Norü taxre ga popera ga Pedru ümatüxü̃ 2:9 - Tupanaarü Ore

⁹ Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Norü taxre ga popera ga Pedru ümatüxü̃ 2:9 Iomraidhean Croise

Yox 21:30

Rü ngẽxguma nanuxgu ya Tupana rü guxchaxü̃ ínanguxẽxẽ. Natürü ngẽma duü̃xü̃ i chixexü̃gu maxü̃xü̃ rü taxuxü̃ma i ta̱xacürü chixexü̃ nüxü̃ naxüpetü. Rü ngẽma ngunexü̃ ya Tupana nagu nuxü̃ rü taxuxü̃ma nüxü̃ nangupetü i ngẽma chixexü̃gu maxü̃xü̃.

Yox 5:19

Nüma rü 6 i guxchaxü̃wa tá cuxü̃ ínanguxuchixẽxẽ, rü ngẽma norü 7 i guxchaxü̃ rü marü taxũtáma cuxna nangu.

Wiyaegü 12:1

Pa Cori Pa Tupanax ¡paxa toxü̃ rüngü̃xẽxẽ! Erü marü nataxuma i aixcüma cuxü̃́ yaxõgüxü̃. Rü ñoma i naanewa marü inarüxo i ngẽma duü̃xü̃gü i aixcüma mexü̃gu rüxĩnüexü̃.

Wiyaegü 32:6

Rü ngẽmaca̱x i guxü̃ma i duü̃xü̃gü i aixcüma yaxõgüxü̃ rü ngẽxguma guxchaxü̃wa nangẽxmagu rü tá cumaxã nüxü̃ nixu i ngẽma norü guxchaxü̃gü. Rü woo muxũchixü̃ i guxchaxü̃gü nüxna ngaicamagu rü taxũxü̃táma nüxna nangu.

Wiyaegü 37:33

Natürü nüma ya Cori ya Tupana rü tá ínanapoxü̃ ya yimá yatü ya mecü nax tama ngẽma chixexü̃ i duü̃xü̃güme̱xẽgu nanguxü̃ca̱x. Rü tá nüxna nadau nax tama yanaguãchixẽẽgüaxü̃ca̱x i ta̱xacü rü chixexü̃.

Wiyaegü 4:3

Nüma ya Cori rü tüxü̃ nicua̱xüxü̃ ya yíxema duü̃xẽ ya aixcüma naga ĩnüxe. Rü nüma ya Cori rü choxü̃ naxĩnü ega norü ngü̃xẽẽca̱x nüxna chacaxgux.

Ucu̱xẽgüchiga 12:13

Ngẽma duü̃xü̃ i chixexü̃gu maxü̃xü̃ rü norü doragutama nangu, natürü yimá yatü ya mexü̃gu rüxĩnücü, rü ngẽxguma guxchaxü̃ naxca̱x ínguxgu, rü na̱xcha̱xwa nixũgachi.

Ucu̱xẽgüchiga 16:4

Guxü̃ma i ngẽma naxüxü̃ ya Cori ya Tupana, rü nüma nüxü̃ nacua̱x nax ta̱xacüca̱x naxüaxü̃. Rü nanaxü ta i ngẽma duü̃xü̃ i chixexü̃gu maxü̃xü̃ i wüxi i ngunexü̃gu tá poxcuwa ũxü̃.

Ore i mexü̃ ga Matéu ümatüxü̃ 10:15

Rü aixcüma pemaxã nüxü̃ chixu rü ngẽma ngunexü̃ i nagu Tupana nüxü̃ ícagüxü̃ i duü̃xü̃gü, rü Gomóracüã̱x rü Chodómacüã̱x i duü̃xü̃güarü yexera Tupana tá nanapoxcue i ngẽma duü̃xü̃gü i tama mea pexü̃ yauxgüxü̃.

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

1 Corintios 10:13

Rü taguma pexca̱x ínangu i ta̱xacürü ngúchaü̃ i chixexü̃ i taxucürüwama duü̃xü̃ yáxna namaxã ĩnüxü̃. Rü name nixĩ i Tupanaaxü̃́ peyaxõ erü nüma rü taxũtáma nawa pexü̃ nawogü i ngúchaü̃gü i taxucürüwama yáxna namaxã pexĩnüexü̃. Natürü ngẽxguma tá ngúchaü̃gü i chixexü̃ pexca̱x ínguxgu, rü nüma rü tá pexü̃ ínapoxü̃ nax tama nagu peyixü̃ca̱x.

Norü taxre ga popera ga Timutéuca̱x naxümatüxü̃ ga Pauru 3:12

Rü aixcüma cumaxã nüxü̃ chixu rü guxãma ya yíxema naxwa̱xegüxe nax Ngechuchu ya Cristuca̱x tamaxẽxü̃, rü duü̃xü̃gü rü tá tümawe ningẽxü̃tanü rü guxchaxü̃ tá tümaca̱x ínangugü.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Norü taxre ga popera ga Pedru ümatüxü̃ 2:4

Rü nüma ya Tupana rü tama nüxü̃́ nüxü̃ narüngüma ga norü chixexü̃gü ga yema orearü ngeruü̃gü ga daxũcüã̱x ga pecadu ügüxü̃. Rü yemaca̱x yima üxü ya taguma ixoxü̃newa nanawogü, rü ínaxẽãnexü̃gu nanapoxcue. Rü cadénamaxã nayana̱i̱xgü nax ngéma nangẽxmagüxü̃ca̱x ñu̱xmatáta nawa nangu i ngẽma ngunexü̃ i nagu Tupana nüxna ca̱xaxü̃ i duü̃xü̃gü.

Norü taxre ga popera ga Pedru ümatüxü̃ 3:7

Natürü ngẽma ñu̱xma daxũwa ngẽxmaxü̃ rü ñoma i naane i ñu̱xma ngẽxmaxü̃ rü Tupana marü namaxã nanaxuegu nax üxüwa tá yaxaexü̃. Rü ngẽma ngunexü̃ ya Tupana nagu unetaxü̃ nax duü̃xü̃güxü̃ yacagüxü̃ rü napoxcueãxü̃ i ngẽma duü̃xü̃gü i chixexü̃gu maxẽxü̃, rü ngẽma ngunexü̃gu rü yima üxüwa tá nixĩ i ínaguxü̃ i ñoma i naane rü ngẽma daxũwa ngẽxmagüxü̃.

Popera ga Yúda ümatüxü̃ 1:6

Rü ngẽxgumarüxü̃ ta pexna nüxü̃ chacua̱xãchixẽxẽ nax ñuxãcü namaxã nangupetüxü̃ ga yema daxũcüã̱x ga orearü ngeruü̃gü ga nügü rüyexeragüchaü̃xü̃ rü nüxna ixĩgachixü̃ ga nachica ga Tupana nagu namugüxü̃. Rü yemaca̱x ga Tupana rü ẽanexü̃wa nanawogü, rü ngẽxma nanapoxcue ñu̱xmatáta nawa nangu i ngẽma ngunexü̃ i nagu duü̃xü̃güxü̃ yacagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:10

Cuma rü meama cuyanguxẽxẽ i ngẽma cuxü̃ chamuxü̃ nax aixcüma cuyaxõõmaxü̃ naétüwa i ngẽma guxchaxü̃gü i cuxca̱x ínguxü̃. Rü ngẽmaca̱x tá cuxü̃ íchapoxü̃ nax tama cuxna nanguxü̃ca̱x i ngẽma guxchaxü̃ i taxü̃ i ñoma i naanewa tá ínguxü̃ nax guxü̃ma i ñoma i naanecüã̱x i duü̃xü̃güxü̃ naxüxü̃ca̱x.

1 Chamué 29:10

Rü ngẽmaca̱x i cuma rü ñu̱xũchi curü duü̃xü̃gü rü name nixĩ i íperüdagü i moxü̃ ẽxü̃wa rü ngẽxguma yangunegu rü name nixĩ i ipexĩãchi nax pewoeguxü̃ca̱x —ñanagürü.