Norü taxre ga popera ga Pedru ümatüxü̃ 1:21 - Tupanaarü Ore

²¹ Yerü taxuxü̃ma ga yema Tupanaarü orearü uruxü̃ rü nüechamatama nügüãẽwa nanayaxu ga yema ore ga nüxü̃ yaxugüexü̃. Natürü yexguma yema orexü̃ yaxugüegu, rü Naãxẽ ya Üünexü̃ nixĩ ga yadexagüxẽẽxü̃.

Norü taxre ga popera ga Pedru ümatüxü̃ 1:21 Iomraidhean Croise

2 Chamué 23:2

—Tupanaãxẽ ya Üünecü rü chowa narüdexa rü norü ore rü chorü conüwa nangẽxma.

Nüxíraxü̃xü̃ ga popera ga ãẽ̱xgacügüchiga 13:1

Rü yexguma Betéwa Yeruboáü̃ pumarate̱xe íguyane nawa ga ãmaregüarü guruxü̃, rü yéma nangu ga wüxi ga orearü uruxü̃ ga Yudáanewa ne ũxü̃ ga Cori ya Tupana yéma Yeruboáü̃xü̃tawa muxü̃.

Nüxíraxü̃xü̃ ga popera ga ãẽ̱xgacügüchiga 17:18

Rü yexguma ga ngĩma ga yema yutecü rü Eríaxü̃ ngĩgürügü: —¿Ta̱xacü chomaxã cuxü, Pa Tupanaarü Orearü Ngeruxü̃x? ¿Rü nua cuxũ nax choxna nüxü̃ cucua̱xãchixẽẽxü̃ i chorü chixexü̃gü rü ngẽmagagu cunayuxẽẽxü̃ ya chaunex? —ngĩgürügü.

Nüxíraxü̃xü̃ ga popera ga ãẽ̱xgacügüchiga 17:24

Rü ngĩma ga yema nge rü inangãxü̃ rü ngĩgürügü: —Ñu̱xma waxi nixĩ i meama nüxü̃ chacuáxü̃ i Tupanaarü duü̃xü̃ nax quixĩxü̃ rü ngẽma nüxü̃ quixuxü̃ rü Cori ya Tupanawa ne naxũxü̃ —ngĩgürügü.

Norü taxre ga popera ga ãẽ̱xgacügüchiga 4:22

Rü yemawena ngĩteca̱x yéma imuga rü ngĩgürügü: —¡Nua namu i wüxi i tórü duü̃xü̃ namaxã i wüxi i búru nax naxü̃tawa chaxũxü̃ca̱x ya yimá Tupanaarü orearü uruxü̃! Rü ñu̱xũchi tá chataegu —ngĩgürügü.

Norü taxre ga popera ga ãẽ̱xgacügüchiga 4:7

Rü ngĩma rü ñu̱xũchi gumá orearü uruxü̃ ga Erichéuxü̃tawa ixũ rü namaxã nüxü̃ iyarüxu. Rü nüma rü ñanagürü ngĩxü̃: —¡Ẽcü ñu̱xma rü namaxã nataxe i ngẽma chíxü̃ rü ngẽmatanümaxã naxütanü i ngẽma coriaxü̃́ cungetanüxü̃! Rü ngẽma íyaxücü i diẽrumaxã tá nixĩ i pemaxẽxü̃ namaxã ya cunegü —ñanagürü.

Norü taxre ga popera ga ãẽ̱xgacügüchiga 4:9

Rü ngĩma rü ngĩtexü̃ ngĩgürügü: —Choma nüxü̃ chacua̱x i ñaa yatü i nuxã taxü̃tagu ídauuxü̃ rü wüxi i Tupanaarü orearü uruxü̃ nixĩ.

Norü taxre ga popera ga ãẽ̱xgacügüchiga 6:10

Rü nüma ga Iraéanecüã̱xarü ãẽ̱xgacü rü yéma nanamugü ga norü ngugütaeruü̃gü nax nüxü̃ nacuáxü̃ca̱x rü aixcüma yixĩxü̃ ga yema Erichéu nüxü̃ ixuxü̃. Rü aixcüma nixĩ ga yema, rü yemaacü muẽ̱xpü̱xcüna tama yema Chíriaanecüã̱xgüme̱xẽgu nayi ga Iraéanecüã̱xgü.

Norü taxre ga popera ga ãẽ̱xgacügüchiga 6:15

Rü moxü̃ãcü pa̱xmama ínarüda ga Erichéuarü ngü̃xẽẽruxü̃. Rü yexguma ínaxũxü̃gu ga ĩpatawa, rü nüxü̃ nadau ga yema churaragü ga guma ĩanexü̃ íchomaeguãchixü̃ namaxã ga norü cowarugü, rü namaxã ga naweü̃gü ga cowaru itúgüne. Rü Erichéumaxã nüxü̃ nayarüxu rü ñanagürü: —¿Ñu̱xmax, Pa Ngu̱xẽẽruxü̃, rü ta̱xacü tá ixüexü̃? —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:14

Rü Moiché ga Cori ya Tupanaarü duü̃ rü ñu̱xũchi nataagü rü Lebítanüxü̃tanüwa nanaxǘgüxẽxẽ.

Norü taxre ga to ga popera ga ãẽ̱xgacügüchiga ümatüxü̃ 8:14

Rü yexgumarüxü̃ ta yema nanatü ga Dabí namaxã nüxü̃ ixuxü̃ãcü rü Charomóü̃ rü nüxü̃ nayanu ga norü puracü ga yema chacherdótegü. Rü nüxü̃ nayanu ga norü puracü ga yema Lebítanüxü̃ nax wüxichigü ga ngunexü̃gu rü chacherdótegüxü̃ nangü̃xẽẽgüxü̃ca̱x rü namaxã inacua̱xgüxü̃ca̱x ga Tupanaarü cua̱xüxü̃gü. Rü yexgumarüxü̃ ta nüxü̃ nayanu ga norü puracü ga yema ĩã̱xarü dauruü̃gü ga wüxichigü ga ĩã̱xwa, yerü yemaacü nixĩ ga nüxü̃ yaxuxü̃ ga Tupanaarü duü̃ ga Dabí.

Yeremía 23:26

¿Rü ngẽma orearü uruü̃güneta rü ñuxguxüra tá ta nüxü̃ naxoexü̃ nax nüxü̃ yaxugüxü̃ i ore i doramare ixĩxü̃ rü nüxü̃ yaxugüxü̃ i ngẽma nügüãẽwa nayauxgümarexü̃?

Miquéa 1:1

Rü yexguma Yudáanearü ãẽ̱xgacügü yixĩgügu ga Yotáü̃ rü Acháx rü Echequía, rü yexguma nixĩ ga Cori ya Tupana ga Miquéa ga Moréchecüã̱xü̃ nawéaxü̃ ga yema guxchaxü̃gü ga ĩane ga Chamáriaca̱x tá ínguxü̃ rü ĩane ga Yerucharéü̃ca̱x tá ínguxü̃.

Miquéa 3:7

Rü ngẽma orearü uruü̃güneta, rü ngẽma yuüexü̃ rü taxũtáma nataãẽgü erü cugüruxü̃ tá nixĩgü. Rü guxü̃táma i nümagü rü tá nachianegümare i ngẽxguma tama nayauxgüãgu i Tupanaarü ngãxü̃.

Iraétanüxü̃arü muxchiga 16:28

Rü nüma ga Moiché rü nidexachigüama rü ñanagürü: —Rü ñaa i ñu̱xma tá nüxü̃ pidauxü̃wa tá pexü̃ chanawe̱x nax Cori ya Tupana yixĩxü̃ ya choxü̃ mucü nax chanaxüxü̃ca̱x i guxü̃ma i ta̱xacü i chaxüxü̃, rü tama i chomatama chorü ngúchaü̃maxã yixĩxü̃ nax chanaxüxü̃.

Ore i mexü̃ ga Márcu ümatüxü̃ 12:36

¿Rü ñuxãcü i ngẽmaãcü yadexagüxü̃? Yerü nümatama ga Dabí, rü yexguma Tupanaãxẽ ya Üünecü naãxẽwa idexaxgu rü ñanagürü: “Cori ya Tupana rü chorü Corixü̃ ñanagürü: ‘¡Nua chorü tügünecüwawa rüto ñu̱xmatáta nüxü̃ charüporamae i curü uanügü nax cuga naxĩnüexü̃ca̱x!’ ” ñanagürü ga yema orewa.

Ore i mexü̃ ga Luca ümatüxü̃ 1:70

Rü yemaacü nixĩ ga Tupana duü̃xü̃gümaxã inaxunetaxü̃ nawa ga norü orearü uruü̃gü ga üünegüxü̃.

Ngechuchuarü ngúexü̃gü ga yamugüxü̃arü puracüchiga 1:16

—Pa Chomücügüx, marü ningu ga yema Tupanaãxẽ ya Üünecü nũxcüma Dabíxü̃ muxü̃ nax naxümatüaxü̃ca̱x nachiga ga Yúda ga namaarü cua̱xruxü̃ ixĩxü̃ naxca̱x ga yema duü̃xü̃gü ga Ngechuchuxü̃ iyauxgüxü̃.

Ngechuchuarü ngúexü̃gü ga yamugüxü̃arü puracüchiga 28:25

Rü yexguma tama wüxigu naxĩnüegu ga yema duü̃xü̃gü, rü inanaxügü nax íyaxĩxü̃. Rü yemaca̱x ga Pauru rü ñanagürü nüxü̃: —Mea perü o̱xigümaxã nidexa ga Tupanaãxẽ ya Üünecü ga yexguma Ichaíaxü̃ yadexaxẽẽgu rü ñaxgu:

Ngechuchuarü ngúexü̃gü ga yamugüxü̃arü puracüchiga 3:18

Natürü ga Tupana rü yemaacü nayanguxẽxẽ ga yema uneta ga nũxcüma nümatama nüxü̃ yaxuxü̃ nawa ga guxü̃ma ga norü orearü uruü̃gü. Yerü yema norü ore ga ümatüxü̃wa rü ñanagürü: “Cristu rü tá ngúxü̃ ninge”, ñanagürü.

Wenaxarü naxümatü ga Tupanaarü mugü 33:1

Rü naxü̃pa ga nax nayuxü̃ ga Moiché ga Tupanaarü duü̃ ixĩcü, rü Iraétanüxü̃maxã mexü̃ naxuegu, rü ñanagürü ga Moiché:

Popera ga Yudíugü ga yaxõgüxü̃ca̱x ümatüxü̃ 10:15

Rü Tupanaãxẽ ya Üünecü rü tüxü̃ nüxü̃ nacua̱xẽxẽ nax aixcüma yixĩxü̃ i ngẽma, yerü nüma ga Tupana rü ñanagürü: “Ngẽxguma nawa nanguxgu nax wena ngẽma Yudíugümaxã ichaxunetaxü̃, rü wüxi i uneta i ngexwaca̱xü̃xü̃ tá namaxã chixu. Rü norü maxü̃newa tá chanangexmaxẽxẽ i chorü mugü, rü naãẽwa tá chanaxümatü.

Popera ga Yudíugü ga yaxõgüxü̃ca̱x ümatüxü̃ 3:7

Rü ngẽmaca̱x Tupanaarü ore i ümatüxü̃wa rü Naãxẽ ya Üünexü̃ rü ñanagürü: “Ñu̱xma nax nüxü̃ pexĩnüexü̃ i ngẽma Tupana pemaxã nüxü̃ ixuxü̃, rü tama name nax nüxü̃ pexoexü̃, yexgumarüxü̃ ga yema duü̃xü̃gü ga Tupanaxü̃ ügüxü̃ rü tama naga ĩnüexü̃ ga yexguma yema naane ga chianexü̃wa nayexmagügu”.

Popera ga Yudíugü ga yaxõgüxü̃ca̱x ümatüxü̃ 9:8

Rü ngẽmawa Tupanaãxẽ ya Üünecü tüxü̃ nüxü̃ nacua̱xẽxẽ rü woo nax namexü̃ nax nagu nachocuxü̃ i ngẽma nüxíraxü̃xü̃ i naxmachiã, natürü ñu̱xma rü ta rü ngẽma naxmachiã i Üünexüchixü̃ rü nachu̱xu nax ngẽxma nachocuxü̃.

Yochué 14:6

Rü yema Iraétanüxü̃ ga Yudátanüxü̃wa ügüxü̃ rü Guirigáwa naxĩ nax Yochuémaxã yanadexagüxü̃ca̱x. Rü nüma ga Caréx ga Quenétanüwa ücü ga Yeponé nane, rü Yochuéxü̃ ñanagürü: —¡Nüxna nacua̱xãchi ga yema ore ga Cori ya Tupana norü duü̃ ga Moichémaxã nüxü̃ ixuxü̃ ga tachiga ga chianexü̃ ga Cadé-banéawa!

Nüxíraxü̃xü̃ ga popera ga Pedru ümatüxü̃ 1:11

Rü nümagü ga yema orearü uruü̃gü rü Tupanaarü poperawa nangúe nax nüxü̃ nacua̱xgüxü̃ca̱x nax ñuxãcü tá nax yixĩxü̃ rü ñuxguacü tá nax nangóxü̃ ga gumá maxẽxẽẽruxü̃ ga Cristu. Rü Cristuãxẽ i Üünexü̃ ga yema orearü uruü̃güwa yexmaxü̃, rü nüxü̃ nüxü̃ nacua̱xẽxẽ nax Cristu rü tá ngúxü̃ yangexü̃ rü tá nayuxü̃ rü yemawena rü wena tá namaxü̃xü̃ rü daxũguxü̃ i naanewa tá nax naxũxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:10

Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.