Norü taxre ga popera ga Pedru ümatüxü̃ 2:16 - Tupanaarü Ore

¹⁶ Rü noxrütama búru ga woo taguma idexachirécü, rü wüxi ga duü̃xü̃rüxü̃ namaxã iyadexa rü inanga naxca̱x ga yema chixexü̃ ga naxüxchaü̃xü̃. Rü yemaacü Baráxü̃ íyachaxãchixẽxẽ nax tama naxüaxü̃ca̱x ga yema chixexü̃ ga naxüxchaü̃xü̃.

Norü taxre ga popera ga Pedru ümatüxü̃ 2:16 Iomraidhean Croise

Wiyaegü 39:11

Rü cuma rü cuyaxucu̱xẽ rü cuyacua̱i̱xgü i ngẽma duü̃xü̃gü i chixexü̃gu maxẽxü̃. Rü ñoma nawerüxü̃ cunaxüte̱xe i ngẽma yexeracü nüxü̃́ ngúchaü̃xü̃. Rü wüxichigüarü maxü̃ rü ñoma wüxi i ngü̃ãcüürüxü̃ nixĩ.

Ngu̱xẽẽtaeruü̃arü ore 7:25

Rü yexguma pora chaxü nax choxü̃́ nayexmaxü̃ca̱x ga yema cua̱x. Rü naxca̱x changu̱x rü naxca̱x chadau ga yema cua̱x. Rü yemawa nüxü̃ chicua̱xãchi nax tama namexü̃ nax taechitamare imaxü̃xü̃. Rü nüxü̃ chicua̱xãchi nax wüxi ga ngeãẽmare yixĩxü̃ nax tama cua̱x choxü̃́ yexmaxü̃.

Ngu̱xẽẽtaeruü̃arü ore 9:3

Rü guxü̃ma i ngẽma ngupetüxü̃ i ñoma i naanewa, rü taxü̃ i guxchaxü̃ nixĩ nax wüxi i ngunexü̃ rü guxãtáma yuexü̃. Rü to nixĩ nax guxü̃ma i norü ĩnü ya yima yatü rü nachixe. Rü ngẽxguma namaxyane rü guxü̃ma i ngẽma nagu naxĩnüxü̃ rü taxuwama name. Rü norü gu̱x nixĩ nax tauquewa naxũxü̃.

Ochéa 9:7

Pa Iraéanecüã̱xgüx, marü nawa nangu i ngẽma ngunexü̃gü nax Tupana pexü̃ napoxcuexü̃ naxca̱x i perü chixexü̃gü i taxüchixü̃. Rü pemax, Pa Iraéanecüã̱xgüx, rü tá nüxü̃ pecua̱x nax marü pexca̱x ínanguxü̃ i ngẽma perü poxcu. Pema rü ñaperügügü: “Ngẽma orearü uruxü̃ rü nangeãxẽmare, rü tama naãxẽxü̃ nacua̱x”, ñaperügügü. Natürü ngẽmaãcü pidexagü erü perü chixexü̃maxã penapagü rü poraãcü naxchi pexai ya yimá orearü uruxü̃.

Ore i mexü̃ ga Luca ümatüxü̃ 16:11

Rü ngẽxguma tama mea namaxã ipecua̱xgux i ngẽma diẽru i tama aixcüma mexü̃ i pexme̱xwa ngẽxmaxü̃ i ñoma i naanewa, ¿rü texé tá pexme̱xgu tanaxǘ i ngẽma aixcüma mexü̃ i Tupanaarü ixĩxü̃?

Ngechuchuarü ngúexü̃gü ga yamugüxü̃arü puracüchiga 26:11

Rü muẽ̱xpü̱xcüna chanapoxcue nax nüxü̃ naxoexü̃ca̱x ga yema nax yaxõgüãxü̃. Rü yemaacü chanaxü ga guxü̃nema ga ngutaque̱xepataü̃güwa. Rü poraãcü naxchi chaxai ga yema yaxõgüxü̃, rü yemaca̱x nawe chingẽchigü ñu̱xmata to ga nachixü̃anecüã̱x ga ĩanegüwa changu.