Norü taxre ga popera ga Pedru ümatüxü̃ 1:8 - Tupanaarü Ore

⁸ Rü ngẽxguma aixcüma nagu pemaxẽgu i ngẽma nacümagü i pemaxã nüxü̃ chixuxü̃, rü taxũtáma natüca̱xma nixĩ i perü maxü̃, rü taxũtáma natüca̱xma nixĩ nax tórü Cori ya Ngechuchu ya Cristuxü̃ pecuáxü̃.

Norü taxre ga popera ga Pedru ümatüxü̃ 1:8 Iomraidhean Croise

Ucu̱xẽgüchiga 19:15

Ngẽma o rü yaxta tüxna naxã. Rü yíxema oxe, rü tümagagu taiya tüxü̃́ nangu̱x.

Ore i mexü̃ ga Matéu ümatüxü̃ 13:22

Rü gumá triguchire ga tuxunecügu yixü̃nerüxü̃ nixĩ i ngẽma duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü ñoma i naanearü ngẽmaxü̃güca̱x nadaugü, rü ngẽmaguama narüxĩnüe, rü ngẽmaca̱x düxwa nüxü̃ inarüngümae i ngẽma ore. Rü guxü̃ma i ngẽma rü Tupanaarü orexü̃ nüxü̃ narüxoxẽxẽ nax tama aixcüma mea Tupanawe naxĩxü̃ca̱x i ngẽma duü̃xü̃gü.

Ore i mexü̃ ga Matéu ümatüxü̃ 20:3

Rü yixcama ga 9 arü oragu rü wenaxarü plazawa ínayadau. Rü yexma nüxü̃ nayangau ga ñuxre ga yatügü ga ngearü puracüxã́xü̃.

Ore i mexü̃ ga Matéu ümatüxü̃ 20:6

Rü yixcama ga 5 arü oragu ga yáuanecü rü wenaxarü plazawa ínayadau. Rü yexma nüxü̃ nayangau ga ñuxre ga yatügü ga ngearü puracüã́xü̃. Rü ñanagürü nüxü̃: “¿Tü̱xcüü̃ i pema rü nuxã perüchomare i guxü̃ i ñoma i ngunexü̃gu, rü tama pepuracüe?” ñanagürü.

Ore i mexü̃ ga Matéu ümatüxü̃ 25:26

Rü yexguma ga norü cori rü nanangãxü̃ rü ñanagürü: “Pa Chorü Duü̃xü̃x, wüxi i chixexü̃ rü oxü̃ i chorü duü̃xü̃ quixĩ. Rü cuma meama nüxü̃ cucua̱x rü ngextá tama íchatoexü̃wa rü chanayaxu i nanetüarü o, rü chanabuxarü oõ̱x i nanetü i tama ichatoxü̃.

Ore i mexü̃ ga Cuáü̃ ümatüxü̃ 15:2

Rü ngẽma úbachacüxü i tama choxü̃́ oxü̃, rü norü yora rü nayadae. Natürü ngẽma nachacüxü i oxü̃, rü mea nanamexẽẽtanü nax yexeraãcü poraãcü naxoxü̃ca̱x.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Romanos 12:11

Rü tama name i pexo. Natürü name nixĩ i perü ngúchaü̃maxã penaxü i Cori ya Tupanaarü puracü.

1 Corintios 15:58

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.

2 Corintios 13:5

Rü name nixĩ i pegütama pengugü nax nüxü̃ pecuáxü̃ca̱x rü aixcüma mea peyaxõgü. Rü name nixĩ i pegü pengugüarü maxü̃ã̱x rü aixcüma Tupanape̱xewa pime. ¿Tama ẽ̱xna nüxna pecua̱xãchie nax Ngechuchu ya Cristu rü pewa nangẽxmaxü̃ ega tama perüyixgu i perü õwa i ngẽxguma guxchaxü̃ pexca̱x ínguxgu?

2 Corintios 8:2

Rü woo taxü̃ ga guxchaxü̃gü nüxü̃́ yexmagüxü̃, natürü nataãẽgü. Rü woo tama namuarü diẽruã̱xgü, natürü yema nüxü̃́ yexmacü ga diẽrumaxã togüxü̃ narüngü̃xẽẽgü, ñoma nataarü diẽruã̱xgüxü̃rüxü̃.

2 Corintios 8:7

Pema rü guxü̃wama mea ipexĩ erü mea peyaxõgü, rü pexü̃́ natauxcha nax mea nüxü̃ pixuxü̃ i Tupanaarü ore erü mea nüxü̃ pecua̱x nax ta̱xacüchiga yixĩxü̃. Rü aixcüma togüxü̃ perüngü̃xẽẽchaü̃, rü yema pexü̃ tangúexẽẽxü̃ãcüma pegü pengechaü̃gü. Rü ñu̱xma rü ngẽxgumarüxü̃ ta penaxwa̱xe nax aixcüma mea ipexĩxü̃ nawa i ngẽma mexü̃ i nacüma nax diẽru ngĩxü̃ ipexãxü̃ naxca̱x i ngẽma taenexẽgü i nüxü̃́ nataxuxü̃.

2 Corintios 9:14

Rü ngẽma taenexẽgü i Yudéaanewa ngẽxmagüxü̃ rü naétü tá pexca̱x nayumüxẽgü, erü pexü̃ nangechaü̃gü. Rü Tupanana moxẽ tá naxãgü, erü nüma ya Tupana pexü̃́ nanatauxchaxẽxẽ nax nüxü̃ perüngü̃xẽẽgüxü̃ca̱x i ngẽma taenexẽgü i Yudéaanewa ngẽxmagüxü̃.

Filipenses 1:9

Rü chorü yumüxẽwa naxca̱x íchaca nax yexeraãcü pegü pengechaü̃güxü̃ca̱x nax yexeraãcü Tupanaxü̃ pecuáxü̃ca̱x rü nüma yexeraãcü cua̱x pexna naxãxü̃ nax nüxü̃ pecuáxü̃ca̱x nax mea naxca̱x pemaxẽxü̃.

Filipenses 2:5

Rü name nixĩ ga yema Ngechuchu ya Cristu nagu rüxĩnüxü̃gu nax perüxĩnüexü̃ i pemax.

Filipenses 3:8

Rü ñu̱xma nax Ngechuchu ya Cristu ya chorü Corixü̃ chacuáxü̃, rü cha̱u̱xca̱x rü guxü̃ma ga yema ü̃pa nagu chixũxü̃ rü taxuwama name. Rü guxü̃ma ga yema mugü ga noxri nagu chixũxü̃ rü marü nüxü̃ charüxo nax Cristuwe charüxũxü̃ca̱x. Rü ñu̱xma nax Cristuwe charüxũxü̃ rü cha̱u̱xca̱x rü ñoma guxchirerüxü̃ nixĩ ga yema ü̃pa nagu chixũxü̃

Colosenses 1:10

Rü nüxna naxca̱x tacagü nax tórü Cori naxwa̱xexü̃ãcüma pemaxẽxü̃ca̱x rü guxü̃guma penaxüxü̃ca̱x i ngẽma nüma namaxã nataãẽxü̃. Rü nüxna naxca̱x tacagü nax pexü̃́ natauxchaxẽẽãxü̃ca̱x nax naguxü̃raü̃xü̃ i mexü̃ pexügüxü̃ca̱x, rü guxü̃ i ngunexü̃gu yexeraãcü Tupanaxü̃ pecuáxü̃ca̱x.

Colosenses 2:7

Rü wüxi i nanetü i waixü̃müwa meama yaxũ̱xchúma̱xaxü̃rüxü̃ rü pema rü name nax meama Cristuwa peyaxũ̱xgüxü̃ i perü õwa, yema pexü̃ tangúexẽẽxü̃rüxü̃. Rü name nixĩ i guxü̃guma Tupanana moxẽ pexãgü.

Colosenses 3:16

Rü name nixĩ i guxü̃guma peãẽwa nangẽxma i Cristuarü ore i taãxẽ pexna ãxü̃. Rü name nixĩ i nüxü̃ pecuáãcüma ngẽma oremaxã pegü pengúexẽxẽ rü pegü pixucu̱xẽgü. Rü name nixĩ i Tupanana moxẽ pexãgüãcüma nagu pewiyaegü i naguxü̃raü̃xü̃ i norü wiyaegü.

1 Tesalonicenses 3:12

Rü tanaxwa̱xegü nax tórü Cori ya Ngechuchu pexü̃ rüngü̃xẽẽxü̃ nax yexeraãcü pegü pengechaü̃güxü̃ca̱x rü guxü̃ i duü̃xü̃güxü̃ nax pengechaü̃güxü̃ca̱x, ngẽxgumarüxü̃ i toma rü poraãcü pexü̃ nax tangechaü̃güxü̃rüxü̃.

1 Tesalonicenses 4:1

Ñu̱xma Pa Chauenexẽgüx, rü tórü Cori ya Ngechuchuégagu pexü̃ taca̱xaxü̃ rü pexü̃ tamu nax yema pexü̃ tangúexẽẽxü̃rüxü̃ wüxichigü i ngunexü̃gu yexeraãcü Tupanaca̱x mea pemaxẽxü̃ nax ngẽmaãcü penataãẽxẽẽxü̃ca̱x ngẽma marü pexüxü̃rüxü̃.

2 Tesalonicenses 1:3

Pa Toenexẽgüx, guxü̃guma Tupanana moxẽ pexca̱x taxã. Rü name nixĩ nax ngẽmaãcü tanaxüxü̃, erü pema rü yexeraãcü peyaxõgüetanü, rü wüxichigü i pema rü yexeraãcü pegü pingechaü̃güetanü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:13

Rü ngĩmagü rü ĩpatawa iyaxĩxchigümare rü tama ipuracüechaü̃. Rü tama ngẽmaxicatama ixügü, natürü düxwa ixoregütaxáx, rü guxü̃raxü̃xü̃ i ore i tama mexü̃ i togüchiga iyaxugü.

Popera ga Títoca̱x naxümatüxü̃ ga Pauru 3:14

Rü ngẽma taenexẽgü i yaxõgüxü̃, rü name nixĩ i naxca̱x nangúe nax mexü̃ naxügüxü̃ rü togüxü̃ nangü̃xẽẽgüxü̃ ega ta̱xacü nüxü̃́ taxu̱xgux. Rü ngẽmaãcü i ngẽma togü rü tá nayaxõgü.

Popera ga Filemúü̃ca̱x naxümatüxü̃ ga Pauru 1:6

Cuma rü toxrüxü̃ Cristuaxü̃́ cuyaxõ. Rü ngẽmaca̱x ngẽxguma chayumüxẽgu rü Tupanana naxca̱x chaca nax cuxna naxããxü̃ca̱x i cua̱x nax nüxü̃ cucuáxü̃ca̱x i guxü̃ma i ngẽma mexü̃ i tüxü̃́ tauxchaxü̃ nax naxüxü̃ nagagu nax Ngechuchu ya Cristuaxü̃́ yaxõgüxü̃.

Popera ga Yudíugü ga yaxõgüxü̃ca̱x ümatüxü̃ 6:12

Rü tama tanaxwa̱xe nax nüxü̃ perüxoetanücüüxü̃ nax Cristuwe perüxĩxü̃. Natürü name i naxrüxü̃ pixĩgü i ngẽma duü̃xü̃gü i guxü̃guma mea yaxõgüãcüma Cristuwe rüxĩãmaxü̃ rü nayauxgüxü̃ i guxü̃ma i ngẽma mexü̃gü ga Tupana namaxã ixunetaxü̃.

Norü taxre ga popera ga Pedru ümatüxü̃ 1:2

Rü ñu̱xma nax Tanatü ya Tupanaxü̃ pecuáxü̃ rü tórü Cori ya Ngechuchuxü̃ pecuáxü̃, rü chanaxwa̱xe i yexera pemaxã namecüma rü pexna nanaxã i taãxẽ.

Norü taxre ga popera ga Pedru ümatüxü̃ 1:3

Rü yexguma Tupana noxrütama poramaxã tüxü̃ nüxü̃ nacua̱xẽẽgu ga gumá tórü Cori ya mexẽchicü ga norü üünemaxã tüxü̃ decü, rü nüma ya Tupana rü marü tüxna nanaxã ga guxü̃ma i nacüma i mexü̃ i inaxwa̱xexü̃ nax mea naxca̱x imaxẽxü̃ca̱x.

Norü taxre ga popera ga Pedru ümatüxü̃ 2:20

Rü guxãma ya yíxema marü tórü Cori ya Ngechuchu ya Cristu ya tórü Maxẽxẽẽruü̃xü̃ yauxgüxe, rü marü nawa ítanguxü̃ i ñoma i naanearü chixexü̃gü. Natürü ngẽxguma chi wenaxarü naxca̱x tawoegugu i ngẽma chixexü̃ i nawa ítanguxü̃chiréxü̃, rü aixcüma noxriarü yexera tichixe.

Norü taxre ga popera ga Pedru ümatüxü̃ 3:18

Rü ngẽmaca̱x, Pa Chauenexẽgüx, penaxwa̱xe nax pegü peporaexẽẽxü̃ nax wüxichigü i ngunexü̃ yexeraãcü tórü Cori ya Ngechuchu ya Cristu ya tórü Maxẽxẽẽruü̃xü̃ pecuáxü̃ca̱x rü yexeraãcü nüxü̃ picuáetanüxü̃ca̱x nax aixcüma pexü̃ nangechaü̃xü̃. ¡Rü ngẽmaca̱x name i ñu̱xma rü guxü̃gutáma nüxü̃ ticua̱xüxü̃gü! Rü ngẽmaãcü yixĩ.