Norü taxre ga popera ga Timutéuca̱x naxümatüxü̃ ga Pauru 1:1 - Tupanaarü Ore1 Pa Timutéux, choma i Pauru nixĩ i cuxca̱x chanaxümatüxü̃ i ñaa popera. Rü choxü̃ nixĩ ga namuxü̃ ga Ngechuchu ya Cristu, yerü yemaacü nanaxwa̱xe ga Tupana. Rü nüma choxü̃ namu nax nüxü̃ chixuxü̃ca̱x nax aixcüma tüxü̃́ nangẽxmaxü̃ i maxü̃ i taguma gúxü̃, ega Ngechuchu ya Cristuaxü̃́ yaxõgügu. Faic an caibideil |
Norü taxre ga popera ga Timutéuca̱x naxümatüxü̃ ga Pauru 1:1
29 Iomraidhean Croise
Aixcüma pemaxã nüxü̃ chixu rü yíxema texé ya choxü̃́ irüxĩnüxe i chorü ore, rü nüxü̃́ yaxṍxe ya yimá Chaunatü ya núma choxü̃ mucü, rü tüxü̃́ nangẽxma i maxü̃ i taguma gúxü̃. Rü Chaunatü rü taxũtáma tümamaxã nanaxuegu nax tapoxcuxü̃, erü marü nüxna ítanguxuchi nax tayuxü̃, rü tüxü̃́ nangẽxma i maxü̃ i taguma gúxü̃.
Pa Chauenexẽgü i Coríntiucüã̱xgüx i Yaxõgüxü̃x, choma i Pauru rü namaxã i taenexẽ i Chótene nixĩ i pexü̃ tarümoxẽgüxü̃. Rü choma nixĩ ya Tupana norü ngúchaü̃maxã choxü̃ yaxuxü̃ nax Ngechuchu ya Cristu norü puracüwa choxü̃ muxü̃ca̱x. Rü pema rü marü Tupanape̱xewa pixüüne yerü Ngechuchu ya Cristu marü pexü̃ nixüünexẽxẽ. Rü Tupana rü marü pexü̃ nade nax norü duü̃xü̃gü pixĩgüxü̃ca̱x wüxigu namaxã i guxü̃ma i ngẽma duü̃xü̃gü i guxü̃wama tórü Cori ya Ngechuchu ya Cristuxü̃ icua̱xüü̃güxü̃. Rü nüma ya Ngechuchu ya tórü Cori ixĩcü, rü ngẽma duü̃xü̃güarü Cori rü ta nixĩ.
Pa Chauenexẽgü i Tupanaaxü̃́ Yaxõgüxü̃ i Coríntiuwa, rü Guxü̃ma i Acáyaanewa Ngẽxmagüxü̃, choma i Pauru nixĩ i pexü̃ charümoxẽxü̃ rü pexca̱x chanaxümatüxü̃ i ñaa popera wüxigu namaxã i taenexẽ i Timutéu. Rü choma nixĩ ya Tupana norü ngúchaü̃maxã choxü̃ unetaxü̃ nax Ngechuchu ya Cristu choxü̃ imuxü̃ca̱x nax norü orexü̃ chixuxü̃ca̱x.
Rü ñu̱xma rü Tupanape̱xewa rü nüetama nixĩ ega woo Yudíugü pixĩgügu rü ẽ̱xna tama. Rü nüetama ega woo wüxi i coriarü duü̃xü̃gü pixĩgügu rü ẽ̱xna taxúearü duü̃xü̃gü pixĩgügu. Rü nüetama ega woo piyatügu rü ẽ̱xna pingexgu. Erü ñu̱xma nax Ngechuchu ya Cristuarü duü̃xü̃gü nax pixĩgüxü̃, rü wüxitama i duü̃xü̃ pixĩgü i guxãma i pemax.
Rü ngẽma ĩnü ga noxri Tupanaxicatama nüxü̃ cuáxü̃ nixĩ nax ngẽma ore i mexü̃maxã Tupana nüxna uxü̃ i guxü̃ma i duü̃xü̃gü i tama Yudíugü ixĩgüxü̃ nax Ngechuchu ya Cristuaxü̃́ yaxõgüãxü̃ca̱x rü nayauxgüãxü̃ca̱x i maxü̃ i taguma gúxü̃. Rü ñu̱xma rü Cristugagu ngẽma duü̃xü̃gü i tama Yudíugü ixĩgüxü̃ rü Yudíugümaxã wüxitama i duü̃xü̃gü nixĩgü. Rü ngẽma tama Yudíugü ixĩgüxü̃ca̱x nixĩ i ngẽma Tupanaarü unetagü ga noxri Iraétanüxü̃maxã nüxü̃ yaxuxü̃.
Rü yexguma ínanguxgu ga tórü Maxẽxẽẽruxü̃ ga Ngechuchu ya Cristu, rü yexguma nixĩ ga Tupana tüxü̃ nüxü̃ dauxẽẽxü̃ nax ñuxãcü poraãcü tüxü̃ nangechaü̃xü̃. Rü Cristu nixĩ ga iyanaxoxẽẽcü ga yuarü pora, rü norü orewa tüxü̃ nüxü̃ nacua̱xẽxẽ nax yixema rü ta tüxü̃́ nangẽxmaxü̃ i maxü̃ i taguma gúxü̃ ega nüxü̃́ yaxõgügu.
Rü Tupana tüxü̃ namaxẽxẽxẽ rü tüxü̃ nade nax naxca̱xicatama imaxẽxü̃ca̱x. Natürü tama ta̱xacürü mexü̃ nax ixügüxü̃gagu nixĩ ga yemaacü tamaxã namecümaxü̃ ga Tupana. Natürü tamaxã namecüma yerü woetama yema nixĩ ga norü ngúchaü̃ rü naxü̃pa nax naane naxüxü̃ rü Ngechuchu ya Cristugagu tüxü̃ nangechaxü̃.
Rü ñu̱xma nax tórü pecaduca̱x nayuxü̃ ga Ngechuchu ya Cristu, rü nüma nixĩ i tórü ngü̃xẽẽruxü̃ i Tupanape̱xewa, ngẽma Tupanaarü uneta i ngexwaca̱xü̃xü̃ nüxü̃ ixuxü̃rüxü̃. Rü ñu̱xma i yixema nax Tupana tüxü̃ dexü̃, rü tüxü̃́ nangẽxma i maxü̃ i taguma gúxü̃ yerü Cristu rü marü nayu nax tüxü̃ ínanguxü̃xẽxẽxü̃ ga yema pecadugü ga taxügüxü̃ ga yexguma yema nüxíraxü̃xü̃ ga unetatüxü̃wa tayexmagügu.
Sanasan