Norü taxre ga popera ga Pedru ümatüxü̃ 3:10 - Tupanaarü Ore

¹⁰ Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

Norü taxre ga popera ga Pedru ümatüxü̃ 3:10 Iomraidhean Croise

Wiyaegü 102:26

Rü guxü̃ma i ngẽma rü tá inayarüxo, natürü i cuma rü guxü̃gutáma cunaxa̱i̱xrügumaraxü̃. Rü ñoma i naane rü ngẽma dauxü̃wa nüxü̃ idauxü̃ rü wüxi i naxchirurüxü̃ tá nangau. Rü cuma rü tá cunaxüchicüxü rü ñoma wüxi i duü̃xü̃ i naxchiru i ngauxü̃ ítáxü̃ rü ngexwaca̱xü̃xü̃ i naxchirugu icúxü̃rüxü̃ tá nixĩ.

Wiyaegü 46:6

Rü ngẽma nachixü̃anegü rü nügümaxã nanue rü nügü naxãxũnegü. Natürü ngẽxguma Tupana idexagu rü ngẽma ãẽ̱xgacügü rü nidu̱xrue rü ngẽma waixü̃mü rü inachaxichi.

Wiyaegü 97:5

Rü nape̱xewa ya Cori ya ñoma i naanearü yora ixĩcü rü yima ma̱xpǘnegü rü inadexgü ñoma werarüxü̃.

Ichaía 2:12

Rü ngẽma ngunexü̃gu rü nüma ya Cori ya Tupana rü tá nanaxãneexẽxẽ i guxü̃ma i ngẽma nügü icua̱xüü̃güxü̃ rü ngẽma nügü írütagüxü̃ rü ngẽma togüétüwa nügü ngẽxmagüxẽẽxü̃.

Ichaía 24:19

Erü ñoma i naane rü poraãcütama naxĩã̱xãchiane, rü tá nawǘxcuane rü tá narüwĩ́ẽmüane.

Ichaía 34:4

Rü yimá üa̱xcü rü tauemacü rü ẽxtagü rü tá inadexgü. Rü ngẽma ya̱u̱xtüweanexü̃ rü ñoma wüxi i poperarüxü̃ tá nadixcumü. Rü yima ẽxtagü rü tá narüyi. Rü ñoma úbaatügü i paxü̃ rüyi̱xü̃rüxü̃ tá nixĩgü. Rü ngẽma iguatügü i paxü̃ rüyi̱xü̃rüxü̃ tá nixĩgü.

Ichaía 51:6

¡Rü dücax, rü dauxü̃gu perüdaunü rü ñoma i naanegu perüdaunü! Erü guxü̃ma i ngẽma dauxü̃wa nüxü̃ pedauxü̃ rü ñoma caxixü̃rüxü̃ tá inarütaxu rü ñoma i naane rü wüxi i naxchiru i ngauxü̃rüxü̃ tá nagu̱x. Rü ngẽma duü̃xü̃gü i nawa maxẽxü̃ rü ñoma murenü yuexü̃rüxü̃ tá nayue. Natürü ngẽma maxü̃ i chorü duü̃xü̃güna chaxãxü̃ rü taguma nagu̱x. Rü ngẽma chorü ngü̃xẽxẽ rü guxü̃gutáma nangẽxmaecha.

Joel 1:15

Erü marü ningaica i Tupanaarü poxcu. Rü ngẽma ngunexü̃ rü poraãcü tá naxãũcüma erü Yimá Guxãétüwa Ngẽxmacü rü tá taxü̃ i poxcu taxca̱x ínanguxẽxẽ.

Joel 2:1

¡Rü yima ma̱xpǘne ya Chióü̃wa peyacue ya cornéta! ¡Rü yima ma̱xpǘne ya Tupanapata nawa ngẽxmanewa rü tagaãcü peyacue ya cornéta ya ãũcümaxü̃xü̃ ixüxü̃ne! ¡Rü muü̃maxã pidu̱xrue i guxãma i pema i Yudáanewa pemaxẽxü̃! Erü Cori ya Tupanaarü ngunexü̃ rü marü ningaica. Rü ngẽma ngunexü̃ rü taxü̃ i waanexü̃ tá nixĩ. Rü tá narüxcaixane rü caixanexü̃ i pamüemaxü̃ tá nangẽxma. Rü muxũchixü̃ i munügü tá ínangugü. Rü ñoma wüxitücumü i churaragü i poraexü̃ rü muxũchixü̃rüxü̃ tá nixĩgü. Rü ñoma ngexwaca yangunegu rü guxü̃wama ma̱xpǘneétüwa nangu nax yangóonexü̃ rü ngẽxgumarüxü̃ tá nixĩgü nax guxü̃wama nangugüxü̃ i ngẽma munügü. Rü nũxcüma rü taguma ngẽxgumarüxü̃ ixĩxü̃xü̃ tadau, rü tagutáma wena nüxü̃ tadau i ta̱xacü i nangexgumaraxü̃xü̃.

Joel 2:31

Rü yimá üa̱xcü rü tá nixo rü yimá tauemacü rü ñoma nagürüxü̃ tá naduema naxü̃pa i ngẽma ngunexü̃ i nagu tá chanapoxcuxü̃ i ñoma i naane. Rü ngẽma ngunexü̃ rü tá poraãcü naxãũcüma —ñanagürü.

Joel 3:14

Rü marü muxü̃ma i duü̃xü̃gü ngẽma doxonexü̃gu nangutaque̱xegü, erü marü ningaica i ngẽma ngunexü̃ i nagu Cori ya Tupana tá namaxã naxueguxü̃ i ngẽma nachixü̃anegüarü poxcu.

Amúx 9:13

Rü ñanagürü ta: —Rü ngẽma ngunexü̃gügu rü poraãcü tá nixo i perü trigu. Rü ngẽxguma taxũta yagúegu nax penabuxuxü̃ i perü trigu rü ngẽma perü naane rü marü táxarü name nax wena nagu petoexü̃. Rü ngẽxguma taxũta yagúegu nax penabuxuxü̃ i perü úbagü rü ngẽma perü naane rü marü íname nax perü trigu nagu petoxü̃. Rü guxü̃nema ya yima ma̱xpǘnegüwa rü ngüchitaeruxü̃güwa rü tá nata i perü bínu ñoma dexárüxü̃.

Amúx 9:5

Rü yimá Cori ya Tupana ya Guxãétüwa Ngẽxmacü rü ngẽxguma ñoma i naanexü̃ yangógügu rü tá inagü i ngẽma waixü̃mü, rü tá naxauxe i guxü̃ma i duü̃xü̃gü i nawa maxẽxü̃. Rü ñaa naane rü tá naxĩnagüxü̃ rü ínarüxĩĩxü̃ ñoma taxtü i Níruarü yuape ya tacürüxü̃.

Miquéa 1:4

Rü yima nawa yangachigüne ya ma̱xpǘnegü rü tá nadexe ñoma wera i guxü̃rüxü̃, rü tá narüpüxtegü ñoma dexá i poraü̃chiüxü̃ ngategü üxü̃rüxü̃. Rü ngẽmaãcü tá nixĩ i ngẽxguma núma naxũxgu ya Tupana.

Naúü̃ 1:5

Rü yima ma̱xpǘnegü rü na̱xcha̱xwa nidu̱xrugü rü nape̱xewa inagü. Rü guxü̃ma i ñoma i naane rü guxü̃ma i duü̃xü̃gü i nawa maxẽxü̃ rü nape̱xewa niyoyogü norü muü̃maxã.

Maraquía 4:5

Rü dücax, nua tá pexca̱x chanamu ya chorü orearü uruxü̃ ya Ería naxü̃pa i ngẽma ngunexü̃ i ãũcümaxü̃ i nagu chapoxcuexü̃ i ngẽma chixexü̃ ügüxü̃.

Ore i mexü̃ ga Matéu ümatüxü̃ 24:35

Rü ñoma i naane rü ngẽma daxũwa nüxü̃ idauxü̃ rü tá nagu̱x. Natürü chorü ore rü tagutáma inayarüxo rü aixcüma tá ningu.

Ore i mexü̃ ga Márcu ümatüxü̃ 13:31

Dauxü̃guxü̃ i naane rü ñoma i naane rü tá inayarüxo. Natürü chorü ore rü tagutáma inayarüxo, rü aixcüma tá ningu.

Ore i mexü̃ ga Luca ümatüxü̃ 12:39

Rü ngẽxguma chi wüxi ya ĩpataarü yora nüxü̃ cua̱xgu i ngẽma ora i nagu tá ínanguxü̃ i ngĩ́ta̱xaxü̃, rü taxũchima nape. Rü chi nüxna nadau ya napata nax tama yawãxnaãxü̃ca̱x rü tama nüxü̃́ nangĩ́xü̃ca̱x.

Romanos 8:20

Rü nüxü̃ tacua̱x rü yexguma pecadu naxü̱xgu ga gumá nüxíraü̃cü ga yatü rü yexguma nixĩ ga nachixexü̃ ga guxü̃ma ga yema Tupana üxü̃. Rü tama yema Tupana üxü̃arü ngúchaü̃ nixĩ ga yema, natürü yemaacü nüxü̃ naxüpetü yerü ga Tupana rü yemaacü namaxã nanaxuegu ga yexguma pecadu naxü̱xgu ga gumá nüxíraü̃cü ga yatü. Natürü i ñu̱xma rü guxü̃ma ga yema Tupana üxü̃ rü ínanangu̱xẽxẽ i ngẽma ngunexü̃ i nagu Tupana tá namexẽẽxü̃ i guxü̃ma.

1 Corintios 1:8

Rü Tupana rü tá pexna nadau ñu̱xmatáta nawa nangu i ngẽma ngunexü̃ i Cristu nagu núma ũxü̃. Rü tá pexü̃ narüngü̃xẽxẽ nax taxúema chixexü̃maxã pexü̃ ixugüxü̃ca̱x i ngẽxguma wenaxarü núma naxũxgu ya tórü Cori ya Ngechuchu ya Cristu.

1 Corintios 5:5

Rü ngẽmaãcü tórü Cori ya Ngechuchuégagu rü tá name nax Chatanána penamuxü̃ i ngẽma yatü nax Chataná ngúxü̃ nüxü̃ ingexẽẽxü̃ca̱x i naxü̃ne. Natürü naãxẽ rü tá namaxü̃ i ngẽxguma wena núma naxũxgu ya tórü Cori ya Ngechuchu.

2 Corintios 1:14

Rü ñu̱xma nax marü íxrarüwa toxü̃ pecuáxü̃ nax ñuxãcü tixĩgüxü̃, rü ngẽxguma ínanguxgu ya tórü Cori ya Ngechuchu rü pema rü tá tomaxã petaãẽgü rü ngẽxgumarüxü̃ i toma rü tá ta pemaxã tataãxẽgü.

1 Tesalonicenses 5:2

Erü pematama mea nüxü̃ pecua̱x rü ngẽma ngunexü̃ i taxúema nagu ínangũ̱xuxẽẽxü̃gu tá nixĩ i ínanguxü̃ ya tórü Cori ya Ngechuchu. Rü ñoma wüxi i ngĩ́ta̱xaxü̃ i ngürüãchi chütacü ínguxü̃rüxü̃ tá nixĩ.

1 Tesalonicenses 5:4

Natürü pemax, Pa Chauenexẽgüx, rü marü meama nüxü̃ pecua̱x i Cristuarü nguchiga. Rü ngẽmaca̱x taxuca̱xma ngürüãchi pexü̃ ínayabaixgü ya Cori ya Ngechuchu ñoma wüxi i ngĩ́ta̱xáxü̃ tüxü̃ íbaixgüxü̃rüxü̃.

Norü taxre ga popera ga Pedru ümatüxü̃ 3:11

Rü ñu̱xma nax ngẽmaãcü tá namaxã nangupetüxü̃ i guxü̃ma i ta̱xacü i ngẽxmaxü̃, rü yexeraãcü penaxwa̱xe nax naxüünexü̃ i perü maxü̃ rü Tupana nanaxwa̱xexü̃ãcüma nax pemaxẽxü̃.

Norü taxre ga popera ga Pedru ümatüxü̃ 3:12

Rü name nixĩ i mea ípenangu̱xẽxẽ i ngẽma ngunexü̃ i nagu tá ínanguxü̃ ya tórü Cori. Rü ngẽma ngunexü̃gu rü guxü̃ma i daxũwa nüxü̃ idauxü̃ rü tá nixa rü tá inachaxichigü. Rü ñoma i naane rü üa̱xcü rü tauemacü rü ẽxtagü rü woramacurigü rü yima üxümaxã tá inachaxichigü.

Norü taxre ga popera ga Pedru ümatüxü̃ 3:7

Natürü ngẽma ñu̱xma daxũwa ngẽxmaxü̃ rü ñoma i naane i ñu̱xma ngẽxmaxü̃ rü Tupana marü namaxã nanaxuegu nax üxüwa tá yaxaexü̃. Rü ngẽma ngunexü̃ ya Tupana nagu unetaxü̃ nax duü̃xü̃güxü̃ yacagüxü̃ rü napoxcueãxü̃ i ngẽma duü̃xü̃gü i chixexü̃gu maxẽxü̃, rü ngẽma ngunexü̃gu rü yima üxüwa tá nixĩ i ínaguxü̃ i ñoma i naane rü ngẽma daxũwa ngẽxmagüxü̃.

Popera ga Yúda ümatüxü̃ 1:6

Rü ngẽxgumarüxü̃ ta pexna nüxü̃ chacua̱xãchixẽxẽ nax ñuxãcü namaxã nangupetüxü̃ ga yema daxũcüã̱x ga orearü ngeruü̃gü ga nügü rüyexeragüchaü̃xü̃ rü nüxna ixĩgachixü̃ ga nachica ga Tupana nagu namugüxü̃. Rü yemaca̱x ga Tupana rü ẽanexü̃wa nanawogü, rü ngẽxma nanapoxcue ñu̱xmatáta nawa nangu i ngẽma ngunexü̃ i nagu duü̃xü̃güxü̃ yacagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:15

Rü pexuãẽgü erü tórü Cori ya Ngechuchu ya Cristu rü ñanagürü: “Choma rü ngürüãchi taxúetama choxü̃ ínanguxẽẽyane íchangu, ñoma wüxi i ngĩ́ta̱xáxü̃ ínguxü̃rüxü̃. Rü tataãxẽ ya yíxema ímemarexe rü ãxchiruxe nax ngẽmaãcü tama taxãneexü̃ca̱x i ngẽxguma íchanguxgu”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:1

Rü yemawena nüxü̃ chadau nax nayexwaca̱xü̃xü̃ ga ñoma ga naane rü nayexwaca̱xü̃xü̃ ga guxü̃ma ga ta̱xacü ga daxũwa yexmagüxü̃. Yerü yema nüxíra yexmagüxü̃ rü marü nangupetü, rü yema már rü marü nataxuma.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:3

¡Rü nüxna nacua̱xãchi ga yema ngu̱xẽẽtae ga mexü̃ ga noxri nüxü̃ cuxĩnüxü̃ rü cuyaxuxü̃, rü nagu ixũ! ¡Rü nüxü̃ rüxo i ngẽma chixexü̃ i cuxüxü̃ rü Tupanaca̱x nataegu! Natürü ngẽxguma tama nüxü̃ curüxoxgu i curü chixexü̃, rü ñoma wüxi i ngĩ́ta̱xáxü̃ i ngürüãchi ínguxü̃rüxü̃ tá cuxü̃tawa chaxũ. Rü taxũtáma nüxü̃ cucua̱x nax ñuxguacü yixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:14

Rü guxü̃ma i daxũwa nüxü̃ idauxü̃ rü inayarütaxu. Rü ñoma wüxi i popera i dixcumüãchixü̃rüxü̃ inayarütaxu. Rü guxü̃nema ga guma ma̱xpǘnegü rü yema capaxũgü rü nixĩgachi ga nachicawa.