Norü taxre ga popera ga Timutéuca̱x naxümatüxü̃ ga Pauru 1:16 - Tupanaarü Ore

¹⁶ Onechíferu rü mue̱xpü̱xcüna choxü̃ nataãẽxẽxẽ, rü tama cha̱u̱xca̱x naxãne i ngẽma nax chapoxcuxü̃. Rü ngẽmaca̱x chanaxwa̱xe i tórü Coriaxü̃́ nangechaü̃tümüü̃gü i guxü̃ma i natanüxü̃ i Onechíferu.

Norü taxre ga popera ga Timutéuca̱x naxümatüxü̃ ga Pauru 1:16 Iomraidhean Croise

2 Chamué 2:6

¡Rü Tupana rü pemaxã namecüma rü pemaxã nixaixcüma! Rü chomax rü tá ta pemaxã chamecüma naxca̱x ga yema mexü̃ ga pexüxü̃.

Neemía 13:14

¡Pa Chorü Tupanax, nüxna nacua̱xãchi i guxü̃ma i ngẽma chaxüxü̃! Rü tama name i nüxü̃ curüngü̃ma i guxü̃ma i ngẽma mexü̃ i cupata ya taxü̃neca̱x rü curü cua̱xüxü̃ca̱x chaxüxü̃.

Neemía 13:22

Rü yemawena rü chanamu ga Lebítanüxü̃ nax Tupanaca̱x nügü yamexẽẽgüxü̃ca̱x rü nüxna nax nadaugüxü̃ca̱x ga ĩanearü ĩã̱xgü nax tama nachocuxü̃ca̱x ga yema taxetanüxü̃, rü duü̃xü̃gü naxauregüãxü̃ca̱x ga ngü̃xchigaarü ngunexü̃. ¡Pa Chorü Tupana, choxna nacua̱xãchi naxca̱x i ngẽma chaxüxü̃, rü cuxü̃́ chaxauxãchitümüxü̃! Erü cuma rü cumecümaxü̃chi.

Neemía 13:31

Rü yema üxüarü yauxruü̃gü rü mea ichayanu, nax yemaacü nüxü̃ nacua̱xgüxü̃ca̱x nax ñuxgu tá nawa yanguchigüxü̃ i üxüarü yaxu. Rü mea ichananu nax ñuxgu tá duü̃xü̃gü inaxãgüxü̃ i nüxíraxü̃xü̃ i nanetüarü o. Rü yemawena rü Tupanaxü̃ ñachagürü: —¡Choxna nacua̱xãchi, Pa Corix, rü choxü̃ rüngü̃xẽxẽ! —ñachagürü.

Neemía 5:19

¡Pa Chorü Cori ya Tupanax, nüxna nacua̱xãchi i ngẽma guxü̃ma i mexü̃ i ñaa duü̃xü̃güca̱x chaxüxü̃ rü choxna naxã i curü ngü̃xẽxẽ!

Wiyaegü 18:25

Rü cumax, Pa Cori Pa Tupanax, rü tümamaxã quixaixcüma ya yíxema aixcüma cuga ĩnüxe. Rü cuxü̃́ tangechaü̃tümüxü̃ ya yíxema tümamücü tüxü̃́ ngechaü̃tümü̃xẽ.

Wiyaegü 37:26

Rü nüma ya yimá yatü ya mecü rü guxü̃guma duü̃xẽ nüxü̃́ tangechaü̃tümüxü̃ rü tüxna nanaxã ega ta̱xacüca̱x nüxna tacagügu. Rü nanegü rü norü taãẽxẽẽruxü̃ nixĩgü.

Yeremía 39:17

Natürü i choma rü tá cuxü̃ íchapoxü̃ nax tama naxme̱xgu cunguxü̃ca̱x i ngẽma duü̃xü̃gü i nüxü̃ cumuü̃xü̃.

Ore i mexü̃ ga Matéu ümatüxü̃ 25:17

Rü yexgumarüxü̃ ta ga yema norü duü̃xü̃ ga 2,000 tachinü ga diẽru ngĩxü̃ yaxuxü̃, rü ngĩmaxã napuracü, rü nai ga 2,000 tachinü ngĩmaxã nayaxu.

Ore i mexü̃ ga Matéu ümatüxü̃ 5:7

Tataãẽgü ya yíxema togü tüxü̃́ ngechaxü̃tümüxü̃güxe, erü tümagü rü tá ta Tupanaaxü̃́ tangechaxü̃tümüxü̃gü.

Ngechuchuarü ngúexü̃gü ga yamugüxü̃arü puracüchiga 21:33

Rü yexguma ga gumá ãẽ̱xgacü rü Pauruca̱x nixũ rü nayayaxu. Rü nanamu nax taxre ga cadénamaxã yana̱i̱xgüãxü̃ca̱x. Rü nüxna naca nax texé yixĩxü̃, rü ta̱xacü naxüxü̃.

Ngechuchuarü ngúexü̃gü ga yamugüxü̃arü puracüchiga 28:20

Rü ngẽmaca̱x nixĩ i pexca̱x nua changemaxü̃ nax pexü̃ chadauxü̃ca̱x rü pemaxã chidexaxü̃ca̱x. Pema nüxü̃ pecua̱x rü yixema i Iraétanüxü̃ rü ítanangu̱xẽxẽ nax ínanguxü̃ ya Cristu. Rü yimá Cristuca̱x nixĩ i choma i ñu̱xma i daa cadénamaxã chináixü̃ —ñanagürü.

Efesios 6:20

Rü Tupana rü choxü̃́ ningucuchixẽxẽ nax nachicüü duü̃xü̃gümaxã nüxü̃ chixuxü̃ca̱x i norü ore. Rü ngẽma oregagu nixĩ i chapoxcuxü̃ i ñu̱xmax. ¡Rü cha̱u̱xca̱x peyumüxẽgü nax tama chamuü̃ãcüma nüxü̃ chixuxü̃ca̱x i ngẽma norü ore!

Norü taxre ga popera ga Timutéuca̱x naxümatüxü̃ ga Pauru 1:12

Rü ngẽmaca̱x nixĩ i ngúxü̃ chingexü̃ rü chapoxcuxü̃ i ñu̱xmax. Natürü tama naxca̱x chaxãne i ngẽma, erü choma nüxü̃ chacua̱x nax texéaxü̃́ chayaxõxü̃. Rü nüxü̃ chacua̱x nax naporaxü̃ i nüma nax nüxna nadauxü̃ca̱x i ngẽma puracü i choxna naxãxü̃ ñu̱xmatáta ngẽma ngunexü̃ i nagu wena núma naxũxü̃.

Norü taxre ga popera ga Timutéuca̱x naxümatüxü̃ ga Pauru 1:17

Rü yexguma noxritama Rómawa nanguxgu ga nümax, rü cha̱u̱xca̱x nadauecha rü ñu̱xmata choxü̃ iyangau.

Norü taxre ga popera ga Timutéuca̱x naxümatüxü̃ ga Pauru 1:18

Cuma meama nüxü̃ cucua̱x nax poraãcü tüxü̃ nangü̃xẽẽxü̃ ga Onechíferu ga Epéchiuarü ĩanewa. Rü ngẽmaca̱x chorü yumüxẽwa naxca̱x íchaca nax Tupanaaxü̃́ nangechaü̃tümüxü̃xü̃ca̱x i ngẽxguma wena ñoma i naanewa naxũxgu ya tórü Cori ya Ngechuchu.

Norü taxre ga popera ga Timutéuca̱x naxümatüxü̃ ga Pauru 1:8

Rü tama chanaxwa̱xe nax cuxãnexü̃ nax nüxü̃ quixuxü̃ i tórü Corichiga. Rü ngẽxgumarüxü̃ ta tama chanaxwa̱xe nax cha̱u̱xca̱x cuxãnexü̃ i ñu̱xma nax chapoxcuxü̃ naxca̱x i Tupanaarü ore. Rü name nixĩ i yáxna namaxã cuxĩnü i ngẽma ngúxü̃ i cuxca̱x ínguxü̃ nagagu i ngẽma ore i mexü̃ i nüxü̃ quixuxü̃. Rü Tupana tá cuxü̃ naporaxẽxẽ.

Norü taxre ga popera ga Timutéuca̱x naxümatüxü̃ ga Pauru 4:19

Chanaxwa̱xe i chauégagu nüxü̃ curümoxẽ i Prichíra, rü Aquíra, rü Onechíferutanüxü̃.

Popera ga Filemúü̃ca̱x naxümatüxü̃ ga Pauru 1:20

Rü ngẽmaãcü, Pa Chauenexẽ, rü chanaxwa̱xe nax tórü Cori i tüxü̃ ngechaü̃xü̃gagu cha̱u̱xca̱x cunaxü i ngẽma ngü̃xẽxẽ. Rü chanaxwa̱xe i choxü̃ cutaãẽxẽxẽ, erü chauenexẽ i Cristuaxü̃́ yaxõxü̃ quixĩ.

Popera ga Filemúü̃ca̱x naxümatüxü̃ ga Pauru 1:7

Rü choma rü poraãcü chataãẽxü̃chi erü aixcüma nüxü̃ cungechaü̃ i ngẽma yaxõgüxü̃. Erü cugagu nixĩ, Pa Chauenexẽx, nax nataãẽgüxü̃ i ngẽma yaxõgüxü̃.

Popera ga Yudíugü ga yaxõgüxü̃ca̱x ümatüxü̃ 10:34

Rü pema rü pexü̃́ nangechaü̃tümüü̃gü ga yema petanüxü̃ ga yaxõgüxü̃ ga poxcupataü̃wa yexmagüxü̃. Rü taãẽãcüma yáxna namaxã pexĩnüe ga yema tama yaxõgüxü̃ ga pexna napuxü̃xü̃ ga perü yemaxü̃gü. Rü tama naxca̱x pexoegaãxẽ, yerü meama nüxü̃ pecua̱x rü daxũguxü̃ i naanewa pexü̃́ nangẽxma i ngẽmaarü yexera ixĩxü̃ i tagutáma gúxü̃.

Popera ga Yudíugü ga yaxõgüxü̃ca̱x ümatüxü̃ 6:10

Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Rux 1:8

Natürü ga namawa rü ngĩnea̱xgüxü̃ ngĩgürügü: —¡Ẽcü pewoegu rü peéxü̃tawa pexĩ! ¡Rü Cori ya Tupana guxü̃guma mea pexü̃ ngechaü̃ yema choxü̃ rü chaunegüxü̃ mea pengechaxü̃xü̃rüxü̃, rü pexü̃́ natauxchaxẽẽã nax wena mea pixãtegüxü̃, rü ngẽmaãcü petaãẽgüxü̃ca̱x! —ngĩgürügü. Rü ñu̱xmachi ga Noemí rü wüxi ga chúxumaxã ngĩnea̱xgüxü̃ irümoxẽ. Natürü ga ngĩma ga ngĩnea̱xgü rü ixauxeama.