Norü taxre ga popera ga Pedru ümatüxü̃ 3:12 - Tupanaarü Ore

¹² Rü name nixĩ i mea ípenangu̱xẽxẽ i ngẽma ngunexü̃ i nagu tá ínanguxü̃ ya tórü Cori. Rü ngẽma ngunexü̃gu rü guxü̃ma i daxũwa nüxü̃ idauxü̃ rü tá nixa rü tá inachaxichigü. Rü ñoma i naane rü üa̱xcü rü tauemacü rü ẽxtagü rü woramacurigü rü yima üxümaxã tá inachaxichigü.

Norü taxre ga popera ga Pedru ümatüxü̃ 3:12 Iomraidhean Croise

Wiyaegü 50:3

Rü nüma ya tórü Tupana rü nua naxũ. Natürü tama bexma ínangu erü nape̱xewa nangẽxma i wüxi i üxüema i guxü̃xü̃ma ixaxẽẽxü̃, rü nacüwawa nangẽxma ya buanecü ya taxüchicü.

Ichaía 24:19

Erü ñoma i naane rü poraãcütama naxĩã̱xãchiane, rü tá nawǘxcuane rü tá narüwĩ́ẽmüane.

Ichaía 34:4

Rü yimá üa̱xcü rü tauemacü rü ẽxtagü rü tá inadexgü. Rü ngẽma ya̱u̱xtüweanexü̃ rü ñoma wüxi i poperarüxü̃ tá nadixcumü. Rü yima ẽxtagü rü tá narüyi. Rü ñoma úbaatügü i paxü̃ rüyi̱xü̃rüxü̃ tá nixĩgü. Rü ngẽma iguatügü i paxü̃ rüyi̱xü̃rüxü̃ tá nixĩgü.

Miquéa 1:4

Rü yima nawa yangachigüne ya ma̱xpǘnegü rü tá nadexe ñoma wera i guxü̃rüxü̃, rü tá narüpüxtegü ñoma dexá i poraü̃chiüxü̃ ngategü üxü̃rüxü̃. Rü ngẽmaãcü tá nixĩ i ngẽxguma núma naxũxgu ya Tupana.

Ore i mexü̃ ga Matéu ümatüxü̃ 16:27

Erü Tupana Nane ya duü̃xü̃xü̃ ixĩcü rü wena táxarü núma naxũ. Rü Chaunatü ya Tupanaarü poramaxã rü daxũcüã̱x i orearü ngeruü̃gümaxã tá ínangu. Rü ngẽxguma tá nixĩ i nüxü̃́ naxütanüãxü̃ i wüxichigü i duü̃xü̃ naxca̱x i ngẽma naxüxü̃.

Ore i mexü̃ ga Matéu ümatüxü̃ 16:28

Rü aixcüma pemaxã nüxü̃ chixu rü nangẽxma i ñuxre i duü̃xü̃gü i núma ngẽxmagüxü̃ rü taxũtáma nayu ñu̱xmatáta nüxü̃ nadaugü nax núma naxũxü̃ ya Tupana Nane ya duü̃xü̃xü̃ ixĩcü nax guxü̃arü ãẽ̱xgacü ya poracü yixĩxü̃ca̱x —ñanagürü ga Ngechuchu.

Filipenses 1:6

Rü Tupana rü marü inanaxügü i wüxi i mexü̃ i puracü i perü maxü̃wa. Rü nüxü̃ chacua̱x rü nüma rü guxü̃gutáma nanaxüecha i ngẽma puracü ñu̱xmatáta yanguxẽẽã i ngẽxguma ínanguxgu ya Ngechuchu ya Cristu.

Popera ga Títoca̱x naxümatüxü̃ ga Pauru 2:13

Rü name nax ngẽmaãcü mea imaẽxü̃ ñu̱xma nax ínangu̱xẽẽgüxü̃ nax nataeguxü̃ ya Ngechuchu ya Cristu ya tórü Maxẽxẽxẽruxü̃ ya tórü Tupana ya tacü ixĩcü.

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

Norü taxre ga popera ga Pedru ümatüxü̃ 3:11

Rü ñu̱xma nax ngẽmaãcü tá namaxã nangupetüxü̃ i guxü̃ma i ta̱xacü i ngẽxmaxü̃, rü yexeraãcü penaxwa̱xe nax naxüünexü̃ i perü maxü̃ rü Tupana nanaxwa̱xexü̃ãcüma nax pemaxẽxü̃.

Norü taxre ga popera ga Pedru ümatüxü̃ 3:7

Natürü ngẽma ñu̱xma daxũwa ngẽxmaxü̃ rü ñoma i naane i ñu̱xma ngẽxmaxü̃ rü Tupana marü namaxã nanaxuegu nax üxüwa tá yaxaexü̃. Rü ngẽma ngunexü̃ ya Tupana nagu unetaxü̃ nax duü̃xü̃güxü̃ yacagüxü̃ rü napoxcueãxü̃ i ngẽma duü̃xü̃gü i chixexü̃gu maxẽxü̃, rü ngẽma ngunexü̃gu rü yima üxüwa tá nixĩ i ínaguxü̃ i ñoma i naane rü ngẽma daxũwa ngẽxmagüxü̃.

Popera ga Yúda ümatüxü̃ 1:21

¡Rü pegüna pedaugü nax guxü̃guma pewa nangẽxmaxü̃ca̱x i Tupanaarü ngechaü̃! ¡Rü mea ípenangu̱xẽxẽx i ngẽma ngunexü̃ i nagu tá núma naxũxü̃ ya tórü Cori ya Ngechuchu ya Cristu nax nüxü̃́ ingechaü̃tümüxü̃gügagu tüxna naxããxü̃ca̱x i maxü̃ i taguma gúxü̃!