Norü taxre ga popera ga Pedru ümatüxü̃ 2:3 - Tupanaarü Ore

³ Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.

Norü taxre ga popera ga Pedru ümatüxü̃ 2:3 Iomraidhean Croise

Yox 6:27

Pemax rü pexü̃́ natauxcha nax namaxã petaxexü̃ i wüxi i taxcuxü̃, rü woo wüxi i pemücü rü namaxã petaxexü̃.

Wiyaegü 18:44

Rü ngẽxguma choxü̃ naxĩnüegu rü chauga naxĩnüe. Rü togü i nachixü̃anecüã̱x i duü̃xü̃gü rü cho̱xme̱xwa nügü nangẽxmagüxẽxẽ rü mea chauchiga nidexagü.

Wiyaegü 66:3

¡Rü Tupanamaxã nüxü̃ pixu rü ñapegügü: —Pa Tupanax, ngẽma cuxüxü̃ rü namexẽchi. Rü ngẽma cumaxã rüxuanügüxü̃ rü curü poragagu muü̃maxã cuxme̱xgu nügü nayixẽxẽ. Rü guxü̃wama i ñoma i naanewa rü duü̃xü̃gü cuxü̃ nicua̱xüü̃gü rü norü wiyaegümaxã cuxü̃ nataxẽẽgü —ñapegügü!

Wiyaegü 81:15

Rü ngẽma naxchi aiexü̃ ya Cori ya Tupana, rü norü muü̃maxã tá nape̱xegu nayayitanü. Rü guxü̃gutáma napocu.

Ichaía 5:19

Rü pema rü ñaperügügü: —¡Paxa naxü ya Cori ya Tupana i ngẽma naxüxchaü̃xü̃, nax nüxü̃ idauxü̃ca̱x! ¡Rü Tupana ya Üünecü ya Iraéanearü Tupana rü paxa yanguxẽẽã i ngẽma nagu naxĩnüxü̃ nax nüxü̃ icuáxü̃ca̱x i ngẽma tá naxüxü̃! —ñaperügügü.

Ichaía 56:11

Rü ñoma airugü i taiyaeechaxü̃ rü taguma ngãxpütüwegüxü̃rüxü̃ pixĩgü. Rü pema rü dauruü̃gü i tama nüxü̃ cua̱xgüégaxü̃ pixĩgü. Rü wüxichigü i pema rü perü ngúchaü̃ama pixü rü pexrütama ngẽmaxü̃guama perüxĩnüe.

Ichaía 60:22

Rü ngẽma duü̃xü̃gü i ñu̱xma noxremarexü̃ rü tá nimu rü wüxi i nachixü̃ane i poraxü̃ tá nixĩgü. Rü chaxicatama nixĩ ya Tupana chixĩxü̃. Rü ngẽxguma nawa nanguxgu i ngẽma ngunexü̃ rü paxa tá chanaxü i guxü̃ma i ngẽma —ñanagürü ya Tupana.

Yeremía 6:13

Rü ñanagürü: —Guxü̃ma i ngẽma muarü diẽruã́xü̃ rü ngẽma noxrearü diẽruã́xü̃, rü nagu narüxĩnüe nax chixexü̃wa nayauxgüãxü̃ i diẽru. Rü guxü̃ma i ngẽma orearü uruü̃gü rü chacherdótegü rü duü̃xü̃güxü̃ nawomüxẽxẽ.

Yeremía 8:10

Rü ngẽmaca̱x ya yíxema naxma̱xgü rü togü i yatügüna tá tüxü̃ chamugü, rü ñu̱xũchi ngẽma norü naanegü rü togüna tá chanana. Erü guxü̃ma i ngẽma muarü diẽruã́xü̃ rü ngẽma noxrearü diẽruã́xü̃, rü nagu narüxĩnüe nax chixexü̃wa nayauxgüãxü̃ i diẽru. Rü woo ngẽma orearü uruü̃gü, rü ngẽma chacherdótegü rü guxü̃ma womüxẽẽgu namaxẽ.

Echequié 13:19

Pemax rü ñuxretama i chebádaca̱x, rü ñuxretama i paũca̱x nixĩ i choxü̃ pechixechigaxẽẽxü̃ nape̱xewa i chorü duü̃xü̃gü. Rü yu namaxã pexuegu i ngẽma duü̃xü̃gü i mexü̃ ügüxü̃, rü penamaxẽxẽ i ngẽma duü̃xü̃gü i chixexü̃ ügüxü̃. Rü ngẽmaãcü penawomüxẽxẽ i chorü duü̃xü̃gü i naga ĩnüexü̃ i ngẽma perü doragü.

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Abacú 3:3

Rü nüxü̃ chadau ya Cori ya Tupana i Temáü̃anewa ne naxũxü̃ nawa ya yima Paráü̃arü ma̱xpǘne. Rü dauxü̃guxü̃ i naane rü norü üünemaxã nanapá. Rü guxü̃ma i ñoma i naanewa ngẽxmagüxü̃ rü nüxü̃ nicua̱xüü̃gü.

Maraquía 1:10

Rü nüma ya Cori ya Tupana ya Guxü̃étüwa Ngẽxmacü rü pexü̃ ñanagürü: —Chierüx texé i petanüwa tanawãxtagu ya chopata ya taxü̃nearü ĩã̱xgü nax tama natüca̱xmamare chorü ãmarearü guruü̃wa yayauraxü̃ca̱x ya üxü. Erü choma rü tama pemaxã chataãxẽ, rü ngẽmaca̱x taxuxü̃táma i perü ãmaregü i choxna pexãgüxü̃ tá pexü̃́ chayaxu.

Ore i mexü̃ ga Matéu ümatüxü̃ 23:14

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema nixĩ i duü̃xü̃güpe̱xewa mea pemaxẽnetaxü̃. Rü wüxi i ngechaü̃ nixĩ i pexca̱x erü tüxna penapuxü̃ ya tümapata ya yíxema yutegüxe. Rü ñu̱xũchi penama̱xẽxẽ i perü yumüxẽgü nax duü̃xü̃gü nagu rüxĩnüegu rü aixcüma mexü̃ i Tupanaarü duü̃xü̃gü nax pixĩgüxü̃. Rü ngẽmaca̱x pema tá nixĩ i togü i duü̃xü̃güarü yexera pepoxcuexü̃.

Ore i mexü̃ ga Luca ümatüxü̃ 18:8

Rü pemaxã nüxü̃ chixu rü Tupana rü paxatáma tüxü̃ narüngü̃xẽxẽ. Natürü ngẽxguma wenaxarü núma naxũxgu ya Tupana Nane duü̃xü̃xü̃ ixĩcü, ¿rü ñuxre i duü̃xü̃gü i aixcüma yaxõgüxü̃xü̃ tá inayangau i ñoma i naanewa? —ñanagürü ga Ngechuchu.

Ore i mexü̃ ga Luca ümatüxü̃ 20:20

Rü yema chacherdótegüarü ãẽ̱xgacügü rü Ngechuchuxü̃tawa nanamugü ga ñuxre ga norü duü̃xü̃gü nax mexü̃ ga duü̃xü̃gürüxü̃ yéma iyanaxĩnüẽxü̃ca̱x ga norü ngu̱xẽẽtae, natürü naxca̱x nax nadaugüxü̃ca̱x nax norü ngu̱xẽẽtaegagu nachixü̃anearü ãẽ̱xgacüxü̃tawa Ngechuchuxü̃ ínaxuaxü̃güxü̃ca̱x.

Ore i mexü̃ ga Luca ümatüxü̃ 22:47

Rü yexguma íyadexayane ga Ngechuchu, rü yéma nangugü ga muxü̃ma ga duü̃xü̃gü. Rü Yúda ga Ngechuchuarü ngúexü̃chire̱x ixĩxü̃ nixĩ ga naxũpe̱xexü̃. Rü Ngechuchuca̱x nixũ nax nüxü̃ nachúxãcüma nüxü̃ namoxẽxü̃ca̱x.

Ore i mexü̃ ga Cuáü̃ ümatüxü̃ 2:16

Rü yema muxtucugümaxã taxegüxü̃xü̃ ñanagürü: —¡Ípeyana i ngẽma perü muxtucugü i nua! Tama name i taxepataü̃xü̃ peyaxĩxẽxẽ ya daa Chaunatüpata —ñanagürü.

Romanos 16:18

Erü ngẽma duü̃xü̃gü rü tama tórü Cori ya Ngechuchu ya Cristuarü ngúchaü̃ naxügü, natürü noxrütama ngúchaü̃ nixĩ i naxügüxü̃. Norü dexa ga maixcuraxü̃maxã nayaxucu̱xẽgü i duü̃xü̃gü, rü ngẽmaãcü nanawomüxẽẽgü i ngẽma duü̃xü̃gü i tama mea nüxü̃ cua̱xgüxü̃.

2 Corintios 2:17

Rü toma rü tama Tupanaarü oregu diẽru ngĩxü̃ tayaxu ngẽma muxü̃ma i togü naxügüxü̃rüxü̃. Natürü Tupanape̱xewa rü aixcüma mea nüxü̃ tixu i ngẽma norü ore, erü nüma toxü̃ nimugü rü Cristuarü tixĩgü.

Wenaxarü naxümatü ga Tupanaarü mugü 24:17

¡Rü taxũtáma chixri tümamaxã pechopetü ya yíxema to i nachixü̃anecüã̱x i petanüwa ngẽxmagüxe, rü bai ya yíxema taxcutagü! ¡Rü yíxema yutegüe rü taxũtáma tümachiruca̱x tüxna peca ega pexü̃tawa diẽruca̱x ítacaxgu nax yixcüama pexü̃́ tanatáeguxẽẽxü̃ca̱x!

1 Tesalonicenses 2:5

Rü pema nüxü̃ pecua̱x rü taguma pepe̱xewa pexü̃ ticua̱xüü̃gü nax toga pexĩnüexü̃ca̱x, rü taguma pexü̃ tawomüxẽẽgü nax ngĩxü̃ tayauxgüxü̃ca̱x ga perü diẽru. Rü Tupana nixĩ ya toxü̃ daucü nax aixcüma yixĩxü̃ i ngẽma nüxü̃ chixuxü̃.

1 Tesalonicenses 5:3

Rü ngẽxguma duü̃xü̃gü nagu írüxĩnüegu nax guxü̃ma mexü̃ rü taxuxü̃ma nüxü̃ üpetüxü̃, rü ngẽma ngunexü̃gu rü ngürüãchi tá ínangu i taxü̃ i guxchaxü̃gü. Rü ñoma wüxi i ngecü i ãxacücü rü ngürüãchi ngĩxacümaxã ngu̱xnecacürüxü̃ tá nixĩ nax taxúema naxcha̱xwa iñaxü̃ i ngẽma.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:3

Rü tama name i wüxi i ngãxwa̱xexü̃ rü nuwa̱xexü̃ tixĩ. Rü tama name i tümaarü diẽruguama rüxĩnüxe tixĩ. Natürü name nixĩ i guxü̃ i duü̃xü̃gümaxã yáxna taxĩnü rü namaxã tamecüma.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:8

Rü ngẽxgumarüxü̃ ta i ngẽma diácunugü i Tupanapatawa ngü̃xẽẽtaegüxü̃, rü name nax duü̃xü̃gü nüxü̃ ngechaü̃güxü̃ yaxĩgüxü̃. Rü name i aixcüma nayanguxẽẽgü i ngẽma nüxü̃ yaxugüexü̃. Rü tama name i ngãxẽwa̱xexü̃ nixĩgü rüe̱xna duü̃xü̃güxü̃ nawomüxẽẽgüãcüma ngĩxü̃ nayauxgüxü̃ca̱x i diẽru.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:5

Rü ngẽmaãcü i ngẽma duü̃xü̃gü i chixeãẽgüxü̃, rü nügümaxã nanueecha, rü tama nüxü̃ nacua̱xgü i ngẽma ore i aixcüma ixĩxü̃, rü nagu narüxĩnüe rü Tupanaarü orewa yixĩxü̃ i diẽru ngĩxü̃ nayauxgüxü̃.

Popera ga Títoca̱x naxümatüxü̃ ga Pauru 1:11

Natürü ngẽma duü̃xü̃gü i ngẽmaãcü chixri ngu̱xẽẽtaegüxü̃, rü chanaxwa̱xe i noxtacüma icuyanangea̱xgüxẽxẽ. Erü muxü̃ma i duü̃xü̃güxü̃ nachixexẽẽgü rü ñu̱xmata ñuxre ya ĩpatawachigü rü nanachixexẽxẽ i guxü̃ma i duü̃xü̃gü nax tama aixcüma Tupanaaxü̃́ yaxõgüãxü̃ca̱x. Rü ngẽma ore i taxuwama mexü̃maxã duü̃xü̃güxü̃ nangúexẽxẽ nax ngẽmaãcü tüxü̃ nawomüxẽẽgüãcüma ngĩxü̃ nayauxgüxü̃ca̱x i diẽru.

Popera ga Títoca̱x naxümatüxü̃ ga Pauru 1:7

Erü yíxema yaxõgüxü̃arü ãẽ̱xgacü ixĩxẽ, rü Tupanaarü puracümaxã nixĩ i tacuáxü̃. Rü ngẽmaca̱x tanaxwa̱xe i aixcüma mea tamaxü̃. Rü tama name i wüxi i yatü i chixecümaxü̃ tixĩ rü chixexü̃gu rüxĩnüxü̃ tixĩ. Rü tama name nax tangãxü̃xü̃, rü nuca̱x tadauxü̃, rü duü̃xü̃güxü̃ tawomüxẽẽxü̃ norü diẽruca̱x.

Nüxíraxü̃xü̃ ga popera ga Pedru ümatüxü̃ 2:8

Rü Tupanaarü ore rü ñanagürü ta: “Ngẽma tama yaxõgüxü̃ rü yimá nutagu tá nayarüpucutügü”, ñanagürü. Rü ngẽmaãcü i ngẽma tama yaxõgüxü̃ rü tá napoxcue, erü tama nanayauxgü i ngẽma ore ya Ngechuchu ya Cristuchiga ixĩxü̃.

Nüxíraxü̃xü̃ ga popera ga Pedru ümatüxü̃ 5:2

Rü chanaxwa̱xe i mea nüxna pedau i Tupanaarü duü̃xü̃gü i pexme̱xwa ngẽxmagüxü̃. Rü name nixĩ i perü ngúchaü̃maxã Tupana naxwa̱xexü̃ãcüma penaxü i ngẽma puracü, rü tama texé pexü̃ muxguxica penaxü rüe̱xna diẽruca̱x penaxü.

Norü taxre ga popera ga Pedru ümatüxü̃ 1:16

Rü yexguma pexü̃ tangúexẽẽgu nachiga ga norü pora ya tórü Cori ya Ngechuchu ya Cristu rü ñuxãcü tá wena nataeguxü̃, rü tama tomatama togüãẽwa tayaxuxü̃ i ore nixĩ. Yerü tomatama toxetümaxã nüxü̃ tadau ga tórü Cori rü nüxü̃ tadau ga norü üüne.

Norü taxre ga popera ga Pedru ümatüxü̃ 2:1

Nũxcüma rü Yudíugütanüwa nayexma ga Tupanaarü orearü uruü̃güneta. Rü ngẽxgumarüxü̃ tá ta petanüwa nangẽxma i ngu̱xẽẽruü̃netagü. Rü nümagü rü cúãcü tá doramaxã nanaxüchicüxü i Tupanaarü ore, rü ngẽmaãcü tá nayaxã ya yimá tórü Cori ya norü Maxẽxẽẽruü̃chire̱x ixĩcü. Rü ngẽmagagu tá noxtacüma napoxcue i ngẽma duü̃xü̃gü i ngẽmaãcü maxẽxü̃, rü paxa tá inayarüxogü.

Norü taxre ga popera ga Pedru ümatüxü̃ 2:9

Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Popera ga Yúda ümatüxü̃ 1:11

Rü wüxi i ngechaü̃xü̃chi nixĩ naxca̱x i ngẽma duü̃xü̃gü erü Caíü̃ ga naenexẽxü̃ imáxü̃rüxü̃ nixĩgü. Rü ãẽ̱xgacü ga Balaáü̃rüxü̃ diẽruca̱x chixexü̃ naxügü. Rü Corérüxü̃ tama Tupanaga naxĩnüechaü̃, rü ngẽmaca̱x tá nayue.

Popera ga Yúda ümatüxü̃ 1:16

Rü ngẽma duü̃xü̃gü i norü doramaxã petanügu chocuxü̃ rü ta̱xacüca̱x idexagüwa̱xexüchixü̃ nixĩgü, rü toguã̱xü̃ ixuxwa̱xegüxüchixü̃ nixĩgü. Rü ngẽma duü̃xü̃gü rü noxrütama ngúchaü̃ca̱x daugüxü̃ nixĩgü. Rü nügü icua̱xüü̃güxü̃ nixĩgü. Rü nümaxü̃ mea tümachiga nidexagüneta ya duü̃xẽgü, nax tümaxü̃tawa ta̱xacü nayauxgüxü̃ca̱xmare.

Popera ga Yúda ümatüxü̃ 1:4

Erü ñu̱xma rü nangẽxma i ñuxre i duü̃xü̃gü i norü doramaxã petanügu chocuxü̃. Rü ngẽma duü̃xü̃gü i chixexü̃gu maxẽxü̃ rü ñanagürügü: “Tupana rü namecümaxüchi rü ngẽmaca̱x taxũtáma pexü̃ napoxcue ega woo chixexü̃gu pemaxẽgu”, ñanagürügü. Rü naétü tama nüxü̃ nacua̱xgüchaü̃ ya tórü Cori ya Ngechuchu ya Cristu ya tórü yora ixĩcü. Natürü ngẽma duü̃xü̃gü i ngẽmaãcü maxẽxü̃, rü woetama nũxcümama Tupanaarü ore i ümatüxü̃wa rü marü nüxü̃ nixu nax Tupana tá napoxcuexü̃.

Popera ga Yúda ümatüxü̃ 1:7

Rü yexgumarüxü̃ ta nüxü̃ nangupetü ga gumá ĩanegü ga Chodóma rü Gomóra rü gumá ĩanegü ga norü ngaicamana yexmagü̃ne. Rü nüma ga yema duü̃xü̃gü rü nügü inaxãgü nax naxügüã̱xü̃ca̱x ga naguxü̃raü̃xü̃ ga naxü̃nearü ngúchaü̃gü. Rü yemaca̱x ga Tupana rü yema üxü i taguma gúxü̃maxã ínanagu. Rü inayanaxoxẽxẽ ga gumá ĩanegü nax wüxi ga cua̱xruxü̃ yixĩxü̃ca̱x.