Norü taxre ga popera ga Pedru ümatüxü̃ 1:7 - Tupanaarü Ore

⁷ Rü ngẽma nax Tupanaga pexĩnüexü̃étüwa penaxwa̱xe nax peenexẽgüxü̃ pengechaü̃güxü̃. Rü ngẽma nax peenexẽgüxü̃ pengechaü̃güxü̃étüwa penaxwa̱xe nax guxü̃ma i duü̃xü̃güxü̃ pengechaü̃güxü̃.

Norü taxre ga popera ga Pedru ümatüxü̃ 1:7 Iomraidhean Croise

Romanos 12:10

Rü name nixĩ i wüxichigü pegü pengechaü̃gü, ñoma pegüenexẽxü̃chixü̃ pengechaü̃xü̃rüxü̃. Rü name nixĩ i pegümaxã petaãẽxẽxẽ rü pegü perüngü̃xẽxẽ erü pegüenexẽ pixĩgü.

Gálatas 6:10

Rü ngẽmaca̱x ngẽxguma tüxü̃́ natauxchagu nax ta̱xacümaxã togüxü̃ rüngü̃xẽẽxü̃, rü name nixĩ i guxãxü̃ma tarüngü̃xẽxẽ. Natürü yexera tanaxwa̱xegü nax nüxü̃ rüngü̃xẽẽgüxü̃ i ngẽma taenexẽgü rü taeya̱xgü i yaxõgüxü̃.

Colosenses 3:14

Rü guxü̃arü yexera mexü̃ nixĩ nax pegü pengechaü̃güxü̃. Erü ngẽxguma aixcüma pegü pengechaü̃gügu rü wüxigu tá perüxĩnüe, rü pegümaxã tá pemecümagü.

1 Tesalonicenses 3:12

Rü tanaxwa̱xegü nax tórü Cori ya Ngechuchu pexü̃ rüngü̃xẽẽxü̃ nax yexeraãcü pegü pengechaü̃güxü̃ca̱x rü guxü̃ i duü̃xü̃güxü̃ nax pengechaü̃güxü̃ca̱x, ngẽxgumarüxü̃ i toma rü poraãcü pexü̃ nax tangechaü̃güxü̃rüxü̃.

1 Tesalonicenses 5:15

Rü ngẽxguma texé chixexü̃ pemaxã ü̱xgu, rü tama name i chixexü̃maxã penataeguxẽxẽ. ¡Rü pora pexügü nax guxü̃guma mexü̃ pexügüxü̃ i pegütanüwa rü guxü̃ma i ngẽma togütanüwa rü ta!

Popera ga Yudíugü ga yaxõgüxü̃ca̱x ümatüxü̃ 13:1

Rü ñu̱xma rü name nax guxü̃guma pegü pengechaü̃güxü̃ ñoma peenexẽxü̃ pengechaü̃xü̃rüxü̃.

Nüxíraxü̃xü̃ ga popera ga Pedru ümatüxü̃ 1:22

Rü ñu̱xma nax naga pexĩnüexü̃ i Tupanaarü ore i aixcüma ixĩxü̃ rü pexü̃́ natauxcha nax pegü pengechaü̃güxü̃ erü Tupana rü marü pexü̃́ inayanaxoxẽxẽ i perü chixexü̃gü. Rü ngẽmaca̱x penaxwa̱xe i guxü̃ i perü ngúchaü̃maxã aixcüma pegü pengechaü̃gü.

Nüxíraxü̃xü̃ ga popera ga Pedru ümatüxü̃ 2:17

Rü name nixĩ i mea penayauxgü i guxü̃ma i duü̃xü̃gü. ¡Rü nüxü̃ pengechaxü̃ i taenexẽgü i yaxõgüxü̃! ¡Rü nüxü̃ pemuü̃e ya Tupana! ¡Rü naga pexĩnüe ya yimá ãẽ̱xgacü ya Rómawa ngẽxmacü!

Nüxíraxü̃xü̃ ga popera ga Pedru ümatüxü̃ 3:8

Rü chanaxwa̱xe i guxãma i pemax rü wüxigu perüxĩnüe, rü pegüxü̃́ pengechaü̃tümüxü̃gü rü pegü pengechaü̃gü, ñoma pegüenexẽxü̃chixü̃ pengechaü̃xü̃rüxü̃. Rü chanaxwa̱xe i aixcüma pemecümagü rü pegü íperüxíxragü.

Nüxíraxü̃xü̃ ga popera ga Cuáü̃ ümatüxü̃ 3:14

Yixema rü marü nüxna ítanguxü̃ i ngẽma yu, rü ñu̱xma rü marü maxü̃wa tangexmagü. Nüxü̃ tacua̱x i ngẽma erü nüxü̃ tangechaü̃gü i taenexẽgü. Yíxema tama tümaenexẽxü̃ ngechaü̃xe rü yuxme̱xwa tangexma.

Nüxíraxü̃xü̃ ga popera ga Cuáü̃ ümatüxü̃ 3:16

Rü Ngechuchu ya Cristu rü tórü pecaduca̱x nayu, rü yemawa tüxü̃ nüxü̃ nadauxẽxẽ i ngẽma ngechaü̃ i aixcüma ixĩxü̃. Rü ngẽxgumarüxü̃ ta i yixema, rü tanaxwa̱xe nax íimemarexü̃ nax taenexẽ i yaxõgüxü̃ca̱x inaxãxü̃ i tórü maxü̃.

Nüxíraxü̃xü̃ ga popera ga Cuáü̃ ümatüxü̃ 4:21

Rü Ngechuchu ya Cristu tamaxã nüxü̃ nixu i ñaa mu, rü ñanagürü: “Yíxema Tupanaxü̃ ngechaü̃xe, rü tanaxwa̱xe nax tümaenexẽxü̃ rü ta tangechaü̃xü̃”, ñanagürü.