Norü taxre ga popera ga Pedru ümatüxü̃ 1:3 - Tupanaarü Ore

³ Rü yexguma Tupana noxrütama poramaxã tüxü̃ nüxü̃ nacua̱xẽẽgu ga gumá tórü Cori ya mexẽchicü ga norü üünemaxã tüxü̃ decü, rü nüma ya Tupana rü marü tüxna nanaxã ga guxü̃ma i nacüma i mexü̃ i inaxwa̱xexü̃ nax mea naxca̱x imaxẽxü̃ca̱x.

Norü taxre ga popera ga Pedru ümatüxü̃ 1:3 Iomraidhean Croise

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Ucu̱xẽgüchiga 12:4

Ngẽma mecümacü i nge, rü ngĩtexü̃ itaãẽxẽxẽ rü nüxü̃ iyacua̱xüxü̃, natürü ngẽma ngexü̃ i chixecümaxü̃, rü tama natexü̃ nataãẽxẽxẽ rü nanachixeãxẽ.

Ucu̱xẽgüchiga 31:10

Tama natauxcha nax ngĩxü̃ iyarünga̱u̱xü̃ i wüxi i nge i aixcüma ngĩãẽxü̃ cua̱xcü. Ngĩma rü ñoma nutaacügü ya ngã̱xãẽruü̃arü yexera iyixĩ nax namexẽchixü̃.

Ucu̱xẽgüchiga 31:29

—Imuxũchi i nge i mecümacü, natürü cuma nixĩ i guxü̃arü yexera cumecümaxü̃ —ñanagürügü.

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Romanos 8:32

Nüma ga Tupana rü tama tüxna nayanuxũ ga Nanexü̃chi, natürü taxca̱x inanamu ga Nane nax taxca̱x nayuxü̃ca̱x i guxãma i yixema. Rü ñu̱xma nax taxca̱x inamuãxü̃ ga Nane nax taxca̱x nayuxü̃ca̱x, ¿rü taux ẽ̱xna tüxna naxããxü̃ i guxü̃ma i ngẽma inaxwa̱xexü̃ nax mea naxca̱x imaxẽxü̃ca̱x?

Romanos 9:24

Rü ngẽmaãcü i yixema nax Yudíugü ixĩgüxü̃, rü tatanüwa Tupana tüxü̃ nidexechi ya ñuxre nax norü duü̃xü̃gü tixĩgüxü̃ca̱x. Rü ngẽxgumarüxü̃ ta i ngẽma tama Yudíugü ixĩgüxü̃tanüwa rü nayadexechi i togü.

1 Corintios 1:9

Rü Tupana rü guxü̃guma nayanguxẽxẽ i norü uneta. Rü nüma nixĩ ga pexü̃ nadexü̃ nax wüxigu Nane ya tórü Cori ya Ngechuchu ya Cristumaxã pexãmücügüxü̃ca̱x.

2 Corintios 12:9

Natürü nüma ya tórü Cori rü ñanagürü choxü̃: “Choma cuxü̃ changechaü̃, rü ngexicatama nixĩ i cunaxwa̱xexü̃. Rü choma rü ngẽma duü̃xü̃gü i tama poraexü̃wa nixĩ i chanango̱xẽẽxü̃ i chorü pora”, ñanagürü choxü̃. Rü ngẽmaca̱x chataãxẽ ega tama chaporagu. Erü ngẽxguma tama chaporagu rü ngẽxguma nixĩ i chowa inawéãxü̃ i norü pora ya Cristu.

Efesios 4:1

Rü ñu̱xma i choma nax Cristuaxü̃́ chapuracüxü̃gagu chapoxcuxü̃, rü pexü̃ chaca̱xaxü̃ nax ngẽma duü̃xü̃gü ga Tupana naxca̱x naca̱xaxü̃rüxü̃ mea pemaxẽxü̃. Rü pexca̱x nixĩ ga naca̱xaxü̃ ga Tupana nax norü duü̃xü̃gü pixĩgüxü̃ca̱x.

Efesios 4:4

Erü ñu̱xma nax Cristuarü duü̃xü̃gü pixĩgüxü̃, rü wüxitama i duü̃xü̃ pixĩgü. Rü wüxitama nixĩ i Naãxẽ ya Üünexü̃ i pewa ngẽxmaxü̃. Rü ñu̱xma nax Tupana pexü̃ dexü̃ rü wüxitama i maxü̃ i taguma gúxü̃ ípenangu̱xẽxẽ.

Filipenses 3:8

Rü ñu̱xma nax Ngechuchu ya Cristu ya chorü Corixü̃ chacuáxü̃, rü cha̱u̱xca̱x rü guxü̃ma ga yema ü̃pa nagu chixũxü̃ rü taxuwama name. Rü guxü̃ma ga yema mugü ga noxri nagu chixũxü̃ rü marü nüxü̃ charüxo nax Cristuwe charüxũxü̃ca̱x. Rü ñu̱xma nax Cristuwe charüxũxü̃ rü cha̱u̱xca̱x rü ñoma guxchirerüxü̃ nixĩ ga yema ü̃pa nagu chixũxü̃

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.

Colosenses 1:16

Rü nüma ga Tupana rü wüxigu Nanemaxã nanango̱xẽxẽ ga guxü̃ma i daxũguxü̃ i naanewa rü ñoma i naanewa ngẽxmagüxü̃, rü guxü̃ma i ngẽma nüxü̃ idauxü̃ rü ngẽma tama nüxü̃ idauxü̃. Rü yemaacü nanaxü ga guxü̃ma ga naãẽgü rü norü ãẽ̱xgacügü i poraexü̃ i tama nüxü̃ idauxü̃. Rü yemaacü Nanemaxã rü Naneca̱x nanaxü ga guxü̃ma.

1 Tesalonicenses 2:12

Rü ngẽxgumarüxü̃ ta nüxü̃ pecua̱xgü nax ñuxãcü pexü̃ taxucu̱xẽgüxü̃ nax mea Tupanape̱xewa pemaxẽxü̃ca̱x. Rü nüma nixĩ i pexca̱x nangemaxü̃ nax nüma ãẽ̱xgacü íyixĩxü̃wa pengugüxü̃ca̱x nax ngéma mexü̃wa pengẽxmagüxü̃ca̱x.

1 Tesalonicenses 4:7

Erü Tupana tüxü̃ nade nax mea imaxẽxü̃ca̱x rü tama chixexü̃ ixügüxü̃ca̱x.

2 Tesalonicenses 2:14

Rü yemaca̱x Tupana pexca̱x naca ga yexguma pemaxã nüxü̃ tixuxgu ga norü ore i mexü̃ i tüxü̃ maxẽxẽẽxü̃. Erü nüma nanaxwa̱xe nax pexü̃́ nangẽxmaxü̃ca̱x i pechica i tórü Cori ya Ngechuchu ya Cristuxü̃tawa i ngextá ínamexẽchixü̃wa.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:8

Rü wüxi i mexü̃ nixĩ nax yaxĩã̱xcüüxẽẽxü̃ i taxü̃ne nax naporaxü̃ca̱x. Natürü ngẽmaarü yexera narümemae nixĩ nax yigü iporaxẽẽxü̃ nax Tupanaga ixĩnüxü̃ca̱x erü ngẽma rü guxü̃wama tüxü̃́ name i ñu̱xma nax imaxẽxü̃ rü guxü̃gutáma i daxũguxü̃ i naanewa rü ta.

Norü taxre ga popera ga Timutéuca̱x naxümatüxü̃ ga Pauru 1:9

Rü Tupana tüxü̃ namaxẽxẽxẽ rü tüxü̃ nade nax naxca̱xicatama imaxẽxü̃ca̱x. Natürü tama ta̱xacürü mexü̃ nax ixügüxü̃gagu nixĩ ga yemaacü tamaxã namecümaxü̃ ga Tupana. Natürü tamaxã namecüma yerü woetama yema nixĩ ga norü ngúchaü̃ rü naxü̃pa nax naane naxüxü̃ rü Ngechuchu ya Cristugagu tüxü̃ nangechaxü̃.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Nüxíraxü̃xü̃ ga popera ga Pedru ümatüxü̃ 1:15

Natürü penaxwa̱xe i mea pemaxẽ nax Tupanape̱xewa naxüünexü̃ca̱x i perü maxü̃. Erü nüma ya Tupana ya pexü̃ decü, rü naxüüne.

Nüxíraxü̃xü̃ ga popera ga Pedru ümatüxü̃ 1:5

Rü ñu̱xma nax Tupanaaxü̃́ peyaxõgüxü̃, rü nüma rü norü poramaxã tá pexna nadau ñu̱xmatáta penayauxgü i ngẽma maxü̃ i taguma gúxü̃ i tá pexna naxãxü̃ i ngẽxguma nagu̱xgu i naane.

Nüxíraxü̃xü̃ ga popera ga Pedru ümatüxü̃ 2:21

Rü ngẽma nax mexü̃ pexüxü̃gagu ngúxü̃ pingegüxü̃ca̱x nixĩ ya Tupana pexü̃ dexü̃. Yerü ga Cristu rü ta pexca̱x ngúxü̃ ninge. Rü yemaacü pexü̃ nüxü̃ nadauxẽxẽ nax naxrüxü̃ yáxna namaxã pexĩnüexü̃ i ngẽma ngúxü̃.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Nüxíraxü̃xü̃ ga popera ga Pedru ümatüxü̃ 3:9

Rü ngẽxguma texé chixexü̃ pexca̱x üxgu, rü tama name i pema rü ta chixexü̃ tümaca̱x pexü. Rü ngẽxguma texé pemaxã guxchigagu, rü tama name i pema rü ta tümamaxã peguxchiga. Natürü name nax mexü̃ tümamaxã pexueguxü̃, erü Tupana pexü̃ nade nax mexü̃ pemaxã naxueguxü̃ca̱x.

Nüxíraxü̃xü̃ ga popera ga Pedru ümatüxü̃ 5:10

Natürü ngẽxguma paxaãchi ñoma i naanewa ngúxü̃ pingegüguwena, rü Tupana rü tá pexü̃ nimexẽxẽ nax aixcüma nape̱xewa pimexü̃ca̱x. Rü woo guxchaxü̃gü pexca̱x ínguxgu, rü tá pexü̃ narüngü̃xẽxẽ nax peyaxõgüamaxü̃ca̱x, rü tá pexü̃ naporaexẽxẽ nax ngẽmaãcü taxuca̱xma pemuü̃exü̃ca̱x. Rü nümatama ya Tupana nixĩ i norü ngechaü̃gagu pexü̃ nadexü̃ nax guxü̃guma naxü̃tawa pexü̃́ nangẽxmaxü̃ca̱x i pechica, erü Ngechuchu ya Cristuaxü̃́ peyaxõgü.

Norü taxre ga popera ga Pedru ümatüxü̃ 1:10

Rü ngẽmaca̱x, Pa Chauenexẽgüx ya Tupana Pexü̃ Dexe Nax Norü Duü̃xü̃gü Pixĩgüxü̃x, rü name i pora pexügü nax nagu pexĩxü̃ i ngẽma pemaxã nüxü̃ chixuxü̃. Rü ngẽxguma ngẽmaãcü pemaxẽgu rü tagutáma chixexü̃gu peyi rü tagutáma Tupanaxü̃ ípeta̱x.

Norü taxre ga popera ga Pedru ümatüxü̃ 1:2

Rü ñu̱xma nax Tanatü ya Tupanaxü̃ pecuáxü̃ rü tórü Cori ya Ngechuchuxü̃ pecuáxü̃, rü chanaxwa̱xe i yexera pemaxã namecüma rü pexna nanaxã i taãxẽ.

Norü taxre ga popera ga Pedru ümatüxü̃ 1:5

Rü ngẽmaca̱x penaxwa̱xegü nax pegü peporaexẽẽxü̃ nax perü õétüwa peyaxǘcuchixü̃ i mexü̃ i pecüma. Rü ngẽma pecüma i mexü̃étüwa penaxwa̱xe nax cua̱x pexü̃́ ngẽxmagüxü̃ nax nüxü̃ pecuáxü̃ca̱x i ta̱xacü nixĩ i mexü̃ rü ta̱xacü nixĩ i chixexü̃.

Norü taxre ga popera ga Pedru ümatüxü̃ 1:6

Rü ngẽma cua̱xétüwa penaxwa̱xe nax wüxichigü mea tügümaxã itacuáxü̃. Rü ngẽma nax mea tügümaxã itacuáxü̃étüwa penaxwa̱xe nax yáxna pexĩnüexü̃. Rü ngẽma nax yáxna pexĩnüexü̃étüwa penaxwa̱xe nax Tupanaga pexĩnüexü̃.

Norü taxre ga popera ga Pedru ümatüxü̃ 1:8

Rü ngẽxguma aixcüma nagu pemaxẽgu i ngẽma nacümagü i pemaxã nüxü̃ chixuxü̃, rü taxũtáma natüca̱xma nixĩ i perü maxü̃, rü taxũtáma natüca̱xma nixĩ nax tórü Cori ya Ngechuchu ya Cristuxü̃ pecuáxü̃.

Norü taxre ga popera ga Pedru ümatüxü̃ 2:20

Rü guxãma ya yíxema marü tórü Cori ya Ngechuchu ya Cristu ya tórü Maxẽxẽẽruü̃xü̃ yauxgüxe, rü marü nawa ítanguxü̃ i ñoma i naanearü chixexü̃gü. Natürü ngẽxguma chi wenaxarü naxca̱x tawoegugu i ngẽma chixexü̃ i nawa ítanguxü̃chiréxü̃, rü aixcüma noxriarü yexera tichixe.

Norü taxre ga popera ga Pedru ümatüxü̃ 3:18

Rü ngẽmaca̱x, Pa Chauenexẽgüx, penaxwa̱xe nax pegü peporaexẽẽxü̃ nax wüxichigü i ngunexü̃ yexeraãcü tórü Cori ya Ngechuchu ya Cristu ya tórü Maxẽxẽẽruü̃xü̃ pecuáxü̃ca̱x rü yexeraãcü nüxü̃ picuáetanüxü̃ca̱x nax aixcüma pexü̃ nangechaü̃xü̃. ¡Rü ngẽmaca̱x name i ñu̱xma rü guxü̃gutáma nüxü̃ ticua̱xüxü̃gü! Rü ngẽmaãcü yixĩ.

Rux 3:11

¡Rü taxṹ i cumuü̃xü̃, Pa Chauxacüx! Erü guxü̃ma i duü̃xü̃gü i daa chorü ĩanecüã̱x rü marü nüxü̃ nacua̱xgü rü cuma rü wüxi i nge i mecü nax quixĩxü̃. Rü ngẽmaca̱x i choma rü tá chanaxü i ngẽma choxna naxca̱x cucaxü̃.