü yíxema ngẽmaãcü Cristuca̱x maxü̃́xẽ, rü Tupana rü tümamaxã nataãxẽ, rü duü̃xü̃gü rü ta tümamaxã nataãẽgü.

Romanos 16:10

¡Rü nüxü̃ perümoxẽgü ya Apére ya aixcüma tüxü̃ nüxü̃ dauxẽẽcü nax Cristuaxü̃́ yaxõõxü̃! ¡Rü ngẽxgumarüxü̃ ta nüxü̃ perümoxẽgü i Aritóburotanüxü̃!

Romanos 6:13

Rü tama name i pecaduna penaxãgü i pexene nax ngẽmamaxã chixexü̃ pexügüxü̃ca̱x. Rü name nixĩ i Tupanana pegü pexãgü, erü ñoma duü̃xü̃gü i yuexü̃ rü wena maxẽxü̃rüxü̃ pixĩgü. Rü ngẽmaca̱x name nixĩ i Tupanana penaxãgü i pexene nax ngẽmamaxã nape̱xewa mexü̃ pexügüxü̃ca̱x.

1 Corintios 2:6

Natürü pemaxã nüxü̃ chixu, rü ngẽxguma natanüwa tangexmagu i ngẽma marü meama yaxõgüxü̃, rü ngẽxguma nixĩ i nüxü̃ cua̱xüchixü̃ãcü tanangúexẽẽxü̃ i ngẽma ore. Natürü ngẽma cua̱x rü tama ñoma i naanewa ne naxũ, rü bai i ñoma i naanearü ãẽ̱xgacügü i paxa tá iyarüxoxü̃wa ne naxũ.

2 Corintios 10:18

Rü tama yíxema tügütama icua̱xüxü̃xe tixĩ ya Tupanape̱xewa mexe, natürü yíxema tórü Cori tüxü̃ icua̱xüxü̃xe tixĩ ya aixcüma Tupanape̱xewa mexe.

2 Corintios 3:6

Rü nümatama ya Tupana nixĩ i toxü̃ nangúexẽẽxü̃ nax nüxü̃́ tapuracüexü̃ca̱x rü nüxü̃ tixuxü̃ca̱x i ngẽma ngexwaca̱xü̃xü̃ i norü uneta i tama Moichéarü mugüwa ne daxü̃ natürü Tupanaãxẽ i Üünexü̃wa ne ũxü̃. Rü yema mugü ga Moiché ümatüxü̃ rü yuwa tüxü̃ nagagü, natürü Tupanaãxẽ ya Üünecü rü tüxna nanaxã i maxü̃ i taguma gúxü̃.

2 Corintios 4:2

Rü yemaca̱x nüxü̃ tarüxoe ga guxü̃ma ga yema chixexü̃ i ãne tüxna ãxü̃ rü yema cúãcü üxü̃. Rü tama tanawomüxẽẽãcüma nixĩ i namaxã nüxü̃ tixuxü̃ i ore rü tama tanaxüchicüü i ngẽma ore. Rü yema ore i aixcüma ixĩxü̃xicatama nixĩ i nüxü̃ tixuxü̃. Rü ngẽmaãcü Tupanape̱xewa rü duü̃xü̃güpe̱xewa togü itawe̱x nax nüxü̃ nacua̱xgüxü̃ca̱x nax aixcüma yixĩxü̃ i ngẽma nüxü̃ tixuxü̃.

2 Corintios 5:9

Rü ngẽmaca̱x, woo ñoma i toxonewa tangexmagügu rüẽ̱xna tama nawa tangexmagügu, rü tanaxwa̱xe nax guxü̃guma tórü Coriarü ngúchaü̃ taxügüxü̃. Rü ngẽmaca̱x naxca̱x tadaugü nax tanaxüxü̃ i ngẽma nanaxwa̱xexü̃ i nümax.

Gálatas 1:10

Rü choma rü tama naxca̱x chadau nax duü̃xü̃gü chomaxã taãẽgüxü̃, natürü Tupana chomaxã taãẽxü̃ca̱x nixĩ i chadauxü̃. Erü ngẽxguma chi duü̃xü̃güxü̃ chataãẽxẽẽchaü̃gu, rü taxũchima Cristuarü puracütanüxü̃ chixĩ.

Efesios 1:13

Rü yexgumarüxü̃ ta ga pema i Epéchiucüã̱xgü, rü yexguma nüxü̃ pexĩnüegu i ngẽma ore i aixcüma ixĩxü̃ i tüxü̃ maxẽxẽẽxü̃, rü Cristuaxü̃́ peyaxõgü. Rü yexguma ga Tupana rü pexna nanamu ga Naãxẽ ya Üünexü̃ nax wüxi i cua̱xruxü̃ yixĩxü̃ca̱x nax aixcüma norü duü̃xü̃gü pixĩgüxü̃.

1 Tesalonicenses 2:4

Yerü Tupana nixĩ ga toxü̃ unetacü rü toxü̃ mucü nax pemaxã nüxü̃ tixuxü̃ca̱x ga norü ore i tüxü̃ maxẽxẽẽxü̃. Rü yemaca̱x Tupana naxwa̱xexü̃ãcüma pemaxã nüxü̃ tixu ga yema ore. Rü tama duü̃xü̃güxü̃mare nax tataãẽxẽẽgüxü̃ca̱x pemaxã nüxü̃ tixu, natürü nüxü̃ tixu nax Tupanaxü̃ tataãẽxẽẽgüxü̃ca̱x. Rü nüma ya Tupana nixĩ i nangugüãxü̃ i ngẽma nagu rüxĩnüexü̃.

1 Tesalonicenses 5:14

Rü pemaxã nüxü̃ tixu ta nax penaxucu̱xẽgüxü̃ i ngẽma duü̃xü̃gü i oexü̃ i tama puracüechaü̃xü̃. ¡Rü nüxü̃́ penangúchaü̃xẽẽgü i ngẽma duü̃xü̃gü i marü nüxü̃ rüxoechaü̃xü̃ nax yaxõgüãxü̃! ¡Rü nüxü̃ perüngü̃xẽxẽgü i ngẽma duü̃xü̃gü i turaexü̃ i norü õwa! ¡Rü yáxna namaxã pexĩnüe i guxü̃ma i ngẽma taenexẽgü!

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:6

Rü ngẽxguma ngẽma cumaxã nüxü̃ chixuxü̃ i oremaxã cunangúexẽẽgu i taenexẽ i yaxõgüxü̃, rü Ngechuchu ya Cristuarü mugüruxü̃ ya mecü tá quixĩ. Rü ngẽxguma nawa cungúechagu i ngẽma ore i marü quixõxü̃, rü ngẽxguma nagu quixũẽchagu i ngẽma mexü̃ i ngu̱xẽẽtae i marü nagu quixũxü̃, rü ngẽxguma tá nixĩ i wüxi ya mecü ya Ngechuchu ya Cristuarü mugüruxü̃ quixĩxü̃.

Popera ga Yudíugü ga yaxõgüxü̃ca̱x ümatüxü̃ 4:11

Rü ngẽmaca̱x name nax yigü iporaãẽxẽẽxü̃ nax yaxõgüxü̃ rü naga ixĩnüexü̃ nax ichocuxü̃ca̱x i ngextá Tupana tüxü̃ írüngü̃güxẽẽxü̃wa. Erü tama tanaxwa̱xe nax texé ngürüãchi yema nũxcümaü̃güxü̃ ga duü̃xü̃gü ga tama Tupanaga ĩnüexü̃rüxü̃ norü orexü̃ taxoxü̃.

Popera ga Chantiágu ümatüxü̃ 1:12

Rü tataãxẽ ya yíxema yáxna namaxã ĩnüxe i ngẽxguma ta̱xacü tüxna ĩnügu. Erü ngẽxguma yáxna namaxã taxĩnügu, rü Tupana tá tümamaxã nataãxẽ rü tá tüxna nanaxã i norü ãmare i maxü̃ i taguma gúxü̃. Rü ngẽma nixĩ i ãmare ya Tupana tümamaxã ixunetaxü̃ ya yíxema nüxü̃ ngechaü̃güxe.

Popera ga Chantiágu ümatüxü̃ 1:18

Rü nüma nixĩ ga tüxna naxããxü̃ ga norü ore i aixcüma ixĩxü̃ nax ngẽmaãcü tüxü̃́ nangẽxmaxü̃ca̱x i maxü̃ i taguma gúxü̃. Rü yemaacü nanaxü yerü nanaxwa̱xe nax yixíra nüxü̃́ nax yaxõgüxü̃.

Norü taxre ga popera ga Pedru ümatüxü̃ 1:10

Rü ngẽmaca̱x, Pa Chauenexẽgüx ya Tupana Pexü̃ Dexe Nax Norü Duü̃xü̃gü Pixĩgüxü̃x, rü name i pora pexügü nax nagu pexĩxü̃ i ngẽma pemaxã nüxü̃ chixuxü̃. Rü ngẽxguma ngẽmaãcü pemaxẽgu rü tagutáma chixexü̃gu peyi rü tagutáma Tupanaxü̃ ípeta̱x.

Norü taxre ga popera ga Pedru ümatüxü̃ 1:15

Rü ñoma rü ta nax chamaxü̃xü̃, rü mea pexü̃ chixucu̱xẽgü nax ngẽxguma chayuxguwena rü guxü̃guma nüxna pecua̱xãchiexü̃ca̱x i ngẽma chorü ucu̱xẽgü.

Norü taxre ga popera ga Pedru ümatüxü̃ 3:14

Rü ngẽmaca̱x, Pa Chauenexẽgü ya Pexü̃ Changechaü̃güxe, rü ñu̱xma nax ípenangu̱xẽẽxü̃ i ngẽma, rü name nixĩ i pora pexüe nax Tupanape̱xewa taxuwama nachixexü̃ca̱x i perü maxü̃ rü Tupanamaxã petaãẽgüxü̃ca̱x i ngẽxguma wena núma naxũxgu.