Norü taxre ga popera ga Pedru ümatüxü̃ 1:16 - Tupanaarü Ore

¹⁶ Rü yexguma pexü̃ tangúexẽẽgu nachiga ga norü pora ya tórü Cori ya Ngechuchu ya Cristu rü ñuxãcü tá wena nataeguxü̃, rü tama tomatama togüãẽwa tayaxuxü̃ i ore nixĩ. Yerü tomatama toxetümaxã nüxü̃ tadau ga tórü Cori rü nüxü̃ tadau ga norü üüne.

Norü taxre ga popera ga Pedru ümatüxü̃ 1:16 Iomraidhean Croise

Maraquía 3:2

¿Natürü texé tá namaxã tapora ya yimá Cori i ngẽma ngunexü̃ i nagu ínanguxü̃? ¿Rü texé tá nape̱xegu tachiama? Erü ngẽxguma ínanguxgu rü ñoma wüxi i üxüemaãcü tá ínangu nax yamexẽẽgüãxü̃ca̱x i tórü maxü̃. Rü ñoma wüxi ya chaũrüxü̃ tá inanayi̱xẽxẽ i guxü̃ma i tórü ãũãchixü̃.

Maraquía 4:5

Rü dücax, nua tá pexca̱x chanamu ya chorü orearü uruxü̃ ya Ería naxü̃pa i ngẽma ngunexü̃ i ãũcümaxü̃ i nagu chapoxcuexü̃ i ngẽma chixexü̃ ügüxü̃.

Ore i mexü̃ ga Matéu ümatüxü̃ 16:27

Erü Tupana Nane ya duü̃xü̃xü̃ ixĩcü rü wena táxarü núma naxũ. Rü Chaunatü ya Tupanaarü poramaxã rü daxũcüã̱x i orearü ngeruü̃gümaxã tá ínangu. Rü ngẽxguma tá nixĩ i nüxü̃́ naxütanüãxü̃ i wüxichigü i duü̃xü̃ naxca̱x i ngẽma naxüxü̃.

Ore i mexü̃ ga Matéu ümatüxü̃ 16:28

Rü aixcüma pemaxã nüxü̃ chixu rü nangẽxma i ñuxre i duü̃xü̃gü i núma ngẽxmagüxü̃ rü taxũtáma nayu ñu̱xmatáta nüxü̃ nadaugü nax núma naxũxü̃ ya Tupana Nane ya duü̃xü̃xü̃ ixĩcü nax guxü̃arü ãẽ̱xgacü ya poracü yixĩxü̃ca̱x —ñanagürü ga Ngechuchu.

Ore i mexü̃ ga Matéu ümatüxü̃ 17:1

Rü 6 ga ngunexü̃wena rü Ngechuchu ínayagagü ga Pedru rü Chantiágu rü Cuáü̃ ga Chantiáguenexẽ. Rü wüxi ga ma̱xpǘnewa namaxã naxũ. Rü nüxicatama yéma nayexmagü.

Ore i mexü̃ ga Matéu ümatüxü̃ 24:27

Erü ñoma wüxi i ba̱i̱xbeanexü̃ i éstewaama rü ñu̱xmata oéstewaama nguxü̃rüxü̃ tá nixĩ i ngẽxguma wenaxarü núma naxũxgu ya Tupana Nane ya duü̃xü̃xü̃ ixĩcü.

Ore i mexü̃ ga Matéu ümatüxü̃ 24:3

Rü ñu̱xũchi Oribunecüarü Ma̱xpǘnewa naxĩ. Rü yexguma guma ma̱xpǘnewa nato̱xgu ga Ngechuchu rü norü ngúexü̃gü naxü̃tawa naxĩ nax nüxicatama nüxna nacagüexü̃ca̱x. Rü ñanagürügü: —Tanaxwa̱xe i tomaxã nüxü̃ quixu nax ñuxgu tá nangupetüxü̃ i ngẽma nüxü̃ quixuxü̃. ¿Rü ta̱xacü tá nixĩ i norü cua̱xruxü̃ i nawa nüxü̃ tacuáxü̃ nax wena núma cuxũxü̃ rü nagúxü̃ i naane? —ñanagürügü.

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Ore i mexü̃ ga Márcu ümatüxü̃ 13:26

Rü ngẽxguma i duü̃xü̃gü rü tá nüxü̃ nadaugü ya Tupana Nane ya duü̃xü̃xü̃ ixĩcü nax caixanexü̃gu ínaxĩxü̃ i guxü̃ma i norü poramaxã rü norü ngóonexü̃maxã.

Ore i mexü̃ ga Márcu ümatüxü̃ 14:62

Rü Ngechuchu rü ñanagürü nüxü̃: —Ngü̃. Ngẽma nüxü̃ quixuxü̃ chixĩ. Rü tá nüxü̃ pedau ya Tupana Nane ya duü̃xü̃xü̃ ixĩcü i ngẽxguma Tupana ya Guxü̃étüwa Ngẽxmacüarü tügünecüwawa nato̱xgu i ngẽxguma caixanexü̃gu núma naxũxgu —ñanagürü.

Ore i mexü̃ ga Luca ümatüxü̃ 9:43

Rü guxü̃ma ga yema duü̃xü̃gü rü naba̱i̱xãchiãẽgü ga yexguma nüxü̃ nadaugügu ga ñuxãcü nax naporaxü̃ ya Tupana. Rü yexguma yema duü̃xü̃gü namaxã ba̱i̱xãchieyane ga yema Ngechuchu üxü̃, rü nüma rü norü ngúexü̃güxü̃ ñanagürü:

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Ore i mexü̃ ga Cuáü̃ ümatüxü̃ 17:2

Erü marü choxna cuxãga nax guxü̃ma i duü̃xü̃gümaxã ichacuáxü̃ca̱x rü nax chanamaxẽxẽẽxü̃ca̱x i guxü̃ma i duü̃xü̃gü i choxna cumugüxü̃.

Romanos 1:4

Natürü nümatama ya Ngechuchu rü üünecü nixĩ. Rü yexguma Tupanaãxẽarü poramaxã yuwa ínadaxgu rü Tupana tüxü̃ nüxü̃ nadauxẽxẽ nax aixcüma Nanexü̃chi nax yixĩxü̃.

1 Corintios 1:17

Yerü nüma ga Cristu rü tama choxü̃ namu nax duü̃xü̃güxü̃ íchabaiü̃xẽẽxü̃ca̱x, natürü choxü̃ namu nax duü̃xü̃gümaxã nüxü̃ chixuxü̃ca̱x i norü ore i mexü̃. Rü nanaxwa̱xe i tauxchaxü̃ i oremaxã nüxü̃ chixu i ngẽma ore. Erü ngẽxguma chi ñoma nüxü̃ cua̱xüchixü̃rüxü̃ nüxü̃ chixuxgu i ngẽma ore, rü ngürüãchi i duü̃xü̃gü rü tá chauguama narüxĩnüe rü tá nüxü̃ inayarüngümae nax Cristu yixĩxü̃ ga tüxü̃ maxẽxẽẽcü ga yexguma curuchagu nayu̱xgux.

1 Corintios 1:23

Natürü ngẽma ore i toma nüxü̃ tixuxü̃, rü Cristu ga curuchawa ipotacüchiga nixĩ. Rü ngẽma ore rü naãxẽwa nangu̱x i ngẽma Yudíugü. Rü ngẽma duü̃xü̃gü i tama Yudíugü ixĩgüxü̃ca̱x rü wüxi i natüca̱xmamare nixĩ.

1 Corintios 1:7

Rü ñu̱xma nax ípenangu̱xẽẽxü̃ nax wena táxarü núma naxũxü̃ ya tórü Cori ya Ngechuchu ya Cristu, rü taxuxü̃ma i Tupanaarü ngü̃xẽxẽ pexü̃́ nataxu.

1 Corintios 2:1

Pa Chauenexẽgüx, yexguma noxri petanüwa chaxũxgu nax pemaxã nüxü̃ chixuxü̃ca̱x ga Tupanaarü ore i Cristuchiga, rü tama ñoma nüxü̃ cua̱xüchixü̃rüü̃ãcüma pemaxã chidexa, rü tama ore ga guxchaxü̃maxã nixĩ ga pemaxã nüxü̃ chixuxü̃.

1 Corintios 2:4

Rü yexguma pemaxã chidexagu rü pemaxã nüxü̃ chixuxgu ga Tupanaarü ore, rü tama ñoma nüxü̃ cua̱xüchixü̃ãcü pemaxã nüxü̃ chixu ga ore nax pexü̃́ chanangúchaü̃xẽẽxü̃ca̱x rü peyaxõgüxü̃ca̱x. Natürü Tupanaãxẽ i Üünexü̃arü ngü̃xẽẽmaxã rü Tupanaarü poramaxã nixĩ ga pexü̃́ chanangúchaü̃xẽẽxü̃.

1 Corintios 5:4

Rü ngẽxguma Cristuégagu pengutaque̱xegü rü choma rü tá ta petanüwa changexma i chauãẽwa. Rü nüma ya tórü Cori ya Ngechuchu rü tá napetanügu nax norü poramaxã pexü̃ naporaexẽẽxü̃ca̱x.

2 Corintios 2:17

Rü toma rü tama Tupanaarü oregu diẽru ngĩxü̃ tayaxu ngẽma muxü̃ma i togü naxügüxü̃rüxü̃. Natürü Tupanape̱xewa rü aixcüma mea nüxü̃ tixu i ngẽma norü ore, erü nüma toxü̃ nimugü rü Cristuarü tixĩgü.

2 Corintios 4:2

Rü yemaca̱x nüxü̃ tarüxoe ga guxü̃ma ga yema chixexü̃ i ãne tüxna ãxü̃ rü yema cúãcü üxü̃. Rü tama tanawomüxẽẽãcüma nixĩ i namaxã nüxü̃ tixuxü̃ i ore rü tama tanaxüchicüü i ngẽma ore. Rü yema ore i aixcüma ixĩxü̃xicatama nixĩ i nüxü̃ tixuxü̃. Rü ngẽmaãcü Tupanape̱xewa rü duü̃xü̃güpe̱xewa togü itawe̱x nax nüxü̃ nacua̱xgüxü̃ca̱x nax aixcüma yixĩxü̃ i ngẽma nüxü̃ tixuxü̃.

Efesios 4:14

Rü taũtáma ñoma buxü̃gürüxü̃ tixĩgü i tórü õwa. Rü ngẽxguma ta̱xacürü to i ngu̱xẽẽtaexü̃ ixĩnüegu rü taxũtáma naga taxĩnüe nax tama ñoma buanecü ngextámare cuecürüxü̃ tüxü̃ yaxĩgüxẽẽxü̃ca̱x. Rü taxũtáma nawe tarüxĩ i ngẽma duü̃xü̃gü i norü doramaxã tüxü̃ womüxẽẽgüxü̃ rü norü ngu̱xẽẽtaemaxã tüxü̃ ítüexẽẽchaü̃xü̃.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

1 Tesalonicenses 2:19

Natürü ngẽxguma wenaxarü núma naxũxgu ya tórü Cori ya Ngechuchu ya Cristu rü ¿texémaxã tá nixĩ i nape̱xewa togü ticua̱xüü̃güxü̃ rü tataãxẽgüxü̃? Rü aixcüma pewa tá nixĩ i ítanangu̱xẽẽxü̃ nax tomaxã nataãẽxü̃ i ngẽxguma wenaxarü núma naxũxgu.

2 Tesalonicenses 2:9

Rü ngẽma Tupanamaxã rüxuanüã́xü̃, rü Chatanáarü ngü̃xẽẽmaxã tá ínangu rü ngẽmaca̱x tá naporaxüchi. Rü tá nanaxü i naguxü̃raü̃xü̃ i cua̱xruü̃gü i Chatanáarü poramaxã naxüxü̃ i namaxã duü̃xü̃güxü̃ nawomüxẽẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:4

Rü chanaxwa̱xe i ngẽma duü̃xü̃gümaxã nüxü̃ quixu nax nüxü̃ naxoexü̃ca̱x nax namaxã nangúexẽẽãxü̃ i ngẽma nacümagü ga nũxcümaü̃güxü̃ ga duü̃xü̃gü nagu ĩxü̃. Rü ngẽma ngu̱xẽẽtaegagu düxwa nügümaxã nanue i duü̃xü̃gü erü doramare nixĩ, rü tama aixcüma nüxü̃ narüngü̃xẽxẽ i duü̃xü̃gü nax mea Tupanaaxü̃́ yaxõgüãxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:7

Rü tama name nax naga cuxĩnüxü̃ i ñoma i naanecüã̱xarü ore i norü ĩnüwa ne ũxü̃ i tama aixcüma ixĩxü̃. Natürü name nixĩ i guxü̃guma cugü cuporaxẽxẽ nax yexeraãcü Tupanaxü̃ cungechaü̃xü̃ca̱x rü naxca̱x cumaxü̃xü̃ca̱x.

Norü taxre ga popera ga Pedru ümatüxü̃ 2:3

Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.

Nüxíraxü̃xü̃ ga popera ga Cuáü̃ ümatüxü̃ 4:14

Rü tomatama nüxü̃ tadaugü rü nüxü̃ tixuchigagü nax Tanatü ya Tupana núma namuxü̃ ga Nane nax guxü̃ma i duü̃xü̃güxü̃ namaxẽxẽẽxü̃ca̱x.

Popera ga Yúda ümatüxü̃ 1:14

Rü gumá nüxíraü̃cü ga duü̃ ga Adáü̃ rü nawe naxü ga gumá norü 7 ga nataxa ga Enóx. Rü nüma ga Enóx rü yema duü̃xü̃güchiga nidexa ga yexguma Tupana yadexaxẽẽgu, rü ñanagürü: “Nüxü̃ chadau ya Cori ya Tupana nax muxũchixü̃ma i norü orearü ngeruü̃gü i daxũcüã̱xmaxã núma ũcü nax duü̃xü̃güna naca̱xaxü̃ca̱x i norü maxü̃chiga rü napoxcueãxü̃ca̱x i guxü̃ma i ngẽma chixexü̃ ügüxü̃ rü namaxã guxchigagüxü̃”, ñanagürü ga Enóx ga Adáü̃taxa ixĩcü rü yema duü̃xü̃güchiga nidexa ga yexguma Tupana yadexaxẽẽgu, rü ñanagürü: “Rü nüxü̃ chadau ya Cori ya Tupana nax muxũchixü̃ i norü orearü ngeruü̃gü i daxũcüã̱xmaxã núma ũcü nax duü̃xü̃güna naca̱xaxü̃ca̱x i norü maxü̃chiga rü napoxcueãxü̃ca̱x i guxü̃ma i ngẽma duü̃xü̃gü i chixexü̃ ügüxü̃ rü namaxã guxchigagüxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:7

¡Rü dücax, marü ningaica nax caixanexü̃gu ínanguxü̃ ya Cristu! Rü guxü̃táma i duü̃xü̃gü nüxü̃ nadau, rü woo ga yema nacanapacütüxü̃güxü̃ rü tá ta nüxü̃ nadaugü. Rü guxü̃ i duü̃xü̃gü i guxü̃ i nachixü̃anecüã̱x rü norü ngechaü̃maxã tá naxauxe i ngẽxguma ínanguxgu i nümax. Rü ngẽmaãcü tá nixĩ.