Norü taxre ga popera ga Timutéuca̱x naxümatüxü̃ ga Pauru 1:10 - Tupanaarü Ore

¹⁰ Rü yexguma ínanguxgu ga tórü Maxẽxẽẽruxü̃ ga Ngechuchu ya Cristu, rü yexguma nixĩ ga Tupana tüxü̃ nüxü̃ dauxẽẽxü̃ nax ñuxãcü poraãcü tüxü̃ nangechaü̃xü̃. Rü Cristu nixĩ ga iyanaxoxẽẽcü ga yuarü pora, rü norü orewa tüxü̃ nüxü̃ nacua̱xẽxẽ nax yixema rü ta tüxü̃́ nangẽxmaxü̃ i maxü̃ i taguma gúxü̃ ega nüxü̃́ yaxõgügu.

Norü taxre ga popera ga Timutéuca̱x naxümatüxü̃ ga Pauru 1:10 Iomraidhean Croise

Ichaía 43:3

Rü choma nixĩ i perü Cori ya perü maxẽxẽẽruxü̃ chixĩxü̃, Pa Iraétanüxü̃x. Rü choma nixĩ i perü Tupana ya Üünecü chixĩxü̃. Rü choma nixĩ ga ãẽ̱xgacü ga Chírume̱xẽgu chayixẽẽxü̃ ga perü uanügü ga Equítuanecüã̱xgü rü Etiopíaanecüã̱xgü rü Chabáanecüã̱xgü nax yemaacü naxme̱xwa ípenguxü̃xü̃ca̱x ga pemax.

Ichaía 45:15

Rü Ichaía rü ñanagürü: —Pa Tupanax, tama cuxü̃ tadau, natürü cuma nixĩ i ícunanguxü̃xẽẽxü̃ i Iraétanüxü̃.

Ichaía 45:21

Rü pema nax naxchicüna̱xãgümaxã petupanaã̱xgüxü̃ rü name nax pegüna pecagüxü̃ rü choxü̃ penawéxü̃ i ta̱xacüwa pexü̃ nangü̃xẽẽxü̃ i ngẽma perü tupanagü i nainaxca̱x. ¿Rü texé tixĩ ga noxriarü ügügu naxü̃pa nüxü̃ ixuxe i ngẽma tá ngupetüxü̃? ¿Rü texé tixĩ ga nũxcüma nüxü̃ ixuxe ga yema? ¿Rü tama ẽ̱xna choma ya Cori ya Tupana yixĩxü̃? Rü nataxuma i to ya Tupana, rü chaxicatama nixĩ i choxü̃́ nangẽxmaxü̃ i pora nax pexü̃ chimexẽẽgüxü̃ rü pexü̃ íchanguxü̃xẽẽxü̃.

Ochéa 13:14

¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.

Ore i mexü̃ ga Luca ümatüxü̃ 11:36

Ngẽxguma ngóonexü̃wa cungexmagu rü cuwa natauxgu i ẽanexü̃, rü curü maxü̃ rü mexü̃wa tá nangẽxma ñoma wüxi i omü i cuxü̃ báxixü̃rüxü̃ —ñanagürü.

Ore i mexü̃ ga Luca ümatüxü̃ 13:7

Rü yemaca̱x yema norü duü̃xü̃ ga norü naanena dauxü̃xü̃ ñanagürü: “Dücax, tomaepü̱x ya taunecü guxü̃guma íchayadauxü̃ i ñaa igu, rü taguma naxo. Rü ngẽmaca̱x chanaxwa̱xe nax cuyadaxüchixü̃ nax tama natüca̱xma nua naanewa naxĩaneã̱xü̃ca̱x”, ñanagürü nüxü̃.

Ore i mexü̃ ga Luca ümatüxü̃ 2:11

Erü ñu̱xma rü Dabíarü ĩane ya Beréü̃gu nabu ya wüxi ya maxẽxẽẽruxü̃. Rü nüma rü Cori ya Cristu nixĩ.

Ore i mexü̃ ga Cuáü̃ ümatüxü̃ 1:9

Rü ñoma ga naanewa nangu ya Tupana Nane ya omü ixĩcü ya guxü̃ma i duü̃xü̃güca̱x nangóonexẽẽcü.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Ore i mexü̃ ga Cuáü̃ ümatüxü̃ 20:31

Natürü guxü̃ma ga yema Ngechuchu üxü̃ rü ñaa poperagu naxümatü nax peyaxõgüxü̃ca̱x nax Ngechuchu rü Tupana Nane ya Cristu nax yixĩxü̃ rü ngẽxguma nüxü̃́ peyaxõgügu pexü̃́ nangẽxmaxü̃ca̱x i maxü̃ i taguma gúxü̃.

Ore i mexü̃ ga Cuáü̃ ümatüxü̃ 4:42

Rü yexguma ga yema duü̃xü̃gü rü ñanagürügü ngĩxü̃ ga yema ngecü: —Ñu̱xma waxi nixĩ i aixcüma nüxü̃́ tayaxõgüxü̃ erü tomatama nüxü̃ taxĩnüe i ngẽma norü ore i tomaxã nüxü̃ yaxuxü̃. Rü ngẽmawa nüxü̃ tacua̱x nax aixcüma yimá yixĩxü̃ ya Cristu ya ñoma i naanecüã̱x i duü̃xü̃güarü maxẽxẽxẽruxü̃. Rü tama ngẽma cuma tomaxã nüxü̃ quixuxü̃ca̱xicatama tayaxõgü —ñanagürügü.

Ngechuchuarü ngúexü̃gü ga yamugüxü̃arü puracüchiga 13:23

Rü nũxcüma ga Tupana rü marü inaxuneta rü wüxi i Dabítaxa tá nixĩ i Cristu ixĩxü̃, rü tá nanamaxẽxẽxẽ i Iraétanüxü̃. Rü Ngechuchu nixĩ ga gumá Maxẽxẽẽruxü̃ ga tórü o̱xigümaxã nüxü̃ yaxucü ga Tupana.

Ngechuchuarü ngúexü̃gü ga yamugüxü̃arü puracüchiga 5:31

Natürü Tupana rü nüxü̃ nicua̱xüxü̃, rü nügüarü tügünecüwawa nanatoxẽxẽ. Rü duü̃xü̃güarü Ãẽ̱xgacü rü Maxẽxẽxẽruxü̃ nayangucuchixẽxẽ nax Iraétanüxü̃xü̃ nangü̃xẽxẽxü̃ca̱x nax nüxü̃ naxoexü̃ca̱x i norü chixexü̃gü, rü Tupana nüxü̃́ nüxü̃ rüngü̃maxü̃ca̱x i norü pecadugü.

Romanos 2:7

Rü maxü̃ i taguma guxü̃maxã Tupana tá tüxü̃́ nanaxütanü ya yíxema guxü̃guma mexü̃ taxügüãcüma naxca̱x daugüxe nax Tupana tümamaxã taãẽxü̃ rü naxca̱x daugüxe nax Tupanaxü̃tawa tangugüxü̃.

Romanos 3:31

Rü ñu̱xma nax Cristuaxü̃́ yaxõgüxü̃, rü bexmana nagu perüxĩnüe nax taxuwama namexü̃ i ngẽma mugü ga Moiché ümatüxü̃. Natürü tama ngẽmaãcü nixĩ. Erü ñu̱xma nax Cristuaxü̃́ yaxõgüxü̃ rü aixcüma tayanguxẽxẽ i ngẽma mugü.

Romanos 6:6

Rü nüxü̃ tacua̱x rü yema tórü maxü̃ ga nũxcümaü̃xü̃ rü Cristumaxã wüxigu curuchagu nayu nax yexma yanaxoxü̃ca̱x ga yema tacüma ga chixexü̃. Rü ñu̱xma rü tama pecadutüü̃wa tangexmagü, rü ngẽmaca̱x marü tama naga taxĩnüe.

1 Corintios 15:26

Rü ngẽma nawa iyacuáxü̃ i norü uanü i tá nüxü̃ naporamaexü̃, rü yu nixĩ.

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

2 Corintios 5:4

Rü ñaa toxone i ñu̱xma toxü̃́ ngẽxmaxü̃wa tamaxẽyane rü tanaxĩ̱xãchiãẽgü rü yáxna tarüngü rü tama aixcüma tataãẽgü. Rü tama ítanatáxchaü̃ i toxone i ñoma i naanewa toxü̃́ ngẽxmaxü̃, natürü tanaxwa̱xegü nax tanayaxuxü̃ i toxone i ngexwaca̱xü̃xü̃ nax ngẽmaãcü ngẽma maxü̃ i ngexwaca̱xü̃xü̃ iyanaxoxẽẽxü̃ca̱x i toxone i ñu̱xma toxü̃́ ngẽxmaxü̃.

Gálatas 5:4

Rü pema i nagu rüxĩnüexe nax Tupanape̱xewa pimexü̃ ega nagu pexĩxgu i ngẽma mugü, rü pemaxã nüxü̃ chixu rü marü Cristuna pixĩgachi. Rü ngẽxgumarüxü̃ ta nüxü̃ pexoe i ngẽma ngechaü̃ ga Tupana namaxã pexü̃ ngechaü̃xü̃.

Efesios 1:18

Rü Tupanana naxca̱x chaca nax nümatama pexü̃ yango̱xnaãẽxẽẽxü̃ca̱x, nax nüxü̃ pecuáxü̃ca̱x nax ta̱xacü yixĩxü̃ i ngẽma ípenangu̱xẽẽxü̃ i naxca̱x pexca̱x naca̱xaxü̃ rü pexü̃ nadexü̃. Rü nüxna naxca̱x chaca nax pexü̃ nüxü̃ nacua̱xẽẽxü̃ca̱x nax namexẽchixü̃ i ngẽma maxü̃ i taguma gúxü̃ i nüma norü duü̃xü̃güca̱x namexẽẽxü̃ i daxũguxü̃ i naanewa.

Efesios 1:9

Rü tüxü̃ nüxü̃ nacua̱xẽxẽ ga norü ngúchaü̃ ga noxri nüxicatama nüxü̃ nacuáxü̃. Rü yema norü ngúchaü̃ ga nũxcümaxü̃chima Cristumaxã nagu naxĩnüxü̃ ga Tupana, rü yema nixĩ ga ñoma ga naanewa nax namuaxü̃ nax tüxü̃ yamaxẽxẽẽxü̃ca̱x.

2 Tesalonicenses 2:8

Rü ngẽxguma ngẽma ínachaxãchixẽẽxü̃ nüxna ixũgachigu, rü tá ínangu i ngẽma Tupanaarü uanü. Natürü nüma ya tórü Cori ya Ngechuchu rü ngẽxguma ínanguxgu rü wüxi i “cue”, ñaxü̃maxã tá nayama̱x. Rü norü ya̱u̱xracüümaxã tá inayanaxoxẽxẽ i ngẽma norü uanü.

Norü taxre ga popera ga Timutéuca̱x naxümatüxü̃ ga Pauru 1:1

Pa Timutéux, choma i Pauru nixĩ i cuxca̱x chanaxümatüxü̃ i ñaa popera. Rü choxü̃ nixĩ ga namuxü̃ ga Ngechuchu ya Cristu, yerü yemaacü nanaxwa̱xe ga Tupana. Rü nüma choxü̃ namu nax nüxü̃ chixuxü̃ca̱x nax aixcüma tüxü̃́ nangẽxmaxü̃ i maxü̃ i taguma gúxü̃, ega Ngechuchu ya Cristuaxü̃́ yaxõgügu.

Norü taxre ga popera ga Timutéuca̱x naxümatüxü̃ ga Pauru 1:8

Rü tama chanaxwa̱xe nax cuxãnexü̃ nax nüxü̃ quixuxü̃ i tórü Corichiga. Rü ngẽxgumarüxü̃ ta tama chanaxwa̱xe nax cha̱u̱xca̱x cuxãnexü̃ i ñu̱xma nax chapoxcuxü̃ naxca̱x i Tupanaarü ore. Rü name nixĩ i yáxna namaxã cuxĩnü i ngẽma ngúxü̃ i cuxca̱x ínguxü̃ nagagu i ngẽma ore i mexü̃ i nüxü̃ quixuxü̃. Rü Tupana tá cuxü̃ naporaxẽxẽ.

Norü taxre ga popera ga Timutéuca̱x naxümatüxü̃ ga Pauru 4:1

Nüma ya Ngechuchu ya Cristu ya núma tá ũcü nax nüxü̃ yacagüxü̃ca̱x i ngẽma duü̃xü̃gü i maxẽxü̃ rü ngẽma marü yuechiréxü̃, rü yimápe̱xewa rü Tupanape̱xewa cuxü̃ chamu nax nüxü̃ quixuxü̃ca̱x i ngẽma ore i mexü̃. Rü ngẽxguma cuxü̃́ natauxchagu rü woo tama cuxü̃́ natauxchagu, ¡rü nayoxnie nax nüxü̃ quixuamaxü̃ i ngẽma ore! Rü ngẽmaãcü chanaxwa̱xe nax icuyanawe̱xãchixẽẽgüxü̃ rü mea cuyaxucu̱xẽgüxü̃ rü nüxü̃́ cunangúchaü̃xẽẽxü̃ i duü̃xü̃gü. Rü name nixĩ i yáxna namaxã cuxĩnüãcüma mea cunangúexẽxẽ.

Norü taxre ga popera ga Timutéuca̱x naxümatüxü̃ ga Pauru 4:8

Rü ñu̱xma rü marü ínamemare i ngẽma ãmare i mexẽchixü̃ ya tórü Cori ya Ngechuchu ya ãẽ̱xgacü ya mecü tá choxna ãxü̃ i ngẽxguma wenaxarü ñoma i naanewa naxũxgu. Rü taxũtáma chaxica choxna nanaxã i ngẽma ãmare, natürü tá tüxna nanaxã ya guxãma ya yíxema tümaarü ngúchaü̃maxã ínangu̱xuxẽẽgüxe nax wenaxarü núma naxũxü̃.

Popera ga Títoca̱x naxümatüxü̃ ga Pauru 2:11

Tupana rü poraãcüxüchima tamaxã namecüma, rü yemaca̱x núma nanamu ga Nane nax guxü̃ma i duü̃xü̃güaxü̃́ nangẽxmaxü̃ca̱x i maxü̃ i taguma gúxü̃.

Popera ga Títoca̱x naxümatüxü̃ ga Pauru 2:13

Rü name nax ngẽmaãcü mea imaẽxü̃ ñu̱xma nax ínangu̱xẽẽgüxü̃ nax nataeguxü̃ ya Ngechuchu ya Cristu ya tórü Maxẽxẽxẽruxü̃ ya tórü Tupana ya tacü ixĩcü.

Popera ga Títoca̱x naxümatüxü̃ ga Pauru 3:4

Natürü nüma ya Tupana ya tórü Maxẽxẽxẽruxü̃ rü tüxü̃ nanawe̱x i norü mecüma rü norü ngechaü̃ naxca̱x i guxü̃ma i duü̃xü̃gü.

Popera ga Yudíugü ga yaxõgüxü̃ca̱x ümatüxü̃ 10:32

Rü name nixĩ i nüxna pecua̱xãchie ga yexguma noxri Cristuxü̃ peyauxgügu rü nüxü̃́ peyaxõgügu rü pema rü mea peyaxõgüama rü tama Cristuna pixĩgachi woo nax taxü̃ ga guxchaxü̃gü pexca̱x íngugüxü̃.

Norü taxre ga popera ga Pedru ümatüxü̃ 1:1

Pa Chauenexẽgüx, choma i Chimóü̃ i Pedru ya Ngechuchu ya Cristuarü puracütanüxü̃ chixĩ, rü nüma nixĩ ga choxü̃ namuxü̃ nax nüxü̃ chixuxü̃ca̱x i norü ore. Rü ñu̱xma i choma rü pexü̃ charümoxẽ i pema i toxrüxü̃ mea yaxõgüxe erü tórü Tupana ya Ngechuchu ya Cristu ya tórü Maxẽxẽẽruxü̃ rü pemaxã namecümaxüchi.

Norü taxre ga popera ga Pedru ümatüxü̃ 1:11

Rü ngẽmaãcü ya Tupana, rü tá mea pexca̱x nayawãxna i ĩã̱x nax tauxchaãcü pichocuxü̃ca̱x i ngextá guxü̃gutáma ãẽ̱xgacü íyixĩxü̃wa ya tórü Cori ya Ngechuchu ya Cristu ya tórü Maxẽxẽẽruxü̃.

Norü taxre ga popera ga Pedru ümatüxü̃ 1:3

Rü yexguma Tupana noxrütama poramaxã tüxü̃ nüxü̃ nacua̱xẽẽgu ga gumá tórü Cori ya mexẽchicü ga norü üünemaxã tüxü̃ decü, rü nüma ya Tupana rü marü tüxna nanaxã ga guxü̃ma i nacüma i mexü̃ i inaxwa̱xexü̃ nax mea naxca̱x imaxẽxü̃ca̱x.

Norü taxre ga popera ga Pedru ümatüxü̃ 2:20

Rü guxãma ya yíxema marü tórü Cori ya Ngechuchu ya Cristu ya tórü Maxẽxẽẽruü̃xü̃ yauxgüxe, rü marü nawa ítanguxü̃ i ñoma i naanearü chixexü̃gü. Natürü ngẽxguma chi wenaxarü naxca̱x tawoegugu i ngẽma chixexü̃ i nawa ítanguxü̃chiréxü̃, rü aixcüma noxriarü yexera tichixe.

Norü taxre ga popera ga Pedru ümatüxü̃ 3:18

Rü ngẽmaca̱x, Pa Chauenexẽgüx, penaxwa̱xe nax pegü peporaexẽẽxü̃ nax wüxichigü i ngunexü̃ yexeraãcü tórü Cori ya Ngechuchu ya Cristu ya tórü Maxẽxẽẽruü̃xü̃ pecuáxü̃ca̱x rü yexeraãcü nüxü̃ picuáetanüxü̃ca̱x nax aixcüma pexü̃ nangechaü̃xü̃. ¡Rü ngẽmaca̱x name i ñu̱xma rü guxü̃gutáma nüxü̃ ticua̱xüxü̃gü! Rü ngẽmaãcü yixĩ.

Norü taxre ga popera ga Pedru ümatüxü̃ 3:2

Rü chanaxwa̱xe i nüxna pecua̱xãchie i ngẽma ore ga nũxcümaü̃güxü̃ ga Tupanaarü orearü uruü̃gü ga ixüünexü̃ nüxü̃ ixugügüxü̃. Rü ngẽxgumarüxü̃ ta chanaxwa̱xe i nüxna pecua̱xãchie i ngẽma tórü Cori ya Ngechuchu ya tórü Maxẽxẽẽruü̃arü mugü ga pexü̃ nangúexẽẽxü̃ ga norü orearü uruü̃gü ga nüma pexü̃tawa namugüxü̃.

Nüxíraxü̃xü̃ ga popera ga Cuáü̃ ümatüxü̃ 1:2

Rü yimá maxẽxẽxẽruxü̃ rü toxü̃ nügü nawe̱x. Rü nüxü̃ tadaugü rü ngẽmaca̱x pemaxã nüxü̃ tixuchiga ya yimá tüxna naxãcü i maxü̃ i taguma gúxü̃. Rü noxri rü Nanatüxü̃tawa nayexma, natürü ñoma ga naanewa nangu rü toxca̱x nango̱x.

Nüxíraxü̃xü̃ ga popera ga Cuáü̃ ümatüxü̃ 4:14

Rü tomatama nüxü̃ tadaugü rü nüxü̃ tixuchigagü nax Tanatü ya Tupana núma namuxü̃ ga Nane nax guxü̃ma i duü̃xü̃güxü̃ namaxẽxẽẽxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:1

Rü yemawena nüxü̃ chadau ga wüxi ga to ga orearü ngeruxü̃ ga daxũguxü̃ ga naanewa írüxĩxü̃. Rü nüma rü taxü̃ ga pora nüxü̃́ nayexma. Rü norü ya̱u̱xracüüxü̃maxã nangóone ga ñoma ga naane.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:7

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i chixexü̃ rü tá tüxü̃ chanangõ̱xẽxẽ i norü o i ngẽma ori̱x i tüxü̃ maxẽxẽxẽxü̃ i Tupanaarü ori̱xnecüwa ngẽxmaxü̃’ ”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:14

Rü yemawena rü yema yu rü yema yuexü̃chica rü guma naxtaxa ga üxümaxã iya̱u̱xrachiünewa nawoü̃. Rü ngẽma nixĩ i poxcu i taguma iyacuáxü̃ naxca̱x i ngẽma duü̃xü̃gü i tama Tupanaga ĩnüexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:14

Rü tataãẽgü ya guxãma ya yíxema ya mexẽẽgüxe i tümaarü maxü̃ ñoma tügü tiyauxgüchiruxü̃rüxü̃ nax Tupanape̱xewa timexü̃ca̱x nax yima ĩanearü ĩã̱xwa tichocuxü̃ca̱x rü nüxü̃ tangõ̱xnetagüxü̃ca̱x i ngẽma norü o i ngẽma nai i maxẽẽruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:17

Rü Tupanaãxẽ ya Üünecü rü guxü̃ma i yaxõgüxü̃, rü Ngechuchuxü̃ ñanagürügü: “¡Nua naxũ!” ñanagürügü. Rü yíxema nüxü̃ ĩnüxe i ñaa ore, rü: “¡Nua naxũ!” ñatagügü. Rü yíxema ita̱xawaxe rü tüxü̃́ nachi̱xégaxe, rü name nixĩ i nua taxũ rü tüxü̃́ nangetanüãcüma nawa taxaxe i ngẽma dexá i maxẽẽruxü̃.