Norü taxre ga popera ga Timutéuca̱x naxümatüxü̃ ga Pauru 2:11 - Tupanaarü Ore

¹¹ Rü ngẽma ore i cumaxã nüxü̃ chixuxü̃ rü aixcüma nixĩ. Rü ngẽxguma Cristu yuxü̃rüxü̃ iyuegu, rü naxrüxü̃ tá ta wena tamaxẽ nax nüma ínangexmaxü̃wa imaxẽxü̃ca̱x.

Norü taxre ga popera ga Timutéuca̱x naxümatüxü̃ ga Pauru 2:11 Iomraidhean Croise

Ore i mexü̃ ga Cuáü̃ ümatüxü̃ 14:19

Rü paxa tá nixĩ nax taxũtáma choxü̃ nadaugüxü̃ i ñoma i naanecüã̱x i duü̃xü̃gü. Natürü i pema rü tá choxü̃ pedaugü. Rü choma rü chamaxü̃ rü ngẽmaca̱x tá pemaxẽ i pema.

Romanos 6:5

Rü ñu̱xma nax Cristumaxã wüxigu nayuxü̃ ga tacüma ga nũxcümaü̃xü̃, rü nüxü̃ tacua̱x nax aixcüma Cristumaxã tüxü̃́ nangẽxmaxü̃ i maxü̃ i ngexwaca̱xü̃xü̃.

Romanos 6:8

Rü ñu̱xma nax Cristumaxã nayuxü̃ ga tórü maxü̃ ga nũxcümaü̃xü̃, rü nüxü̃ tacua̱x nax Cristurüxü̃ tüxü̃́ nangẽxmaxü̃ i maxü̃ i ngexwaca̱xü̃xü̃.

2 Corintios 13:4

Rü aixcüma nixĩ ga Cristu ga ñoma wüxi ga duü̃xü̃ ga turaxü̃rüxü̃ nügü yaxĩxẽẽxü̃ ga yexguma curuchawa yapotagu. Natürü i ñu̱xma rü Tupanaarü poragagu namaxü̃. Rü ngẽxgumarüxü̃ ta i toma rü taturae i toxonewa. Natürü ñu̱xma nax norü duü̃xü̃gü tixĩgüxü̃, rü Tupanaarü poragagu tá tamaxẽ nax pexü̃ tarüngü̃xẽẽgüxü̃ca̱x.

2 Corintios 4:10

Rü guxü̃wama i ngextá ítaxĩxü̃wa rü guxü̃guma Ngechuchurüxü̃ yuwa tangexmagü, natürü ngẽmaãcü itanawe̱x nax towa namaxü̃xü̃ ya Ngechuchu.

1 Tesalonicenses 4:17

Rü ngẽmawena i yixema nax imaxẽxü̃ rü tá wüxigu caixanexü̃gu tüxü̃ nigagü namaxã i ngẽma duü̃xü̃gü i yuwa írüdagüxü̃. Rü ngẽmaãcü tá daxũgu tórü Corixü̃ tayangaugü nax guxü̃gutáma naxü̃tawa ingexmagüxü̃ca̱x.

1 Tesalonicenses 5:10

Rü Ngechuchu ya Cristu rü taxca̱x nayu nax wüxigu namaxã imaxẽxü̃ca̱x i daxũguxü̃ i naanewa. Rü woo marü iyueyane ínanguxgu rüẽ̱xna imaxẽyane ínanguxgu, rü wüxiwa tá namaxã tamaxẽ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:15

Rü ñaa ore i pemaxã nüxü̃ chixuxü̃ rü aixcümaxü̃chi nixĩ, rü name nax guxãma yaxõgüxü̃. Rü aixcüma Ngechuchu ya Cristu rü ñoma ga naanewa nangu nax namaxẽxẽẽãxü̃ca̱x i pecaduã̱xgüxü̃. Rü ngẽmatanüwa rü choma nixĩ ga guxü̃arü yexera nax chixexü̃ chaxüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:1

Rü pemaxã nüxü̃ chixuxchaü̃ i wüxi i ore i aixcüma ixĩxü̃. Rü ngẽxguma chi texé naxwa̱xegu nax yaxõgüxü̃arü ãẽ̱xgacü tixĩxü̃, rü mexü̃ i puracü nixĩ i naxca̱x tadauxü̃.

Popera ga Títoca̱x naxümatüxü̃ ga Pauru 3:8

Rü guxü̃ma i ngẽma marü cumaxã nüxü̃ chixuxü̃ rü aixcüma nixĩ. Rü ngẽmaca̱x chanaxwa̱xe i guxü̃guma nüxü̃ quixu i ngẽma ore nax aixcüma mexü̃ naxügüxü̃ca̱x i ngẽma duü̃xü̃gü i Tupanaaxü̃́ yaxõgüxü̃. Erü ngẽma ore rü guxü̃wama name i guxãca̱x.