Norü taxre ga popera ga Pedru ümatüxü̃ 3:5 - Tupanaarü Ore

^5-6 Natürü ngẽma duü̃xü̃gü i ngẽmaãcü idexagüxü̃ rü tama nüxü̃ nacua̱xgüchaü̃ nax nũxcümaxü̃chima nayexmaxü̃ i guxü̃ma i daxũwa nüxü̃ idauxü̃ rü marü nayexmaxü̃ ga ñoma ga naane ga Tupana dexáwa ngo̱xẽẽxü̃ ga yexguma namuãgu. Rü ñu̱xma rü ta i ñoma i naane rü dexáarü ngãxü̃tüchíüwa nangẽxma, yerü yemaacü namaxã nanaxuegu ga Tupana. Rü gumá mucü ga tacüarü dexámaxã narüxo ga guxü̃ma ga ta̱xacü ga ñoma ga naanewa yexmaxü̃.

Norü taxre ga popera ga Pedru ümatüxü̃ 3:5 Iomraidhean Croise

Naanearü ügüchiga 1:6

Rü yemawena rü ñanagürü ga Tupana: —¡Name nixĩ i ngẽma dexá i cherena ixĩxü̃ rü nachü̱xüxnagü nax tama ngẽma dexá i ñaxtüwa ngẽxmaxü̃na yaxũxü̃ca̱x, rü ngẽmaãcü nax naxãchicaanexü̃ca̱x i norü ngãxü̃wa! —ñanagürü. Rü yemaacü nixĩ.

Naanearü ügüchiga 1:9

Rü yexguma ga Tupana rü ñanagürü: —¡Ñaa dexá i waixü̃müétüwa ngẽxmaxü̃ rü wüxiwa naxũ nax ngẽmaãcü nangóxü̃ca̱x i paanexü̃! —ñanagürü. Rü yemaacü nixĩ.

Wiyaegü 136:6

Rü nüma nixĩ ga dexáétüwa nango̱xẽẽãxü̃ ga waixü̃mü. Erü ngẽma norü ngechaü̃ rü taguma inayagu̱x.

Wiyaegü 24:2

Yerü nüma nixĩ ga naxüaxü̃ ga ñoma ga naane. Rü nüma nixĩ ga naxüchicaaxü̃ ga márgü rü taxtügü nax yemaacü nangóxü̃ca̱x ga paanexü̃.

Wiyaegü 33:6

Rü nüma ga Cori ya Tupana rü norü dexamaxã nanaxü ga daxũguxü̃ i naane rü norü cue ñaxü̃maxã nanaxü ga guxü̃ma i ẽxtagü i ngéma ngẽxmagüxü̃.

Ucu̱xẽgüchiga 17:16

Ngẽma duü̃xü̃ i tama naãẽxü̃ cuáxü̃, ¿rü ta̱xacüwa nüxü̃́ namexü̃ nax nadiẽruã́xü̃ nax ngẽmamaxã naxca̱x nataxexü̃ca̱x i cua̱x? Erü ngẽma cua̱x rü taxuwama nüxü̃́ name i wüxi i duü̃xü̃ i tama naãẽxü̃ cuáxü̃.

Romanos 1:28

Rü yema nax tama Tupanaxü̃ nacua̱xgüchaü̃xü̃, rü yemaca̱x ga nüma ga Tupana rü düxwa nanayexrü ga yema duü̃xü̃gü nax norü chixexü̃gu naxĩnüexü̃ca̱x rü naxügüã̱xü̃ca̱x ga yema chixexü̃.

Colosenses 1:17

Rü naxü̃pa ga guxü̃ma, rü nüma ga Cristu rü marü nüxíra nayexma. Rü nüma nixĩ i mea inanuãxü̃ i guxü̃ma rü namaxã inacuáxü̃.

Popera ga Yudíugü ga yaxõgüxü̃ca̱x ümatüxü̃ 11:3

Rü ngẽma tórü õgagu nixĩ i nüxü̃ icuáxü̃ nax aixcüma yixĩxü̃ nax Tupana rü norü oremaxãmare nango̱xẽẽãxü̃ ga ñoma ga naane rü üa̱xcü rü tauemacü rü woramacurigü rü ẽxtagü. Rü yemaacü ga Tupana, rü ngürüwa nanango̱xẽẽmare ga guxü̃ma i ngẽma ñu̱xma nüxü̃ idauxü̃.